ابي حل مليت من هالسالفه

[-_-Designer-_-]

السلام عليكم

شلونكم بنات حساكم بخير ؟

بنات انا عندي مشكله مظيقه خلقي حيل , وابي حل انا زوجي عصبي و من النوع الي بسرعه يتنرفز حتى لو الموضوع ما يستاهل هالنرفزه , بنات انا 24 ساعه بالبيت معاه واطلع معاه و عندي ولد على طوول ماسكته و مهتمه فيه خدامه ما عندي, بس في طلب من اطلبه منه يسويلي سالفه يعني مثلا بطلع مع خواتي , اهو كل اسبوع يروح مع ربعه و يشوفهم وساعات يكون مرتين بالاسبوع , و انا ما طلبت شي منه بس اني ابي اطلع مع خواتي او بروح بيت رفيجتي اغير جو على ما يرد اهو من طلعته يقولي لا واهو متنرفز والله اني اكلمه بأدب واسلوب هادي و ما احن عليه و اهو مع ذلك يعصب علي ويتنرفز و ويظل طوول اليوم منفس حتى لو اراضيه ! و يستفزني وانا امسك اعصابي والله عمري ما غلطت عليه بس اهو عادي :eh_s(2): , و اقوله بروح رفيجتي عازمتني و من زماااااااااااان مو شايفتها و هذي رفيجتي روح بالروح ومن عمر و بروح بيتهم يقولي انتي ما تعرفين تقعدين بالبيت ؟! قلت له انا خو بالسنه مره اقولك و يقولي لا اقوله كا انت تطلع مع ربعك يعصب ويقولي انا بالاسبوع مره ذالتني على هالطلعه :rgewrg: ! تناقض وانا مو بالاسبوع مره انا ابي بالسنه مرة راضيه , و انا مليت من هالروتين ابي اغير جو :eh_s(2): و حتى امس قلت له ان بنت خالي كلمتني تبيني يا ايي عندها او اهي تيي عندي و ما رضه قالي ما تيي عندج ولا تيين عندها قلت له انزين خلاص اخليها عزيمه بيت امي اعزم رفيجاتي و الاهل قالي ما ابيج تتعودين عالهشي , معني ما غلطت ,اليوم طلعت و شريت له ورد و ظل منفس وانا اسوي روحي غبيه و عادي اتكلم معاه وبعدين قلت له تحبني قال شنو ؟! قلت له تحبني قال اي واهو منفس طبعا قلت له نفس اول ولا اكثر قالي ترى مالي خلق و بعدين رحت الدار و بعدها بفتره ييه و عطاني ظهرة وناام ولا هميته و الله خانقتني العبرة وقمت من الفراش و ييت اشتكي لكم و الله اني مخنوقه

 

[-_-Designer-_-]

اب اب

 

[لوفيه]

ياعمري عسى الله يفرجها

حسب مافهمت اهوا كله بالبيت وانتي تقولين بطلع

يمكن حاس انج متملله منه وتبين تشوفين احد غيره

انزين طلعي معاه دام موراضي يطلعج

والله ودي افيدج بس مزاجه صعب الله يعينج

 

[دلوعة صلوح]

الله يهدى لج يارب العالمين اغلب الرياييل جذى فيهم انانية يطلعون مع ربعهم وحريمهم

عيب يطلعون .

 

[هاديه احمد]

الله يفرج همج
اب
اب

 

[-_-Designer-_-]

مشكورين بنات عالرد و الله يصبرني و يصبر كل وحده تعاي من مشاكلها مع ريلها

 

[شموخ احساسي]

عسى الله يهديه وانتي مالج غير الصبر دامه سامح لج تزورين اهلج خلاص شتسوين بعد مع الايام وكثرت المسؤوليه بيفج

 

[*درر*]

الله بعووونك ادعي ربك يشيل هالعصبيه أهي بحد ذااتهاا تمرض صاحبهاا شلون اللي حوله

انت حاااولي تفاهمين معه ان هذاااا حق من حقووقك شنوو يعني مطلبيتي شيء
نقشيه بوقت مااهو مهدي ومروق شحقه يرفض يمكن يغااار أو يخاااف أحد يقلبك عليه أو مااايحب اللي تروحيلهم أو أهوو بيتوتي أنزين سوي حل وقت ماايطلع تطلعي انتي وتردوااا سوى

 

[-_-Designer-_-]

هذي سالفتي بالتفصيل

بقولكم السالفه , زوجي كل جمعه يطلع يروح مع ربعه يشوفهم , و انا اكون يا قاعده بالبيت او اروح بيت امي , الحين حتى بيت امي مو قاعده اروح لما يطلع اكون قاعده مع ولدي بالبيت و ما عندي خدامه كله انا مجابله ولدي , فمره دقت عليي رفيجتي و قالت لي انا عازمتج يوم الجمعه بيتنا و بعزم رفيجاتنا الي كانو معانه بالثناويه عفيه تعالي قلت لها انشالله اقول حق زوجي وارد لج خبر و قلت له بأسلوب هادي اني معزومه و قالي لا قلت له ليش قالي و ولدج ؟! قلت له آخذه معاي وانا اهتم فيه و اييب اغراضه , قالي يصير خير و سكت وبعدين ذكرت ان يوم الجمعه بنروح البر مع الاهل , وقلت له بأجل البر اليوم الي بعده ولهانه على رفيجاتي وحابه اقعد قالي من صجج تأجلين البر عشان رفيجاتج ؟! قلت له خلاص اوكي و اعتذرت من البنت وعدت السالفه , بعدها بنفس اليوم كلمتني بنت خالتي قالت لي من زمان ما شفتج و سولفنا شوي جان تقولي تعالي على يوم عندي او ايي انا عندج حابه نقعد مع بعض مع العلم انها متزوجه قلت لها اوكي خليها الجمعه مو هالاسبوع الي وراه يكون زوجي طالع و انشوف يا انا ايي عندج او انتي تيين قالت اوكي , قلت له جان يقولي انتي دقمه اي شي يقولونه لج تقولين ابي , قلت له انا على طول بالبيت و انا ما اقولك اني بطلع الا بالسنه حسنه و قلت له كا انت تطلع و تشوف ربعك كل اسبوع جان يقولي ذالتني على هالطلعه كلها مره بالاسبوع !! تناقض , و يقولي ما تقعدين بالبيت جابلي ولدج جابلي ريلج ؟! معني انا 24 ساعه بالبيت والله ما اطلع لا مع اهلي ولا حتى بيت رفيجاتي , ويغلط عليي و قلت له كا بنت خالتي زوجها يرضى ومادري منو يرضى , قالي لا تقارنين وانتي تحنين وايد تحنين معني ما حنييييييييت ؟!! و من نرفزته قعد ولدي من النوم قالي شيلي ولدج وذلفي الصاله , ورحت وانا ابجي و وما رديت الدار الا عالساعه 5:11 الصبح بالضبط و نمت من التعب , وبعدين راح دوامه و انا ظليت نايمه و بعدها قعدت وقت ردته من الدوام يايني نفسيييييه , بعدها طلع و انا رحت شريت له ورد عشان ابي ألطف الجو و ابي الامور تهدى , ييه خذا الورد و حطه عالطاوله و من غير ولا كلمه و هم منفس سويت نفسي غبيه و مو فاهمه عشان ما ابي الامور تكبر و اتكلم معاه ولا جنه صاير شي , و بعدها بفتره قلت له تحبني ؟! جان يقولي اي بكل نفس قلت له شكثر جان يقولي ترى مالي خلق وبعدها رحت الدار حطيت راسي عالمخده بحاول انام ماني قادره من الظيقه الي فيني , وبعدها ييه وعطاني ظهره ونام ولا هميته ؟!

ابي حل اوالله مليت من هالروتين حياتي كلها حق بيتي و زوجي و ولدي الله يخليهم لي بس الي ابيه اني اطلع مع اهلي لو بالسنه مره او ازور رفيجاتي , والله خواتي و بنات خالتي كانو يدقون عليي يقولون لي تعالي امشي خالنطلع , الحين ما قامو يقولون لي , وكنت كل ما يقولون لي عن طلعه ولا عزيمه اتظايق لاني عارفه الرد! , و حتى لو لو ما رضه انا اكيد ما راح اطلع بدون شووره بس ليش هالنرفزه وهالنفسيه و هالتجريح و يغلط عليي عشان بس قلت بطلع شوي ؟! وانا مو حابه اندثر بين اهلي وصديقاتي يعني كلهم يتيمعون ويستانسون و بعدها راح اكون منسية ! ​

 

[سلطانه العتيبي]

الله يعينك خيتووووو .... ذولا الرجال انانييين لو بيدهم حطونا بعلب زجاج عشان يتابعون تحركاتنا هههههه

 

[-_-Designer-_-]

ياعمري عسى الله يفرجها

حسب مافهمت اهوا كله بالبيت وانتي تقولين بطلع

يمكن حاس انج متملله منه وتبين تشوفين احد غيره

انزين طلعي معاه دام موراضي يطلعج

والله ودي افيدج بس مزاجه صعب الله يعينج

انا اطلع معاه كل اسبوع , بس انا حابه اغير جو يعني صار روتين ممل عرفتي يعني حفظنا سوالف بعض اهو يكسر روتين لما يطلع مع ربعه و انا قلت وقت الي بيطلع انا اروح وارجع معاه بنفس الوقت وين المشكله مادري , وحتى يا ريت لو انا 24 ساعه قايلتله بطلع او طالعه و الله حياتي كلها لزوجي و ولدي الله يخليهم , و مشكووره حبيبتي عالهالدعوه و الرد

 

[sosowaty]

الله

 

[-_-Designer-_-]

عسى الله يهديه وانتي مالج غير الصبر دامه سامح لج تزورين اهلج خلاص شتسوين بعد مع الايام وكثرت المسؤوليه بيفج

والله تعبت و مليت , و انا وحده اجتماعيه احب القعده و الوناسه و اليمعات , اهو مو مخليني حتى شوي ؟! كل ما فاتحته بالموضوع يسويلي سالفه ما تسوى عليي , وانا ما اودي اعوده على هالطبع بعدين اندثر بين الكل , الحين الكل يسأل عني و بعدين محد بيدري عني اذا انا ما قمت اوجب الناس ولا اتواصل معاهم بعدين منو بيني و محد بيسأل عني ؟! , ومشكوورة عالرد وعلى هالدعوه

 

[sosowaty]

الله يعينج و يسخره لج

 

[الزيـــــ^^ـــــن]

خلآص حبيبتي هذا طبع زوجج شتسوين بعد امرج لله
والله مع الايام بيتغير / بس خلاص لاتقوليله بروح لفلانه وجذي/ انتي عرفتي طبعه مايرضى
موانتي تروحين بيت امج واعديهم هناك وخل ايوونج تشوفينهم من غير لاتقوليله
وتنحل الامور بس يبيلج صبر والصبر مفتاح الفرج / والله يهديه

 

[-_-Designer-_-]

الله يعينك خيتووووو .... ذولا الرجال انانييين لو بيدهم حطونا بعلب زجاج عشان يتابعون تحركاتنا هههههه

هههههههههه اي والله صاجه , ومشكوره عالمروور

 

[-_-Designer-_-]

الله بعووونك ادعي ربك يشيل هالعصبيه أهي بحد ذااتهاا تمرض صاحبهاا شلون اللي حوله

انت حاااولي تفاهمين معه ان هذاااا حق من حقووقك شنوو يعني مطلبيتي شيء
نقشيه بوقت مااهو مهدي ومروق شحقه يرفض يمكن يغااار أو يخاااف أحد يقلبك عليه أو مااايحب اللي تروحيلهم أو أهوو بيتوتي أنزين سوي حل وقت ماايطلع تطلعي انتي وتردوااا سوى

قاعده احاول كثر ما اقدر , و انشالله بناقشه ب و بتفاهم معاه باجر بس يهده و يرد على طبيعته لان مايصير جذي والله , انا نفسيا تعبت و مليت , انا نفسي ما ادري شسبب الرفض و لما اسأله يقولي جابلي ولدج ريلج ولما اقوله آخذة معاي انا امسكه واهتم فيه يعصب ويقولي لا ! , و مشكوورة عالرد , وانشالله يارب تنشال منه هالعصبيه وارتاح :yaaaaaarb: , و عالطلعه سوى انا كلمته بالهشي ومع ذلك رفض يقولي كلها ساعتين بروح وبرد

 

[ام الحلوااات]

اللــــــــــه يـــــهـــــديـــــه ويــــســــخـــــــــره لــــــج

 

[جلكسيه اس 3]

مايصير جذي. بعدين حتى اليهال يتعود على قعدة اليهال
و بعدين انتي ما طلبتي شي قوي عشان يرفض
كل الناس من حقها اتزور و تنزار
عموما الله يهديه

 

[-_-Designer-_-]

مشكورين بنات عالردوود , بس اذا عندكم حل اني اقنعه او شي يعني ابي كلام مقنع و بنفس الوقت ما يتنرفز مني و ودي اوصل له المعلومه و يقتنع لاني انا مثل ما قلتو ما طلبت شي و هالشي من حقي , بنات شقوله بالضبط ؟! وهل طريقتي غلط الي تخليه يتنرفز ؟! و ما يقتنع !