ابي حل مليت من هالسالفه

[سفيره الكويت]

دمعتين حلوين على جم كلمه حزن بصوت دلوع وتذوبين بحضنه وانتي تقولين بلحظات رومانسيه ساحره سيقتنع الريال انك انسان يحتاج

لكسر الروتين وربما يخرجك من البيت وتتفسحون انتي وولدك وزوجك والله يخليكم لبعض

واذا نجحت الخطه وخرجتوا بس تردون البيت لمييه وقولي له استانست وااايد يعطيك العافيه خلج طفوليه وقولي له تكفه كل نهايه اسبوع

طلعني مره انا مالي غيرك انت وولدي عسى الله يخليكم لي

ابي اسمع تعليقج بعد التجربه

 

[-_-Designer-_-]

سفيرة الكويت حبيبتي مشكوورة عالرد , انا مو مشكلتي عالطلعه معاه و مع ولدي انا اطلع معاه بالويك اند , بس انا اقصد ان ابيه يخليني اطلع مع اهلي , اشوف رفيجاتي ازورهم يزوروني , ما يبني احتك فيهم نهائيا من اقوله اني بطلع مع خواتي وبنات خالاتي او بروح عند رفيجاتي البيت او ييون عندي يسويلي سالفه هذي مشكلتي , و مشكوووووورة مرة ثانيه عالرد و عالمروور وانشالله بتفاهم معاه باجر و اكتب لكم شصار

 

[بنوته كيكه]

لحول ولا قوة الي بالله اختي اوكي وق يكون طالع روحي بيت اهلج وعزمي رفيجاتج
او اهو طالع قولي انا بعزم رفيجاتي بدال انك طالع ماتودني لهم اخليهم يجون عندي
وعساء ربي يهديه انشاءالله

 

[هاجس الشوق]

الله يعينج والله ويعيني حاسة فيج وضعي نفس وضعج واسوء ان شاء بنلاقي حل

انا المشكلة لا ييت اناقشه يقول انتي تحنين وااايد ليش الحنة ليش ليش العتاب يشوف كلامي كله عتاب مع اني احبه وارضيه بشكل ما يتصور عالبال وكل شي حاضر وان شاء الله وهم مو عاجبه بعد

الله المستعان

 

[-_-Designer-_-]

لحول ولا قوة الي بالله اختي اوكي وق يكون طالع روحي بيت اهلج وعزمي رفيجاتج
او اهو طالع قولي انا بعزم رفيجاتي بدال انك طالع ماتودني لهم اخليهم يجون عندي
وعساء ربي يهديه انشاءالله

قبل جم شهر سويتها لما يطلع قلت له بعزم رفيجاتي بيت اهلي مرة بس صج يوو و امس لما قلت له اني بعزم رفيجاتي وبنات خالاتي بيت امي قالي لا ما ابيج تتعودين على جذي , انزين ليش بدام انك طالع ولا ترضا اروح لحد ولا ترضى حد يي عندي البيت ولا فبيت امي بصراحه قمه الانانيه و المصاخه يحسسني كل اسبوع بعزمهم :eh_s(16): , و مشكووره عالرد يسلموو

 

[-_-Designer-_-]

الله يعينج والله ويعيني حاسة فيج وضعي نفس وضعج واسوء ان شاء بنلاقي حل

انا المشكلة لا ييت اناقشه يقول انتي تحنين وااايد ليش الحنة ليش ليش العتاب يشوف كلامي كله عتاب مع اني احبه وارضيه بشكل ما يتصور عالبال وكل شي حاضر وان شاء الله وهم مو عاجبه بعد

الله المستعان

و الله حتى انا مثلج والله ما احن نفس الكلام يقولي , وانا اكلمه والله بأسلوب وهدوء واهو يعفس لي الدنيا بعصبيته :eh_s(2): ما يحاول يناقشني بهدوء يستفزني و يحاجيني بأسلوب بايخ و آخر شي اطلع انا الغلطانه واراضيه و يظل منفس :eh_s(4): , ومشكووره عالرد

 

[بنوته كيكه]

شنو هذا حتي لو تعزمينهم في البيت عندج بعد لا تعودين يقول بعد ؟
اوكي قولي لا موعزيمه بس شاي وقهوا وفطاير وحلو
واذا انتي تنامين عند اهلج سوي اهناك عزيمه احسن

 

[أم ميميتو]

حبيبتي الله يعينج والله انا حاسه فيج انا عندي ولد وما عندي خدامه و ليل نهار مجابلته الله لا يحرمني منه بس الوحده تحتاج تغير جو عشان نفسيتها تتغير انا زوجي بعد نفس الشي ما يرضى اطلع مع رفيجاتي بس اهون من ريلج يعني رفيجاتي اذا بشوفهم اعزمهم عندي او عند امي بس مو دايما يعني من تزوجت صارلي ثلاث سنين عزمتهم خمس مرات تقريبا اما اني اطلع معاهم ممنوع زوجي ما يرضى الحمدلله على كل حال نضل احنا احسن من غيرنا*

 

[-_-Designer-_-]

مشكووورين حبايبي عالردوود و الله ما قصرتوو , انشالله الله يهديه ويفهمني لاني بجد تعبت ومليت من حياتي صارت روتين ممل احتاج تغيير جو و الله يهديلنا ازواجنا و يصبرنا

 

[نوني الحلوه]

المشكله فيك انتي مو هووو
للاسف
بطلي تهتمين برغباته
واذا الشي تسوينه صح كملي ماعليك
اذا تبين مساعده راسليني

 

[زوجة عزيز]

الله يسخره لج صبري ياحبيبتي ترا وايد مثل ريلج وريلي مثله واكثر بعد

 

[ماني من الناس]

ولله حالتج صعبه

زين لما تكلمينه ابجي يمكن يحن عليج لان ماظل شي ماقلتيه ومافاد معاه

ابجي بهدوء ووطي صوتج يمكن ينكسر خاطره

قوليله خاطري اقعد مع رفيجاتي ابي اشوفهم من زمان ما شقتهم الخ دبري لج كم كلمه مع كم دمعه

يمكن يحن قلبه

ترا الدموع لها مفعول خصوصا اذا كنتي تتكلمين بصوت واطي عن تجربه هه

 

[-_-Designer-_-]

مشكورين حبايبي و ما قصرتوو , ماني من الناس انشالله بجرب هالطريقه وانشالله تفيد

 

[PuPa^^SWeeT]

الرياييل اطبااع

للاسف انج لازم اتحملين وتصبرين و تدعين ربج


بس هقوتي انه يغااار عليج من رفيجاتج


اطباع الرياييل شتسويين