ابي اطلق و المشكله مني؟؟بليز دشوا؟؟

[جوري وبنفسج]

السلام عليكم

لا تستعجلين وتندمين

صلي صلاة إستخارة

وعليج قراءة سورة الأنبياء بعد كل صلاة وبإذن الله ربي يرزقج الذرية

ترى في ناس وايد قرأها وربي رزقهم .​

 

[فيونه المزيونه]

نطري تو الناس ان شاء تعالجين وتيبين كوكش عياال وشيلي فكره الطلاااق من رااسج

 

[سر الأنوثه]

حبيبتي الطب تطور لا تنفصلين والله يرزقج بالذريه الصالحه انشالله ياما ناس ما يابو عيال اول جم سنه بعدين الله رزقهم وصبري وروحي عالجي اذا في مشكله وكل مشكله لها حل

 

[اميره1980]

ودييييييييييييييييي اطقج بطيتي جبدي على كسرتي خاطري
الحين الطب قاعد يطور و انتي من كلامج مو عقيم يعني قاعده تتعالجين وين المشكلة؟؟؟؟؟؟؟
الحين وين الوحدة تحصل واحد متمسك فيها لهالدرجة و تهده حرام عليج
الحين الرياييل صايرين يطلقون على اتفه الاسباب و انتي بايعه الريال
لا تحطين الفكرة براسه يعدين يسويها صج تتحسفين
لا تيأسين من رحمه ربج عليج بالدعاء و الاستغفار و ربي راح ينصرج و لا تفكرين بالموضوع وايد لان يأثر على نفسيتج و يصير صج
خليها على الله و ربي يرزقج الذرية الصالحة بنين و بنات يا رب

 

[الحلا وذوق]

رد : ابي اطلق و المشكله مني؟؟بليز دشوا؟؟

حبيتي صارلج سنه احمدي ربج ناس 20 سنه نصيحه روحي حق الدكتور الفاطمي برويال حياة هو منتدبمن بلجيكا وراح تدعيلي والله اعرف وحده 15 سنه ماجابت وكانت تعالج عنده بلجيكا والله رزقها والحين جابوه برويال

 

[بنوته توته]

حبيبتي لا تخربين حياتج بيدج وترفسين النعمه الريال يحبج وشاريج وعلى فكره لا انا ولا انتي نعلم الغيب واليهال نعمه من الله محد يدري ناس تحمل وتوصل لي التاسع ويموت الياهل ابطنها وناس تحمل لي الخامس وتطيح ومو معناته ان قالت لزوجها روح تزوج لا قعدت وصبرت ليما الله كتب لها هالنعمه

انتي ما تدرين عن شي بنت خالتي قالتلها الدكتوره انسي شي اسمه حمل مستحييييييييييييييييييييييييييييييييييييييييييييييييييييل انتي ما فيج عقيـــــم قعدت وايست ولا عالجت وشنو الصدفه ,,,, حمــــلت الله كريم لا تتحكمين بالغيب وانتي ما تدرين
ولا تخربين حياتج وحياته وهو شاريج
خلي ثقتج بالله كبيره الله خلق هالكون كله اللي جدامج موو واثقه انه ممكن يرزقج بالي تتمنين لو تضرعتي له وسجدتي وطلبتي

والرسول عليه افضل السلام قال

صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .رواه البخاري و مسلم

ويقول بعد هل منادي استجيب

لا تخربين حياتج وحياة هالريال لانه يحبج واستغفري وتمسكي بريلج
وكشخيله وونسيه وعيشوو احلى عيشه والله ما ينسى عبده دام عبده مو ناسيه

والله يرزقج بالذريه الصالحه ان شاء الله

ونصيحه لا تخربين حياتج انتي بنعمه مو عارفه قيمتهاا شوفي مواضيع اللي زوجها يطقها واللي يخونها واللي مو معبرها واللي واللي واللي

روحي صلي ركعتي واستغفري وادعي ربج يوفقج ويرزقج باللي اتمنين

وعقبها بدلي وكشخي وروحي انتي وزوجج وطلعي معاه طلعه رومانسيه واعتذريله انج فكرتي تتنازلين عنه والله يوفقج ياارب

 

[أحلى_نونه]

الله يرزقج حبيبتي
ماحبيت اطلع من غير رد

 

[A7la KatkoOota]

رد : ابي اطلق و المشكله مني؟؟بليز دشوا؟؟

حبيبتي جيكي على الخاص

 

[هيبة ملك]

لاتفكرين جذيه

حبيبتي عالجي

كاه أحنا نعالج ونركض بكل صوب ولا يأسنا

ياقلبي أنت تعوذي من الشيطان ولاتخربين حياتك

 

[ماريا ابنة الحي]

مو من صجج!

ليش مو صبوره؟

كلش مافي صبر


ان الله مع الصابرين

ادعي وانتي تقومين الليل

الصبر زين

انا مرت عمي 5 سنوات وبالاخير الله رزقها بتوأم

الله يرزفج بالذريه الصالحه

ان شاء الله يكونون عيالج درزن لوووووووول

موقفه اختي

 

[شيماء معرفى]

رد: رد : ابي اطلق و المشكله مني؟؟بليز دشوا؟؟

:eh_s(8):شكرا يا عمري تسلمين

بصراحه ماعندج ساالفه صج انج معقده نفسيا وجسديا ودنيويا بس مااقول غير الحمدالله على نعمة العقل وانتي فهميها !! :/

 

[Sarooii]

ذكري الله و شيلي فكرة الطلاق من راسج .. لانج جذي قاعده تزيدين هم ريلج
اهوا يحبج و انتي تحبينه ،، حرام تضيعين هالشي! عليج بالدعاء و الاستغفار و انشالله الله يرزقج ،،

 

[شيماء معرفى]

عندي حماتي الصغيره كل ما رحنالهم قامت تيب اسم العيال و تقول يا ريت اشوف عيالك يا...مع انه تدري فيني .وفي مارات بعد تقوله روح تزوج عليه وفك نفسك مع انا خالتي تموت علي حرام و دايمن تدعيلي واهو من هذاك اليوم قالي مالج حق تروحين بيت اهلي بروحج انا اكون احسن عشان ماحد يضايقج يعني حتي اهو يضغطون عليه.وهذيج الجمعه دقت علي حماتي هااااا حملتي والا لا؟احده استفزاز ,عشان جذي ضاقت فيني الدنيا امس باليل يا جان يقولي تعالي انسافر ونستانس .ما ادري اوافق ؟؟ولا لا؟

 

[اشتياق]

عادي

توج..

والرزاق حي..وربج كريم ..ومايخيب اللي يدعيه ..

الطب تطور وماكو شيء مستحيل ..لاتخسرين زوجج باجر يقولج انتي بعتيني كيفج..!

 

[noorq8]

عندي حماتي الصغيره كل ما رحنالهم قامت تيب اسم العيال و تقول يا ريت اشوف عيالك يا...مع انه تدري فيني .وفي مارات بعد تقوله روح تزوج عليه وفك نفسك مع انا خالتي تموت علي حرام و دايمن تدعيلي واهو من هذاك اليوم قالي مالج حق تروحين بيت اهلي بروحج انا اكون احسن عشان ماحد يضايقج يعني حتي اهو يضغطون عليه.وهذيج الجمعه دقت علي حماتي هااااا حملتي والا لا؟احده استفزاز ,عشان جذي ضاقت فيني الدنيا امس باليل يا جان يقولي تعالي انسافر ونستانس .ما ادري اوافق ؟؟ولا لا؟

روحي سافري واستاااانسي وياعمري لي فتحت أي وحده سواء من أهلج او أهله هالموضوع راسا سكريه قولي رجاءا هذي امور خاصه مو من حق احد يتدخل فيها جذيه بالويه وياعمري ماتدرين وين ربي كاتب لج الخيره فيه زميلتي بالدوام بعد 25 سنه حملت وكانت مسويه 12 محاولة طفل أنبوب وكلهم فشلوا وبالأخير حملت بدون علاج لاتيأسين من رحمة ربج والزمي الاستغفار ,شوفي لج سي دس مال الشيخ العريفي عن الاستغفار وخلي أملج بالله كبير .

 

[أميره بلا قصور]

لاحبيبتي لاتتطلقين نطري ..انا اعرف بنات حملوو بعد 7 و10 و15 سنه والله العظيم وكان العيب منهم...

 

[بنت امير القلو9]

انا بس حبيت اسالج سؤال ؟؟
اذا كان العيب فيه بتتركينه ؟؟؟؟
طبعا انا متأكده انج ماراح تتركينه انا اقول خليج معاه واالله يرزقكم الذرية الصالحه
وكثري من الدعاء والاستغفار والعباده وخصوصا الرمضان عالابواب وما أوصيج بالعشر الاواخر عشان تشهدين ليلة القدر ان شاء الله
والله اني اعرف وحده حملت عقب 19 سنه وجابت تؤأم بنات ما شاء الله الله يخليهم لها ان شاء الله وروحي سافري واستانسي ولو منج اروح العمرة وادعي والله يكتب لج اللي فيه الخير يـــــــــــارب

 

[*ريما*]

رد : ابي اطلق و المشكله مني؟؟بليز دشوا؟؟

توك سنة ويئستي
اصبري
ان الله مع الصابرين
والله يرزقك يارب

 

[شووقة]

عالجي وانشالله تحملين وسالفة الطلاق انسيها

 

[انتظر حبه]

رد : رد: ابي اطلق و المشكله مني؟؟بليز دشوا؟؟

لانفصلين



العلم تطور

وماتدرين الله بيرفق بحالكم
تعالجي وادعي ربج

اعرف وحدة عقب 15 سنة يابت بنت
وعقبها توأم صبيان ماشالله

اذا تحبون بعض خلكم مع بعض - الله بيرزقكم ان شالله

تنفصلين عنه بسبب شي ماتدرين عنه (محد يعلم علم الغيب) وان شالله اتييبين له 10

انا مع الاخت وانتي عالجي والله ان شاء الله يرزقج