ابي اطلق و المشكله مني؟؟بليز دشوا؟؟

[دلوعة روحي]

صبري

ان الله مع الصابرين

وحده من اهلنا بعد 15 سنة الله رزقها

ما تدرين شنو الله كاتبلج

و الله يرزقج ان شاء الله

 

[النرجسيه...]

حبييبتي شنووو هالقراار الجنووني ... تعاالجي ورووحي لدكااتره واهم شيء الاستغفاار انصحج فييه وبعديين انتي كذاا بتخربيين بييتج اصبري عادي المى يجيج عياال وان شااء الله يجييج عياال تعااالجي برااا بس لااتتطلقيين ...استغفر الله فيه نااس قعدواا خمس سنواات وعشره سنواات وبعديين ربي رزقهم شييلي فكره الطلااق من باالج تكفييين عشاني .... وماافي شي مستحييل على الله ... رووحي لريلج وقوولييله خلااص ماا ابي الطلااق فرحييه حراام علييج...

 

[بولندية]

ماااااا شاء الله عليج
و الله اهنيج على عقلج الكبير و تفكيرج الحلو وصبرج الله يتمم عليج يا رب و يوفقج دنيا و اخره

اكيد البنات كفوو وو فووو


واسغفري ربج و حافظي على صلاة الفجر بوقتها و الله يرزقج ان شاءالله

 

[nooooof]

حبيبتى الله يكون بعونك بس زوجك لا تخسرينه ترا لى راح ما يرد بيقول هى ما تبينى خلك معاه وادعى الله واحنا بعد بندعى لك ربي يرزقك بدال الطفل توأم تفرحين فيهم وتحبينهم صدقينى ماراح يخليك لانه يحبك وانت لا تخلينه دام انك تحبينه حرااام عليك لا تحرمينه منك ولا تحرمين نفسك منه عالجى سافري عمره لفى العالم بس لا تهدمين بيتك بيدك يا عمرى الله يرزقك يارب ويعطيك بس ادعى واستغفرى الله والله رحيم بعباده ربي يهنيك ويسعد ايامك

بنات تكفون ادعوا لى ان الله يحببنى بزوجى اكثر ويحببه فينى اكثر واكثر ويهديه لى ويهدى اهله على

بنت عطا ولى الفخر

 

[ساندريلا]

حبيبتي انتو جم سنه صارلكم متزوجين؟؟؟؟؟ علشان تقررين هالقرار الصعب؟

 

[ساندريلا]

:aha:لا انا قصدي سنه و مافي نتيجه بس انا متزوجه سنتين ,والله ماقصرتوا.حيرتوني ,كلكم نفس خواتي اذكر لما كنا بالجامعه كان يقولي انسمي بتنا مني وكان اكثر كلامه عن بيبي و... عشان جذي لما اتذكر احس روحي بتطلع. صدقوني من كثر حبي له افكر جذي.بس الله يعلم الي فيني.الله يجازيكم باحسن جزا .شكرا لوقفتكم معاي

------------------------
حبيبتي محاوله سنه بس وهذا قرارج؟؟؟ من صجج انا علبالي قعدتي معاه فترة طويله

ترى العلم تطور حاولي اكثر واكثر حرام ترى منتي خسرانه
تخسرين بيتج وريلج بسبة هالشي تو الناس على هالقرار اصلا ليش فاتحتي ريلج بهالموضوع يعني لو اهو مكانج جان هديتيه؟؟؟

 

[pusy cat]

الحين اهو ماطلقج انتي تبين اتطلقينه !!

الرجال يحبج والعيال الله يجيبهم يبا الطب تطور

في الف حل غير الطلاق

كلش كلش اذا كان كاسر خاطرج خليه يتزوج وحده يجيب منه عيال وانتي على ذمته

ترى الاسلام حلل اربع والله له حكمه بهالشي

انا لو بموقفج اذا مانفع معاي العلاج اخليه يتزوج علي

شنو راح استفيد لما اتطلق منه وارد بيت اهلي ؟؟ منو راح ياخذني وآنا مطلقه وما اجيب عيال؟؟

انتي خسرتي العيال لا تخسرين الزوج بعد

ترى المره تحتاج رجال يعيش معاها يحميعا ويستر عليها

لاتظلمين روحج وتظلمينه واذكري الله صدقيني راح تخسرين كل شي اذا تطلقتي منه

 

[غلا ستايل]

احس ما عندج سالفه الحريم تدور الحب ادورة واذا على الانجاب نطري الله بيرزقج نشالله

واذا تبون اعيال تبني

من دار الايتام

 

[eman84]

البنات ماقصروا

والله يرزقكم الذرية الصالحه

 

[pusy cat]

بنت عمتي ماجابت عيال الا عقب سبع سنين والحين ماشالله بنتين

ووحده بعد من اهلنا من بعيد صارلها يمكن عشر سنين وماشالله جابت اربع توائم عقب

اذكري الله لاتصيرين حساسه حيل وتأزمين زوجج معاج

الزمي الاستغفار وادعي ربج

الله ما ابتلاج الا انه يبيج تدعين وتلجأين له

وعسى الله يرزقج الذريه الصالحه السليمه

ردي علاقتج مع زوجج طبيعي وتعذري منه وقولي كانت نفسيتي تعبانه شوي

 

[najdeya]

عورتي قلبي

صج المال و البنون زينة الحياة الدنيا محد ينكر هالشي

بس تذكري ان ابغض الحلال عند الله الطلاق

الريال راضي و مستعد يكمل العمر وياج و لا شكى لج الحال

نصيحه و بدون تفكير لا تتطلقين ربج اذا كاتب لكم عيال راح تجيبين عيال لو شنو كان كلام الدكاتره

انا اقولج مسحي دموعج و قومي صلي ركعتين شكر على النعمه اللي انتي فيها

شوفي غيرج متزوجين و عندهم عيال و الريال "الله بالخير" لا حب و لا شي

يابنت الناس الله الرزاق مو انتي و بعدين الطلاق مو حل لان الرايل ما خذاج "فقاصة بيض" و اسمحيلي على التعبير

الريال خذاج حبا فيج و في طبعج

و اذا على سالفة اليهال ربج موزع الارزاق ما تدرين شنو خاش لكم بالمستقبل

عسى الله يهدي سرج و يوفقكم و يسخركم لبعض و يرزقكم من حيث لا تحتسبون :**

 

[انا مو هني]

رد : ابي اطلق و المشكله مني؟؟بليز دشوا؟؟

لاااااء ليش تتطلقين
عاد
؟؟
عادي عيشي حياتج ولا تحسسينه بالنقص
ترا انا عندي خالتي ماتييب عيال
معن اهيا مو حلوا ولا شي
بس زوجها يحبها
والحين اهيا عيووزااا
واهما عايشين مع بعض

 

[در الـبحـور]

السلام عليكم

لا يا قلبي لا تتطلقين حبيبتي و الرجال شاريج و يحبج

أسال الله باسمه الأعظم أن يرزقج الذرية الصالحة يا عمري اللهم آمين

يا قلبي ما في شي بعيد عن رب العالمين

أنصحج بكثرة الاستغفار (( قال تعالى : فقلت استغفروا ربكم إه كان غفارا يرسل السماء عليكم مدرارا و يمددكم بأموال و بنين ... ))

خلي إيمانج بالله قوي خالتي اتقولي عن وحدة احملت من كثر ما تستغفر إهيا و زوجها سبحان الله

عسى الله يهون عليج و روحي لزوجج و لا تزعلينه حبوبة

 

[miss-winter]

عالجي ليش جذي ياسه من ربج شلون لازم تحسنيين الظن بربج وتتعوذين من ابلييس لا تياسين حبيبتي وتوه العمر جدامج

 

[ملووكه كووول]

الله يصبرج حبيبتي
بس تو الناس...ليش تتطلقين اذا هو متمسك فيج
ما تدرين العلم يتطور كل يوم...وعليج بالدعاء وحسن الظن بالله

 

[حبيبي وبس]

الله يرزقج بالذريه الصالحه يااارب

 

[املى كبير]

حياتى والله عورتى قلبى


مااقول الا الله لايفرقكم ويخليكم لبعض


ويرزقكم يااااارب ولايفرق شملكم ان شالله


ولاتيأسين من رحمه الله


ارفعى ايدج للى خلقج وهووو ابصر بعبااادة

هذى قسمت زوجج الا الله قسمتى له

رزق زكريا بالضنا وهو عقيم

وكلى امرج للى ماتناام عينه ولاتقطعين الرجاء

 

[اليوم السابع]

رد : ابي اطلق و المشكله مني؟؟بليز دشوا؟؟

شيماء حبيبتي يا قلبي با عمري انت لا تستعجلين انت قصتك مثل قصتي بالضبط وصار فيني مثلج بالضبط خليني اقولج شاللي صار معاي انا تزوجت وقعدت اربع سنين بالضبط وما نفع معاي العلاج ودكتور الحلاني في مستشفى الهادي رئس قسم النسا والولاده كان يضحك على حجم البويضه جدام زوجي يقول حجمها 9 بس وهذا بعد ابر التنشيط ويطالع زوجي ويضحك والشي اللي صدمني ان الدكتور الافغاني وهو دكتور فلسطيني مشهور في مستشفى المواساة يمكن تعرفينه قالي بالحرف الواحد وجدام زوجي حسبي الله عليه انت مبايضك حجمها صغير جدا جدا ولا يمكن تحملين الناس حجم الميض 3 سم وانت اقل من سم وحتى لو صار حمل راح يطيح لان ما عندك عنق رحم اللي عقب كلامه طلعت وقلت حق زوجي خلاص تزوج حرام تقعد من غير عيال ومسويه نفسي قويه وكان موقفه نفس موقف زوجك سبحان الله عقب شهرين ومن غير علاج حملت ورحت للدكتور الافغاني وكان ناسيني وخليته يفحص علي ويسويلي سونار وانا بالشهر الخامس وقالي كل شي اوكي وقلت والرحم قال اوكي وقلت عنق الرحم قال الوضع ممتاز لا تحاتين ليش خايفه وذكرته بكلامه قال ابدا لا يمكن انت غلطانه اكيد مو انت انا طبعا حزتها ومن الفرحه ما كنت ابي ازعل نفسي ولا ابي ازعل احد في الدنيا اكتفيت اني ذكرته وعطيته ظهري وطلعت وانا متاكده انه تذكرني بس يكابر .والحمد لله انا عندي الحين ولدين الله يحفظهم والعايده لك والرازق رب العالمين لا علاج ولا دكتور بس عليك بالاستغفار طول النهار

 

[احبج يا الكويت]

الارزاق بايد الله سبحانه
لاتخربين بيتج بايدج
ماتدرين ربج شقاسملكم جدام
انشاءالله تنفرج ياما ناس قعدوا سنين وتالي الله رزقهم

 

[عاشقة^زوجها]

انا حملت بعد 4 سنين وبعد اشهر ادش خامس سنه
وكان تفكيري مثلج بالضبط
وعالجت وعالجت وعالجت وماكو فايده
ويأست وتركت العلاج ..
وقلتله مثل ما قلتي حق زوجج
حتى قلتله انا ادورلك البنت الزينه تخيلي
وسبحان الله يرزق من يشاء

شربي ماي زمزم كل يوم عالريج بنية الحمال .. نصيحه من اختج والله .. وربي يرزقج الذريه الصالحه يارب