ابي اضعف ومحتاجة ارادة وعزم بس مشكلتي اموت ع الككاو

[عاشقة الككاو]

لازم يوميا
كأنة ادمان
ووحدة اتجر وحدة
يبيلي اقل شي 8 او 10 كيلو
وانا ولدت شهر 11 وما هتميت لا بشد وولا شماغ وولا حزام وولا بطيخ
حييييييييل حاقدة ع روحي
الحين فخوذي كبار وكرشي بارز بس انا من فوق زينة مو متينه بس الكارثة تحت

ابيكم الله يخليكم تساعدوني ببرنامج سهل شسوي بظبط عشان انزل هالدهوون
الكل يقولي جسمج اخترب خلاص لا تحاولين :rgewrg:
وانا من سمعت جذي استخفيت ع الككاو قلت اهي خاربة خاربة خلينا نعميها
لحد ما قلت استووووووووووووووووووووب

انا عمري 27 يعني بال 30 وال 40 شبصير
فيل !!!:bbbiu:

انا قررت اقطع الخبز والعيش والمكرونا والككاوات
بس اذا ما قاومت باكل شوية بس
وشنو تنصحوني بعد !!




عفية علموني :yaaaaaarb:
ربي يسعد قلوبكم ويوفقكم يارب :eh_s(17)::eh_s(17)::eh_s(17):

 

[الكبيرة]

لااااااازم يكون عندج اراده اسمحيلي لي متى واحنا نخرب اجسامنا بنفسنا وغيرنا اجسامهم ماشالله مليكان شنو ناقصنا ؟ اهم مو احسن منا اهم يحافظون ع رشاقتهم واحنا فاجين هالحلج 24 ساعه ... بقولج تجربتي اتا نفسج ولدت بعد الولااااده طايحه بالحلو لين زاااااااد وزني انا وحده امووووووت عالحلو لين شفت جسمي اخترب الي عطاني طرااااق يوم قعد اطالع نفسي بالمرايه واشوف نفسي صايره شكبري واطالع الصوري قبل لاتزوج وصور عرسي كان جسمي مليكان انهارت نفسيتي قلت بنفسي انا سبب لو كنت محافظه على وزني ماصار الي صار قارنت بنظام اكلي قبل الزواج وبعد الزواج عرفت السبب قبل زواجي ماعرف المطاعم نادر ماروح مطاعم او اطلب من برا لأن امي كانت مانعه اكل المطاعم والحلويات كان قليل ماأكل جوكليت أمي تخاف علينا عندها اكل البيت انظف وتخاف علينا من الحلويات لأن احنا عايله قابله للسكر فكان اكلي من البيت وكنت اكل بس 3 وجبات من تزوجت وانا فاتحتها بحري 24 ساعه طلعات ومطاعم وحلو ع طول فاجه حلجي ماعندي تنظيم تعودت عالعادات الغذائية السيئة تدرين وزني قبل الزواج 65 ويوم عرسي 58 بس من تزوجت بعد الولاده صااار وزني90 صج تحطييييم فقرررررت وخلاااااص انزل وزني وانشالله لمن اوصل الوزن الي ابيه رااااح ارجع للنظام الغذائي الي كنت اسويه قبل الزواج انظم وجباتي وقلل الحلو خلاااااااااااااااص لاااااااا للمتن بعيش حياتي الحمدلله ابشرج انا مسويه دايت والحمدلله نزلت من وزني 3 كيلو وصار 87 وراح استمر انشالله يارب اوصل الوزن الي ابيه

 

[الكبيرة]

حرام انتي صغيره وتوج انتي مثل عمري في عز شبابنا خل نستانس بجسامنا سوي رجيم عند دكتور احسن يتابعج لان بروحج ماراح تقدرين انا مسويه رجيم عند عيادة الدكتور بدر النصرلله الي شجعني اروحله رفيجة اختي كانت متييييينه وشفتها بعرس ترقص وجسمها ماشالله صايره مليكاااان شضعفها جان تقولي اختي عرفتيها قلتلها منو قالت هذي رفيجتي فلاااانه انصدمت وع طول سألتها قالت رجيمي سويته عند الدكتور بدر النصرلله .... صج الواحد لااااااصااااار عنده ارااااااده يحقق ال ابيه تقولي تعبت من المتن لي متى تقولي والله لاصار عندي مناسبه اتحطم لاني ماراح القى شي يطلع علي حلو فقررت اسوي رجيم ماشالله عليها الفال لي ولج وكل الي يبون يضعفون اذكرج الاراده ثم الاراده ثم الاراااااااااده

 

[دآنة آلرشآيده]

لازم اراده اختي اقطي الكاكاو وامشي

 

[عاشقة الككاو]

الكبيرة

حبيبتي عطيتيني دافع حلووو
وودي بعيادة اتابع معاها بس المشكلة بدوامي طووويل وبالبيت ماكو وقت يادوب اقط روحي ع الفراش


دانة

صح كلامج لو تشوفين كمية الككاو الي اكلاها
مو طبيعية


انزين انا قعد ايوع روحي بس هالشي غلط
بس لاني اخاف اذا كليت شي ما اشبع واتم اكل وايد

 

[BeNt PaRiS]

اكليه مره بالاسبوع


و دشي نادي


ترى ما راح يتعلم جسمج الا بالنادي و بس

 

[الكبيرة]

حبيبتي عاشقة الككاو ادخلي النت واخذي منها انظمة الرجيم وامشي عليها وكل اسبوع قيسي وزنج وسجلي بدفتر الوزن بكل اسبوع وحطيلج بنهاية الاسبوع يوم مفتوح تاكلين الي تبين طبعا امشي نص ساعه انا شاريه جهاز جري بالبيت وامشي عليه نص ساعه حاطته بغرفة التلفزيون عشان اسلي عمري امشي واطالع التلفزيون وكثري اعشاب واشربي النقوعه اخذيها من الحواج شي موطبيعي توخر الكرش وتشد الجسم وتضعف ....

 

[الكبيرة]

اختي بنت باريس بسألج عن النادي يقولون اذا خلتي النادي يرجع جسمج مثل ماكان صج ؟

 

[العينآوية]

مآله داعي تحرمين نفسج اخذي لج كل 3 اياآم من هالمنتجآآت

هذي مافيها دهوون ولا سكر ولا كربوهيدرات مخصصة حق الرجيم يعني تآكلينها بدون احسآس بالذنب

انا يوم سويت دآيت نيوتريشن كنت آخذ لي منهآآ حلووة وماآ تحسين انها حق الرجيم

 

[ام عفاف الكويت]

انا لما سويت دايت مع ريجيم سنتر
كان الكاكاو اللى مسموح لي
هذا

كاندريل

وسكرهم بعد لو تحبين الشراب حالي

وهالمشروبات همن حاليه لكن سعرات لا

 

[عاشقة الككاو]

مشكورين بنات
فديتكم والله

العيناوية
اول مرة اشوف هالمنتج
ماادري اذا يبيعونة هني بالكويت
الي يعرف يقولي الله يخليكم
وين الاقية !!


وكاندريل اكلة
بس الاغلب ككاو عادي
مظل سينكرز
كتكات 4 اصابع
توكس
كيكات وجذي

 

[العينآوية]

كآندريل ومنتجآته لحد ينخدع فيهم

مجرد منتجات خالية من السكر ولكن ليست لمراقبة الوزن ..

ولو تلاحظين يكتبون ملاحظة في منتجاتهم انها غير مناسبة للي يراقبون الوزن

لأنها بس خالية من السكر ( يعني مسوينها لمرضى السكري بس ) ولكن ليست خالية من الدهون وغيرها

الككآو اللي حطيته لج يبيعونه في كل مراكز نيوترشن بس مدري اذا في الكويت عندكم هالمركز ولا لآ والله

وعندهم بسكووت على فراولة وعلى كريمة .. يهببببل ومنتجات ثانية روحي واختاري اللي يعيبج

 

[عاشقة الككاو]

اهااا
زين علمتيني
زين حبي انا بيي دبي بإذن الله اول 6
وين يبيعون هالككاو عشان اروح اشترية !

احنا بنسكن ب بولمان
وبنروح دبي مول
امارات مول
راغون مول
وبس

 

[العينآوية]

حيآآج نورت دبي

هالصفحة فيها فرووع نيوترشن في الامارات وخارج الامارات

http://www.dnc.ae/branches.php

لاحظي قريب يفتحون في الافنيو مول عندكم

 

[قطوووة]

ماذا بعد الرجيم ؟؟ 2012 ( خلاصة تجربتي والفايدة للكل )

شوفي تجربتي ..

والكاكاو اكلي بس قللي الكمية

 

[كويت الاناقه]

لاراده فوق كل شي عشان يتقبل جسممج الرجيم

 

[عاشقة الككاو]

جد جد جد
مشكوررررررررررررررررررررررررين
كلكم
وايد استفدت منكم
وموضوع قطوة رهيب

 

[عاشقة الككاو]

uppppppppppppppppp

 

[om deaj]

انتي خففي واكلي كاكاو كاندريل
انا سويت جذي خلال شهر وشوي نزلت 3 كيلو مو مهم اني نزلت شوي المهم اني نزلت وبنفس الوقت ماقدرت امشي على رجيم بس اكل الي ابي كميات قليلة
قطعت العيش بالمرة لاني اكل وماحس بروحي
والخبز قللته بنسبة 60%
والشكر قطعته استخدم كاندريل
واكو علي كافيه اي نوع تبين شربي منهم اذا تحبينه

وكثري شرب هالخلطة على الاقل 3 مرات قبل الوجبة
شوية زنجبيل فرش + م ص كمون + نص ليمون في كوب فوقهم ماي دافي
هالغلطة اغلب المنتديات واخصائيين التغذية ينصحون فيها حتى الدكاترة

 

[فواصل]

خففي من الاكل و الكافي قللي منه

و الرياضة يا تروحين النادي او اشتري سيديهات تمارين او امشي =اقل شي

و قوي ارادتج مافي شيء مستحيل و الدليل شوفي برنامج بيغ لوزر شلون ضعفوا بدون عمليات