ابي اتطلق خلاص بس خاايفه

[الصعيريه]

رد : ابي اتطلق خلاص بس خاايفه

الله يفرجهاا عليج ويكتبلج اللي فيه الخير إن شااءالله

 

[ام النايف]

اختي كان الله في عونك .. وفرج همك يارب ..
اختي انتوا الحين باقي تعتبرون عرسان تو لكم سنه وباقي في فتره تعارف عن قرب وكل واحد فيكم تطلع شخصيته الطبيعيه للثاني ,, اصبري يااختي على زوجك دام تقولين ببدايه الزواج كانت اموركم تمام ,, فااكيد فيه سبب لكل المشاكل ادعي الله واستغفريه واصبري وارقي نفسك وزوجك وبيتك لاتكون عين صابتكم والله اعلم .. توكلي على الله ,, اختي يمكن زوجك من النوع اللي يستفزك ويحس بانجذاب لك وانتي معصبه اكثر يمكن يحس باغراء هو يحس فيه وانتي زعلانه لا تعتبريه اهانه او عدم احساس منه هذا زوجك وانتي حلاله احمدي الله عليها .. ولا تفكري في الطلاق وانا اختك توك صغيرة حرام لاقدر الله يجيك بعدين واحد متزوج وعنده عيال ويكون نص رجال لك ..
وللاخوات اللي يحثونك على الطلاق الله يهدينا جميع
ما حكم من تحرض المرأة على الطلاق؟
الفتوى
الحمد لله والصلاة والسلام على رسول الله وعلى آله وصحبه، أما بعـد:
فإن إفساد المرأة على زوجها وهو ما يسمى بالتخبيب، هو من الذنوب العظيمة، وهو من فعل السحرة والشياطين، كما في صحيح مسلم: إن إبليس يضع عرشه على الماء ثم يبعث سراياه، فأدناهم منه منزلة أعظمهم فتنة، يجيء أحدهم فيقول: فعلت كذا وكذا، فيقول: ما صنعت شيئا، ثم يجيء أحدهم فيقول: ما تركته حتى فرقت بينه وبين امرأته، فيدنيه منه ويقول: نعم أنت فيلتزمه.
وقد ثبت عن النبي صلى الله عليه وسلم أنه قال: ليس منا من خبب امرأة على زوجها أو عبدا على سيده.
رواه الإمام أحمد وأبوداود وصححه السيوطي والألباني
قال في عون المعبود. عند شرح هذا الحديث: بأن يذكر مساوىء الزوج عند امرأته، أو محاسن أجنبي عندها. انتهى.
وفاعل هذه الجريمة يستحق التعزير البليغ الذي يردعه وأمثاله عن مثل هذا الفساد.
جاء في "الأشباه والنظائر: رجل خدع امرأة إنسان وأخرجها وزوجها من غيره أو صغيرة يحبس إلى أن يحدث توبة أو يموت لأنه ساع في الأرض بالفساد.
وقال محمد رحمه الله: أحبسه بهذا أبدا حتى يردها أو يموت.

 

[ام النايف]

اختي كان الله في عونك .. وفرج همك يارب ..
اختي انتوا الحين باقي تعتبرون عرسان تو لكم سنه وباقي في فتره تعارف عن قرب وكل واحد فيكم تطلع شخصيته الطبيعيه للثاني ,, اصبري يااختي على زوجك دام تقولين ببدايه الزواج كانت اموركم تمام ,, فااكيد فيه سبب لكل المشاكل ادعي الله واستغفريه واصبري وارقي نفسك وزوجك وبيتك لاتكون عين صابتكم والله اعلم .. توكلي على الله ,, اختي يمكن زوجك من النوع اللي يستفزك ويحس بانجذاب لك وانتي معصبه اكثر يمكن يحس باغراء هو يحس فيه وانتي زعلانه لا تعتبريه اهانه او عدم احساس منه هذا زوجك وانتي حلاله احمدي الله عليها .. ولا تفكري في الطلاق وانا اختك توك صغيرة حرام لاقدر الله يجيك بعدين واحد متزوج وعنده عيال ويكون نص رجال لك ..
وللاخوات اللي يحثونك على الطلاق الله يهدينا جميع
ما حكم من تحرض المرأة على الطلاق؟
الفتوى
الحمد لله والصلاة والسلام على رسول الله وعلى آله وصحبه، أما بعـد:
فإن إفساد المرأة على زوجها وهو ما يسمى بالتخبيب، هو من الذنوب العظيمة، وهو من فعل السحرة والشياطين، كما في صحيح مسلم: إن إبليس يضع عرشه على الماء ثم يبعث سراياه، فأدناهم منه منزلة أعظمهم فتنة، يجيء أحدهم فيقول: فعلت كذا وكذا، فيقول: ما صنعت شيئا، ثم يجيء أحدهم فيقول: ما تركته حتى فرقت بينه وبين امرأته، فيدنيه منه ويقول: نعم أنت فيلتزمه.
وقد ثبت عن النبي صلى الله عليه وسلم أنه قال: ليس منا من خبب امرأة على زوجها أو عبدا على سيده.
رواه الإمام أحمد وأبوداود وصححه السيوطي والألباني
قال في عون المعبود. عند شرح هذا الحديث: بأن يذكر مساوىء الزوج عند امرأته، أو محاسن أجنبي عندها. انتهى.
وفاعل هذه الجريمة يستحق التعزير البليغ الذي يردعه وأمثاله عن مثل هذا الفساد.
جاء في "الأشباه والنظائر: رجل خدع امرأة إنسان وأخرجها وزوجها من غيره أو صغيرة يحبس إلى أن يحدث توبة أو يموت لأنه ساع في الأرض بالفساد.
وقال محمد رحمه الله: أحبسه بهذا أبدا حتى يردها أو يموت.

 

[kramilah]

رد : ابي اتطلق خلاص بس خاايفه

اول شي استخيييييييييييييييييييييري
واذا استخارتج انج تظلين معااااااه
التزمي بالاستغفااااااااااااااااااااااااااار وسورة البقررررره هالاشياء لها اثر عظيييم
والله يفرج همج انشااااااالله

 

[قلب حنان]

مادري برايي الطلاق احسن دام ماعندج منه عيال لو كان عندج عيال جان قلتلج لا تتطلقين لان اهم الي بينظلمون

ولاتفكرين بعلاقة خالتج اهم شي راحتج

 

[Tom ♥ Jerry]

رد : ابي اتطلق خلاص بس خاايفه

.


حياتي صارحيه قولي الي بقلبج كلا !
شوفي يمكن اهوه بعد عنده كلآم بقلبه :*


الله يهديه يارب

 

[*الجادل*]

رد : ابي اتطلق خلاص بس خاايفه

محد مرتاح

انتي استخيري وربي ييسر لج اللي فيه الخير

بس حبيبتي هذاك اول نظره المجتمع للمطلقه

انتي بنفسج الحين تشوفين العيب منه

مافيها شي الطلاق لاهو عيب ولا هو حرام

واهم شي استخيري بس اذا هو جذي اكلي حبوب لاتحملين منه ... وانتي وضعج مو مستقر

 

[*سوسو ستار*]

والله مدري شقولج انتي ادرى بحياتج وبزوجج اذا شايفه ان خلاصمافي حل الا الطلاق استخيري وشوفي القرار اللي بترتاحين له بس ترى حبيبتي السنه الاولى بالزواج طبيعي يكون فيه مشاكل وخلافات ولازم نقدم تنازلات بالبدايه عشان الحياة تمشي اما اذا على كل مشكله بتعاندون وتهاوشون وتبجين بيزيد الطين بله انتي بيدج تقدرين تخلين الرجيل يموووت بترابج مو بالبجي والزعل والهواش هالامور طفر الريال منج وتخليه يكرهج حببيه فيج سامحيه تنازلي شوي لاتقولين كرامتي ترى مابين الزوجين كرامه كلكم واحد وادعي وكثري من الاستغفار والله يفرج همج يااارب

 

[بنت اكابر]

هذي لحظة غضب واحنا كلنا نمر فيهاا ودايماا ندور حل الطلاق

يابنت الناس تعوذي من الشيطان وحمدي ربج نرى الطلاق صعب حيل
شغلي البقرة واقري قران وتفاهمي معاه ولا تخلين العصبية والشيطان يدش بينكم ترى بعدين بتفقدينه
اكيد انه حاب يوفر بمصروف البيت او شي للمستقبل

او طلبتي منه شغله والريال دايما يستخف بطلبات الحريم ويقول من صجج بالمبلغ هذااا ؟؟!!

لا يباا لو شنو ماتشترينه
لانه يشووف الشي سخييف
بس مو معناته البخل
راجعي نفسج باجر بتفقدينه وبيتزوج وبتمشي حياته وبيلاقي اللي تحتويه ويحبهاا وانتي شوفي حولج اللي للحين بنات وشحلاتهم ماتزوجواا شلون المطلقات مع انه الدنيا قسمة ونصيب
بس لا تفرطين بريلج وحبيبج بلحظة غضب
غيرج ينطق وتصير بينهم بلااوي ومصاايب

 

[الغنج والدلع]

حبيبتي نصيحه لاتفكرين بالطلاق انتي توج صغيره حرااام ادعي ربج يهديه ويسخره لج ترا كل الرياجيل جذي ماعندهم مشاعر مثلنا حاولي تغيرينه ادعي ربج لاتستهينين بالدعاء الدعاء يردع البلاء الله يفرج همج ويسخره لج ياحياتي

 

[شمالية غربية]

رد : ابي اتطلق خلاص بس خاايفه

حبيبتي اخر الدواء الطلاق
خلي امج وابوج وخالتج وعمج كلهم بالصورة ووضحي لهم السالفة
قوليلهم بصراحة اللي تبينه
مصروف شهري خاص لج وللبيت
وخليهم هم اللي يتفاهمون معاه
اذا تبين تزعلين عند اهلج كم يوم علشان يحس بس مو تطولين وتقولين خالتي ما تسويها
ترى يمكن ياخذ عليج
وجربي نفسج تقدرين على فراقه والا لا
بس على طول كلميه بالموبايل لا تحقرينه اذا دق عليج
لا توقعين بيصير رومانسي اكيد بتحصلين زف
بس
علشان يصير عنده امل انج ترجعين وما يروح يخطب وحدة ثانية
وشوفي شنو يصير اذا كلموه اهلج
واستخيري
والله يكتب لج اللي فيه الخير

 

[amooon82]

الله يهون عليج ويريح بالج يارب

اذا الريال تغير اكيد في سبب قعدي معاه بهداوووه وقوليله كل اللي بخاطرج لاتقلبينها بجي وصياح

لا لما تحسسين نفسج هاديه بوضع يسمح للنقااااش كلمييه شوفي شنو عنده شنو احساسه ليش يوصلج انه يكرهج

وقبل لاتكلمينه سوي ورقه فيها عيوبه ومميزاته الشي اللي تحبينه والشي اللي تكرهينه بس مو تكتبينها وانتي معصبه

كوني حقانيه وانتي تكتبينها واااااايد هالطريقه روعه تخليج تشوفين كل انسان بشكل ثاني

وعقب ماتقعدين معاه وتقولين له مشاعرج وتورينه الورقه ساعتها قرري تستمرين او لا

لاتدخلين اهلج ​

 

[سنفوره8]

الله يعينج
ويسخره لج
ويسخرج له
ويسر اموركم
ويهدي سركم
ويترك عنه سالفه البخل هذه

 

[احلى ـآ وحده]

رد : ابي اتطلق خلاص بس خاايفه

اصبري مارده يتغير انا صار فيني بعد طلعوتي من النفاس بعد عشاي ريلي تغير 180 درجه

بس اشغل القران وسوره الببقره وكنت اتحاشاه

بس الحمدلله كثر الدعاء والاستغفار ريلي قاعد يرد لي مثل اول فديته الله لا يغير ان شاء الله

الله يفرج همج واصبري ياخيه الطلاق ومو شي سهل

 

[ريماس77]

رد : ابي اتطلق خلاص بس خاايفه

الله يعينج عالبخل بصراحه لو انا منج ادخل احد بالموضوع كل شي الواحد يتحمله الا البخل بس طلاق صعبه شوي حاولي معاه مره ومرتين دخلي اهلج اذا مانفع لاحول ولاقوة الا بالله يمكن الطلاق يكون خيره لج

 

[لهفة المشتاقه]

الله يفرج همج

 

[غــلآ]

رد : ابي اتطلق خلاص بس خاايفه

عسى ربي يفرج همج يارب

 

[روح امها]

طبعا انتي ابخص فيه اكثر منا هذا ما يمنع انج تقعدين معاه بهدوء وتتفاهمين
او خلي واحد من اهلج يكلمه
يفهمه ان الزواج مو بس فراش

لا تفكرين بالطلاق لان مو سهل
في امور تنحل من غير الطلاق

 

[الله حق]

صلي صلاااة الاستخارة اهممممممم شي
بس ورب البيت كأنج تتكلمين عني بعد ..... وانا بنفس عمرج
حااااااسه فيج اقوة شي بصراحه ورقتي بتوصلني وانااا معيده:eh_s(9):
تخيلي انه اهو بالنهاية الي مايبيني لأني وقفت بويهه ونا الحين ماااابيه
والله مااارد لأنه موكفووو شبعت اهانات ، شبعت مشاكل ، شبعت هممم خلاااااااااااص :eh_s(2):
كرهتتتتتتتتتتتتتتته خرب علي حياتي وكل شي احلم فيه :eh_s(2):
كنت ادلعه وااايد وكان عندي طموح اني اكون ربة بيت وامارس كل انواع الواجبات
بس حسيت رغم كل هذا انه موكفو كنت اقول بيت اهلي ارحم وايد وفعلااااا صج وخذيت
االله يخلي لي ابوي وامي واهلي كلهم
وتصدقين شايله من بالي فكرة الزواج حاطة ببالي ان كل الرياييل نفس الشي
وهم ارجع اقول اني بتزوج غيره عشان انسى هالماضي المعتم والله يعوضني بالي احسن منه واعيش حيااااتي
ولااااا ارررررد له:rgewrg:

 

[noonaa-thn]

انتي صاحبه القرار بيدج تستمتعين وبيدج تحزنين
هو همه الفراش استغلي نقطت الضعف هذي وطلبي كل التبينه منه

غيرج ينطقون وينهانون وهم عايشين مع ازواجهم
قضيه البخل تهووًوووووون جنب قضايا الضرب والخيانه




عطي نفسج مهله وتجربه عيشي حياتج عكس الي انتي عاااايشتها
انا شايفه انج كئيبه وحابسه نفسج بالنكد
اهربي منه بالوناسه والضحكوالفرفشه ضيعي وقتج مع نفسج صدقيني بتلقينه يلحقج


زوجج من النوع السهل جدا جدا واذا تبين تكلميني وتفضفضين كلميني خاص اعطيج رقم تلفوني
ترى وايد من صديقاتي حلو هالمشكله بطريقتي والفلوس الي يبونها حصلوها برضى زوجهم