ابي اتطلق خلاص بس خاايفه

[مناير ...!]

رد : ابي اتطلق خلاص بس خاايفه

حبيبتي استخيري والله يكتب لج الي فيه الخير لج ويسسره لج

 

[~LiBrA~]

رد : ابي اتطلق خلاص بس خاايفه

بعد عمري انتي

مالج شغل بأحد لا تفكرين ان الاهل علاقتهم تخترب ولا لا

اهم شي صحتج وراحتج ولا تفكرين بغيرج

جان غيرج فكر فيج

محد يدري عنج وانتي قاعده تعانين وتفكرين فيهم بعد

هذا زواج الاقارب ومايسوي


المهم حبيبتي انا ماراح اقولج تطلقي

اول شي تكلمين ابوج يكلمه وتكمينه امج تكلم اختها الي اهي امها يعني راضيه يصير في بنت اختها جذي؟؟

وصبري شوي وشوفيه بعد ماكلموه رياييلكم واهلج

اذا ماتعدل

انا افضل وللاسف تطلبين الطلاق

ادري الطلاق مو هين

بس الحمدالله انج للحين ماعندج عيال منه

وهااا

ديربالج اذا نطرتي عنده بعد حاولي تأجلين موضوع الحمل

ماتدري شنو يصير بعدين

يمكن ماتظلون مع بعض وعندكم بيبي بتزيد المصيبه


حبيبتي اهم شي راحة البال ولا ماعليج من احد


والله يفرج عنج همج يااارب

 

[برونزية رشيقة]

عدلي علاقتج في ربج سبحانه .. يتعدل ريلج

راجعي نفسج وراح تعرفين سبب الخلل !

لأن تقولين كان زين وفجأة تغير معاج ؟؟؟؟؟؟؟؟

ساعات نبتعد عن ربنا ... ويعقبنا في أزواجنا أو أعيالنا أو والدينا من أم وأبو أو أهل أو دوام ...

سمعي كلامي عدل ولا تزعلين أنا أختج .. مااااااااااااابي أشيشج على ريلج نفس بعض العضوات ..
لأن الطلاااااااااااااااااااااااااااااااااااااااااااااااااااااااق مو لعبة وأنتي توج صغيرة .

ونصيحة : أقري موضوعي ( رسالة من قلب إلى كل متزوجة ! )

الله يصلح النفوس بينكم

 

[برونزية رشيقة]

هذا رابط الموضوع :


http://www.q8yat.net/showthread.php?t=767451

 

[G!RLooNa]

الله يكتب لج اللي في الخير انشالله معاه و لا بدونه

دايما يقولون اول سنه زواج اصعب سنه

 

[pusy cat]

استخيــــــــــــــــــــــــــــــري

اتشاورين الناس وما تستخيرين رب الناس

بس بقولج شي

اذا تطلقتي شنو راح تستفيدين ؟

تخيلي نفسج مطلقه وقاعده فبيت اهلج

واثقه ان بيجيج زوج ثاني ؟؟

اذا جاج زوج مستحيل يكون اعزب يا يكون مطلق ويمكن عنده عيال يا متزوج يا شايب يا فيه بلا

الشباب ماراح يخلون البنات ويتزوجون مطلقات

ثاني شغله

انتي ضامنه ان اللي بيجيج راح يكون احسن من زوجج ؟؟ مو يمكن يكون اسوء منه وفيه بلاوي ما كانت بزوجج

واذا على سالفة البخل الرجال فبداية الزواج يكون بخيل شوي لانه عنده مشاريع وشغلات راسم عليها وده يشتريها

بس من يجيب عيال راح يتغير كل شي

تعوذي من ابليس وحاولي تعرفين اشلون تتعاملين من زوجج

بأيدج تقدرين تغيرينه

وطبيعي فبداية الزواج مشاكل مو شي غريب

 

[سوسن1980]

رد : ابي اتطلق خلاص بس خاايفه

اليوم القسم كله عن الطلاق لا حبيبتي الطلاق مو الحل الوحيد حاولي تفهمين زوجك ترى ماكملتي سنه والسنتين الاولات ترى صعبين شوي حاولي تلقين طريقه تقدرين تعاملين فيها مع زوجك والله يوفقك

 

[ام كوشه منكووشه]

رد : ابي اتطلق خلاص بس خاايفه

حياتي عليج بالاستخاره واستشيري احد حكيم من اهلج شوفي شنو رايه بالموضوع

ويجدم اللى فيه الخير والصالح لج ان شاءالله

 

[كلهآ ملح ..}]

رد : ابي اتطلق خلاص بس خاايفه

ياقلبي انتي
استخيري واذا ربي كتب لك الخير بتستمرين معه

واكثري من قول يارب ان كان لي خيره معه اكتبه واسعدني
واذا كان شر اصرفه عني
الله يفرج همتس ويسعدتس يارب

 

[عــود كمــبودي]

إستخييييييييري

 

[قاهره عذالي]

رد : ابي اتطلق خلاص بس خاايفه

تعوذي من الشيطان

انا اقول دخلي اهلج بموضوع بخله
لان من حقج يصرف عليج
وحمدي ربج
شفتي اللي انتي تمرين فيه
واشي من اللي مريت فيه
وماتوصل السالفه طلاق

 

[nwir72]

رد: رد : ابي اتطلق خلاص بس خاايفه

لا تطلقين والله يفرج كربج ويمسح على قلبج

 

[لومية]

الله يعينج بصراحة

ليش ماتقولين حق امج تكلم اختها خلي تكلم ولدها دخلي احد كبير

الله يهدي لج انشاءالله ويصبرج

 

[RoWaIsHeDyA]

رد : ابي اتطلق خلاص بس خاايفه

من اقبح الصفات البخل حتى الرسول صلي الله عليه وسلم تكلم عنها ان كل الصفات تروح الا اهيا صعبه ,, الله يعينج واذا بتطلقين سويها الحين مو تصبرين لين يجيج عيال وتراج صغيره جدامج فرصه للزواج مره ثانيه بس محد يقدر يحكم الا انتي اهلج زينين معاج ولالا وجربي اشتكي حق خالتج عن بخله يمكن تعذرج لي تطلقتي والعلاقات تكون زينه ماتخترب كلها

 

[برد ابو الذهب]

الله يفرج همج وهمي يااااااااااااارب

 

[للزين هيبه]

رد : ابي اتطلق خلاص بس خاايفه

صدقيني
انا متطلقه من ولد خالتي
مااطيييييييييييقه
ومااتحمل العيشه معااه
مافكرت بامي وخالتي فكرت بنفسي؟؟
لانهم مايحسوون باللي احسه
ولا عاااشوا وشاافوا اللي شفته

استخيري وشووفي رااحتج
وبالتوفيق

 

[هوازن العتيبي]

رد : ابي اتطلق خلاص بس خاايفه

[center]الله يعينج صراحه الطلاق صعب والاصعب عيشتج معاه
ع قوله البنات صلي صلاة استخاره وشاوري امج مهما كان الام لها دور في حياتج[/center]

 

[بخـــارى]

رد : ابي اتطلق خلاص بس خاايفه

لاحول ولاقوة الا بالله\
استخيري

 

[flower quen]

رد : ابي اتطلق خلاص بس خاايفه

استخيري والله يكتبلك اللي فيه الخير

 

[lovely jojo]

الله يعينج فمصيبتج ..
كلهم جذي الحين ..