والله العضيم اكتب لكم وانا دموعي ع الكيبورد
تعبت تعبت
الله يلعن الساعه الي تزوجت فيها ويلعن الساعه
الي جمعتني فيه استغفر الله العضيم ياارب
ياليتني ماعرفته وياليته مادخل حياتي
مشااكل بمشاااكل نتهااوش على ادناه الدون والمشكله منه هو
من بخله وهو انسان مو شاريني ولاحاس فيني
همه الفراش وبس
انا قررت اني اتطلق والله العضيم ماحد حاس
بالعذاب الي اتعذبه من وراه
حتى هو مو حااس وربي احس اني كبرت
عشرين سنه من ورى هالزواج
اول زواجنا كان شحلاته رومانسيه واشعار ومايرد لي طلب
وكريم وحبيب وحنين وكل شي حلو فيه استانست قلت والله لاحطه بعيوني وشوي شوي انقلب علي
وكثرت مشاكلنا وحنا للحين ما كملنا سنه شلون بكره لامرت علينا السنين شيبسوي فيني والله العضيم انا نطلع من مشكله
ندخل بمشكله وانا ماعاد اقدر انهرت وانا على وجه
امتحانات وهو يزيد الطين بله
قولو لي تكفوون تنصحووني والا لا انا عمري واحد وعشرين وحلوه مافيني شي وماعندي عيال وحاسه
ان هالشخص ماراح يسعدني
الا بيدمرني يوم عن يوم وبيطلع لي شخصيه مو لي
بخيييييل وبيعودني على البخل غيير كذا احسه يكرهني وهذ المصيبه
هذا الي مخليني ابي اتطلق
احسه مايحبني وانا ماتحمل اعيش
مع واحد يكرهني باين من تصرفاته مايبي مني غير
الجنس لاشافني ابكي منه مايهمه مايرحمني
لاشافني متضايقه منه ماعليه مني لاشافني صايمه من الجوع ومن سده نفسي عن الاكل لو انشالله يومين
ماهميته لاشافني محتاجه شغله وبنفسي وطلبته منه رفض
اهم شي عنده الفراش وبس والا انا ماهميته ولايرحمني ولا يحن علي
انا متحطمه ورب البيت تو قبل شوي صايره سالفه خلاص تعبت ماعاد فيني واخرتها شحادني على الشقا
بس انا خاايفه من هالخطوه انا خايفه يابنات ااحسها خطوه كبيره ياربي وش اشسوي
مع اني احس الا متاكده انه لاطلع من حيااتي بارتااح والمشكله هو ولد خالتي خايفه لاتطلقت منه تخرب علاقه
امي بخالتي
بس انا وش ذنبي
اصبر والا شسوي ونهايه هالصبر اصلا خلاص ماقدر اصبر
باين خلاص هذا وجهه ليش اضيع عمري عنده يمكن الله يرزقني
بكره بواحد يحبني ويسعدني وشاريني
هو مو مرتاح معي وانا ماني مرتاحه معه خلاص اجل وانا وصلت لمرحله خلاص ماعاد ابيه انا اشوف خواتي وحريم اخواني
عايشات غير مع رياجليهن وانا ليش
ادري كلامي مخربط بس والله من الحاله الي انا فيها انا محتاجه دعائكم دعوه في ضهر الغيب مستجابه
يارب مايعلم بضيقتي الا انت انك تكتب لي الي فيه
خير لي وتعجل فيه يارب عجل فيه ولا تاجل يارب
ابي وحده مطلقه ترد علي شلون حياتها صارت بعد ماتطلقت وشلون نضرت المجتمع لها واهلها تغيرت
معاملتهم لها
