ابيكم تساعدون ولد اختي

[* Snow White *]

ليش يفكر بالماضي ومن الممكن انه يظلمها؟ اللي فات مات!!! ليش يحاول ينبش بالماضي ومايشوف المستقبل
ليش هالتفكير السلبي هذا؟ صج الشيطان شاطر!!! الله يهديه مجتمعنا مجتمع غبي وسطحي استغفرالله!

 

[&&&&&&&&]

اللي صار صار لا يجلس ورى الشك يدمر حياته

اذا فيها شي راح يبان وينكشف

بعض الضن اثم​

 

[نوره الغاليه]

حبيباتي مشكورين ع الكلام الحلو وماقصرتو الصراحه...الله يسامحكم ع الردود الطيبه


انزين وليش رفعت ضغطج بس عشان ابي منج نصيحه..كان المفروض ماتدرين..وانتم كفيتو ووفيتو ...انا عارفه الحريم..لو اهي متضايقه من زوجها تروح تقول حق اختها والمشكله تقولون عادي خلها تفضفض..لكن الانسان لاتضايق الله يعلم بحاله..وربي انه ماشك فيها وقال الامر عادي ..وانتم شفيكم معصبين بردودكم ..لو وحده تشكت بزوجها ..صفيتو يمها ..لكن الشكوى لله من غير الله مذله..عالعموم حبيت اخذ نصايحكم بس فيها تهجم البعض..لكن البعض الاخر رده جميل ويريح القلب..ومشكورين حبيباتي....(صديقت قوقل..ردج حلو بس احس فيه نوع من انواع الاستهزاء..ماقصرتي حبيبتي...لكن بقولكم شغله وحطوها ببالكم ..اهو مافضحها ولاشي ولاشك فيها ..انا يوم شفته مضايق حيل..اقسم بالله مسكته ولحيت عليه حييل واني اترجاه عشان يقول اللي مضايقه قالي اول شي مقدر..وبعدها بأصرار مني قالي كل شي...لانا في سالفه صارت حق رفيجه...زلة السان وقال اسم غير زوجته..مره وحده وشكت فيه وفضحته وتطلقت منه..عالعموم ماقصرتو .. وياليت اذا في رد جارح لاحد يقوله...ابي كلام مقنع مابي متعصب..واذا ماعجبكم الموضوع احذفوه.. والله يبرد قلوبكم يارب

 

[english muffin]

يا حبكم حق سوالف التنبش..
لها سوابق وإلا مالها سوابق هذا شي بعلم الله سبحانه،،
وإذا ربج ستر عليها خلاص ماله داعي تنبشون من وراها،،
ودام إنها حاليا مراعية ربها فيه و صاينته وحافظته فخل يحمد ربه و يشكره،،
وبصراحة كلش ما أشوفها سنعة يتكلم عن مرته لا عندج ولا حتى مع نفسه و يشك فيها و بشرفها،، عيب عليه هذي مو سواة الرياييل..
وعلميه إن مو كل مشكلة بين الريال و مرته تنقال، عيب،، فيه شي اسمه خصوصيات،، أهوا متظايق ليش إنها قالت لأخوها عن المشكلة اللي بينهم و هو قاعد يطب بشرفها عندج؟؟؟؟؟؟؟؟؟؟
الله يعين بنت الناس عليه صراحة!!​

صاجة والله

 

[جديده 1]

لا يتعب نفسه .. الشيطان شاطر .. اهو ماله شغل لو كان لها علاقه سابقه سواء كانت بالتليفون او شي ثاني .. المهم عليه منها و هي على ذمته و ترى الله يغفر شلون هو عن شيئ مو متأكد منه بعد .. الشيطان اللحين يزين له كل شي و يشككه بزوجته و حتى بأحلامه راح يحلم انها تخونه .. و لكن عليه يذكر ربه و يحاسبها بالاشياء اللي هو على ذمته وبس .. و ترى اول الزواج لازم تصير هالاشياء .. اهي حرمه لها شخصيه مستقله و اهو نفس الشيئ و بدايه الزواج صراع من يفرض نفسه عالثاني .. و خليه يعرف انها اول مره تعيش مع شخص جديد بحياتها فصعبه تتخلص مثلا من عنادها و شخصيتها و تخضع لها من البدايه و لكن مع الوقت الشخص يثقل و مردها راح تعرف انه زوجها و له كلمه عليها و اهو خليه يتركد و يصفي النيه ببنت الناس و الامور كلها راح تكون على احسن ما يكون .

 

[am faisal]

اذا الغلط باالاسم شبهة مفروض انا مدفونة بالوفرة من زمان اخوانى اغلط باساميهم حتى عيالى مجننتهم انادى وما يردون ولا سالتهم يقولون ننطر الاسم الاخير علشان نتاكد ونجى خلية يكبر عقلة وما دام متدينة وعلى خلق شيبى بعد والباقى مشاكل كل بيت كويتى قبل السفر عادى جدا