ابيكم تساعدون ولد اختي

[انثى الكويت]

اهو شعليه بسوابقها بنت اغلطتبالاسم عادي تصير والله

انا مره ناديت ريلي باسم ثاني قالي من هذا قلت له المهندس الي معاي بالدوام لان كنت طول الوقت اشتغل واناديه كل شوي

فا اسمه على لساني وفعلا صدقني لان هذا الصج

يمكن طرا على بالها احد

ويمكن كانت تحب واحد وماصار نصيب ليش يحط بباله اشياء ويفتح باب الشك عليه


انتي قولي له ماله شغل مرات الواحد يقط اسم عاد صج مايعرف من هذا بس اسم
وقولي له يبطل قرآن سوره البقره

ويكلمها بهدوء ويفهمها وضعه المادي وانه ماراح يقصر عليهاواذا حاس في احد ثاني ممكن يقنعها يكلمه

ويستهدى بالله ولا يخرب بيته على ظنون وشك خل يدير باله

 

[سحـورة]

هو زعل لأنها قالت مشكله لأخوها ؟
ليش هو اشقاعد يسوي الحين ؟ ترى ينقل سوالف بعد عنها
ماعرف كيف يزعّل من تصرف زوجته وهو عادي حلال ،


النقطه 2 - خلاص دام مش قدّ السفره يكنسلها
ليش يزعل من زوجته ؟ أو عالأقل يصارحها ... بيت واحد وألفه
و أكيد زوجته بتتقبل الأمر

النقطه 3- غلطت بالإسم وخير يعني ؟
يعني لها سوابق وعلاقات وفواحش ؟ إستغفر الله
نحن بطبيعه الحال لو بدينا نكرّه شخص ونحقدّ عليه
نخلي كل كلمة يقولها كأنها ذنب و غلطه كبيره ..


لذلك النصيحه مابتكون لزوجته ، بتكون له شخصياً
إنه يبتعد عن الحساسيات الزايده و يصفي نيته مع زوجته
ولا يملي قلبه حقد و زعل ... + زوجته أولى بأنه يفضفلها عن الشي
اللي مزعجه ومش إنتي

 

[طيــــــــــــف]

عادي انا مرات اغلط باسم زوجي واقوله اسم ثاني
واغلط بااسماء خواني بعد ههههههههههههههه

 

[نوره الغاليه]

اول شي مشكورين ع الرد الجميل وماقصرتو واتهمتوه انه ظالمها ..اهو مطوع مشاء الله عليه وحافظ القران كله وانه ماعمره ظلم احد لو تشوفونه وجهه منور وبشوش ..

(بس الانسان بطبعه اذا طاح بمصيبه ومالقي الشخص إللي يوثق فيه ويفضفض له راح يتضايق ويستسلم )


وثاني شي اهو رجال عاقل...بس اهو متضايق حييل كان..وسالفة السفر اصلن صارت بعد ماقالت له الاسم يعني سامحها ... اول مره طوف لها واهو متفهم وكل شي..وماعمره ظلم واهو يقولنا ينصحنا انما الظلم ظلمات يوم القيامه يقول انه ماعمره ظلم احد ولايبي يظلم احد يقول..ودعوة المظلوم مستجابه..والاسم اللي قلتو عنه يابنات يعني لو زوجج يقولج اسم فلانه غير اسمج راح تسكتين اكيد اول مره راح اطوفين واذا تكرر الاسم راح اتشكين ولا لا...خافو ربكم ليش تظلمونه وانا جايه ابي منكم المساعده لوجه الله..وانتم قلتو اخوها سند لها عادي تفضفض له.. وولد اختي يوم فضفض لي... اتهمتوه هذي اسرار زوجيه ..يابنات وربي لو تصير فيكم راح تبون اللي يسمعكم وتبون حلول لانا الانسان لاجته مصيبه يبي احد يسمعه ويعطيه حلوول الله يجزاكم الجنه ...اهو بطبعه كتوم وغامض وانا شفته ذاك اليوم ساكت وججه متغير وانا اللي لحيت عليه وقلت له وشفيك متغير وربي اني مسكته وترجيته ياله قالي كل شي...وإن الله يشهد على ..تكفون لاتظلمونه اهو انسان مايحب يظلم احد ..وتخيلي لو زوجج يقول اسم ثاني راح تبين تشكين اول مره راح تطوفين لكن اذا تكرر راح تقولين اكيد في وحده بحياته..استغفرو ربكم اهو طبعه متسامح ورحوم وربي مايقصر وياها معطيها كل شي تبيه ..بس اللي طاب خاطره من السفره تخيلو اجرحته وفهمها واهو متفاهم وياها بكل شي لكن لو زوجج يسوي فيج جذي شبتقولين امانه لاتظلمونه الرجال والله ماعمره ظلم احد ...تكفون لاحد يتهمه لانه اهو عاقل ومتفهم...ويقول انا ماحب اظلم احد وادش النار لكن هذي الحقيقه..وسالفه الاسم اول شي وطوف لها ونسى هالشي يقول كل بني ادم خاطئ وخير الخطائون التوابون ..ومشي الحياة عاديه لكن المشكله تكرر الاسم مره ثانيه...والله لو يصير بزوجج راح اتشكين فيه وتقولين له سوابق واصلن لو اهو ماعنده..واهو معطيها الامان ومدلعها بس متوازن وتلفونها شاريه لها جديد عادي يشوفه ..بس يقول انه على كلامها متعلقه بابوها..وتحب تروح بيت اهلها واجد..ولاراحت المزارع تنساه..تعطيه طاف لو تقعد كل العطله عادي شبتقولون..امانه لاتظلمونه واهو انسان برئ من الظلم...ابي حلول لو سمحتم ولاتظلمونه رجاء انتم لو يصير فيكم مصيبه لاقدر الله راح تروحون حق الانسان اللي توثقون فيه لو بزوجج راح تقولين له سوابق. والسفر يقول عادي بس اهو مايحب يظلم

 

[سعودية!!!]

8
8
8

النصيحه اختى ان يعطيها فرصه صعب نحكم وحنا مالنا معرفه بالشخصين يجوز حرمته عقلها ع قدها مطيورة تبينا نحاكمها بعقل وهي من غير عقل

 

[lemonda]

يوه هذا كله علشان غلظت في الاسم عادي اش فيها يشك فيها اذا لقاها تكلم ولاشافها رايحه ولا جايه مع احد غريب ولا عندها صور قديمه مع شاب لكن غلطت في الاسم عادي تصير ننادي شخص باسم ثاني وتطلع عفويه كذا من غير قصد

 

[*peace*]

الحل بدال لايتشكى لج ويطلع اسرارهم يروح لمرته ويكلمها ويوقفها عند حدها ويقولها الاشياء اللي موعاجبته من تصرفاته

شنو خايف منها ولا شالسالفه!!!!!!!

كلش ماله داعي يدخلج بسوالفهم ومشاكلهم وقبل لايظلم المرا خله يتأكد حرام عليه

رفعتوا ضغطي

 

[شادن33]

قوليله انتي يبا عادي حتى انا اغلط واخربط بالاسامي
وشدعوه عليه مايعرف مرته
وخليه من هالوساوس
قوليله حبيبي هذه وسوسه من الشيطان شيلها من راسك
واللي بالجدر يطلعه الملاس

 

[صديقت قوقل]

لايحط بذمته كل انسان يغلط مافيها شي

~ونقول اسماء غير الي نكلمهم احيانا


خلي يشيل الشك


ويتفاهمون مع بع بدل مايفضح البنت ويشكي لج دامه مطوع

الظلم ظلمات يوم القيامه

 

[أإلع ـشق دلع ـهـأإ]

حبيبتي صعب نعطيج رآينآ !!

لآننآ مآنعرف البنت !!

اللي يقدر يحل المشكله آهو ولد آخوج !!

الريآيل يعرفوون يصيدون البنت إذآ لهآ سوآبق ولآ لآ


وخليه يتعوذ من الشيطآن ويدعي إن الله يسخر له مرته ويبعد عنهآ الحرآم

 

[منال $]

يمكن صحيح تلخبطت باسمة انتي بنفسك بتقولي ملتزمة
انا صارت معي لخبطت باسم زوجي والمصيبة انة الاسم لاموجود لا بعيلتي ولا بعيلو وعلي صار طبعا!!!!!!
وممكن هيا نفس الشي
صفوا النية
وادا ولد اختك حابب يرتاح يقعد معها ويتفاهمة؟؟؟

 

[انثى عاشقة]

ان بعض الظن اثم ..
​

 

[لمى...]

من ناحية انها قالت لأخوها طيب كاهو هو قالج المفروض تنصحينه يتفق هو ومرته اسرارهم بينهم ويحلون مشاكلهم

بنفسهم لايشكيلج ولاتشكي لاخوها عيييييب وانتي خلاص لاتدخلين

ولد اختج ماعنده سالفه مرته عاجبته ويدور عليها الزلة

اولا من ناحية مصروفات السفرة مرته وحابة تدلل عليه وتبي تحس انه هو اللي مسفرها ومونسها

مثل ماكل الريايل يونسون حريمه ...........<< فهني اعتبرها ماغلطت اللهم انها ضغطت عليه وحطته امام الامر الواقع بس ماتعتبر غلطة جايدة يقول مامعي ويلغي السفروة ويرضيها بكلام حلو وانتهى الموضوع ........

من ناحية انها تغلط باسمه انا ريلي دايم تصير معي يعني اتابع مسلسل واتحمس معاه لوما انادي ريلي اقول اسم البطل
اللي بالمسلسل وعادي يطوف خخخخخخخ لأن يدري فيني دايم عندي بدليات وقطات.......

وريلي يمكن 10 مرات غلط بااسم بنت خالته عندي وخواته وعادي ولازعلت لاني ادري فيه غلطان ومااوقف له على الزلة....

وبعدين انتي طلعي نفسج من السالفة والمفروض تنصحينه اسرار بيته مايطلعهم عيل ليش متزوج انتي ترضين ريلج يطلع بلاويكم عند خالته وعند الناس ..........

عيييييييب الريال المفروض ستر وغطا لمرته ...........

 

[AL-DMERA]

الغلط بالأسم صارت مع أغلب المتزوجات ,,
ياكثر ماأغلط باسم زوجي مره خالد ومره مادري شنو وعاادي تصير ,,
وبعدين اهي تتكلم مع اخوها حتى أهو يتكلم معاج بمشاكله شالمشكله !!؟
اذا قصدج تتكلم عن اللي داخل غرفة النوم من سوالف هني معاه حق عيب ولازم يقولها ويفهمها مومشكله ,,
مشكله بسيطه وخليه يصبر شوي لايظلمها دام يقول انها حبوبه وخوش وحده وطيبه وتصلي ,,
موفقه ,,

 

[!الجادل الصعب!]

آنتي لا بالموضوع ولا بالرد حطيتي مشكلته الاساسيه
بس تمدحين فيه .. ومايحب يظلم ..
حبيبتي عشآنج تغلينه تشوفينه كامل
بس ماتدرين هي شنو نظرتها له ..
بالنسبه لي ان زوجي يكنسل سفره عشان الفلوس بنقهر صراحه ..
بعدين الي يفضفض ما يطعن بالشرف .. مو للدرجه هذي تكون صراحه بينكم
وتقولين مايحب الظلم ..!
انتي شنو بتفيدينه يعني .. الحل مو بيدج ولاعندج
مافي حل غير الصراحه والمواجهه وبس ..!

 

[حب1985]

هاذا ابليس يبي يفرق بينهم
اذا المرا علا كلامة خلوقة وتصلي لا يظلمها بالشك
بس خل يعلمها ان سالفة الفلوس مو لعبة طبعا يفهمها هالشي بهدوء من غير هواش..والاثنين ببداية زواجهم اول شي لازم مشاكل بس عقب هالمشاكل راح يحبون بعض اكثر من قبل واهمه ببداية حياتهم يعني بعد مافهمو بعض
بس نصيحة لا يترس راسه الشك تره مامنه داعي والله يهدي سرهم ويهديهم ويسخرهم لبعض امين

 

[حبيبي مالكني]

يا حبكم حق سوالف التنبش..

لها سوابق وإلا مالها سوابق هذا شي بعلم الله سبحانه،،
وإذا ربج ستر عليها خلاص ماله داعي تنبشون من وراها،،
ودام إنها حاليا مراعية ربها فيه و صاينته وحافظته فخل يحمد ربه و يشكره،،
وبصراحة كلش ما أشوفها سنعة يتكلم عن مرته لا عندج ولا حتى مع نفسه و يشك فيها و بشرفها،، عيب عليه هذي مو سواة الرياييل..
وعلميه إن مو كل مشكلة بين الريال و مرته تنقال، عيب،، فيه شي اسمه خصوصيات،، أهوا متظايق ليش إنها قالت لأخوها عن المشكلة اللي بينهم و هو قاعد يطب بشرفها عندج؟؟؟؟؟؟؟؟؟؟

الله يعين بنت الناس عليه صراحة!!​

الله يعطيج العافيه
كلامج عين العقل

 

[احساس مضلوم]

الموضوع سهل ^^

يترك موضوع الاحساس ويشوف الحقائق

يقدر يستدرجها بالكلام الي ما هي تقول له كل شي
وبعد يقدر يسالها كم سؤال او فعل ويعرف كل شي
وبعد فوق هذه يقدر يراقب كل شي من بعيد الي بعيد ويعرف كل شي
بس هم لا يضلم البنت ممكن كل شي صدفه وبعد فوق هذه عادي
ممكن هي اشوي مفهيه وتضيع لما تشوفه وتغلط وتتلخبط معاها الامور
بس هم اذا هو حاب يرتاح يقدر يتاكد من امور واجد
واذا الرجال يبي يعرف زوجته تحبه ولا لا
يسالها ما تبين تحملين ويقدر من جوابها يقرر كل شي من ناحيه
وبعدين اذا لها سوابق من شرط ممكن عفوي من بعيد الي بعيد
بس لا يضلم بنت الناس وخل يتاكد من كل شي قبل اي قرار او كلمه تطلع منه
^^ لو ولد اختك بس فيه اشويت خبث ههههه كان قدر يعرف كل شي
من اول ما يمسك يد زوجته يبين ترا كل شي ان كان لها سوابق او ما لها

 

[sh_mashael]

خليه يفرض حسن النيه دايماً و اهو سائل عنها قبل لا يتزوجها
و بعدين اللي فات مات و احنا اولاد النهارده << اشفيني قلبت هههههههه
لا من صج بس ترا عادي احنا اخواني نغلط بأساميهم و نقولب فيهم
و الحب يجي بالعشره

و الله يوفقه =)

 

[أمواج البحر]

البنات كفو ووفو ماشاءالله

انا قبل جم يوم بنادي ولدي جان اقول بدر واهو اسمه راشد

وماعندي من عيالي واحد اسمه بدر شلون طلع مني هالاسم مااادري

عادي تصير لا يخلي عقله صغير لهالدرجه