ابيكم تساعدون ولد اختي

[نوره الغاليه]

السلام عليكم ورحمة الله وبركاته ...

شلونكم شخباركم يالغاليات

اول شي انا معروفه اهني ومابغيت ادش بنكي...ودي اقولكم سالفة ولد اختي


وانا اقرب الناس له

واهو توه متزوج واهو مشاء الله عليه شخصيته قويه وغامضه بس عنده مشكله مايعلهمها إلا الله


وانا ابي منكم مساعده حق ولد اختي لانه مهموم ومتضايق حيل وضيقته يعلم الله من ضيقتي



وانا اقرب الناس له وانا اشكي له الحال وحتى يعرف عني كل صغيره وكبيره ويشكي لي عن مرته


اهي موظفه ومتفق معاها بكل شي عن امور الزواج واهو متزوج صار له خمس شهور


اول شي زوجته قالت له نبي نروح فرنسا قاله يامرا انا ماعندي فلوس عشان اسفرج وانا مديون توه شاري سيارة ويعني قبل لايتزوج شاريها واهو متسلف من ربعه وماخذ قرض


المهم زوجته عاجبته, وخلوقه ومتحرمه وحبوبه ع كلامه يقول... بس يقول انها قالت له كل شي علي بس السكن عليك المهم اتفق معاها ع اساس يبون يسافرون شهر واحد بالعطله وحجزت وكل شي والسكن عليه اخر شي قالت له ليش ماتخلي كل شي عليك اهني حقد قالها ليش من البدايه ماقلتي لي عشان اكسنل السفره المهم يوم نزل فلوس وتسلف من ربعه عشان يقط الفلوس عليها وقال بينه وبين نفسه والله ان اهي جذي ماسافر وياها لو شيصير لانا اذا اهتم فيها طنشته واذا طنشها تهتم فيه ع كلامه لي.. واحس انه خاش عني شي بعد بس الله واعلم...وتبي تناديه باسمه اهو اسمه عبدالله ونادته باسم عبدالرحمن .. انصدم يقول كانو يبون ينامون وكان مستانس بهاليوم ..يوم نادته بهالسم سكت واهي تلف وادور يقولي مره قالت له اسم ولد اختي ومره قالت له اسم ولد اخوي .. وطوف لها وبعد مرور ايام واهي تسولف قالت اسم عبدالرحمن وانصدم منهاا .. والمشكله اهي ملتزمه .. ومحافظه ع صلاتها ...وتحلف انها ماعندهاا سوالف من قبل.. والمهم شاف مسج .. بتلفونها قايله حق اخوها اللي صار بينها وبين ولد اختي اللي اهي زوجها ..وانصدم ..والمشكله واجههاا واتكذب عليه....وبعدين قالت الصج..يقول طاحت من عينه .يقول هذي من البدايه شلون بعدين يقول احس انها لها سوابق بس المشكله تقول انها ماعمرها كلمت ومن هالكلام ...يقول من اول شي حاطها بعيوني واللحين يقول قام يعطيها طاف...بس يبي يعرف ..هل لها سوابق والمشكله يحس انها عاديه لاتحبه ولا شي..يقول احس انها ماره بتجارب... يقول ماظلمها لكن احساسه يقول ...امانه لاتبخلون علي .. لاني اكتب واهو يمي متضايق حييل تكفون ساعدوه وابي منكم المساعده...لانه اهو حييل مضايق ..ماله إلا هالمنتدى وانا خالته والله انه حبوب مو لانه ولد اختي بس من بين اخوانه اهو الحبوب حييل الله يخليه حق امه وابوه...

 

[ام فواازي]

اذا ماشاف شي عليها لا يظلمها يمكن من الخوف انه يشك فيها قالت اسم ولد اختي تالي ولد اخوي
انا مره غلطت باسم زوجي باسم ثاني بعيد عن اسمه و الادهى ان هالاسم مو بعايلتي ولا بعايلته بس كان عاجبني ومادري شلون غلطت بس زوجي الحمدالله مو من النوع اللي يدقق
وسالفة السفر والفلوس كل الحريم جذي يتحيلون الرجال اذا ودهم بشي
شنو اللي قالته لاخوها هل سالفة السفره ولا سالفة انها غلطت باسمه؟
انا اخت زوجي حيل معاه وبكل شي تسولف له يعني اذا عندها موضوع متردده فيه تقوله وتاخذ رايه لان مالها غيره وماشوف فيها شي

 

[كربون امها]

الله اعلم بس اذا له سوابق شمعنه ذكرت هالاسم مابي احط بذمتي يمكن تحب قبله شخص حب بري وماصار نصيب انا اقول خلي يختبره لفتره قبل لا يحكم عليها

 

[كربون امها]

الله اعلم بس اذا له سوابق شمعنه ذكرت هالاسم مابي احط بذمتي يمكن تحب قبله شخص حب بري وماصار نصيب انا اقول خلي يختبره لفتره قبل لا يحكم عليها

 

[فلنتينو]

الله يعيينه تلقيينه محتاار ويفكر
الله لا يلووومه

 

[granted]

لا لايستعيل بحكمه
شدعوه عاد غلطت باسمه خير ياطير
انا ابوي اغلط بسمه ساعات looool
اي والله ويطوف عادي لان اكون بالي بحد ثاني واناديه باسم الي ببالي وحتى ساعات اناديه بنك من المنتدى lol
تصير ترى ماله داعي يكبر الموضوع
قوليله ينطر ليما يتاكد حرام يخرب حياته عشان شكوك مالها معنى
بالنسبه حق المشاكل الثانيه اهم توهم خمس اشهر مامداهم يعرفون طبع بعض عادي اتصير مومشكله
الله يوفقهم

 

[لوفيه]

لا يحط بذمته

والله انا جدامج غلطت باسم ريلي مرتين واكثر يمكن

وزعل علي زعل جاايد وانا تدودهت وخفت مع ان والله مو سوالفي هذي

بس سبحان الله مادري شلون طلع هالاسم

بس لانه يعرفني ويعرف اهلي واخلاقي وعاشرني

فما تسرع بالحكم علي ويدري انه غلطه مو من صجي

خليه يتمهل ولا يستعيل باتهامها

والله يفرج عليه

 

[انا لها شمس]

يدقق عليها ويظل يراقب حالها ووضعها
ويراقب تصرفاتها ومكالماتها ويتقرب منها اكثر
ويمكن اهوا صار يتوهم انها ماتحبه لانه قلبه مشغول وبعيد عنها

والله هالاوهام تكدر حياتهم خلي يتقرب لها وكثر مايقدر يقعد معاها ويدلعها
ويبعد عن باله الشكوك

وقتها بيشوف ويحس اذا اهيا تبيه ولا لا

 

[كربون امها]

انتي قلتيها ساعات تغلطين باسم ابوج لاان حد بالج اهو الريال جذي قصده خايف ان في احد بالها كونه اذكرت الاسم مرتين

 

[ام العامر]

اب اب

 

[ام زهقانه]

شوفي انا ما ابي اظلمها يمكن البنت تخلطبت ونادته باسم احد من خوانها او ولد اخوها
ليش تشيين النيه
لا تظلمونها عادي تصير وايد
لو نفيها شي جان اكتشف من زمان
اعرف وحده ظلمها زوجها وطلقها يا حرام بسبت الظلم
انتو تاكدو عدل وبعدين ترا يبين علي البنت واخلاقها وتلفونها
الا الظلم انتبوا
باجر تظلمونها والله فوق الجميع

 

[-فلانة-]

يا حبكم حق سوالف التنبش..
لها سوابق وإلا مالها سوابق هذا شي بعلم الله سبحانه،،
وإذا ربج ستر عليها خلاص ماله داعي تنبشون من وراها،،
ودام إنها حاليا مراعية ربها فيه و صاينته وحافظته فخل يحمد ربه و يشكره،،
وبصراحة كلش ما أشوفها سنعة يتكلم عن مرته لا عندج ولا حتى مع نفسه و يشك فيها و بشرفها،، عيب عليه هذي مو سواة الرياييل..
وعلميه إن مو كل مشكلة بين الريال و مرته تنقال، عيب،، فيه شي اسمه خصوصيات،، أهوا متظايق ليش إنها قالت لأخوها عن المشكلة اللي بينهم و هو قاعد يطب بشرفها عندج؟؟؟؟؟؟؟؟؟؟
الله يعين بنت الناس عليه صراحة!!​

 

[A.E]

امممم
الله يوفقه ويسهل اموره ويسخره لزوجته ويارب زوجته ربي يسخرها له
والله يبعد عنهم المشاكل يارب وترزقهم بالذريه الصالحه
غلطت باسمه والله عادي ما اشوف فيها شي بس هذا الشيطان يبي يخرب بينهم مالها داعي الزعل والشك
انا مره غلطت باسم اخوي بدل ما انادي اسمه قلت عبدالرحمن عادي والله ما فيها شي
سبحان الله زوجته مثلي بالغلط هههههههه
انا من النوع احب اسم عبدالرحمن وعبدالله مو شرط اني اذا غلط في الاسامي هذا على كذا احب
لا حرام ممكن زوجته تحب الاسم هذا
يلاه ياررب ان شاءالله تجيب ولد وتسميه عبدالرحمن

وبالتوفيق



اتمنى استفدتم مني هههههههههه انا احس لا وجهي مو بوجه فايده هههههههههههههههه




في آمان الله

 

[سعودية!!!]

غلاي ولد اختكــ حساس ومن موقفه معها عن السفره عافت نفسه من المره وقعد يتصيد لها يعني صار يشوف كل امورها العاديه معه لها معنى وكيف بس عشان سالفه السفره وكيف تحايلت معه فيه فيوم غلطت بالاسم دخله الشك يجوز حالها حال السفره خليه يتعوذ من ابليس وقولي له سعودية تقول لك لاتهدم بيتك بيدك دامها حبوبه وطيبه واخلاق وعاجبتك

 

[A.E]

صحيح كلام الاخت اللي لون خطها احمر <<< دبروها عاد هههههه

الا خت فلانه

كلامك عين العقل هذي خصوصيات المفروض يتفااهم معها مو كل شي في اذنك
هو ليش تزوج عشاان يكون له توام بحيااته عايش معه بنفس البيت يعني هي صندوق اسراره واللي تشيل همه
انا والله لو بمكانها ما اسمح الى زوجي يشكي حق احد فقط يشكي لي انا واذا انا مقصره بحقه يجي يقول لي
مو يقول حق فلانه وعلانه لالالا
ابدا ما ارضى المفروض انتي تنصحيه خلاص عيب متزوج هو يشكي لزوجته مو لك
وشكرا

احس اني ازعجتك كل شوي ارد بس اتمنى اني ما غلطت بحقك اختي

 

[رووح ابووها]

عادي ترا تضيع بالاسم
انا مرات انادي زوجي باسم اختي :d

 

[بقاياالليل]

لا يدقق عشان راح يتعب كثيييييير ولا يششك لان من البدااايه على غلطتها باسم شك بكره تجي مواقف ااكبر من كذا ادا مو واثق بالبنت لايجلس يشكك فيها البنت ببيت ابوها مقدره وعند زوجها على غلطه اسم مصيبه بعدين ماقالت اسم بعيد قالت اسما من العايله
وكلنا نغلط والشيطان يترصد وسالفه تقول لااخوها البنت دايمن تبي تفضفض للي يثق فيها وماشكت لغريب واشوا شكت لرجال مو لمره كان حرشتها عليه والسفر للاثنين ويجلس معاها ويتفاهم وهو لايتشكى

 

[ليه الجفآ]

والله اللي اشوفه ان الوقت بدري حيل حيل على سوالف الشك حتى لو اغلطت بالاسم

انا اغلط مع اخوي باسم والله مااعرف منو ... او حتى لما اقراه بالتلفزيون يعلق بعيوني واقوله عبر السوالف مع

اللي حولي .. لاتظلمونها .. واهو يقول ماعليها .. صاينته ومصليه ومحافظه عليه وعلى نفسها وبيتها

وبعين تووووهم معاريس مااعرفوا ردود بعض ولانفسيات بعض .. بدررري حيــــــــــل ...

يطلع هسـوالف من راسه لانها راح تدمر حياته بشك ...

كلش مووووزين يفكر فيها يحسن النيه واهو يمدحها ماعليها البنت ..


خليه يتعوذ من ابليس ويكثر من الاستغفار




...​

 

[الاء حسين]

خير ياطير

غلطت باسمة كفرت مثلا عادي وعبدالله وعبدالرحمن كلهم عبيد الله والاسماء متقاربة حتى لو ماكان اسم بالعيلة

وبنسبة للشكواها للاخوها انشهد انها بنت رجال ومتربية سرها عند اخوها سندها وتاج راسها

ولو هي قليلة ادب كان سرها ماتعطية اخوها

اتمنى يحسن النية والشك بالاخلاق والطعن في الشرف حاجة مو هينة

الحمدالله والشكر شهور وشك فيها اجل لو جات احداث وسوء فهم ايش يكون مصيرها

والله رحمتها المسكينة

 

[يارب يطيب عبود]

حبيبتي أنا دايم أغلط باسم زوجي اناديه باسم أخوي
كثير تصير معي مو مرا ولا مرتين
ولا عمره زوجي شك فيني لانه عارفني وعارف أخلاقي
ولد أختك مايحب زوجته لو يحبها ما شال عليها من موضوع السفره حتى لو كانت غلطانه
وترا مافيها شي لو أرسلت لاخوها تقول له عن المشكله هذا أهو قايل لك عنها

ماحد يقدر يساعده اهو اللي يساعد نفسه بنفسه يشوف تصرفاتها ومكالماتها