ابعرف د.رولا شحقه داشه المجلس !!

[!الجادل الصعب!]

بعدين بنات شنو يعني ماخذه قرض 50 مليون يصير !!

والله وناسه اخذهم وهذا وجهي ان شفتوني بالديره مره ثانيه والي فيه خير يلحقني

>>> عاااشت الدور ..!!

لا استغفر الله يا رب ابعدنا عن الحرام !! بس والله حلوين 50 مليون شرايكم بنات !!

 

[Stylista_Q8]

يابعد قلبي احنا ماقلنا خل يسقطون القروش لأن صج مافيها عدل للشعب بس اهمه اقترحوا اقتراح وأنا أشوف جدا مناسب وعادل بس محد وافق عليه ماادري ليش إن يعطون حق كل مواطن مبلغ معين يعني مثلا 10 آلاف انا قاعده أقول مثلا مبلغ افتراضي وكيفه الي يبي يسدد فيهم قروضه يسدد والي ماعنده قرض كيفه يسافر فيهم يشتري فيه يحرقهم كيفه المهم انهم يعدلون بينهم
وبالنسبه للفوايد حرام ليش ماتبينهم يسقطونهم والله البنوك كاسرين ظهرنا بالفوايد يمكن انتي ماجربتي تاخذين قرض وعليه فوايد وإن شاء الله ماتجربين بس والله انا أمي ماخذه قرض وكانت صج صج محتاجته على أيام الفوايد ماكانت ثابته كان قرضها 15 ألف ومع الفوايد اتوقعين جم يصير؟؟


30 ألف مو حرام دبل القرض مرتين وعشان يضمنون فلوسهم أول شي ياخذون فوايدهم بعدين فلوس القرض أمي اقعدت 7 سنين تدفع الفوايد بس ولمن راحت البنك اصدموها قالولها طول هالسبع سنين هذيلي فوايد قرضج للحين مابدينا فيه مو حرااام؟؟

ردي مثل رد الاخت إللي تحتي

انا لا مع اسقاط القروض و لا مع اسقاط الفوائد و لا مع اعطاء منحه 10000 دينار

لان الف الف الحمدالله احنا مدلعين في ديرتنا و كل شيء متوفر لنا لا تغركم الامارات في مبانيها ماعندهم اسكان مثلنا و لا البحرين و عمان اللي اهلها يشتغلون كل الوظايف من زبال حشاكم الى مدير ما عندهم اجانب يخدمون عليهم ..... و لا السعوديه و لا قطر

الكويت كانت من اول الدول اللي حطت التأمينات الاجتماعيه ...المدارس الصحه المجانيه ماكو تأمين صحي ندفعه رواتبنا زينه بالنسبه لما اتيون واحد عنده متوسط و لا ماخذ لا دوره و لا شيء و قاعد على مكتب و ياخذ 600 دينار ماكو و لا ديره عندها هالشيء

اذا في فلوس تبي تندفع و يصرخون عليها النواب خل تندفع لتعديل مستوى المستشفيات ...لتعديل المدارس ...للمشاريع السياحيه

لعمل مشاريع تنوع الدخل القومي على الكويت لان احنا اعتمادنا الوحيد على النفط ...و اذا خلص النفط؟!؟!؟!؟!؟!

حق عيالنا و عيال عيالنا من وين هالدلع اللي احنا فيه ؟

ماكو دوله توزع اسهم اكتتاب في بنك ...ماكو دوله توزع 200 دينار في مناسبه معينه و انتوا لو اتابعون قنوات اخباريه مثل العربيه و غيرها

تلقون حاطين هالخبر اشكبره ان وزعوا على الكويتين كيت و كيت ...

على هالحنه على اسقاط القروض او الفوائد هل تتمنون غزو ثاني ؟!؟!؟! ام مصيبه اتيي على ديرتنا ؟!؟!؟! الله يحفظها من كل شر

و قولوا الحمدالله على كل خير احنا فيه سواء عاجبكم و لا مو عاجبكم

و الله يحفظج يا كويت

يعني كل واحد يتحمل نتيجه القرض اللي اخذه !

واكيد البنك بياخذ فايده ولا شلون يربح ؟

وفي ناس ترا بهالعشر الاف بيسددون دينهم تاااالي بياخذون قرض ما بيندمون !

مو حرام؟

نعدل الكويت أبرك وكل واحد يتحمل نتيجة اللي سواه يتحمل الفوااايد

لنه اسقاط الفوايد هم مو عدل

 

[ScarletteO'Hara]

انا لا مع اسقاط القروض و لا مع اسقاط الفوائد و لا مع اعطاء منحه 10000 دينار

لان الف الف الحمدالله احنا مدلعين في ديرتنا و كل شيء متوفر لنا لا تغركم الامارات في مبانيها ماعندهم اسكان مثلنا و لا البحرين و عمان اللي اهلها يشتغلون كل الوظايف من زبال حشاكم الى مدير ما عندهم اجانب يخدمون عليهم ..... و لا السعوديه و لا قطر

الكويت كانت من اول الدول اللي حطت التأمينات الاجتماعيه ...المدارس الصحه المجانيه ماكو تأمين صحي ندفعه رواتبنا زينه بالنسبه لما اتيون واحد عنده متوسط و لا ماخذ لا دوره و لا شيء و قاعد على مكتب و ياخذ 600 دينار ماكو و لا ديره عندها هالشيء

اذا في فلوس تبي تندفع و يصرخون عليها النواب خل تندفع لتعديل مستوى المستشفيات ...لتعديل المدارس ...للمشاريع السياحيه

لعمل مشاريع تنوع الدخل القومي على الكويت لان احنا اعتمادنا الوحيد على النفط ...و اذا خلص النفط؟!؟!؟!؟!؟!

حق عيالنا و عيال عيالنا من وين هالدلع اللي احنا فيه ؟

ماكو دوله توزع اسهم اكتتاب في بنك ...ماكو دوله توزع 200 دينار في مناسبه معينه و انتوا لو اتابعون قنوات اخباريه مثل العربيه و غيرها

تلقون حاطين هالخبر اشكبره ان وزعوا على الكويتين كيت و كيت ...

على هالحنه على اسقاط القروض او الفوائد هل تتمنون غزو ثاني ؟!؟!؟! ام مصيبه اتيي على ديرتنا ؟!؟!؟! الله يحفظها من كل شر

و قولوا الحمدالله على كل خير احنا فيه سواء عاجبكم و لا مو عاجبكم

و الله يحفظج يا كويت

:ggdw:
للاسف الكويتيين صاير ما يعجبهم العجب
احلى رد شفته بالموضوع

 

[amt~alrhman]

الله يقول :

"وقرن في بيوتكن" .. الله خالق المرأة وعارف ان ولايتها شر للامة,,, والدليل على هذا العضوات والوزيرات فشل المجتمع كله منهم..

حسبي الله عليهن......

:ggdw::ggdw::ggdw::ggdw::ggdw:

 

[توته وااااااااو]

انا باختصار ضد اسقااااااااااااط الفوائد لانها راح تكبد خسائر للدوله

 

[noty]

يعطييج العافيه اختي

اول شغله الدكتوره متى بجت ؟؟
ثاني شغله وين كلامها متناقض ؟؟

عضوه يديده عندها افكاار و عندها مشاريع حالها حال وايد اعضاء بس السالفه مو بهالسهاله اللي يبونه اسوونه
كل شخص عنده افكار و يتمنى يطبقها بس الافكار و المشاريع تكون لصالح البلد مو بس دمار البلد
اذا رولا ما سوت شي ابرك من اللي يطالب باسقاط القروض او اسقاط الفوايد

بالنسبه لاسقاط القروض او اسقاط الفوائد << مرفووض و قانون غير قابل للتطبيق و غير عادل نهائيا
بالنسبه لحل مشكلة اللي عليهم مبالغ كبيره << اعتقد صندوق المتعثرين افضل حل

البلد محتاجه ناس اتخاف عليه و تحافظ على المال العام
السالفه مو بسيطه خلاص اسقطوا الفوائد و بعدين ؟؟؟ شنو الفايده اللي بترد على البلد ؟؟

و القاتون هذا غير دستوري و غير شرعي
على اي اساس تسقط هالفوائد ؟؟

و الله انا لما اسمع هاللويه على اسقاط الفوائد جنه الحكومه مو قاعده تعطي معاشات المواطنين ؟؟!!
شي غريب اللي قاعد يحصل
و ان شاء الله هالقانون ماراح يطبق

و بذكركم بشغله يا بنات ما يصير نعيب على اي مخلوق سواء بالشكل او بالكلام
و لا تقولون كلام ما لكم فيه اي دليل او حجه

و يعطيكم العافيه

 

[البيداء_77]

الشرهه على اللي مصوت لها ومطلعها

حتى السيلانية تقعد بالديره سنتين تتحجى كويتي وهذي ابد

 

[ii DareeN ii]

انا من الناس الي انصدمو في طرح رولا دشتي ماتوقعت بتصير حكومية اكثر من الحكومة

ثاني شي بنسبة للفوائد واشكاليتها وتلاعب الي صار فيها عاد بمشاكل كثيرة على المجتمع طلاق تفكك اسري عنوسة واشياء كثيرة ومشكلة لها ابعاد كثيرة واتوقع حل مشاكل كل هالفئات بيعود بالفايده حق لكويت لان حل مشاكل لكويتين بيكون حل لمشاكل لكويت الي لكويتين جزء منها

ثالثا انا ماشفت احد اعترض على المديونيات الصعبة ولاقانون الاستقرار المالي وقال هذا هدر

ياريت يصير في احساس بالناس الي صج تعاني والي البنوك الربوية قاعدة تاكل من لحمهم الحي واتوقع لكويتين اولى بفلوسهم من الغرب والموضوع مو مكلف وايد

 

[ghalaty]

ما ادري وحده من الخوات تقول الي اقترض مو غبي عيب هالكلام المفروض يكون فيه اسلوب للكلام الناس القروض خرب بيوتها فموا محتاجين تفلسف احنا قاعد نقول اسقاط الفوائد لان الفؤائد زادت بشكل جنوني يعني مثلا الاتفاق القسط 200 صار 400 الفرق كبير ... والاخت الي تقول احمدوا ربكم فيه تعليم اوكي شنوا مستوا التعليم اتحدا احد اذا عنده اعيال ويعطيهم دروس خصوصيه او يعرف احد وصله امتحان مسرب...والصحه عاد روحوا شفوا الطوابير المواعيد روحوا شوفوا مستشفى الولاده والا مو هامكم الان قمتوا تروحون رويال حياة بس ترا مو الكل عنده يروح خاص ..ز والي تقول شنو الفايده للبلد لمن تسدد واوتسقط القروض الفايده كافي ان الشعب اشوي يرتاح والا هم شالفايده نعطي لبنان الاردن بنغلادش وبعد فيه احد ما قاعد نعطيه.......اما عن النائبه الفاضله شفت لها مناظره على الوطن مع النائب خلف دميثير كلامه يعور القلب تحسون ان قلبه على المواطن البسيط ابوا العيال الي من اول الشهر مخباته فاضيه ما عنده يغطي مصاريف اعياله ريال فاهم من الكويت عارف مشاكلنه وهمومنا يعني ما يحك اظهيرك الا اظفيرك اما الخت لا مو راضيه مابصير مابصير الي معاشه 3 الاف اشلون انزين جم واحد معاشه 3 الاف قوليلي بس علشان مره ثانيه تعرفون منوا تختارون للعلم اني لا من دائرة الاخ خلف دميثير ولا نعرفه بس الله يوفقه ويوفق كل واحد يحب الكويت وقلبه على اهل الكويت ....ويليت نعرف منو الي مقترض 50 مليون بدون فوائد ووين وداهم وليش مو بس احنا الي اذبحونا خذيتوا قروض علشان تشترون سياره ما ادري نروح الدوام بتلفريك والا قاري

 

[vogue grl]

انا صراحه ودي لو يحلون المجلس الانه مااستفدنا شي اهما المستفيدين...
ومره اليايه كلش ماراح اصوت لأحد"

 

[نونو7]

حريم ولا ريايل مافيهم خير بس مصلحة نفسهم وبس ومحد متغربل غيرنا احنا انا والشرهة مو عليهم الشرهة علينا احنا اللي وصلناهم للمجلس واحنا ندري انهم مو كفو شنو انا اختار واحد يمثلني انا يالمواطن يقعد يسب ويقل ادبه عيب انتوا تمثلون الشعب يعني جذي خليتونا ماعندنا اسلوب يبا خل يلغون المجلس احسن بلا عوار راس شوفوا الناس وين وصلوا واحنا للحين كل مالنا ونتردى من سيء إلى أسواء حسبي الله ونعم الوكيل على اللي مايبي مصلحة الكويت والله يرد كيده في نحره

 

[نونو7]

50 مليون بدون فوائد واحنا لي خذينا 4 الاف قرض صكونا فوائد دبلات اااااه وشنو مابيصير كيفج يما بس الشرهة مو عليها علي وصلها المجلس والمفروض الاخت الفاضلة تتحجى كويتي احسن لها شنو احنا نتحجى لبناني ولا شنو بلضبط وذا اهيا مشتهية تتكلم كويتي تعرف بنات انتوا بطلتوا الموضوع احس بنفجر والله منقهرة على ديرتي صج وين كنا ووين صرنا

 

[أميرة الورد]

تصدقون انتو تحرون الخراب والمشكلة بالكويتيين مو بالمجلس

ألحين معارضين ووكل وحده ماسكة لي كلمة مو عدل للي ما اخذ قرض بس عشان بيسددون عن اخوانكم وخواتنكم الللي حدهم الزمن ياخذون قروض ؟؟؟؟؟ أشوف ما تحجيتو عن 6 مليار اللي سددو فيهم ديون 6 من التجار الهوامير والا هذول عادي عندكم ومبدأكم للعدل تستثنونهم منه ؟؟؟؟؟ والله العظيم العيب من الكويتيين والله يوم طيح بابا جابر القروض بعد الغزو ما سمعنا هالحجي البطال ؟؟؟؟؟؟ ليش؟؟؟؟؟




لأنه الكويتيين قلوبهم على بعض وحب لأخيك ما تحبه لنفسك


أستغفر الله العظيم مهاترات كلها من الحسد والانانية​

 

[اميره1980]

اكيد المره اليايه راح تطلع لنا مرشحة هندية و تقول
بابا انا يبي قروز يطيح عشان هذا نفر كويتي ماكو فلوس واجد مسكين ماما لووووووووووووووول

 

[mmloo7a]

انا باختصار ضد اسقااااااااااااط الفوائد لانها راح تكبد خسائر للدوله

عشششششششششششششتو اهي يت على فوائد قروض المواطنين ياحرام

انزين اختي توته
مديونيات الصعبه بعد الغزو مافيها خسائر للدولة ؟
رولا دشتي مقترضه 50 مليون دينار بدون فوائد من بنك الصناعي هذا تجاوز كبير
5 ملايين ملوت الاعلانات الانتخابيه مافيها خسائر صح ؟

انتي تداومين مثلا بمكتب ومرتاحه وتقدرين ماتداومين ودوام على مزاجج ومعاشج يمشي كامل + بونص
ورفيجتج المسكينه تشتغل وتتعب وتجتهد ومايعطونها بونص وخصومات ويحاسبونها ؟ وين العداله بهذي وهذي
واللي تشتغل بمكانج وهي ماتستحقه
يعني لو بقولج في اشياء وايد قاعده تهدر للمال العام
وفوق هذا المساعدات الخارجية جزيرة لاوس بنغلاديش العراق الاردن فلسطين صربيا جيورجيا لبنان ملايييييييييييييييييييين الدنانيييييييير

واهنا اهني مجلس وسالفه ال50 دينار تسوي عجز ويريت الكل استفاد منها
اللي معاشها فوق ال1000 ماعطوها واللي أقل من 1000 عطوها

بالله عليج موحرام ؟


انا وحده مؤيدة لأسقاط الفوااااااااااائد لو القروض كامله بعد احسن وأحسن يستاهلون شعب الكويتي احنا أولى من غيرنا

خيرات الكويت للكويتييين
:dddds:

 

[nhr-36shan]

تصدقون انتو تحرون الخراب والمشكلة بالكويتيين مو بالمجلس

ألحين معارضين ووكل وحده ماسكة لي كلمة مو عدل للي ما اخذ قرض بس عشان بيسددون عن اخوانكم وخواتنكم الللي حدهم الزمن ياخذون قروض ؟؟؟؟؟ أشوف ما تحجيتو عن 6 مليار اللي سددو فيهم ديون 6 من التجار الهوامير والا هذول عادي عندكم ومبدأكم للعدل تستثنونهم منه ؟؟؟؟؟ والله العظيم العيب من الكويتيين والله يوم طيح بابا جابر القروض بعد الغزو ما سمعنا هالحجي البطال ؟؟؟؟؟؟ ليش؟؟؟؟؟




لأنه الكويتيين قلوبهم على بعض وحب لأخيك ما تحبه لنفسك


أستغفر الله العظيم مهاترات كلها من الحسد والانانية​

انا مع اختي اميره الورد
انا اعرف ناس انحدو واخذو قروض موعشان سياره والا ساعه وعشان خرابيط الاحدهم الزمن
وفي ناس موملحقه على مصروف البيت والعيال حتى اللحم والسمج والفواكه بالحسره تدخل بيتهم (ترى صج اتكلم عن ناس كويتيين والله)
والدنيا صارت نار من ناحيه الاكل واللبس وغير اللي عنده عيال يدرسون ومعاشه نصه حق المدرسين الخصوصيين من المناهج الصعبه اللي حاطينها والمواطن اللي بيشتري بيت الحكومه ماتقصر تعطيه 70 الف انزين ووين الحين في بيت بهالمبلغ يعني لازم ياخذ قرض وقدره عشان يشتري بيت كويس وغيره وغيره
وبالنسبه للي ماخذوا قروض قولوا الحمدلله انكم مانحديتوا مثل غيركم
وحب لاخيك ماتحب لنفسك:eh_s(8):

 

[Accepted]

الدكتوره رولا انسانه اقتصادية و فاهمة .. و لما تتكلم و تعترض سمعوا كلامها كله .. انا ايضا ضد اسقاط القروض و فوايدها لان مو بس الشرع الي تكلم فيها .. الا على شان عيالنا و عيال عيالنا الي بيدفعون ثمن التخبطات الي تصير بزمنا هذا .. محد خايف على مستقبل الديره .. انتو تفكرون بقروضكم الي يسقطونها اليوم على شان تاخذون 1000 قرض عقبها و نسيتو ان في شي اسمه اجيال قادمة .. و لاحد يدخل سالفة على سالفة .. سعدون حماد و ربعه ما عندهم ربع مخ د. رولا مع العلم انا ما انتخبتها و لا انتخبت ولا مرا و هي بدائرتي و ايضا من الناس الي الله باليهم بقرض بس الحمدلله من بنك اسلامي و الله لا يبلينا بالربا
و كبروا عقولكم يا بنات ديرتي و لا تحكمون على الناس من شكل ولا لهجة المرا ابوها كويتي بالتاسيس و يحق لها الجنسية و انسانه مثقفة و دارسة .. ما قطت جوازها و استعرت من اصلها و قالت انا بدون !

 

[Accepted]

انا لا مع اسقاط القروض و لا مع اسقاط الفوائد و لا مع اعطاء منحه 10000 دينار

لان الف الف الحمدالله احنا مدلعين في ديرتنا و كل شيء متوفر لنا لا تغركم الامارات في مبانيها ماعندهم اسكان مثلنا و لا البحرين و عمان اللي اهلها يشتغلون كل الوظايف من زبال حشاكم الى مدير ما عندهم اجانب يخدمون عليهم ..... و لا السعوديه و لا قطر

الكويت كانت من اول الدول اللي حطت التأمينات الاجتماعيه ...المدارس الصحه المجانيه ماكو تأمين صحي ندفعه رواتبنا زينه بالنسبه لما اتيون واحد عنده متوسط و لا ماخذ لا دوره و لا شيء و قاعد على مكتب و ياخذ 600 دينار ماكو و لا ديره عندها هالشيء

اذا في فلوس تبي تندفع و يصرخون عليها النواب خل تندفع لتعديل مستوى المستشفيات ...لتعديل المدارس ...للمشاريع السياحيه

لعمل مشاريع تنوع الدخل القومي على الكويت لان احنا اعتمادنا الوحيد على النفط ...و اذا خلص النفط؟!؟!؟!؟!؟!

حق عيالنا و عيال عيالنا من وين هالدلع اللي احنا فيه ؟

ماكو دوله توزع اسهم اكتتاب في بنك ...ماكو دوله توزع 200 دينار في مناسبه معينه و انتوا لو اتابعون قنوات اخباريه مثل العربيه و غيرها

تلقون حاطين هالخبر اشكبره ان وزعوا على الكويتين كيت و كيت ...

على هالحنه على اسقاط القروض او الفوائد هل تتمنون غزو ثاني ؟!؟!؟! ام مصيبه اتيي على ديرتنا ؟!؟!؟! الله يحفظها من كل شر

و قولوا الحمدالله على كل خير احنا فيه سواء عاجبكم و لا مو عاجبكم

و الله يحفظج يا كويت

كلامج درر ..
تدرون يا بنات متى بيرتاح الكويتي بديرته؟
لما كل بنقالي ينطرد من الديره .. و كل مدرس و مدرسة تدرس بذمة و ضمير .. و كل دكتور و دكتوره حتى السكرتارية و الفراشين الي بالمستشفيات الحكومية تشتغل من غير واسطة و كل مواطن يحصل خدمات متساوية مع غيره !
و البلدية تتنظف و ننسى شي اسمه رشوة على شان معاملتي تخلص !
الحين من متى صار الكويتي ياخذ رشوة ؟ ليش وصلنا هالمراحل ؟
لما البطاله المقنعة تختفي من الديرة .. و لما قلوب الناس تصفى مو كل واحد عينه على الي بييد زميله !
لما الطائفية و القبلية تختفي و نصير تحت مظلة الكويتي فقط لا غير
و الي يقول خل يحلون المجلس .. هذا الي يبونه يصير على شان ما يصير لنا كلمه يشغلونه بتوافه الامور و يعمون عيونا عن الاساسيات !
و الي تقول نبي اسقاط القروض ولا فوائدها ترا هذا الحل مثل البندول مسكن مؤقت و الي جاي اعظم ان ما انصلح الحال

 

[nadoshka]

اسمحوالي بالمداخلة.اللي اعرفه ان فيه فتوى بخصوص القروض فلازم الكل يقراها ويلتزم فيها لان المثل الكويتي الرائع يقول:اذا حكى الشرع,الكل ياكل تبن!احنا ناس تحترم كلمة الشرع وحكم الدين ولو كان على غير هوانا وهي الحالة الموجودة حاليا. بعدين الاخت رولا نفت قصة الخمسين مليون فليش تنقال كل خمس دقايق؟؟رجاء الاحتراس من اتهام البريء ولازم ننطر الى ان يقول القضاء كلمته!واللي عنده اثبات يطلعه مويخلي الناس تشتم المتهم المسكين بالطريقة هذي, فاللي عندها كلمة تقرقع بصدرها تسمح اقولها طالبي النائب المحترم اللي قط الكلمة هذي والى الان ماجاب اثبات. وبعدين الهجوم على النائبات ليش؟؟ الشرع قال حلال الانتخاب والترشيح ومقالة د.عجيل النشمي في جريدة القبس في اول ايام هالاقتراح كانت اكثر من رائعة واللي يبي يطلبها. اما قصة "وقرن في بيوتكن" فالكلمة هذه نزلت لنساء النبي وامهات المسلمين عليهن رضوان الله تعالى أجمعين والمعروف ان هذه الفئة المختارة من النساء لهن احكام تخصهن لاتنطبق على نساء المسلمين..يرجى لمن لديها رغبة في الاطلاع اكثر على هذا الموضوع قراءة موسوعة"تحرير المرأة في عصر الرسالة" ولكن مني الشكر للسماح لي بالمشاركة

 

[nadoshka]

تحرير المرأة في عصر الرسالة موسوعة من 6 اجزاء (مجلدات)كتبها النابغة الشيخ عبدالحليم ابو شقة وتعتبر من احسن الكتب التي انصفت المراة المسلمة من خلال تفسير القران والاحاديث الكثيرة التي جاءت بخصوصها في الشريعة الاسلامية..