ابعرف د.رولا شحقه داشه المجلس !!

[غرسة الريحان]

السلااام عليكم
والله مشكلة رولا اللي حجيها كله لبناااني في لبناااني ماخذه الجنسية لا ومادة أولى بعد والبدون مالهم حتى حق المطالبة بالجنسية هذا القهر والظلم صج

 

[سي السيدة]

الله يحفظ ديرتنا
وكثروا دعاء واستغفار كل شي على الله
والا الاعضاء ربنا وربهم الله

 

[Turquoiseya]

اسقاط القروض لأ اسقاط فوايدها اوكي
لأن ناس واجد حارمة عمرها من القروض والتسهيلات
وعلى العموم رولا كانت نائبة احترمها لكن اكتشفت انها تصوت ضد المواطن في بعض الجلسات

 

[درة أهل الطولات]

وااي تقهررررر

 

[Stylista_Q8]

ليش إنتي ضد إسقآط الفوآئد؟؟ :eh_s(1):

لانه الناس يوم خذوا القروض عارفين 100% انه فيه فوائد

يعني لي هالدرجة كان غبي لما خذا وما يعرف انه الفوائد تتدوبل ؟؟

وجان الدول المتطورة اسقطوا فوائد ديرتهم ولا هالدول ما يحبون شعبهم !!

احنا خل نحمد ربنا انه ماعندنا Taxes جان رحنا فيها مو فوائد و قرووض

بسكم طمع وفسق !!!!

والمفرووض الناس ما ياخذون من بنوك مو ربوية مثل الوطني وغيره

خل يروحون التمويل والبنوك الثانية اللي لا فوائد ولا هم يحزنوون بس اهمه اختاروا القروض معه فوائدها

فكل واحد يتحمل نتيجة قراره .. ومد ريولك على قد لحااافك

 

[قلبي ابيض]

ياناس فرقو بين القروض واسقاط الفوااااااااااااائد

 

[AbRo0oH Q8]

للنائبات .. اقولهم ..
ليتكم ساكتين ابرك ..
و ترى التاريخ يسجل كل موقف لهم ...
وسجل يا زمن ..

 

[yam_yam]

اي تقولون جذي الحين

خل نشوف لا حلوا المجلس من بتنتخبون ؟؟

عن نفسي ينسووووووووووووووووووووووووووووووووووون

 

[Fantazya]

ما اقول الا يارب يفضون هالسرك على خير
وترى كلمة الامير قرصة اذن لهم ... بس عمك اصمخ

وبعدين انتو مصدقين انها ما تعرف تحجى كويتي.. اراهن انها تعرف تتحجى ونص وثلاث ارباع

اصلا اهي عاشت بلبنان لين ما صار عمرها 10 سنين .. وبعدين كل ما احد حاجاها تبجي .. شهالحركات وين قاعدين بابتدائي

ليش كانت مسويه روحها قويه واخت رياجيل وقت الانتخابات ولا هو بس صورة


آخ يالقهر بس لو يسوون قانون يفرضون على النائب يحقق بس 10 % من وعوده او يسجنونه جان احنا الحين بخير

 

[أحبه موت]

لووول خو حريم بياعين حجي *مع احترامي حق البنات :$ *

بس انا ضد اسقاط القروض !

يعني احسن شي انهم كانوا ضد هالشي !!! لنه مافيها عدل للشعب الكوييتي

ولحد يطلع ويتحلطم ويقول غيره ما حسد

محد حسد يبـآأ .. احنا تهمنا مصلحة الديرة بس

و زين انهم ما اسقطووهم والحين قاعدين يدرسون عن اسقاط الفوائـد بعد بس هم مابيهم يسقطونهم

يابعد قلبي احنا ماقلنا خل يسقطون القروش لأن صج مافيها عدل للشعب بس اهمه اقترحوا اقتراح وأنا أشوف جدا مناسب وعادل بس محد وافق عليه ماادري ليش إن يعطون حق كل مواطن مبلغ معين يعني مثلا 10 آلاف انا قاعده أقول مثلا مبلغ افتراضي وكيفه الي يبي يسدد فيهم قروضه يسدد والي ماعنده قرض كيفه يسافر فيهم يشتري فيه يحرقهم كيفه المهم انهم يعدلون بينهم
وبالنسبه للفوايد حرام ليش ماتبينهم يسقطونهم والله البنوك كاسرين ظهرنا بالفوايد يمكن انتي ماجربتي تاخذين قرض وعليه فوايد وإن شاء الله ماتجربين بس والله انا أمي ماخذه قرض وكانت صج صج محتاجته على أيام الفوايد ماكانت ثابته كان قرضها 15 ألف ومع الفوايد اتوقعين جم يصير؟؟


30 ألف مو حرام دبل القرض مرتين وعشان يضمنون فلوسهم أول شي ياخذون فوايدهم بعدين فلوس القرض أمي اقعدت 7 سنين تدفع الفوايد بس ولمن راحت البنك اصدموها قالولها طول هالسبع سنين هذيلي فوايد قرضج للحين مابدينا فيه مو حرااام؟؟

 

[Fantazya]

يابعد قلبي احنا ماقلنا خل يسقطون القروش لأن صج مافيها عدل للشعب بس اهمه اقترحوا اقتراح وأنا أشوف جدا مناسب وعادل بس محد وافق عليه ماادري ليش إن يعطون حق كل مواطن مبلغ معين يعني مثلا 10 آلاف انا قاعده أقول مثلا مبلغ افتراضي وكيفه الي يبي يسدد فيهم قروضه يسدد والي ماعنده قرض كيفه يسافر فيهم يشتري فيه يحرقهم كيفه المهم انهم يعدلون بينهم
وبالنسبه للفوايد حرام ليش ماتبينهم يسقطونهم والله البنوك كاسرين ظهرنا بالفوايد يمكن انتي ماجربتي تاخذين قرض وعليه فوايد وإن شاء الله ماتجربين بس والله انا أمي ماخذه قرض وكانت صج صج محتاجته على أيام الفوايد ماكانت ثابته كان قرضها 15 ألف ومع الفوايد اتوقعين جم يصير؟؟


30 ألف مو حرام دبل القرض مرتين وعشان يضمنون فلوسهم أول شي ياخذون فوايدهم بعدين فلوس القرض أمي اقعدت 7 سنين تدفع الفوايد بس ولمن راحت البنك اصدموها قالولها طول هالسبع سنين هذيلي فوايد قرضج للحين مابدينا فيه مو حرااام؟؟

إن اردت ان تطاع فاطلب ما يستطاع

تدرين هالحل جم بيكلف الدولة ... 10 الالاف لكل مواطن!!!!!!!!

لان اقل من هالمبلغ ماراح يسوي شي
بعدين انا اشوف ان اسقاط الفوايد (مو القروض) عادل بالنسبة لدولة ميسورة الحال مثل الكويت
يعني اللي اقترض مليون (مالنا شغل وين صرفهم: على مشروع بيت على سفرة) بيسددهم كلعم نفس الشاطر .. نفس ما اخذهم ايردهم .. بس الفوايد .... هدج من الحلال والحرام هذا موضوع ثاني (مع انها حرااااام) ... البنوك نهابين طماعين وما يشبعون .. على سبيل المثال سوي ماستركارد واصرفي منها والله ما تسددينها لو بعد الف سنه بالتقسيط ... شهر يقصون منج 100 وشهر 500 وشهر خمسين دينار .. واحسب يا عداد الفوايد لان ككل ما زادت المدة زادت الفايدة .. واخر شي تطرين اتكيشنها لما تلوع جبدح


ورجاء لا تقارنونا بامريكا واوربا ... امريكا واوربا فيها قوانين واهم شي هالقوانين تتطبق على الكبير قبل الصغير
على الكل مو ناس وناس

 

[أخصائية تغذيه]

لالا تعلـــــــــــــــــــيق...

 

[Emanova]

انا لا مع اسقاط القروض و لا مع اسقاط الفوائد و لا مع اعطاء منحه 10000 دينار

لان الف الف الحمدالله احنا مدلعين في ديرتنا و كل شيء متوفر لنا لا تغركم الامارات في مبانيها ماعندهم اسكان مثلنا و لا البحرين و عمان اللي اهلها يشتغلون كل الوظايف من زبال حشاكم الى مدير ما عندهم اجانب يخدمون عليهم ..... و لا السعوديه و لا قطر

الكويت كانت من اول الدول اللي حطت التأمينات الاجتماعيه ...المدارس الصحه المجانيه ماكو تأمين صحي ندفعه رواتبنا زينه بالنسبه لما اتيون واحد عنده متوسط و لا ماخذ لا دوره و لا شيء و قاعد على مكتب و ياخذ 600 دينار ماكو و لا ديره عندها هالشيء

اذا في فلوس تبي تندفع و يصرخون عليها النواب خل تندفع لتعديل مستوى المستشفيات ...لتعديل المدارس ...للمشاريع السياحيه

لعمل مشاريع تنوع الدخل القومي على الكويت لان احنا اعتمادنا الوحيد على النفط ...و اذا خلص النفط؟!؟!؟!؟!؟!

حق عيالنا و عيال عيالنا من وين هالدلع اللي احنا فيه ؟

ماكو دوله توزع اسهم اكتتاب في بنك ...ماكو دوله توزع 200 دينار في مناسبه معينه و انتوا لو اتابعون قنوات اخباريه مثل العربيه و غيرها

تلقون حاطين هالخبر اشكبره ان وزعوا على الكويتين كيت و كيت ...

على هالحنه على اسقاط القروض او الفوائد هل تتمنون غزو ثاني ؟!؟!؟! ام مصيبه اتيي على ديرتنا ؟!؟!؟! الله يحفظها من كل شر

و قولوا الحمدالله على كل خير احنا فيه سواء عاجبكم و لا مو عاجبكم

و الله يحفظج يا كويت

 

[blue ocean]

اللحين صج طلعت مقترضه 50 مليون ؟

 

[ام حمود الغالي]

الله يهديها .. هاللبنانيه باطه جبدي

 

[عيون سارة]

متابعه

 

[كويتية فاهمة]

والله احس ببجي كل ما سمعت هالمناقشات صج قهر قهر
ادعو معاي الله يرزق اميرنا البطانه الصالحه آمين
وسلامتكم

آمييييييييييييييييييييييييييين يا ماااااريا

صااااجة الله يحفظ الكويت وبابا صباح من كل مكرووووووه

 

[~Princess~]

يا جماعه الي يقترض عارف وفاهم ان عليه فوائد!! اهو ما يوقع على شي الا ومكتوب قيمة القرض وقيمة الفوائد !

يعني الحين تبون تتقترضون وما تبون البنوك تاخذ فوائد ؟ عيل من وين تربح ؟؟؟ ومن وين تدفع رواتب الموضفين؟؟

بعدين العشرين دينار اليوم مثل العشرين دينار قبل عشر سنين؟؟ اكيد لأ !!! ونفس الشي مع القرض ! البنك يقدر يستثمر العشرين الف دينار ويطلع ارباحها دبلات ,, تبونهم يسلفونكم اياها ببلاش ؟؟

وعلى فكرة كل بنوك العالم تخلي المقترض يدفع الفوائد بالبدايه علشان يضمنون الربحيه..

انا عن نفسي ما اخذت قرض !! ولو ان ودي !! بس ما ابي احط على نفسي ديون !!

في ناس الله يكون في عونهم مضطرين مثلاً علاج ولا ديه.. بس شنو نسبتهم هذيله الناس؟؟

اكثر الي ماخذين قروض يا شارين سياره ,, ولا مسافرين ,, ولاعلشان يشترون بيوت !!

يقترضون واهم واعين وفاهمين , وبعدين يتحلطمون على الحكومه علشان تدفع القرض ولا الفوائد !

شنو راح نستفيد من اسقاط القروض او الفوائد على المدى البعيد؟؟ ولا شي!!!! كل شي بيصير أغلى واحنا المساكين الي ما اقترضنا بناكلها !!! وغيرنا الي اقترض عندهم بيوت وسيايير !!!

تكفون خليكم واقعيين ..

بدال ما تطالبون بأسقاط القروض طالبوا برقابه على الأسعار !!

 

[عهود الحب]

http://www.youtube.com/watch?v=5kpMYnmiwT0&feature=related

هالمقطع مايتطووف صراحة

 

[!الجادل الصعب!]

انا مع اسقاط الفوايد المبالغ فيها !!

يعني قبل فتره وحده مرسله لفؤاد الهاشم تشتكي ..

ماخذه قرض على بنك الوطني 20 الف .. وبعد كم سنه راحت بتشوف شكثر باقي عليها ..!!

قالوا باقي عليش العشرين الف القرض قالت وكل الي كنت ادفعه قالو لها الفايده بس 20 الف !!

يعني معقوله يا ناس فايده تعادل القرض!!

ثاني شي ..

مو حرام كويتي .. يكون عنده شوية طموح ياخذ قرض وربي ما يوفقه ينسجن عشان 10 او 20 الف ..!!

مواطن ينسجن عشان فلوس .. ينفضح يخسر عائلته .. و وظيفته عشان فلوس والديره تتوزع فلوسها برا ..

حق العراق الي الحين طلع لهم وجه ثاني ولحد الحين يدرسون بمدارسهم ان الكويت من محافظات العراق @@

وسوريا الي بكل حزة يسبون فينا !! وباقي الدول ..!!

يبا فلوس الديره عيالنا اولى فيها ,,

على فكره انا ماعلي قرض .. بس مع اسقاط الفوايد ..