إعلان توظيف محامي الدولة بالفتوى والتشريع

[eva beach]

تمورو

الحمدلله الحمدلله افتكيتيييييييييييييييييييييييييييييييييي كلولولولووووووووش هههههه

الفال حق البشاره بالوظيفه ياااارب

 

[blue diamond]

مبروووووك تمو انتهت المقابله الحين يا دور الانتظار ون شاء الله نكون كلنا مقبولييين يارب

وجواب سؤالج .. بالنسبه للبنات اتوقع في غياب وحده او ثنتين اما بالنسبه للشباب فمادري

وهمن اعرف واحد قدم على الفتوى بس مسافر وما اتوقع انه بيعيدون له المقابله​

 

[sraab]

هاي بنات

اول شي مشكووورين ع مؤازرتكم لي انا وتمورو بالمقابله

ثاني شي المقابله كان تقديمي فيها للاسف مو ذاك الزود

كنت حييييل خايفه وخوفي أثر علي

كل الاسئلة اداري اسألوني اربع اسئله

اسباب الطعن بالقرارات الاداريه
وفي شغله عن المسوولية التقصيريه
والباجي من الخوف نسيتهم والله

جاوبت ع كل الاسئله بس كنت اذكر جم نقطه والباجي اقول ناسيتهم

الله يكتب اللي فيه الخير
ويرزقنا كل ما نتمنى

تمورو انا لابسة عباية مااتوقع بتعرفيني

 

[eva beach]

سراب

عااادي حبوووبه مو مشكله ولا يضيق خلقج

المهم هم وانزااااح يلا عل بركه افتكيتي

وعل اقل جاوبتي شي احسسن من لا شي

موفقه يا حلوووووة

 

[تمورو]

سراااااب
حبيبتي لا تحاتين لان المقابله مو الهدف منها الحصول على اجابه صحيحه و بس
الهدف التعرف على جوانب شخصيتج من خلال التعرف عن رده فعلج عند الاجابه سواء بالمعرفه او لا
عشااااااان هالسالفه احنا نقول الثقه بالنفس هو المطلوب ام الاجابه الصحيحه و الكامله كلنا نجحنا فيها
بالجامعه ولله الحمد و انتي منهم

الحييييين علينا بالدعاء بالتوفيق لبعضنا امييييييين يا رب:yaaaaaarb:
سرااااب انا كنت لابسه نفنوف عنابي مع لفه سوده كنت بغرفه الاجتماع مع البنات عند الباب ما عرفتيني

يبيييييييييييييييله سينما انا برفه نفسي بودي عيالي فلم cars2 هذول عيالي انتاجي ايام الدراسه
بنااااااات ما ابي احد يقطع مشاركته ابيكم onlineعلى طول

 

[eva beach]

لوووووووووووووووووووول

تمورو موووووووصج

اهم شي انتاج الدراسه

فقاااره هههههه

بدعتي حدج فاصله

عاد تبين الصج ماتوقعت عندج عيال

يالله طلعي ورفهي عن نفسج ونفسهم

استمتعووا

 

[تمورو]

مستعديييييييييييييين
بنات النتايج بعد (20) ييييييييييييييييييييييييييوم
يعني احنا بالعد التنازلي
السؤااااااااااااااااااال. !!!!!!!
الي يطلع قبولها بتقول لنا ولا لأ. ؟؟؟؟؟؟؟؟؟؟؟؟؟؟
انا بقول سواء انقبلت او لا

انا كنت امتياز و من العشر الاوائل منو بعد كانت متفوقه ؟؟؟؟؟
او تحس انها لها اولويه سؤال صرييح و نبي اجابات جريئه نبي اكشن اشوي يضيع انتظارنا هذي مجرد سوالف
ياالله ابي اجابات:eh_s(4): تخيلوني زليخه

 

[eva beach]

تمورو

يعلج العافيه ان شالله ههههههههههههههههههههههههه

بطني مغصني يوم قريت 20 يوم ههههههههههههههههههههه

وانا المفروض اني اقول بس الحين امممم مادري افكر لان صارت لي وااايد سوالف مليقه ويا البنات

بس ترى واااااااااااااااااااااااااااااااااااااااايد بنات ماراح يقولون اخذيها مني

صارت بتجمعات قدييييييمه

تخيلي يطلع القبول ونصهم مقبولين ومن يوم دروا انهم انقبلوا ماتشوفين غبرتهم بالتجمع

لا تساليني شدراج بس انا اعرف كل شي ههههههههههههههه

والشق الثاني من السؤال امتنع عن الاجابه ههههههههههه

 

[blue diamond]

الفتوى والتشريع: بعد الانتهاء من مقابلة المتقدمين مساء الأمس ، سيُعقد اجتماع خلال يومين لرفع أسامي المقبولين للوزير حتى يتم الاعلان عنها​

 

[تمورو]

بلوووووووووووووووووووو
:eh_s(16):
هذا الخبر من الجريده ولا انتي ساءله لنا كان السالفه قاب قوسين او ادنى

بنات انا صج متوكله على الله بس بديت اخاف لان ما عندي واسطه الا الله و معدلي و مقابلتي:eh_s(11):

 

[السمبتيك]

انا الصراحه عن نفسي راح اقول اذا انقبلت او ماانقبلت

وعد

والصراحه انا اشوف اني استحق
معدلي عالي + مقابلتي كانت جدا ممتازه كل الاسئله جاوبتها صح

بس يبقى الموضوع بيد الله سبحانه

ومابيدي غير ادعي ربي

والله كريم

وانا احس اني عجبتهم بالمقابله ( واايد مصدقه عمري )

لم قلت لهم انا اكمل ماجستير جان زليخه تقول. اقعد

وحدي استانست

بس مايندرى

الله كريم

 

[Peony]

موفقين جميعاً
في بنات فاقدينهم بالموضوع
مثل
The me
وفيوتشر لوير
ولو
وباجي الشله وين راحو
عسى المانع خير

 

[eva beach]

السمبتيك

لوووووووووووووووووووووووووووووووووووووووووول

اهم شي " اقعد " هههههههههههههههه بدعت

لو انا جان بطيتها ضحككككه لوووول

وطلعتي زميله تشرفنا لوووووووول

والله يوفقج ياااااااارب ويكتب لج الي فيه الخير



بوني

صاجه والله

عسى المانع خير يارب

وفيوتشر لوير عذرها معاها

 

[السمبتيك]

اي انا من داخلي ودي ابطها ضحكه بس شوي كنت محترمه نفسي

مابي يقولون علي رقله

ترى انا مدير مكتب الشيخ السلمان قالي ييبي ورقه لمن يهمه الامر انج تكملين ماجستير

قالي احسن

ويبت الورقه له

انتي حطيتيها ؟؟

 

[eva beach]

لووووووووووووووووووووول

لا مايبت شي محد قالي لووووووووول

بس عادي طاااف

 

[تمورو]

السمبتيك
انا بعد احسهم استلطفوني بالمقابله و انا بعد:eh_s(7):
و اسالوني ما يقارب 3 اسئله عن دوامي السابق
ليش طلعتي؟
جم راتبج؟
شنو طبيعه عملج؟
دوامج ما يسال الفتوى في الامور الصعبه؟

بس الحمد لله اجاباتي احسها مقبوله لاني انا كنت شاطره بدوامي وكنت حاصله على ترقيه بالاختيار بفتره وجيزه
يعني خبره بجداره

بنات ممكن تفلسفنا اشوي بس هذا كان مغزى سؤالي الجريء ان كل وحده تفضفض بصراحه و نكثر مشاركات و نخففففففففف ازمه انتظار القبوووووووووول:bbbiu: ولا اشرايكم ؟؟؟؟؟؟؟؟

 

[blue diamond]

تموو في محامي بالفتوى والتشريع اهوا كاتب هاكلام بتويتر​

 

[sraab]

تمورو

حبيبتي تسلمين عالكلام الحلو

اييي عرفتج انتي كنتي داشة قبلي بوحده

الله يوفقنا يارب

ويتقبل منا الدعاء

 

[blue diamond]

ياااارب يا كريم ننقبل كلنا​

 

[تمورو]

بلو
اي والله

انشالله كلنا ننقبل و نتعرف على بعض عن قرب و تصير هالمحاتاة ذكرى حلوووه و ما تنسي