إعلان توظيف محامي الدولة بالفتوى والتشريع

[محامية2009]

بوووووني
انا اثق باخبارج اللي تكتبينها ما رديتي علي بخصوص القبول ماتدرين متى يطلع بالضبط اي تاريخ ؟
وخلصوا المقابلات ولا بعد ؟
مشكورين حبايبي :eh_s(7):

 

[جنات]

بنات إلي سألوكم يجوز ولا يجوز يبون مع ذكر السبب ؟

و صح و خطأ و يجوز ولا ... ماتذكرون شنو سألوكم فيه ؟

 

[محاميـــة]

هلا جنات امممممم لا بدون ذكر السبب ، بس انتي اذا قلتي خطأ حاولي تقولين السبب باختصار شدييييد

يعني مثلا :
لما سألوني صح او خطأ يجوز استئناف وتمييز دعاوى عقود الايجار؟ الجواب كان : خطأ، يجوز الاستئناف فقط دون التمييز
صح او خطأ يصدر الامير القرارات بالمراسيم الاميريه فقط ؟ الجواب كان : خطأ ، يجوز اصدار القرارات عن طريق المراسيم والاوامر الاميريه.

عرفتي شنو اقصد جنات حبيبتي يعني بينيلهم انج فاهمه وخل يسمعون صووووتج بوضوح
وموفقيييين بلو & جنااات*

 

[Peony]

موفقين بنات اجمعين
جنات وبلو والباجي ...

محاميه ٢٠٠٩ موفقه حبيبتي
وبصراحه ليمن الحين ماعرفت متى يطلع القبول ان شاء الله هالاسبوع اسألج
بس ما اتوقع راح يبين شي الا لما يخلصون مقابلات

موفقين يارب

 

[eva beach]

بونيووووووو

اهلاااااااااااااااااا اهلاااااااااااااااااااا

صارلج فتره قاطعتنا تعالي خل نسولف وناكل حب وبنك ههههههههههه

من زمان عنج والله

 

[تمورو]

هاي بنات الي مقابلاتهم اليوم جم الرقم وصل ؟
الي ما اتصلو عليهم خلو فونكم يمكم لان كل اربعاء و خميس يتصلون وعلى ما اعتقد هالاسبوع الاخير للاتصال
لان اخر يوم مقابلات 6/28
و انا رقمي فوق 580 و ما اتصلو لين الحين
موفقين جميعا:yaaaaaarb:

 

[جنات]

شلون تأسس الدستور ١٩٦٢

و قانون الفتوى و التشريع صدر ١٩٦٠ ؟؟؟

ردو pls

 

[تمورو]

جنات
الدستور كان نتيجه عقد بين الامير و المجلس التاسيسي و الارادتين مطلوبه
يعني المجلس التاسيسي ما يقدر يتخطى راي الامير يعني اعتراضه محل نظر مو توقيفي مثل اقتراح القانون العادي
جناااااات لا تحاتين وايد المقابله مو بهالشكل عاد

 

[جنات]

الحمدالله على كل حال تم بحمدالله و التوفيق للبقيه ان شاءالله حده الوضع مايخرع و لاتنسون ادشون بثقه و لاتنسون تبتسمووووووون)

 

[تمورو]

جنات
اسئلتج المعتاده ولا سالوج شي بموضوع يديد
وما اسالوج اسئله عامه ؟
و اخر سؤال تعتقدين جم وصلو الارقام

 

[محامية2009]

help help
بناااااااات بلييييز ما تعرفون احد دقوا عليها ديوان المحاسبه هالايام ؟؟؟؟؟؟؟
عشان مقابلات القانونيين ؟؟ لان عندي مقابله يوم الخميس وما ادري شدرس شخلي ؟؟؟؟
او اذا في موضوع بالمنتدى متكلمين عن ديوان المحاسبه حقوق ياريت تفيدوني فيه
لان والله حدي متوهقه والله يجعلها بميزان حسناتكم
ابي اعرف شلون طبيعة مقابلاتهم اكييييييد يفرقون عن الفتوى
عفيه عفيه ردوا علي وما تقصرون :eh_s(9):

 

[تمورو]

محاميه 2009
انا صديقتي كانت ممتحنه بس مو هالمره من سنوات قبل كانت المقابله بكل شي
و صديقتي الثانيه كان امتحانها بالنت قدرات ذهنيه و قانون و شي ثاني نسيت
على فكره هذي صديقتي كانت رايحه المقابله ضامنه و بشروها بنجاحها بالمقابله
بسسسسس ربج ما كتب لها يعني لو جرينا جري الوحوش غير رزقنا من الله ما نحوش:eh_s(17):

بنااااااااات من صجي اتمنى لكم التوفيق و ان الله يكتب لي لقاء مباشر معاكم بوظيفه سنعه

 

[جنات]

جنات
اسئلتج المعتاده ولا سالوج شي بموضوع يديد
وما اسالوج اسئله عامه ؟
و اخر سؤال تعتقدين جم وصلو الارقام

اسئلوني عن العين المؤجرة و الامتياز و سؤالين اداري بس كانو وايد مركزين على اداري على حظنا عموما كل وحده اسئلوها شي غير نصيحه لا يطلعون البنات من المقابله وقولون لكم الأسئله ووترونكم درسو الأوراق وتوكلو على الله

سؤال الإداري بس اذكر واحد انه بالنقل والتعيين و هالسوالف هل على طول تلجئين للقضاء وله لازم تتطعنين قبل قلتله لازم اطعن وسلامتكم :d

 

[جنات]

عفوا السؤال كالتالي
سؤال الإداري بس اذكر واحد انه بالنقل والتعيين و هالسوالف هل على طول تلجئين للقضاء وله لازم تتظلمين قبل قلتله لازم اتظلم سوري مو أطعن

 

[السمبتيك]

انا رفيجتي السنه الي طافت انقبلت ديوان محاسبه

تقول يسالون بكل شي مدني / اداري / ميراث / دستوري ........... بكل فروع القانون

وتقول انهم وااايد تهمهم المقابله يعني مو شكليه بس جذي

يهتمون واايد باجاباتج لازم تكون صح

 

[تمورو]

بلو
شخبار مقابلتج طمنينا ما سمعنا لج تعليق عن المقابله بعد جنات
انا لين اليوم ما اتصلو وباجر اخر يوم يتصلون فيه بنات انتلفت اعصابي :rgewrg:
شسوي فيدوني :eh_s(10): انطر باجر كله و لا ااراجعهم احسن؟؟؟؟؟؟
Pls pls شورو علي *

 

[السمبتيك]

تمورو
مادري شفيهم البنات غاطين
كله ادش المنتدى مالقى احد كاتب شي يضيق خلقي والله


انا اقولج نطري باجر دقي عليهم واذا ماردوا روحيلهم احسن

 

[sraab]

تمورو

انا نفسج مادقوا علي حدي توترت معاهم

باجر بدق ان شاءالله

 

[blue diamond]

سوووووري بنات انشغلت وااااااايد من جذي ما كتبت لكم التعليق

المقابله كانت الحمدلله تمام
الحمدلله ماكو رهبه و خووووف ولله الحمد

نصييييييييييييييييييييييييييييييييييييييييييييييييييحه درسوا الاسئلة المكرره واللي تبي اعطيها الاسئله المكرره مع اجاباتها ما عندي مانع لان مو كل الاجوبه صحيحه بالنوت اللي بالديوان بعد ما شفته قبل مقابلتي بيومين

الاسئله اللي كانت لي ولي غيري اهيا كالآتي :
1- محرمات الرضاع
2- الشفعه
3- الفرق بين الفسخ والانفساخ والتقايل
4- مصادر الإلتزام
5- عقد الصلح
6- حالات طرد المستأجر من العين المؤجرة
وفي بنات اسألوهم عن الدعاوي الايجاريه وفي سؤال اسألوني اياه ما اتذكره عدل بس عن عقود النتفاع او شي جذي و ما عرفت اجاوبه وقلت لهم ما خذيناه لما كنا بالكليه لووول

هذا اللي اتذكره بنات وما عرفت كل اسأله اللي بعدي لان كان رقمي مو بعيد

وياااااااااارب يا كريييييييييييييييم الله يكتب لنا النصيب بهالوظييييفه يارب يا كريم ​

 

[blue diamond]

اي صح بنات ترا مقابلتي كانت امس واليوم ماكو مقابلات >> هذا اللي سمعته من السكرتاريه وسمعت بعد ان الاسبوع الياي آخر اسبوع للمقابلات >> قاطه اذني انا لوووول

ودعواتكم بنات :*​