إعلان توظيف للكويتيين في المؤسسة العامة للرعاية السكنية - مايو 2013

[ghalyah91]

دقو عالمقبولين؟؟ لاني مسافره وماكعاي تلفوني!! :|

 

[سمو ذاااتي]

هالاسبوع بيدقون

موفقين جميعا

 

[Moi belle]

سمو ذاتي انا عندي لج اخبار بتصدمج اليوم اكتشفت ان داقين علي الللي يبونهم برمضان وممتحنيهم بعد شكلا اللي دقو بعد العيد كانو ناقصين من عندهم علشان جذي خذو الادارين والمهندسين شو رايك بجذب الموظفين لما اقولج الموظفين حاسدينا علي وظايف احنا حتي مامسكناها يبون الخير لنفسهم محد مصدقني طول رمضان ندق يقولون ماكو للحين ماشكلنا الللجان اروح لهم نفس الكلام حسبي الله عليهم

 

[ghalyah91]

اف!! معقوووله؟؟ لي هالدرجة فوووضه الموضوع؟؟؟؟؟


يعني الحين الي قابلوهم الاسبوع الي طاف بس جذي؟؟ ما يبون احد منهم؟؟

 

[Moi belle]

غاليه شفتي شلون لان التوظيف عن طريقهم خلووو لاحبابهم واهلم واللي يعزون عليهم قمة السخااافه لو من الديوان جان صار شي ثاني للاسف

 

[سمو ذاااتي]

والله شي يحر ويغث

انزين ليش ينزلون اعلان

ليش نقعد نحاتي وننطر واخرتها جذي

اللحين ناس ممتحنينهم وناس قبلوهم بدون امتحان شسالفتهم ؟؟ مو مفروض اللي يمتحنون تالي يقابلونهم نفس النفظ ؟

اول مره يحوشني احباط وتشاؤم هالكثر

حسبي الله ونعم الوكيل فيهم

 

[Moi belle]

اي والله احبااااط وحتتي اهلي منصدمين وابوي المسكين رايح راد منهم وكلا نطرو ونطرو واخر شي جذب بجذب وحسابهم بتويتر صنم مايرد

 

[Moi belle]

انا قالي مصري عندهم شغلي واسطتج ولا اوراقج ماراح تمشي هذا واهوا وافد جذي كلامه بس للاسف هالواسطه مو محصلتها

 

[سمو ذاااتي]

ولا انا محصله هالواسطه راس مالي شهادتي وتقديري

على عينك يا تاجر يقولج شغلي واسطتج

الحره عالنطره شنوو ماكو احد يردعهم شالظلم

حسبي الله ونعم الوكيل فيهم

ودي اروح اغسل شراعهم واااي فيني حره مو صج

 

[KUVEYT]

Moi belle
اختي ماتاكده ع الي دقو عليهم برمضان وامتحنو ماتدرين شنو تخصصهم ؟

سمو ذاتي
اللي اعرفه ان الاسامي تنزل بالجريده بالنسبه للمقبولين..

اذا الشواغر مثل مايقولون50..

اكيد اغلبهم اذا مو كلهم واسطات!!

 

[ghalyah91]

حسبي الله ونعم الوكيل.. ينطرونا عالفاظي!! نتعب بالجامعه ونييب معدل عشان بالاخير نشوف الي اقل منا يتوضفون قبلنا وياخذون مناصب فوقنا،، وانا متاكده الي ماخذينهم ٩٠٪ مو كفائه بالمكان اذا مو كلهم بعد


بس انا الي مبرد جبدي شوي،، ان انا سالت عن امتيازاتهم.. معاشهم حق كل تخصصات الاداره ثابته الي اهي ٩٥٠.. والبونص السنوي اقل من باجي الهيئات الي اهو ٥٠٠ اذا تقديرج امتياز.. واذا مو امتياز ما يطلع لج ولا شي.. يعني اشكره الامتياز بيعطونه حق ربعهم!!

 

[KUVEYT]

غاليه

ماسالتيهم يوم قابلوج متى بيعلنون القبول؟
وموفقه ؛*

 

[ghalyah91]

لا والله ما سالت!

بس الغريب بالموضوع ان المقابلات كانت تطول معاهم

يعني انا لما كانو يقابلوني باجي الوضايف كل مقابله ما تعدي ال٥ دقايق،، هذول مع كل بنت قعدو عالاقل ربع ساعه وانا قعدو معاي ٢٥ دقيقه!! سالوني بكل مقرر بالمحاسبه.. يعني عقب كل هذا يكونو قابلين الي يبونهم خلاص!! شي يقهر كل ما اذكر انقهر زيادة -.-"

 

[Moi belle]

انا دريت بالصدفه من واحد بتويتر قال قابلونا برمضان وامتحنونا بس للحين مادقو علي يمكن سحبو علي معنا مهندس معماري استغرب لما قتلا قالونا بعد العيد اثاريهم مسوين فلم علينا سمو ذاتي امي بغت تهاوش معاهم قالت الا دقين عليهم ودقيت شكثر علي الرقم اللي حاطتا غاليه بس محدش برد

 

[Moi belle]

غاليه ما راح يدقون دام سو مقابله معاج روحي لهم وسالي بنفسج لاتروح عليج الفرصه

 

[Moi belle]

Kuv ماظن يحطون الاسامي بالجرايد لان مو عن طريق دوان الخدمه !!؟ماعندي علم بالموضوع هذا

 

[ghalyah91]

حسبي الله فيهم اففففف بهذله والله يطلعون الوظيفه من جبد الواحد

 

[KUVEYT]

Moi
لا مو عن طريق الخدمه
انا سامعه انهما ينزلون من مؤوسستهم اسامي القبول! ..
ماتنلام الوالده شي يحر .. دام اعلانتهم شكليه
غاليه..
مثل ماقالوا اتصلي عليهم او روحي لهم لان بالفون لا حق ولاباطل

 

[سمو ذاااتي]

بنات معقوله هالجهه تلعب على كيفها وماكو احد يحاسبهم !!

انا امس من ساعه ٨ لي ١٢ ادق على رقم اللي حطته غاليه محد يرد

صج شي يحر لا تنزلون اعلان اذ جذي قبلو علي كيفكم بس حرام والله الناس تستعد وتنطر واخرتها جذي

بحاول اليوم ادق بعد انا غاسله ايدي منهم بس بعرف شنو تاليها والاسامي راح تنزل بالموقع ولا بالجرايد مع اني استبعد انها تنزل

 

[روونه]

هلوو بنات مابي ازيد النار حطب

بس من مصدر يشتغل بالاسكان.... المتقدمين عددهم 300 وشي اللي يبونهم بس 8 ))))))) اي 8 والكلام اكيد وهال 8 واسطات

وخيرها بغيرها وخيره لنا انشاءالله لا تحترون ريلااااكس