إعلان توظيف للكويتيين في المؤسسة العامة للرعاية السكنية - مايو 2013

[* Snow White *]

بنات شلونكم، انا خلصت كل اوراقي وخذو الشهادات وصوري وسولي ملفي وخلصت الفحص الطبي والجنائيه وكل شي ونتايجي سليمه ولائقه للعمل الحمدلله، شراح يصير بعدين؟ قالولي اندق عليج بس مادقو واستقالة الحكومه لها تاثير سلبي علينا؟ بليز ردو بنات الموسسه

 

[ghalyah91]

اولة!! لما الحين ما باشرتو عمل!!؟؟؟

كلميهم!! اتصلي عليهم واذا ما ردو روحيلهم

 

[سـٌگر معـقـود]

اب اب

بنات بسال اللي انقبلو جم معاش القانونيين فيها ؟ وهل لهم كادر ؟

 

[* Snow White *]

امبيه انا منصدمه منهم خلصت كل شي بس باجي قرار التعيين للحين ماطلع وطلع اسمي بوزارة التجاره وراح اباشر عمل مع الوزاره وهذيل للحين مادقو والوزير اليديد معلقني

 

[Moi belle]

وي وي شسالفه من صجج للحين بصيرلج سنه مارحتي لهم تهاوشي معاهم علي شهر ٥ ببطلون التوظيف

 

[Moi belle]

بعدين في شغله نزلو اساميهم بالجريده كانو ١٠٠ وحده واحد قبلوهم كنتي معاهم ؟! لان الاسامي نزلت بالديوان

 

[* Snow White *]

رحت لهم عيزت انا وابوي كل يوم طاقين طريج وكلمنا مدير الاداريه وللترظيف كله يقولون لنا ملفي عند الوزير وماكو شي يقدرون يسوونه الحين وسوينا واسطه كلم الوزير يقول ماكو شواغر عذر اقبح من ذنب الوزير القديم كان بينزل قرار تعييني بس لما استقالت الحكومه وتغير الوزير علقوني

 

[* Snow White *]

بعدين في شغله نزلو اساميهم بالجريده كانو 100 وحده واحد قبلوهم كنتي معاهم ؟! لان الاسامي نزلت بالديوان

اي اسمي معاهم حسبي الله عليهم

 

[Moi belle]

الله يعينج سالفتج غريبه شكلج من العوايل اللي مالها صيت لان ١٠٠القبلوهم اغلبيه من الطبقه الفوق حسبي الله ونعم الوكيل فيهم اذا جذي تفكيرهم