إعلان الهيئة العامة للصناعة عن وظائف شاغرة 2012

[cake]

بنات منو تعرف متى راح ادقون؟

 

[جوكاندا]

يقولون شهر 6

 

[sh_mashael]

صج و الله ؟

المشكله انا غيرت رقمي و الحين بيدزون مسج اشلون راح اعرف هههههههه

ابليز بنات خلوني بالصوره و اي وحده يدزون لها مسج خل اتقول لي عشان ادق عليهم اتأكد

تسلمون فديتكم

 

[A9A9-Q8]

يدزونلج بالايميل

 

[maryam22]

لا يدزون مسجات
وعادي تروحين لهم يسون تحديث البيانات اذا تغير رقمج النقال
المهم انا سامعه بعد شهر الرمضان بدزون مسجات حق الاختبارات موفقين

 

[sh_mashael]

مشكورين
البنات اللي اتعرف مكانهم بالضبط خل توصفلياه
ماعليكم امر

 

[جوكاندا]

جنوب السرة - قطعة 5 - بجانب بيت الزكاة ووزارة الأشغال والبطاقة المدنية والبنك الوطني

 

[جوكاندا]

اي وبعد وزارة الكهرباء والماء
كلهم مع بعض

 

[sh_mashael]

مشكوره حبيبتي ماقصرتي

 

[جنيفيه]

السلام عليكم بنات ...
ماكو خبر مني مناك يعني ماكو توظيف ولا شصار علينا ؟؟

 

[sh_mashael]

انا محد دز لي شي

و انتوا بنات ؟

 

[نستيلا]

ولا شي لحد الحين نطرو بعد رمضان وإن شاء الله قبل ><"

 

[lulwqh2012]

up ..

 

[noorq8]

والله لو اللجنه تصلي استخاره حق كل اسم متقدم جان قضوا من زمااااان ،،،، اشهالعبووووا من شهر 3 وهم يفرزون ماكو شي اسمه كمبيوترررر

 

[sh_mashael]

هههههههههههههههههههه صاجه

يمكن عقب ارمضان

 

[A9A9-Q8]

اعتقد يدقون بعد رمضان

 

[sh_mashael]

=))

 

[Dloly_87]

حبايبي توالناس على ما يردون عليكم انا قلت اقولكم لان انا مقدمه كنت الاعلان اللي قبله وقعدنا 6 اشهر ( اصلا نسيت ان انا مقدمه ) بعدين دقو عشان امتحان قدرات وامتحان انجليزي وبعد الامتحان هم ب 6 اشهر نادونا حق المقابله ورحت وكان زحمه تخصصي كانو يبون 2 موظفين واحنا كنا 200 تخيلو !! واغلب البنات كانو عندهم واسطات وما قبلوهم لان اهمه اصلا ماخذين اللي يبونه هالاعلان شكليات بس جدام الناس وهم عقب المقابله ب 3 اشهر انا بعد لوعت جبدهم وانا ادق اسال قالو مو مقبوله ولا اهم ما دقو خير شر

 

[Dloly_87]

مو قصدي احبطكم بس قلت اقولكم تجربتي واللي كاتبه رب العالمين يصير وعسى ربي يكتبلكم الوظيفه اللي تحلمون فيها والله يوفقكم انشالله سواء بهالوظيفه او غيرها

 

[نستيلا]

بنات في احد اتصل علية التأمينات ؟

أنا اتصلوا علي ومن النومه وشلون عافستها ما رديت والبيت كان مشغول :eh_s(11)::eh_s(11):
ولما اتصلت عليهم قالولي بالجهاز مافي شي نطري يا يتصلون علي يا تين وتراجعينا :eh_s(16):

بصراحه صاير شعوري معصبه ع متحبطه ع ابي ابجي

قالت لي امي تبين نروح الحين قلت لها لا نروح الأحد

ما ادري شنو اسوي

بنات إلي اليوم اتصل عليكم احد خل يقولون شنو يبون

وشنو تنصحون معاي ، رفيجتي تقولي اتصلي مره 2 وطلبي شؤون الموظفين بس ما ادري مستحيه =$