إعلان الهيئة العامة للصناعة عن وظائف شاغرة 2012

[انجبر قلبي]

بنات متا نتايج الاختبارات تبين بالموقع ماعندكم فكرة

 

[أوراق مبعثره !]

النتيجه حبيبتي تطلعلج اول ماتخلصين وفالولنا مطرو اتصال المقابله وليلحين ما اتصلوا ةشكلهم مطولين

 

[انجبر قلبي]

انا اقصد النتايج اللي بالموقع تبين نجاحج او سقوطج بالاختبار

و المستوا

 

[SeNyOrA Q8eYa]

في تقديم الحين؟

 

[انجبر قلبي]

لا ما في

 

[رشاقة]

اببببببببببببببببببببب

بنات شصار عليكم؟؟ صج يبيلها واسطة؟؟ وعادي اقدم أي وقت؟؟ ولا انطر يفتحون المجال؟؟
ومشالله اكو بنات صابرين عليهم 6 اشهر!! لهدرجة الوظيفة عندهم مرغوب فيها؟؟؟ ليش طق عصي عليها ماني فاهمة
واذا وحدة قالت المعاش قوي يعني جم؟؟ يصك الالف مثلا؟

ان شالله احد يرد !!!

 

[انجبر قلبي]

ماصار شي ناطرين


اي يبيلها واسطه بس في ناس عالحظ ان كانت شهادتهم مرغوبه و مقدمين زين بالامتحان
و هالشي محد متاكد منه اصلا كانا ناطرين وماندري شسالفه


ولا تدمين لمه ينزلون اعلان مو باي وقت


والمعاش علا حسب ماكو معاش ثابت علا حسب شهادتج

 

[انجبر قلبي]

السلام عليكم شلونكم بنات اليوم دزولي الهيئة مسج بان عندي مقابله في احد دزوله بعد ؟؟؟؟ وهل المقابله تعني القبول والا ماله شغل

 

[أوراق مبعثره !]

وعليكم السلام انا بعد مقابلتي الاسبوع الياي بس اعتقد يقابلون الكل ماله علاقه بالقبول بالتوفيق لج يارب

 

[lebanon night]

عن جد خبرية حلوة و معاشاتهم دبلوم 690 و بكالوريو 830 تقريبا اذا مش اكتر معلوماتي شوي قديمة
و المقابلة ليست بالضرورة قبول

 

[انجبر قلبي]

معلوماتج قديمة الدبلوم اكثر حسب علمي

 

[انجبر قلبي]

موفقة اوراق مبعثرة انشالله تنقبلين يارب

 

[جنيفيه]

مادزولي مسج - احد معاي و متى آخر يوم للمقابلات ؟؟

 

[q8ya.ko]

أنا بعد دزوا لي موعد للمقابلة هل الأسبوع ..

تتوقعون على هل النطره بيوظفون الناس ولا بياخذون 2 او 3 وخالصين وهذي اجراءات روتينية ؟

 

[انجبر قلبي]

الله اعلم



بنات منو عندها معلومات عن المقابله



وانا حامل بالثامن اهم يوظفون حوامل اخر الشهر يعني ما يردوني عشان حامل ؟

 

[ON_LY]

بحكم تجربتي مع الهيئه العامه للصناعه ( الوصول للمقابله ليس قبول )

كنت مقدمه عليهم وطلعت درجاتي كالاتي : الانجليزي 70 والقدرات 55 او العكس القدرات 70 والانجليزي 55 ,, (( مادري الارقام الي طلعت لي كانت جذي وقتها بموقعهم))

محصله الاختبارين والمجموع 125

فمادري والله اذا درجاتي مو عاليه بس اتوقعها زينه وبحكم شهادتي الحقوق من جامعه الكويت( نظام سنوات ومئوي) ومعدلي 80.8 جيد جدا

ودزولي مسج المقابله وبالمقابله لقيت ان وصلنا 20 شخص من 12 بنات و8 شباب

والمقابله كانت حيل شكليه وروتينيه باسئلتهم مع اني كنت قويه بالردود وجاوبت على اسئلتهم بطريقه اكاديميه بس مادري ليش كنت حاسه انهم طابخينها وخالصين منها

وبالاخير لما راجعتهم قالوا اختاروا 2 فقط ماتفضلت الاخت q8ya.ko وكانوا بنت وحده وولد واحد من اصل ال 20 الي وصلوا المقابله

بس بالاول والاخير كل شي قسمه ونصيب والله على ما اقوله شهيد


تقبلوا مروري

 

[أوراق مبعثره !]

بنات انا مقابلتي كانت اليوم و اليوم قابلوا تخصص انجليزي وبعد الثانوي بس المقابله كانت زينه لا تخافون و لا توترون الناس كان وايد زينين و حبوبين سألوني جم سؤال مثل مشتغله من قبل و لا لا و ليش استقلتي و من هالحجي و جم معدلج و جذي و بعدين عطوني جمل قصيرة اترجم و بس

لا تخافون توكلوا على الله و سهالات و ادعولي الله يوفقني

بالتوفيق لكم يارب

 

[أوراق مبعثره !]

حبيبتي انجبر قلبي انا اعرف وحده مشتغله بهيئة اقبلوها بس قالولها التوظيف بعد الولادة يعني انشاء الله اذا قبلوج ينطًونج تولدين بعدها مباشرة الظاهر مايلون يدفعون حق شهرين ولادة و اربعه امومه :s

 

[انجبر قلبي]

صج ؟



مشكورة حبيبتي بس شلون بعد الولاده مباشرة يعني اولد منيه و اراجع مناك واي صعبه


اللله يسهل يا رب



و يكتب لنا و لكم اللي فيه الخير