إشرايكم بسكن المطلقة مع زوجها ؟؟

[بشه المنفشه]

السلام عليكم


إذا الطليق ساكت في بيت كبير وعنده دور منفصل أو شقة فاضية

اشرايكم بسكن مطلقته فيها ؟؟

أنا أشوف إن أأمن لها ولعيالها من بيت ناس غرب
ومنها العيال يم أبوهم يدشون ويطلعون عليه
واهو يقوم فيهم وبطلباتهم بسهولة

والسلبيات

ممكن يكون الطليق نشبة .. عيالي لا يتأخرون
لا يطلعون معاج
أبي عيالي الساعه الفلانية
إذا طلعتي وقف ابلعومج
حسرة عليج تتحركين تلقينه مراقبج



إشرايكم ؟؟

 

[بشه المنفشه]

أقصد المطلقة مع عيالها بروحهم

مو يعني تتزوج وتسكن عنده !! جان وناسة خخخخ

 

[aloooya]

اب اب

 

[السهم الصويب]

الحين اهما متطلقين بعد بتجابلون ؟


وبعدين شكو يوقف فبلعومها ويراقبها ؟ خلاص ما تحل له

 

[DeSeRt RoZe]

حلو الصراحة فكرة حلوة
منها العيال يكونون بين امهم وابوهم

بس شغله ان يراقبها لا شكو ماله حق خلاص

 

[بشه المنفشه]

لا في رياييل ينشبون

ليش تأخرتي واليهال بروحهم
لا تطلعون متأخر واليهال وراهم مدارس

فراغة

كفكرة حلوة .. بس يبيلها ريال سنع

 

[بشه المنفشه]

اذا المرة بتطلع بسكن بروحها صعبة بيقولون قعدي عند أهلج مافي وحدة تسكن بروحها وأهلها موجودين !!
خصوصاً اذا صغيرة بالعمر

فبيت الطليق لو فيه أجار بيكون حل مناسب لها وللعيال

 

[بشه المنفشه]

كتبت المرضوع وقمت أجاوب هههههههه

بس خلاص بسكت

 

[DeSeRt RoZe]

السالفه فيها ايجايبات وسلبيات
بس ايجابياتها اكثر

اليهال بيرتاحون منها اهما في بيت ابوهم مو متشرشحين ببيوت العالم
ومنها امهم يمهم

انا اقول انها فكره حلوة

 

[Perfume]

والله حبيبتي انا اشوف انها فكرة حلوة عشان اليهال وهم ممكن يحن ويرجعها على ذمته
بس المشكلة لو تزوج اتوقع بتكثر المشاكل

 

[أم الغزلان]

انا اشوفه حلو عشان عياله..مهما الاب يبتعدون عنه عياله لابد يوم يرجعون له..

واشوفه حلو لطليقته انها تجمع فلوس لبيتها بعدين احسن لها من الايجار وتخسر كل شي لأن مهما يكون طيب معهم لابد اذا كمل اصغر طفل 21 سنه راح يطرد طليقته ...

وتحسب حساب لبيت مستقبلها...

الله يستر على بناتنا ويهدي عيالنا

 

[love-latee]

كل واحد وظروفه بس احسن حق اليهال

 

[بشه المنفشه]

خوش آراء

تسلمون

نبي السلبيات شنو ؟

 

[بشه المنفشه]

رفع

 

[ماني من الناس]

فكره لطيفه

 

[لمى الهاجري]

الحمد لله بس لازم حدود انه ما يجوف طليقته

 

[برنسس كاتي]

ممكن يفك أزمه بس ما أفضل !
اولا بدال ما تجمع فلووس رح تضيعهم على الإيجار !!
بعدين أغلب الظن انه الطلاق ما كان سلمي وكان فيه تجرييح يعني شلون تعيشين يم طلييقج وتتذكرينه بكل ثانية
نفسياااا مافي رااااحة
وممكن يطلع عليها كلام ! خو تدرون المطلقة يدورون الشارة عليها عشان يطلقها
غير ممكن يتدخل ويتفلسف

 

[بشه المنفشه]

برنسس كاتي

هذا اللي أنا أقوله

سالفة التدخل والتفلسف غثيثة

 

[بشه المنفشه]

رفع

 

[om deaj]

والله طليقة زوجي ساكنة في دور منفصل لانه معاها حضانة البنت ومدخلها منفصل انا ماشوفها

وحماي نفس الشي قاعد يبني بيته وباين الدور الي فوق لعياله وامهم معاهم ومدخلها منفصل لا تشوفه ولا يشوفها

سالفة انه يتدخل ماظنتي الا في حال انه يبي يردها مرة ثانية او انه الطلاق صار من طرفها وهو مو راضي

اهو افضل للعيال لانه في هالحالة بيكونون يم امهم وابوهم بنفس الوقت