إشرايكم بسكن المطلقة مع زوجها ؟؟

[ام الدرر]

السلبيات اول شي طرا على بالي
باجر بيتزوج
وياب له وحده عوبة تغثها وتناشبها
وتحاول تحرها ​

 

[احساس ملكه]

اخاف صج حبيبتى

المطلق اذا عنده بيت عود ومتزوج ااانسى يسكن طليقته عاادى عنده عشان حرمه المصون عياله يتلعوزون بكل ايجار ويسكنون ببيوت الغرب زمن خررفاان ونسوا انهم اماانه بيوم الحساب ربي بيسالهم عنه شنو بيكون رده حسبى الله على كل ظالم من حرتى من الى اشوفه بحياه رفيجتى المطلقه فضفضت

 

[بشه المنفشه]

حلوة آراءكم
صج التجارب الشخصية تفرق

 

[white soul]

اذكر وحدة وياي بالاعدادي امها المانية ومطلقة من ابوها بس ساكنين بنفس البيت


حبيت الفكرة بس احسها مو حلوة مطلقين وساكنين مع بعض عجل ليش انفصلوا خخخخ
​

 

[mima]

دينيا افضل
حتى الاسلام يفضل المراه تكون فبيتها

واجتماعيا افضل لك
وانتي اعرف بعيالك مابتتاخرين عليهم

يكون افضل لك وللاولاد

 

[om.googi]

السلبية بكبرها انهم الـ2 ساكنين مع بعض .. مطلقة وتبي تاخذ راحتها .. شكو+شلون أسكن بمكان واحد لو في بينه يهال غلط أصلا السالفة من عرجها ..

ثانيا بيكون الريال وحيد وأكيد بيتفرغ للهواش أو المراقبة واهو ماله حق بس بتظلين جدامه ام عياله (كان يا ماكان) وماكو أحد بالبيت الا انتي وعيالج جدامه !!

لا لا كلشششش ما أنصحج .. يا فبيت أهلج أو بشقة بروحج لين الله يرزقج بالبيت .. يمكن تتزوجين أو العكس اهو يتزوج .. اش لج بالطلايب ..!!
واذا في أحد بيحاسبج عندج أهل .. أما اهو خلاص انتهى دوره بعد الطلاق ..

وهذا رايي

الراحة نعمة ..​

 

[صمت المرافئ]

اهي كفكرة منطقية
إذا كان لكل منهم مدخل منفصل
منها يتطمن الابو على عياله
ومنها يكون قريب إذا احتاجوه
هذا إذا كانوا الاثنين الله هاديهم مو راعين مشاكل
بس ضحكت على شغلة ذكرتيها ... وكررتيها ...
انه ممكن يغث مطلقته وينشب لها ...
مع انه ممكن يحصل
بس من اللي أشوف ... إن المطلقة
غالبا اهي اللي تنشب لمطلقها
خااااصة في وجود زوجة يديده
ودايما تضرب على الوتر الحساس
عيالك .... و عيالك
​

 

[Tame]

انا اعرف وحده جذي ماخذه الدور اللي فوق وزوجه تحت ومرتااااااحه الحمد الله والعيال كل يوم يشوفون ابوهم وطليقه مايتدخل فيه بس لازم العيال يشاورون ابوهم لي بيطلعون وان مثلا يقولوهم روحو ولاتروحون ولاتاخرون بس اتقول الوضع عادي واحسن من لما كانت متزوجته لووووول الحمد الله في ناس ممكن له سلبيات بس على حسب الاشخاص

 

[ام زهقانه]

حقي الشرعي والحكومي
ليش ينشب في بلعومها
اصل ما تحل له

 

[خذاني الشوق]

انا ما ايد هالفكره الرجال تزوج وطليقته مفضحه وامها افضح منها اسكنها عندي شبي فيها لعوار الراس كل يوم والثاني مناشبتنا وفاضحتنا عند الجيران انا بسكن بيت اسكن بيت ارتاح فيه ما اسكن بيت كله ازعاج كل شوي داش علي ورع يبا طقني فلان ولاامي هاوشتني يبا ابي اروح البقاله يبا ابي بريد ابي كتاب من المكتبه وست الحسن والدلال تحذف العيال عندج وتهف علي وجها وانتى اشتغلي مربيه لهم انا ادري اجر والجهال مالهم ذنب بس بيجي لج يوم ماتحسين بالراحه من كثر الغثا والمطلقه تشتري راحتها والبيت اهي مراح تدفع فلس واحد من جيبها اللي طلقها بيدفع عنها وعن عيالها غصبن عنه ليش تجيب لها الكلام وتخلي الناس تتكلم عنها بسكنتها عند طليقيها الوقت تغير ياناس والسمموحه هذا راي اذا ازعجتج فيه

 

[Combat]

لا في رياييل ينشبون

ليش تأخرتي واليهال بروحهم
لا تطلعون متأخر واليهال وراهم مدارس

فراغة

كفكرة حلوة .. بس يبيلها ريال سنع

اذا سنع حسافة الطلاق اصلاً
بس بيتحكم وين رحتوا وين سايرين

 

[كليـ دلعـ]

ااايدهااا وبقووووه بعد

بالعكس افضضضل حل للاولااد

عشان يكبرون بخير ابووهم وبذرااه ولايتولاهم

فلان وعلان واهوو حي

بالعكسس فكره رااااائعه

بجذي ماارااح يحسون بالانفصال ولايتاثرون

وبيقوم فيهم ويكبرون جدامه وماينحرمون منه

ااييدهااا حييييل

لكن يكون سكنها منفصل عنه شوي

مثلا مدخلها خارجي

او اهي فووق واهو تحت

والمخررج منفصل

لان عيب وموحلوو تكون بوسط شقه بوسط البيت

والمدخل واحد

احس موعدله لانها ماتحل له وحارمه عليه وعيب وحرام

اوك تسكن

بس تفصل مسكنهاا عنه

ومساله يراقبهاا

شكوو!؟

اهي لوتهمه ماطلقهااا

لازم تضبط حالهاا

وتعرف انها مطلقه عيب الطلعات اللي مالها

داعي

وعيب تتاخرر برا البيت

وعيب الطلعه يومياا

موعشان سكنت بروحهاا عاشت حرره

لاااا

لازم تقدر اهلهاا وعيالهاا

ولي ضبطت نفسهاا ماراح يراقبهاا ولايتحكم

لكن والله اذا بتخلي اهلها وتيي تسكن عندي

اتعذر بعيالي وتهيت24 ساعه ع ابوو اني مالي

حكم عليهاا لاوالله براقبهاا وبكفخهاا وباخذ عيالي

وبطردها لاهلهاا>>> هههههههههههه

لازم تعرف ان طليقهاا اذا ماعجبته مماشيها

يقدر يرفع عليهاا قضيه اسقاط حضانه

!!

فلازم تفكر الف مرره انها مسؤووله امام الله والناس

عن عيالها وعن نفسهاا

وتدااري عشان تسلم

والمثل يقوول

امشي عدل بحتار عدوك فيك!!>>> موجنه غلط المثل!!!

 

[لولو00]

ما حبيتها .... الام ما تاخذ راحتهاااااااااا

 

[سميتكـ _ غلاي]

سبحان الله وبحمدهـ

 

[بشه المنفشه]

اب اب

الاخت اللي تقول المطلقة فضيحة وامها أفضح
وبيفضحونا عند الييران وبتقط عيالها عند مرت أبوهم وتمشي !!!
عسى ما شر ؟ ههههههههه

 

[بشه المنفشه]

ردودكم حلوة بنات

مشكوريين

 

[خذاني الشوق]

اب اب

الاخت اللي تقول المطلقة فضيحة وامها أفضح
وبيفضحونا عند الييران وبتقط عيالها عند مرت أبوهم وتمشي !!!
عسى ما شر ؟ ههههههههه

انا اقصد المطلقه اللي وجها مغسول بمرقه ماتستحي من احد ولاتحشم احد في فئه من المطلقات جذي

 

[بشه المنفشه]

حبيبتي المطلقة مو نازلة من السما

المطلقة كانت زوجة وكانت ومازالت أم وبنت ناس حالها حال كل الحريم

اذا كانت قليلة أدب فهذا شي راجع لها ولشخصيتها وتربيتها ماله علاقه بكونها مطلقة أو أرملة أو حتى بنت مو متزوجة

ما يصير نقول بعض المطلقات فيهم وفيهم .. نقول بعض الحريم أو حتى بعض الناس .. يعني كل الرياييل رياييل !! بعضهم لو فيه خير ما هدته زوجته ولا سعت بطلاقها منه

ترا الحريم اللي يسعون بطلاقهم أكثر من الرياييل اللي يطلقون !! أتكلم حسب اللي أعيشه بمحيطي

 

[بشه المنفشه]

اب اب

 

[kuwaitya_zoGaa]

ابعد عن الشر وغنيلو كلام الناس مايرحم