إذا كنتي ساكنه مع حمولتج ( تخلين رفيجاتج أو أهلج يزورونج بشقتج) بنات أبي الكل يشارك؟؟

[PuPa^^SWeeT]

لاا العكس


لو انا ساكنة ببيت واحد ويا حمولتي



و حمولتي سمن على عسل انادي اهلي و انادي رفيجاتي



بس اذا مدخل واحد احاول اني اتحين الوقت المناسب



يعني يكونون طالعين ولا يكونوون مريحيين مو تعابى


ايي


اذا مدخل برووحي بعد انادي اللي ابيه و باي وقت

 

[ماعرفتك زين!!!]

شكراااا على المررر

 

[سوزي الشرقية]

سواء كنتي بمدخل منفصل او معاهم وين المشكلة ؟ماشوف في مشكلة اصلا
اني ساكنه في الدور الثاني بيت عيالي اذااهلي بيجوني اخواني ولا ابوي انزل اسكر الباب الفاصل بين الصالة والدرج عشان ماحديتضايق مني واقول اليهم اهلي بيجوني وبسكرالباب ماشوف فيهامشكلة بتاتا عادي

 

[امواج الكويت]

انا عندي مدخلين واحد معاهم وواحد لا بس ما اعزم رفيجاتي استحي وماله داعي واهلي اساساً اذا يو يقعدون تحت ما يصعدون عندي الحمدلله البيت واحد شفرق شقتي عن تحت

 

[ام اغلى الناس]

رفيجاتي لا
بس اهلي بالمناسبات النادره اعزمهم
لاني سمعت انه ام زوجي تتضايق اذا عزمنا احد بشققنا
الله يعين

 

[مذهــلــه]

والله انا مدخلي بروحي بس امي وابوي يستحون يزوروني يقولون انتي تعالي
بس عادي دام ريلج راضي وانتي حابه ماحد له شغل

 

[Senora]

انا معاهم نفس المدخل .... ما احب احرجهم .... الا اذا اضطريت اعزم احد ... ابلغ حمولتي قبلها بفتره

 

[*-*Lo0o0Raaa*-*]

لا والله مو عادي

مهما كان هذا مو بيتي هذا بيت أهل ريلي وشقتي بس اهيا اللي بيتي
اذا كان الدخل واحد فشله رفيجاتج يدشون بيت حمولتج
احنا حتا خواتي وامي يستحون يزوروني
لانه بصراحه هذا مو بيتي بيت الحموله
واما اذا صديقاتي حياهم الله فقي بيت اهلي
اخذ راحتي بالسوالف والوناسه

اما اذا الوحده لها مدخل بروووح عادي تعزيم صديقاتها
ع الاقل ما يدشون مدخل البيت حموانج وحمواتج داشين طالعين

 

[~ الــــزيــــن ~]

اذا كان لي مدخل خاص عادي لو يجون كل يووم بس لو مدخلي مع مدخلهم لا ماراح اخلي احد يزورني لان فشلله

 

[دآنة آلرشآيده]

لا ولامره عزمتهم بشقتي دايم بيت اهلي يجوني
رفيجاتي لان مايخذون راحتهم

 

[عجايب2009]

صح اذا لي مدخل بروحي اعزم عشان لايحسووون بالاحراج

 

[طيبة83]

اي عادي انا مدخلي بروحي

بس مرات اذا رفيجات مب وايد امون عليهم استقبلهم تحت في المجلس

 

[ترف بابا]

طريقتج هي الصح ... يا صاحبة الموضوع

 

[منـآل]

-





أنا مو متزوجه لكن , كـ نظره مستقبليه
أذا مدخلي منفصل عآدي أعزم إللي أبي بالوقت إللي أبيه
بس لا صار مدخلنآ وآحد لآ يبي لهآ شوية نظآم ,
اذا اهلي عادي بس مو بشكل يومي أو أسبوعي , يعني اروح لهم أكثر من يزوروني
أمآ بخصوص رفيجاتي لأ يزوروني بين فتره والثآنيه يعني كل شهرين ثلآث ولآزم أبلغ أهل البيت

مآدري أشوف مهولين الموقف لا فشيله ومادري شنو , عادي ماحطوا لج الشقه الا يبونج تحسين انها مملكتج
تنادين وتطردين اللي تبين

,


واللي تقول تخيلي زوجة اخوج تعزم رفيجاتها وامج تحت ؟ :eh_s(1):
ياهلا ومسهلا تعزم اللي تبي البيت كله بيتها مو بس شقتها , دامها حبيبه كل حبايبها نحطهم بعيونا
وبالعكس أمي راح تفرح بهالشي مثل مااحنا نعزم رفيجاتنا حتى اهي تعزم مو زوجة ولدها من تدش البيت
حسبت بنتها , لو فكرت تعزمهم تحت ماراح تضايقهم امي فديتها تقعد شويه وتخليهم ياخذون راحتهم

لكن أغلب الأمر أو الموضوع يعتمد على نوعية الحموله :eh_s(4):

يعطيج العافيه حبيبتي

 

[ماعرفتك زين!!!]

حبيبتي منال
مشكوره على رايج وهذي وجهة نظرج


بس بعد الزواج يمكن يتغير رااايج

 

[ماعرفتك زين!!!]

Up up up

 

[ماعرفتك زين!!!]

Up up up

 

[أإلع ـشق دلع ـهـأإ]

لا مآحب كلششش

مآحب آعزم احد بشقتي ء!!

عندي بيت آهلي كبير واريح

شقتي خآصه لي مآحب غريب يدخلها

هذآ رآيي

 

[om MaRyooM]

كنت معاهم لمدة سنة وعادي كنت ادخل رفيجتي
بس رفيجة وحدة اهي رفيجة العمر
يعني مو الكل


وطبعا على حسب طريقة البيت ووين شقتج و و و
يعني كل وحدة وظروفها

 

[أم لطووف]

لان مدخلنا واحد ولازم يمرون بنص الصاله فما احب اعزم احد عندي ..
وهم هم يفتشلون خصوصا اهلي يقولون مو حلوه خالتج قاعده بالصاله ما خذه راحتها وانتي مدخلتنا بنص البيت
وهم رفيجاتي اذكر مره وحده يتني رفيجتي بسس وهم نفس الشي المرور من نص الصاله حتى هي انحرجت..

ولازم اذا بعزم اهلي خالتي تكون موجوده فالقعده تصير رسميه اكثر ..