إذا كنتي ساكنه مع حمولتج ( تخلين رفيجاتج أو أهلج يزورونج بشقتج) بنات أبي الكل يشارك؟؟

[أحترت أعبر]

في فتره عشتها بيت حمولتي ...والمدخل كان واحد وعادي اهلى وصديقاتي يزوروني واحيانا اذا خوات زوجي موجودين كانوا يقعدون معانا ما اتذكر انها كانت مشكله او احراج ....

 

[tmtmt]

اهلي جدا عادي لني ماخذه ولد عمي
ورفيجاتي هم عادي لي مدخل بروحي
وبشقتي بروحي محد له شغل فيني ليش يتضايقون ..!

 

[ماعرفتك زين!!!]

اذا مدخلج بعيد عنهم عادي مافيها شي لان انتي طريقج غير عن طريقه ماراح يتضايقون من زوارج

اما اذا الطريق واحد لا مو شي

انا معاج احس فشله

 

[nariz]

والله انا ساكنه بروحي بس خالتي عسل لو كنت ببيتها ممكن اعزم اللي ابي اهلي مافيها كلام بس الرفيجات يختلف ...فيه بنات اذا اجتمعوا يحبون يضحكون بصوت عالي وينبسطون احس هالاشياء ما تنفع الاببيت مستقل ولو رفيجاتي من هالنوع اكيد اعزمهم بيت اهلي احسن حتى لو المدخل مستقل

 

[بحرينيه كوول21]

لا مو عادي
لان مره من المرات كانو اهلي زايريني
وطبعا حمولتي يدرون بس ما قعدو معانه
المهم عاد كانت خالتي يايبه معاها بنتها صغيره عمره سنتين
وماشاءالله عليها كانت تركب فوق الطاولات بس خالتي ماقصرت
كانت تلحق وراها وتشيلها حتى اذكر ان ماقعدت من كثر ما تراكض ورأ بنتها
​

]عاد طلعو اهلي وناديت الخدامه تنظف
طبعا الخدامه كانت تبي ترقد ومانظفت ولا سوت شي انه مادريت عنها عبالي نظفت
عاد ام زوجي رجعت البيت ودخلت الميلس وجافت الطاولات عليها طبعات الأيادي
وقعدت تصرررررررخ وانه ساكته بس قلت لها ان قلت حق الخدامه بس مادري ليش
مانظفت واهيه لااااا ابدددد موو جذي الطبعات ومادري شنو وانه ولااااا كلمه الين ماتدخل زوجي
وقال لها اكو اعيال خوانج وخواتج نفس الشي ذيلين يهااال
ومنهاااا قلت تووووووووووووووبه اخلي اهلي يزوروني
والحمدلله طلعنا بشقه بعيد عنهم صوب اهلي

 

[نوفااااا]

صراحه انا احب يجوني بيت اهلي احسن واريح مع ان حمولتي من عايلتي يعني امون عليهم بس انا استحي احس فشله

 

[ماعرفتك زين!!!]

بنات اللي تقول عادي ارضااا
ترضيين مرت اخوج تعزم رفيجاتها وامج موجوده تحت ترضيييين ولا لا ؟؟

 

[أحلى الألماس]

اذا المدخل منفصل عادي اما اني ادخلهم الصاله ويصعدون فوق
لا فشله لان بيت حمولتي في حمواني ماشالله اكثر من واحد
موحلوه واهما صاعدين يتواجهون ع الدرج

 

[BubbLe87]

اهل و رفيجات عادي حياهم باي وقت

 

[غدووور الكويت]

اذا المدخل منفصل عادي

 

[لمى الهاجري]

انا مو متزوجة بس ترى مشاكل والحمولة ماتاخذ راحتها خاصة اذا في صبيان

 

[katkoota90]

اذا مدخلي بروح مو معاهم .. عادي اللي بيزورني حياه الله !! ..

بالعكس وناسه احس ان صار لي مكان بروحي واخذ راحتي اكثر !!

وحتى ببيت اهلي اقدر اناديهم ..

بس من باب التغيير احلى !! ..



بس اذا مدخلي مع اهل زوجي .. ما اتوقع اني راح اعزم احد


وحتى اهلي احس فشله ادخلهم


خوش موضوع

 

[ام فواازي]

اذا مدخلي منفصل عادي
اما اذا مدخلي معاهم لا مو لازم حد يحيني من رفيجاتي بس اهلي عادي لكن زيارات بسيطه

 

[ماعرفتك زين!!!]

شكرااااا على الرد

 

[Kensington]

اببببببببببببببببببببببببببببب

 

[popa]

اهلي اي
رفيجاتي لا
واذا بيزوروني اييون بيت اهلي او نطلع مطاعم وكافيهات لكن يدشون بيتي نو وي ليش
السبب تلقينه بموضوعي السابق عن قوانين البيت

 

[ضحاوي الديره]

لا طبعا فشله
انا مدخلي معاهم
رفيجاتي اذا بعزمهم بيت اهلي موجود
واهلي وخواتي متى مابغيت جيتهم ببيت اهلي واجتمعنا براحتنا

 

[ماعرفتك زين!!!]

Up up up up

 

[kwait doll]

اممممممم اهو عادي ما ارتكبتي جريمة بس شخصيا افضل نطلع ونجتمع بره منها طلعه ومنها وناسه

 

[Meyyawa]

انا عن نفسي مو متزوجة بس من رايي كمستقبلا خواتي يزوروني عادي بس رفيجاتي يفضل ببيت ابوي