السلام عليكم
إذا زوجج ما يشجعج انتي شجعي نفسج,,,,
إنتي تتحكمين بكمية الأكل اللي تاكلينه حتى لو كان اوردر من مطعم, اختاري الخيارات الصح
عندج السلطات , المشاوي, حتى لو كانت اوردر عادي من مطعم عادي لكن تقدرين تاكلين الكمية اللي تناسبج انتي وتناسب وزنج و تخدم أهدافج
كل مرة تختارين فيها وجبة او طلب او شيء بتسوينه في البيت يكون قرارج انتي مو قرار احد ثاني
من خلال كلامج مبين إنج من النوع اللي يحط أسباب خارجية
اوكيه عرفنا إن الحياة فيها وفيها و الفراغ وما لقيتي قدامج غير الأكل لكن انتي وين دورج بهذا كله؟؟
شنو سويتي عشان تغيرينه؟ شنو كانت محاولاتج إذا حاولتي وليش ما واصلتي عليها؟
الزوج , الضغوط , الحياة , المشاغل ,,,, يعني مسؤوليتج عن وزنج و معدوومة ومو انتي السبب الرئيسي فيها.؟؟؟!
اللي حولج هم ياخذون القرار كل مرة عنج؟ زوجج هو اللي يطلب كل مرة و يغصبج تاكلين؟؟؟
اكيد لا!
احيطي نفسج بخيارات صح وشوي شوي خليها تكون طبع خاص فيج,,,,
انتي سوي لج في البيت أكل لذيذ و صحي و خل اللي يطلب يطلب بكيفه دام شكله و وزنه عاجبه
خذي لج نص ساعة أو حتى ثلث ساعة باليوم تمرني فيها, اليوتيوب مليء والنت او تقدرين تشترين لج ديفيدي رياضة خاص تحسينه حلو و زين و يناسبج, شغلي لج فيديو و قلدي حركاتهم , او طلعي تمارين من النت و اشتغلي ع الموضوع
الشغل في البيت شيء مفروغ منه مو هذا اللي راح ينزل وزنج , حتى لو كان يحرق سعرات
الرياضة لازم تكون مقصودة و مركزة مو مجرد شغل في البيت , مع اني اهنيج على نشاطج
عشان أرتب كلامي و افكاري آخر شيء أبيج تسألين نفسج هالأسئلة:
- بغض النظر عن الناس والبيئة اللي حولي, انا شنو مسؤوليتي عن وزني وشكلي؟
- متى راح آخذ وقت لنفسي و أهتم فيها و أحبها؟
- شنو أقدر أسوي في حياتي حالياً عشان أنزل وزني ؟ شنو لازم أحذف و شنو لازم أضيف؟
خلي الدايت و نزول الوزن بالنسبة لج قرار معلن ,,,, لا تخلينه مجرد شيء تفكرين فيه
قعدي مع زوجج و صارحيه و قولي له أنا أبيك تساعدني و واثقة إنك تقدر تساعدني أوصل لهدفي
و عشان تساعدني احنا لازم نسوي كذا و كذا و كذا.... مو لازم تغيرين منه ومن عاداته الغذائية إذا هو مو حاب أو مو في مزاج الدايت و التغذيه و الصحة وووو ,, بس خل يكون على علم بخطتج و اللي قاعده تسوينه, و ذكريه بشكل دوري فيها و خبريه بشكل دوري بعد كم نزل وزنج و شنو حققتي
خلي اللي حولج دائماً معاج بالصورة ,,,,
انا مثلاً كعزباء
خبرت صديقاتي إني اخفف وما آكل أشياء بجانب الدايت ,,,, طبعاً هم يحاولون يعرضون علي أكل كل مرة بس أنا كنت واضحة معاهم و الحين هم يعرفون هالشيء ومحاولاتهم قاعد تخف شوي شوي ,,,, لأني حطيتهم بالصورة ,,,,هذا اللي عندي حالياً و إذا حابة تسوولفين أكثر او تسأليني عن أي شيء انا موجودة إن شاء الله
والدعووة مفتووحة للكل للمحادثة و الدردشة و تبادل النصائح , وطلب المشورة و الخبرات
مساؤكم health
التعديل الأخير:
