إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[*الحالمه*]

رد: إذا أنتي مطلقه شاركينى؟

كلاااااام جميل من انسانه راقيه و عقلها راجح

هذي الاية اللي قصدتيها عهووووده ^_^

"وإن يتفرقا يغن الله كلاً مـن سـعته وكان الله واسعا حكيماً" [النساء:130] (11).

كلامج عجبني و بصراحه احيي فيج قدرتج على النهوض من جديد

قلت لج و لخواتي ان باحيان كثيره ممكن ننهار و نطيح بدوامة حزن و هم

خصوصا لي حاصرتنا الذكريات و المواقف !!

لكن قوة الانسان تتجلى بهالفترات .. انه يقدر يوقف من جديد و يكمل حياته

و يستمتع فيها

توني راده مع اهلي و انا مستناسه ما شاء الله .. ظنج لو دفنت نفسي بهموم الماضي بحس بطعم هالطلعه !!

مختصر الكلام .. \

عيشي يومج و حياتج بكل تفاصيلها و حسي فيها

اليوم متضايقه باجر مستانسه اللي وراه مهمومه ... هذي الدنيا

ولولا المر ما حسينا بالحلاوه ..

الله يرزق كل بنت بالزوج الصالح اللذي يرضاه رب العالمين

و يرزق كل مطلقه بالزوج اللي يعوضها

و يوفق كل متزوجه و يسخر لها زوجها و يسخرها له

 

[نسوره]

رد: إذا أنتي مطلقه شاركينى؟

على فكره تطلقت عمرى 21 سنه والحين عمرى 24 والحمد لله حدى مرتاحه بدونه حسبى الله عليه ز بس الى نصيحتى حق البنات لا تحمل باول زواجها لازم تنطر فتره على الاقل سنه لان الريال ما ابين شنو اهوا حتى لو كنتى اتعرفينه قبل الزواج وزواجكم عن حب والله يوفج الجمعين واعوض الى مثلى

 

[الكيكه دندن]

رد: إذا أنتي مطلقه شاركينى؟

قريت الموضوع وحبيت اشارك معاكم فيه لاني امر بنفس الموقف انا منفصله وإن شاء الله اتطلق عن قريب
كثير خوفوني من لقب مطلقه وطلبوا مني ان اعيش مع زوجي حتى وإن كنت تعبانه معاه لكني ماقدر ابد ابد
انا قصتي بكل اختصار تزوجت عن طريق الاهل شافوني اهله واخطبوني ومن بدايه زواجنا مشااااااااكل من اول شهر مد ايده عليي ونا انسانه حساسه وهم ما ارضى بالظلم
حاولت معاه لكن اللي ماخلاني اقدر اتحمل خلاااااااااص خيانته واسلوبه الزفت مع العلم ان فتره زواجنا 3 أشهر فقط
ونا حاليا ببيت اهلي وصارلي قريب الخمس اشهر ونا مطالبته بالطلاق
وماني ندمانه على طلبي للطلاق

وبالنسبه للشي اللي ندمت عليه هو زواجي منه لكن هذا نصيب وقدروما اشتقتله يمكن قبل لما كنت اسامحه واردله لانه يعرف شلون يكذب ويبجي ويقطع قلبي عليه لكن بعد ما اكتشفته عدل وعرفته خلاص ماصار يأثر فيني والحمدلله اني ماحملت منه ولا جبت منه عيال

صح مريت بضروف صعبه تعبت نفسيتي لدرجه اني كنت بحاله لايعلم بها الا الله كرهت نفسي وكرهت كل شي فيني وقصيت شعري كللله مع ان شعري طويييييل لين تحت ظهري بس كنت بحاله لاوعي والحين شعري بوي هههههههه بس بطوله من اول ويديد الله يعين
بس انا الحين باديه حياتي من جديد انا الحين اكمل دراستي وباذن الله اتمنى اتوظف واكون انسانه يديده

واسفه لاني طولت عليكم​

 

[*الحالمه*]

رد: إذا أنتي مطلقه شاركينى؟

الكيكه

الله يعوضج ان شاء الله

و ديري بالج تهملين دراستج ترى الشهاده سلاحج بهالدنيا

 

[الكيكه دندن]

رد: إذا أنتي مطلقه شاركينى؟

اشكرج ياعمري *الحالمه * على كلامج الطيب صحيح ماحسيت بقيمه الدراسه الا لما شفت العنف والموت من زوجي كنت راسمه آمالي بالزواج وانه بيحقق كل طموحاتي واحلامي لكن هالشي ماحصل لان الرجل قبل الزواج يعيشك بحلم وبعد ماتتعايشين معاه تنصدمين بالواقع المرير طبعا مو كل الرجال جذي بس انا نصيبي كان على هالانسان اللي ماعررف شلون يحافظ عليى كنت والله حاطته بعيوني والكل يحسده عالنعمه اللي هو عايش فيها واصحابه رفقه السوء رجعوه للوحل اللي تعود انه يعيش دايم فيه ونا ماقدرت اغيره
لكن ما اقول غير اللهم اجرني في مصيبتي واخلف لي خيرا منها

 

[عالمة_جيولوجيا]

رد: إذا أنتي مطلقه شاركينى؟

شعاري مع هالدنيا من الا شفته من صغري

لين كبرت ((الدنيا تجارب ....والحياة تمضي... ولا يبقي سوي نفسي)) نعم نفسي الا تلومني لو زعلتها الا تستانس لو

ونستها نفسي الا بتظل طول عمري معاي فليش؟ ليش؟ اعذبها والعمر مره حرام ((شنو يعني طلاق اخرة حياتي)) لا طبعا..


الحياة فيها اشياء ممكن تنسينا كل شي اسود مر بحياتنا اذا احنا نبي .....الرجل شي ضروري بحياتنا بس مو اي رجل اذا

كانوا الرجال يقدرون يعيشون من دونا احنا احســــــــــــــــــــــــــن منهم بوايد ونقدر نشطبهم من حياتنا......ادري شي

صعب بس هذي الدنيا وانا اقول نفسنا وايد عزيزه علينا ........ليش مانعيش لها احسن ((تستاهل)) واهي احسن من 100 ريال...


سامحوني طولت بس حبيت افضض شوي​

 

[*الحالمه*]

رد: إذا أنتي مطلقه شاركينى؟

الكيكه

صدقيني التعليم شي مهم و اساسي بحياة البنت لانها يغنيها

عن الناس و منتهم !!

و يخليها اقوى من ضروفها لو كانت قاسيه

تدرين انا على اني كنت منصدمه من خبر طلاقي اللي صار فجأه و بعد 15 يوم

الا اني اليوم اللي وراه رحت لجامعتي و حضرت محاضراتي

و هالشي بين لي اني اقوى مما كنت اظن ^_^

 

[عالمة_جيولوجيا]

رد: إذا أنتي مطلقه شاركينى؟

متابعه معاج يا احلا عهووووووووود

 

[*الحالمه*]

رد: إذا أنتي مطلقه شاركينى؟

عالمه جيولوجيا

كلامج عين العقل حبوبه

اخذي راحتج و فضفضي مثل ما تبين

 

[*الحالمه*]

رد: إذا أنتي مطلقه شاركينى؟

عالمه جيولوجيا

كلامج عين العقل حبوبه

اخذي راحتج و فضفضي مثل ما تبين

 

[عهود الحب]

رد: إذا أنتي مطلقه شاركينى؟

طبعا ماكو ووووووووووووووووووووقت
بس برد على كل بنت فيكم

 

[عهود الحب]

رد: إذا أنتي مطلقه شاركينى؟

والله انا برمضان بالعشر الاواخر مانسيتكم دعيت الله يعوضني ويعوضكم بالازواج الصالحه والذريه الصالحه

قولوا امين

واي وحده الله يعوضها تبشرنا

مشكووووووورة جزاك الله خير
عسى ربي يفرج همج وهمنا ويجمعنا بجنته

 

[عهود الحب]

رد: إذا أنتي مطلقه شاركينى؟

اشلونج بدر البدور انا مثلج بس نص مطلقه انا قاعد معاي بالبيت مو راضي يطلق ومليت منه وعندي ولد عمره 7 سنوات بس قاعد ياكل ونام جنه فندق ولا له اي شي بالبيت حتى المعاشره ماكو كل 3 سهور مره مليت وتعبت اقوله بس اخر شي حقرته وتعبت ومليت احنا قاعدين اهوا نايم احنا نايميين اهوا قاعد هذي عيشته والله اقول لو أكون مطلقه احسن وايد من اني قاعده عنده بس ديكور اسم مره وادعولي اني اطلق لان بس المره لها حقوقها وواجباتها والرياييل صراحه كلهم مزاجيين ومانقدر عليهم وانا صراحه تعبت وملييت .

كلنا ديكور
ها عيل
بدر البدور موهني انا انوب عنها ان تقبلتيني اخت لج
والله يا ام حمود الدنيا عجيبة
وماعاد في رجال باختصار
الا مارحم ربي

 

[عهود الحب]

رد: إذا أنتي مطلقه شاركينى؟

مساء الخير على الكل (( وخاصة لعهود الحب ..
شلونكم يا حلويييييييييييييييييييييييييييييييييييين ؟؟؟
عهود هاليومين انتي احسن و نفسيتج احسن لأنج تعودتي و تاقلمتي على الوضع ..
اهي مسألة وقت لا أكثر و لا اقل ياجر تذكرين كل هذاااااا و تضحكين على روحج
الله يفرج همج و همي ويرزقنا و عوضنا خير ..
الأنوثه .. حتى انا لي الحين احسب عليهم مو ناسيه وكلت امري لله سبحانه الله ينتقم منهم ..​

اكيد احسن
لأنه الحياة متجددة
كل شي يتغير
الهوا يتغير
الماي يتغير


احنا بعد نتغير
للأحسن يارب

والشي الراكد مكانه آسن وفاسد ومرده يموت


والتجدد رمز للحياة

فمن هيك كل يوم احنا احسن
لكان يا سمورة ياحلوة يا قمورة
لج وحشة
يارب يرزقج الي يعرف قدرج ويهنيج

 

[عهود الحب]

رد: إذا أنتي مطلقه شاركينى؟

عين المظلوم ما تنام وعين الظالم بتاكل رز بلبن مع الملايكة.....لا اله الا انت سبحانك اني كنت من الظالمين ...ياحي ياقيوم برحمتك استغيث....انا من انضميت لشر يحة المطلقات من ثلاث شهور (كانت هدية الصيف منه) حسبي الله ونعم الوكيل...بعد زواج سنتين وسبع اشهر لم يسفر عن وجود ضحايا(قصدي أطفال) لأن طليقي العزيز كان يعلم بعجزه وعدم قدرته على الأنجاب!!!وكان جزاء صبري عليه وعلى خياناته المتكررة طردي وورقة الطلاق !!! حسبي الله ونعم الوكيل عليه وعلى والدته الظالمة وأخوه اللي كان سبب زواجنا...

انتي همج زاح


قطييييييييه ورااااااااااج بدون تردد


باجر تعرسين وتعزمينا على استقبالج بمستشفى الشفاء الجناح الملكي جايبه توم


قولي آمين



الله يعوضج على قد صبرج وصدمتج




وربج كبير اكبر من الكون بكبره


صغري الهم بعينج يصغر




شوفي صور الاطفال الحلوين وارفعي كفوفج وقولي يارب ابي طفل يرفعني بكبري


وربج قادر على كل شي



المعجزة نصنعها بقوة ايمانا بالله

 

[أسيرة حزن]

رد: إذا أنتي مطلقه شاركينى؟

السلام عليكم ورحمة الله وبركاتة
الصراحة انا توي مسجلة في المنتدى بسبب هذا الموضوع اللي شدي للمنتدى فقليلا مانلاقي احد يسأل عن المرأة المطلقة في مجتمعنا الخليجي
والكل يعتقد انهم فيهم عيب من العيوب لكن مو كل وحدة مثل الثانية ما اقدر اقول انة كلهم زينين ولة كلهم مو زينين كل وحدة غير الثانية واختي بدر البدور داست على جروح كثير من البنات اهني ومنهم انا زائرة للمتدى ولفت نظري انة في بالمنتدى بعض البنات المطلقات ولمة اقريت مشكلهم هانت علي مصيبتي
ماراح اطول معاكم لكن حبيت اقولكم جزء صغير ومختصر عن تجربتي ويمكن البعض بينصدم منها لكن مادري هل في وحدة خاضت الللي انا شفتة ولة لا لكن بقولكم قصة الكل اللي سمعها حسبها قصة خيالية ولكنها موجودة وبالواقع
كان عمري 19 سنة لمة تقدمو ناس لخطبتي من امي وكنت ادرس بمعهد كمبيوتر وحددت امي يوم عشان اييون ويشوفوني على الطبيعة وطليقي يشوفني طبعا امي لي يوم اللي بيون ما قالت لي انة في احد متقدم لي وشنو رايي لاني كنت ارفض
لكن لمة دريت بنفس اليوم اللي يو المهم شفتة وشافني
انعجب فيني مع اني كنت اغلب الوقت ساكتة مو متعودة على الكلام مع الشباب فمابالكم وشاب قاعد يمي واهو عارف عني كل شي وانا ماعرف عنة اي شي غير انة بنت اخو صديقتي
المهم اهو عجبني وانا عجبتة وتمت الموافقة وكل شي اوكي
وصارت الملجة والحفلة انصدمو فيني اهلي بيوم الملجة
والكل فز فيني
حتى تزحلقت على الدري بغيت اتكسر لو ماربي ستر يومها ههههههههه
المهم طبعا حفلة بيت بسيطة
لمة دخل انصدم من شكلي لانة اهو ولة مرة شافني الا مرة وحدة ويوم الملجة
فتغيرت عليه وايد مو بس اهو حتى انا تغيرت على نفسي خصوصا ماكنت احط مكياج وايد من اول فويهي كان حلو وصافي
المشكلة انة مرت عمي قلبت الفرح عزا وقامت تبجي ليش مرت اخوه يايبة كاميرا وتصورني واهي مريضة نفسيا ومعقدة
حتى الكل انعفس يومهاقلبت الدنيا بدون مبالغة وطول الحفلة عافسة ويها اهي وبناتها علما بانة بنتها اكبر وحدة من بنات العايلة
المهم رحت مع زوجي للمطعم وبالسيارة كل اشوي يطالعني انا خوفي لا يسوي حادث من كثر مايشوفني قلت لة شوف جدامك لاتقلب السيارة فينا
عاد خلصنا من المطعم وردينا وضليت معاه ثلاث شور نجهز الشقة والاثاث حق يوم العرس وكل يوم يقول لامي انة اهو يموت فيني طبعا من وراي
وانة متشفق طبعا كل الريايل جذي
بس اهو كل من شافنا وشاف صورنا قالوا لي هذا اخوج يشبهج وفيه شبه منج مع انة مايقرب لي من كثر مانسمع هالجملة ويشوفونا كلة مستانسين ننعفس بنفس الدقيقة
وماكنت احس او ادري انها عين ياتلي
وصار يوم العرس وانا بالصالون حسيت بعوار براسي مو طبيعي مع اني مرتاحة ونايمة وماكلة وماخذة بندول ونعفست
ظليت اقول لامي وعمتي مابي ادش صالة العرس ابي اروح للشقة على طول شي سبحان الله خلاني اكره روحة الصالة
مادري ليش اهم خذوني على غشمرة وانا ماكنت اتغشمر وهذي المشكلة كانو مايهتمون لكلامي ولة يحطون لي اي اعتبار
على بالهم ياهل ما افهم

عاد رحت للصالة وبالصالة قالت لي عمتي تبين تشربين شي قبل لا تروحين تدخلين
قلت ابي عصير
يابو العصير
انا رحت للطاولة مكست الكاسات الا وتنكسر تحت ريلي ومن الخرعة ماتحركت من مكاني
عمتي اخترعت ويت يمي تقولي شفيج قلت لها مافيني شي بس اغرب شي انة طاح تحت ريلي ونفنوفي ماحاشتة ولة نقطة عصير مع انة الكاسات تحت ريلي
استغربت لدرجة هونت وماشربت العصير الثاني اللي يابوه
مابطول عليكم لكن من بعد ليلة العرس ودشتي للصالة ماتهنيت معاه ليلة وحدة قعدت معاه 10 ايام بالضبط
وفي يومها رديت من المعهد كنت مجبورة اداوم
رديت لقيتة مستنفر ومعصب ماعرفت اشفي لي اليوم لدرجة عصب علي وصرخ وطردني من الشقة مع العلم اني ماكنت اسوق وقتها
طبعا دقيت على امي قلت لها تمرني لاني ابي اروح عندها اهي رفضت
ترجيتها مارضت لين قلت لها طردني
ما اشوف الا واهي وابوي يصرخون وصكو التلفوت
دقت عقبها قالت لي ابوج ياي وين ريلج لا يذبحة قلت لها قافل علي وراح مادري وين
المهم من يومها ريلي كان ناوي يعتذر وابوي وعمامي شافوها فرصة انهم يتدخلون ويطلقوني منة هددو بالقتل اذا ما طلقني واهو طلق لانة خاف على نفسة

مع اني كلمتة كذا مرة وسألت ليش يقول لا تسأليني انا بنفسي مادري شصار لي يومها مع انة ماكان فيني اي شي الصبح ودعتة وكنا تمام
حسبي الله على كل ظالم
وللعلم انا حبيتة واهو حبني موت لكن الاهل فرقو بيني وبينا
وامي خافت وعايرتني يوم قلت لها وديني لة انا اتفاهم معاه قالت ليش عشان ابوج يطلقني مثل ما ريلج طلقج ام تعاير بنتها عمري ماراح نساها لها
زوجوني ومن غير علمي بولد عمي واجبروني اني اعيش معاه وانا ما اواطن اشوفة ولة اسمع اسمة وكل يوم مشكلة لمدة 6 شهور متواصلة يمد ايدة ويطق ويحبسني بالبيت واهلة بعد كانوا جافين معاي كرهت شي اسمة ريال من سببهم
واخر ماوصلت لة انة ني انحاش وارد بيت ابوي ولة الاهانة اللي عشتها نفسيتي تعبت لدرجة من وزني 80 وصلت ب3 شهور بس لوزن 40 تخيلو نوع العذاب اللي شفتة 6 شهور مانمت ولة عرفت عيوني طعم النوم كلة قاعدة واستعد لاي شي ممكن يصير لي وغير هذا كلة كان يفتش اغراضي واتهمني بالخيانة واني اكلم شباب وانا ماعرف هالشي
مرة كان اهو رايح الدوام وانا بالبيت دقيت قلت لة بروح عند امي عشان بروح الطبيب انا بطاقتي على بيت ابوي
قالي ماتطبين الشارع وان وصلتي حشيت ريولج انا عصبت وصرخت عليه وقلت لة اللي ماتطولة بايدك وصلة بريولك
وحزتها كان ابوي شاري لي سيارة عشان انسى زوجي الاول واللي حبيتة وكل دقيقة اتذكرة غصب عني
دقيت على امي وقلت لها اللي فيها فيها محد يجبرني اني اظل معاه انا ما ابيه واكرهة
قالت لابوي قال ابوي اذا تقدر توصل عندنا خل اتيي
ركبت سيارتي طيران لبيت امي وطحت على حضن يدتي قلت لها ما ابيه والله حرام عليكم ما اقدر اتحملة ولة اسمع صوتة الشي مو غصب كانو كل ما ايي يطقني ابوي وتطقني امي ويدتي بعد على بالهم انة انا غلطانة
مع اني ماغلطت لمة قلت ما ابيه
محد سمع صوتي الا لمة اجبرتهم على انهم يسمعونة وقلت روحة ما روح معاه طلاق ثاني راضية ان شاء الله محد يتقدم لي انا ماعندي مشكلة بس ما ارد لة
اهو شسوة حركة حقيرة منة علقني سنة كاملة بدون مايطلق اخر شي ابوي مل وانا مليت قلت لة ودي بطلب الطلاق بالمحكمة لانة مسوي اصلاح ذات البين
وانا رفضت
اخرتها سويتها خلع وطبعا ورقة طلاقي بفلوس ماكان ناوي يطلق الا لمة ادفع لة المهر كامل بس يدي الكبير حكم علينا بنص المهر نردة وابوي قط المهر كاش بحظن جدي وقال هذا المبلغ يروح ويطلق ولة بيشوف شي عمرة ماشافة
تخيلو ولد عم طمعان بفلوسي من خذاني واهو يحسب انة عندي فلوس بالبنك كان ينبش بين اغراضي وبوكي يبي اي شي يدليه على الفلوس وانا ماعندي ولة دينار
حسبي الله ونعم الوكيل الحين عمري 23 سنة
تقدم لخطبتي واحد واهو عارف بكل تجاربي السابقة وراضي فيني ومستعد يتحملني ومعطيني كامل حريتي واحترام متبادل بيننا والحمد لله ربي عوضني باللي احسن منهم اثنينهم وحبي الاول بيتم بقلبي لكن الحياة تستمر زوجي الاول تزوج وعندة طفلين اثنين الحين وخليعي طردوه اهلة من البيت ومحد يدري عنة اما انا الحمد لله نفسيتي صارت احسن وهذا خطيبي مقتنعة فيه وان شاء الله ربي يتمم علينا سعادتنا وادري وايد اخطاء ارتكبتها واولها اني اتصلت على اهلي وقلت لهم عن الطردة من البيت بس وحدة بعمر 19 سنة وماتعرف عن الدنيا شي غير المدرسة والبيت
اكيد بلجا لامي وابوي سندي بغيتهم عون صارو فرعون
صارو كل يوم يعايروني على الزواجين والطلاقين ولة كانة لهم يد باللي صار الاول ماتفاهمو معاه ولة عطوني فرصة والثاني اجبروني وبالقوة اني اتزوجة
اما خطيبي محد يقدر يغصبني ولة يمشي كلمتة علي كلمتي انا تمشي
واهو من اصل طيب وناس طيبين وانسان عطوف واخلاقة واهم شي عندي صلاتة وصيامة واخلاقة بس مابي شي ثاني اتمنى انة الكل يتعض من هذا الحكاية وتراها صحيحة 100% وانا عايشتها بحذافيرها وترة قلت الشي القليل عن اللي صار ادهى واكبر والله المستعان واسفة على هذه الاطالة
تحياتي للجميع​

 

[مجرووحه]

رد: إذا أنتي مطلقه شاركينى؟

اسيره حزن

الله يتمم عليج ياارب ويعوضج خير عن اللي شفتيه

 

[مجرووحه]

رد: إذا أنتي مطلقه شاركينى؟

السلام عليكم

شلونكم حبيباتي ..انا مطلقه بعد انظم للقائمه

عندي سؤال لكم ...لو طليقج رد مره ثانيه يبي يردج هل توافقين ...وقوليلي شلون راح تفكرين ..

انا صغيره وحدي محتاره مادري شسوي ..اخاف ارد والقاه ماتغير ولا شي

عفيه قولولي شلون افكر ,,؟؟

 

[*الحالمه*]

رد: إذا أنتي مطلقه شاركينى؟

هلا اسيرة الحزن

بصراحه قصتج تخلي الوحده تتفائل ==<< كلش ما تقصد عهووووده خخخخخ

الله يتمم عليج و يسخركم لبعض

مجروووحه

سلامتج من الجروح

بخصوص رجعتج لطليقج .. هالشي يعتمد على اسباب الطلاق و على طليقج و هم عليج

شوفي انتي هل الوضع تغير .. اهو تغير .. حاسه انه صادق

يعني بهالامور الامر متروك لج انتي و بس محد لازم يشاركج الراي

و لا تنسين الاستخاره

و الله يفرجها عليج

 

[مجرووحه]

رد: إذا أنتي مطلقه شاركينى؟

حبيبتي الحالمه
مشكوره على الرد
انا موقادره افكر والله وحدي خايفه من النتايج
الله يكون بالعون ان شاء الله
وينكم باجي البنات شااركوني بليز