إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[عهود الحب]

رد: إذا أنتي مطلقه شاركينى؟

يارب تآجرني و تعوضني عن حياتي كلها وصبري عليه
يارب لاتخليني
تساعدني على همي
يالله يمسح على قلبي وينسيني

 

[وردة-الكويت]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

الغاليه

صاجه بكلامج

 

[المستبده]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

بنات عن جد عورتوووو قلبي


الله يعوضكم خير انشالله

وصدقوووني بيي اليوم اللي تنسون فيه تجربتكم بس السالفه على قوله رويشد

مسأله وقت,,,,اما عن الناس استغفر الله
بعض البنات يبطون الجبد وفضوووليين لابعد الحدود الله يعين
مس

 

[هدوء]

رد: إذا أنتي مطلقه شاركينى؟

عهود الحب

البجي صج يريح بس ما يسوي شي .. مالج غير الصبر والدعاء والصلاة واقري قرآن ..

وارد اقولج مافي شي يبقى مثل ما هو الا ايي اليوم اللي يتغير فيه كل شي ان شالله ولا تنسين الله يمهل ولا يهمل


الله يفرج همج وهموم الكل ان شالله

 

[*الحالمه*]

رد: إذا أنتي مطلقه شاركينى؟

متضايقة حيل نفسيا وكل مالي للأسوء

تعبت من التفكير بنات راسي يطقطق

انا مدري شسوي بدنيتي


ومادري شسويت



وضعي كل ماله يتصعب والمشكلة ماعرف اعبر صح
بس كله طاقتها بجي


ودي اوقف بجي عشان افكر عدل مو قادرة


جاي اليوم وكلم ابوي يبي يردني يعني يفكر يسوي صلح


امانة شلون ننصلح والمحاكم الي بيننا


وقلبه حقود


ليش يادنيا كل ماجيت افرح تبجيني ؟

حسبي الله عليه ونعم الوكيل

مادري شلون تتعدل احوالي
يارب ساعدني يارب

سلامتج من الضيقه

مهما كبر الهم مصيره يرد صغير و يتلاشى

هونيها و تهون ان شاء الله

بس انتي ذكرتي انه يبي يردج ...

اسمحيلي بس ليش ما تفكرين بهالشي يمكن صج تغير و عرف قدرج

ما تدرين .. !

 

[عهود الحب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

اي انا متضايقة حيل هاليومين
ولما اقرا ردودي القديمة احس بضيقة
انه الدنيا تلعب بي يوم فوق ويوم تحت
وضيقتي هذي مخليتني موقادرة امشي اموري صح
اليوم صار انفجار جدام ابوي وبجي وحسيت اني بجيت عن سنين طويلة كنت فيها زوجة نسيها الزمن
اي والله نسيها الزمن
الشماته تخليني مغبونة


اكثر مما تتصورون
والدمعة الي بالصورة ماتعبر عني
انا دمعتي داخليه ولي شهر دمعي يصب صب
مخنوقة ولابيدي حيلة


حتى ابوي احس تعب من همي


ياهم ربي كبير

وكل ماتضيق تنفرج


حتى عيالي لمن اقولهم خلاص روحي داركم بنام لاتزعجوني ولدي الكبير يقولي بس يمه مامليتي من البجي
شحقه تبجين

مايدري شحقه ابجي
لو الحزن يحس على دمه جان وخر عني من سنين
مير حسبي على من ضرني وخرب بيتي
وحسبي على رجال قط عياله على قلبي اربيهم بروحي في زمن يخوف الشجاع شلون المرة الضعيفة
كل مالي اخسر نفسي


ويمكن الهم يموتني
احس بيحوشني شي من كثر همي


راسي بينفجر من التفكير والبجي



حتى العيد
كشخت بناتي ولبستهم وسشورت شعورهم وحدة وحدة ومكيجتهم وزينتهن وعايدتهن ووديتهم اهلي
وقعدت بروحي لابسة دراعة مخيطتها بدون نفس ولما اختي تعبت فصختها ولبست عباية ودراعة بسيطة بس عشان اطلع من جو العيد والفرحة
ماكنت فرحانة
ابد


كنت بقمة الضيقة



مادري شلون اعالج همي بس الاكيد اني محتاجة استشاري نفسي لأني مصدومة وكل مالي انهار واتعب


واحتمال ما اصمد على وجه هالدنيا


بس الحلو بالموضوع اني افضفض بجم كلمة ودموع


صحيح اكثر شي غابني


انه عدوي فرح فيني بيوم وللحين فرحان

والي غابني اكثر ومعور قلبي اني خلاص صرت وحيدة وكل شي بحياتي انتهى

لا زوج لاصديقات ولااقارب من ناحيته
كلهم راحوا


او ما ابيهم


مابي احد يحس اني ضعيفة ومنهارة وبالاحرى انا انتهيت

انتهى دوري من حياته وحياتي مالها لزمة بنظرهم
الا كود اربي عياله


ولي كبرت منو يكلمني


ايييييييييه محد يحس باللي مثلي
خلاص الكل يظن المره الي يهينها زوجها
انها خلاص ماتستحق شي

دام رضالها المهونة وارخصها

خلاص انتهت

 

[عهود الحب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

ان كلامي كلمات متقاطعه ومومفهوم فسامحوني
والحمدلله على كل حال
فما يحمد على مكروه سواه
الحمدلله

 

[سمراء كويتية]

رد: إذا أنتي مطلقه شاركينى؟

عهود الحب ..

كلشي يبدي صغير و يكبر إلا الهم يبدي كبير و يصغر ..

بالنسبة لموضوع لردتج لزوجج .. لا تتاثرين بأحد وشوفي الي يرحيج وسويه لأن في النهايه محد عايش معاج ولا شاف الي إنتي شفتيه ..خليج قويه والله يمسح على قلبج

 

[عهود الحب]

رد: إذا أنتي مطلقه شاركينى؟

لاخلاص انتهينا
عقب كلامي مع الوالد مرة ومرتين وثلاث
اخيرا اقتنعوا بوجهة نظري
ولأول مرة بالتاريخ
ابوي يحشر زوجي بزاوية الديوانية ويسمعه كلام يجمد على الشارب
و أخيرا ابوي تحرك وبدأ يطالب بورقتي



للأسف العشرة ماتهون الا على الكافر
وانا ماتهون علي عقب 13 سنة زواج
أكون بهالوضع
اسمع احيانا عيالي يتهامسون وانا بالطريج اسوق السيارة
اصصص امي تبجي لاتزعجونها


وانقهر انه دموعي صارت روتين يومي ودي اوقف
بس ما يبكيني الا وضعي اللحين وانه انا الي اطالب بطلاقي وبكل اصرار


ويبكيني اكثر انه ماحاول يعالج الامور من بدايتها


يبكيني عمري وشبابي الي ضاع
ويبكيني عيالي الخمسة منو بيساعدني على تربيتهم من اول مادرى عنهم والحين بدوا يكبرون وكل ماله مشاكلهم تكبر
ويبكيني اني على النية وللحين على النية والطيب في هالدنيا مايعيش


ويبكيني انه جدد حياته وبدا من جديد
وانا على قولتهم في مكان صعب ولاني عارفة اكمل حياتي صح

 

[الريادة]

رد: إذا أنتي مطلقه شاركينى؟

يا كريم, يا من يجيب المضطر اذا دعاااه
سألتك أن تفرج هم اختي الغالية عهود , و تيسر لها أمورها , و تذهب عنها الهم و الحزن و الغم .
و ترزقها من حيث لا تحتسب
الهم امييين.

 

[عالمة_جيولوجيا]

رد: إذا أنتي مطلقه شاركينى؟

اللهم اميــــــــــــــــــــــــــــــــــــــــن
والله انا مطلقه بعد واضم صوتي معاكم والحمدلله علي كل حال فكروا يا جماعه ان العمر مره واستانسوا فيه وان الطلاقه بدايه لحياة جديده من نهاية حياتنا الله يصبرنا ويرزقنا انشالله بالازواج الصالحين

 

[عهود الحب]

رد: إذا أنتي مطلقه شاركينى؟

الريادة
الله يجزاج كل الخير والبركة بحياتج وعمرج قولي امين
ماتقصرين يالغاليه الله يفرج همي وهمج وهم كل مؤمن ومؤمنه
وعسى ربي يفرح قلوبنا
وانا ببدل صورتي عشانكم بنات الي طلبتوني

واوعدكم اني احاول اسوي حملة ترشيد لدموعي


وما انكسر
بحاول والله المستعان




عالمة جيولوجيا
تسلمين يالغاليه عسى ربي يعطيج الين يرضيج انتي واختي الريادة والحالمة وسمراء كويتية وكل خواتي الي بالموضوع هذا

 

[عهود الحب]

رد: إذا أنتي مطلقه شاركينى؟

الله يرزق كل البنات الي هني كل مايرضيهم ويسعد قلوبهم ويفرح قلوبهم
ويرزق كل البنات الي يكلموني والي مايكلموني والله ما انسى فضلكم علي
صحيح الواحد مرات يضيق ويتضايق ويمشي اموره ويرد يبتسم
ادري اني وصلت لمأزق صعب شوي بمطالباتي بالطلاق


بس عسى ربي يكتب لي الخيرة



ويسعد قلوبنا بالدنيا قبل الآخره
ويجعل لنا العقبى والرضا يوم القيامة
ونكون من اهل الجنان
وان ما رزقنا بزوج صالح بالدنيا


يرزقنا بالآخرة


يمكن انا راحت علي ماراح أيأس

بس اقول خذيت وكفيت


بس بنفس الوقت اتمنى ان الله يرزق كل بنت ومطلقة هني زوج يعرف قيمتها ويحترمها ويودها ويشرفها ويرزها بالدنيا ويسعد قلبها بقربه


ويرزق كل محرومة طفل تحضنه ويبرها ولايقطع فيها


وعسى ربي لايحرمني واياكم بنات اجر الصبر على ما ابتلانا فيه


ان تطلقت او ما تطلقت هم بظل متفائله
امنيتي اكبر بالعمر ويمي انسان يقدرني ويسمعني


تدرون اصعب شي اني اوصل لهالفترة من عمري وانا وحيدة
عسى ربي يرزقني انسان يسمعني بس ويساعدني على هم الدنيا



اول مرة بحياتي اسمع ابوي يقولي يابوج تزوجي دام عيالج عندج باجر تحتاجين سند لي كبرتي بالعمر
فعلا هذا الي كان طول الايام يحسسني بالضيم


اني وحيدة


ابشكي ولا القى قلب حنون يتفهمني


يا للأسف تثقين بزوجج وترزينه وتقولين يالله نتحمل ياكود باجر ربي يسخره لي


ويوم يكبر يدور له بنت يتسلى معاها اصغر من مرته بس عشان يرضي غروره كرجل
وينسى زوجته الي رزته من بدايته من الصفر وكبرته ورزته جدام اهله وقرايبه

وياليته يذكرج بالخير ؟؟؟؟
ياللأسف بس


بس ارتجي العوض بمقبلات الايام
وارتجي العوض بعيالي
وارتجي العوض عند رب الكون



واقول والله اني بخير


دام الله ربي ومحمد رسولي وديني الاسلام


اللهم لك الحمد كما تحب وترضى

 

[Om ToOoTa]

رد: إذا أنتي مطلقه شاركينى؟

الله يعينكم حبيباتى ويعوضكم خير يارب

 

[سمراء كويتية]

رد: إذا أنتي مطلقه شاركينى؟

يا كريم, يا من يجيب المضطر اذا دعاااه
سألتك أن تفرج هم اختي الغالية عهود , و تيسر لها أمورها , و تذهب عنها الهم و الحزن و الغم .
و ترزقها من حيث لا تحتسب
الهم امييين.

آمين يارب و هم جميع المؤمنين والمؤمنات ​

 

[*الحالمه*]

رد: إذا أنتي مطلقه شاركينى؟

عهود الحب

كل اللي أقدر اقوله لج .. ان لج خوات مهتمين فيج و يعز عليهم

يشوفونج حزينه و تعيسه

تذكري يا قلبي ان الحزن لو مهما طول مصيره يتلاشى و ينتهي

تذكري ان عندج 5 شموع تنور عليج حياتج

تذكري ان حالتج ارحم بمليون مره من حالة غيرج .. و احمدي ربج

تذكري ان وقت الحزن الانسان يكون ضعيف لدرجة انه مو قادر يستمتع بالنعم اللي

ربي منعم عليه فيها

و اهم شي تذكري ان بذكر الله تطمئن القلوب

و ان ربج ما ينسى عبده

شي طبيعي ان تمر علينا لحظات " انهيار " و " ضعف " لكن عقب فتره نحاول فيها

ننتشل انفسنا من هالحاله .. نقدر نرجع نستمتع بالحياه ولو كانت " الغصه " موجوده

--------------

عمر البجي ما كان عيب و لا كان ضعف .. لانه وسيلة للتنفيس عن هم و حزن و خوف .. الخ

لكن انا ننغمس فيه و نعيش طول العمر معاه ..هني نكون ظلمنا أنفسنا

-------------

الخوف من الوحده شعور طبيعي بس تأكدي ان الله ارحم عليج من نفسج

فلا تقنطين من رحمته سبحانه و تعالى

من كلامج عن عيالج اشوفهم بمنتهى الرقه و الإحساس فيج ان شاء الله بتشوفين

برهم و رحمتهم فيج لي كبرتي عسى الله يعطيج طولة العمر

و هذا شي يخليج تفرحين ان عيالج قراب منج .. غيرج عيالهم بديره و اهم بديره ثانيه !!

افرحي يا حياتي و فرحي عيالج

طلعوا .. تمشوا .. استانسوا

و اتكلي على الله

-------------

الله يحقق لج اللي فيه الصالح لج و لعيالج

و يمسح على قلبج و يسعدج دنيا و آخره​

 

[*الحالمه*]

رد: إذا أنتي مطلقه شاركينى؟

دعاء تفريج الهم و الكرب

" رب لا تكلني الى احد ولا تحوجني الى احد واغنني عن كل احد يامن اليه المستند وعليه المعتمد وهو الواحد الفرد الصمد لا شريك له ولا ولد خذ بيدي من الضلال الى الرشد ونجني من كل ضيق ونكد "

 

[عيون الغزال]

رد: إذا أنتي مطلقه شاركينى؟

عهود شلونج

ماشالله حاطة الوردة وهذا يدل ان بداية امل جديد بحياتك

خليج جذى ودائما طالعى للمستقبل

باجر اذا ,,بعيد الشر عنا وعنج اذا طحتى مريضة منو بيفيدج,,فكرى بصحتج وعيالج ونفسج,,والريال بدالة الف ريال..والرياييل الله يعز السامع مثل الفساتين نلبسهم ونفصخهم مثل مانبى مو اهما اللى يتحكمون فينا

وشلون حالج الحين بشرينا عنج

 

[ror44]

رد: إذا أنتي مطلقه شاركينى؟

يا كريم, يا من يجيب المضطر اذا دعاااه
سألتك أن تفرج هم اختي الغالية عهود , و تيسر لها أمورها , و تذهب عنها الهم و الحزن و الغم .
و ترزقها من حيث لا تحتسب
الهم امييين.
آمــــــــــــــــــــــــــــــــــــــــــــــــــــــــــــــــــــــــــــــين

 

[الريادة]

رد: إذا أنتي مطلقه شاركينى؟

شلونكم بناات ..
عهود .. شهالوردة الحلوة , انشالله هذي فاتحة خير لج و بادرة طيبة .
عالمة جيولوجيا , شفيج عسى ماشر ؟