ألفاظج .. ألفاااظج !!!!

[اشتياق]

لا انا قاموسي ضايع وحالتي خاصه
لهجتي حضريه على بدوي على عراقي لووووووووووووووووول ومرات اصير عجميه
ومرات عازميه مادري شفي السستم عندي يبيله تضبيط لوووووووول
اي ومرات مصريه لووووووووول

 

[بثكوته مالحه]

رد : رد: ألفاظج .. ألفاااظج !!!!

تدرون من اللي يتشيحط علي الحين بالكلام الذرب بناتي الله يسلمهم وخليهم لي ماما

قولي جذيه ولا تقولين جذيه اخر عمري يعلموني الذرابه

مره كنت معاهم في مطعم وبتكلم انجليزي مع الجرسون جان اقوله ( بليز قف مي اتشوووووو ) يعني تشيو وبنات اللذين

للحين ما اخذينه علي طنازه:denya:

يرحمج الله أختي ضحاوي كاااااااااااااااااااااااااااااااااااااااااااااااااااااااااااك
فديت قلبج والله بدليتح ضحكتني :krkrkr:

أنا عندي كلمه طراق أحسها دفشه بس ما اترقع لأنه مالها بديل !!

بس أحس الدفاشه ما تنقاس بالألفاظ كثر الصوت يعني صوتج اهوا اللي يدل على أنوثتج اذا صوتج ناعم و حلو

 

[dlo3t baby]

رد : ألفاظج .. ألفاااظج !!!!

بالعكس لهجتنا حلوه
وعندنا كل مصطلح له بديل

وانا ماقول براطم اقول شفايف

انا احس اللهجه السعدويه ادفش من الكويتيه .. انا مرت عمي سعوديه وطريقة حجيها ماتعجبني فيها خشوونه ((كذاا مررررره ))

 

[كويتيه أقوى شي]

رد : ألفاظج .. ألفاااظج !!!!




ههههههههه



صراحة كلنا نفس الحالة



بس أنا أهم شي عندي انه المره يكون صوتها هادي مو عالي ومزعج


وتهون كلمة براطم مقابل الصوت العالي والمزعج



وعلى الخير نلتقي دائما

 

[غاية مراده ..!]

رد : ألفاظج .. ألفاااظج !!!!

مشكوره ع الموضوع الحلو مثلج ..

دايما افكر بهالشي الفاظنا شوي دفشه بس ما يمنع نبين نعومتنا بطريقة الكلام والهدوء
يعني تكونين ناعمه بطريقتج بالكلام وتنتقين الالفاظ صح
انا عودت روحي ما اقول ( براطم مثلا ) اقول شفايف

والصراخ بعد يجردج من انوثتج حتى لو تكونين عصبيه حاولي ع الاقل
ويعطيج الف عافيه ع الموضوع اللي يقوطر انوثه هههه

 

[honey lust]

لهجتنا شحلاتها لا فيها دفاشه ولا شي
الدفاشه تكون بالطريقه
و انا الحمدالله اتحجي حجي كويتي اصلي و عمره محد قالي دفشه بالعكس
العبره بالطريقه و الاسلوب و مو بالتفلسف و اقعد ابدل لهجتي و اتحجي انجلش
لا تزعلين مني بس هذا رايي

 

[ديانا سبنسر]

موضوع حلو اب

 

[موني^حبيبي]

رد : ألفاظج .. ألفاااظج !!!!

في بعض الكلمات صج المفرووض مانقولها تكون خشنه علينا

 

[Samurai]

بدال مصخره قولي. مسخره
بدال واااي. قولي. ياااي
بدال يهبل. قولي يجنن

 

[غمزه وإبتسامه]

اي حتى انا احس اني دفشه واحس السعوديات فيهم دلع بكلامهم اكثر منا

 

[~.ąvȍƈaȚ.~]

رد : ألفاظج .. ألفاااظج !!!!

لووووووول يا كثرها هالالفاظ

مثل ما قلتي على سالفة البراطم

و الاباط <<< ويييع ما اجب استخدم هاللفظ احس ريحه خايسه <<< شكووو مادري شكوو بس ويع !! @@

يعني اندر آرم جذي أهون

بدال ما اقول كمبيوتري لازم أقول لابي و الا لابتوبي وايد أذرب من كمبيوتري !!!

و احاول اني اوخر عن لفظ تلفوني امبيه احسه تلفون البيت هههههههه موبايلي و الا فوني احلى

اووخ ذكرتيني بذاك اليوم كنت اكلم واحد يصيرلي

جان يقولي عن شعري سويخ بوني تيل bony tail عاد كنت مقفله وقتها قلتله هااا يعني شنو قلتله خوو فوول ذيل حصان << شوفي الفرق بس !! عاد اشووه قلت بصوت واطي ما سمعني خخخخ

نقدت على روحي بصراحه

 

[~.ąvȍƈaȚ.~]

رد : ألفاظج .. ألفاااظج !!!!

وييي يا حلات حجينااا بس

بس مو كل شي نشووفه دفش لازم ندورله بديل عرفتي !!

يعني في اشياء من اصل اللهجه الكويتيه

شهالعبوو..اشهاليوور (شهالعياره)... جوود نلقى شي(يمكن) يعني بصراحه اللي يقول هالكلمات تحسينه كويتي اصلي و زقرررت لووول

و من الكلمات اللي تبط جبدي

الرسوم المتحركه لما يقولون عنها باباي !! واااااااي اسمها رسوم متحركه مو باباي...باباي اللي ياكل سبانخ و مرته زيتوونه بسسس

و لما البنات يقولون عن السيارات الكشخه مواتر

ويييييييييييييع لفظ صبياني بحـــــــت و مو حلوو بلسان البنيه أحس مسترجله ( انا اتكلم عن اللي متعوده على هالكلمه مو تقوولها على عبط سوو مابي هجوووم )

و على طاري الهجوم

احنا دايما نستخدم كلمة هدوم و بصراحه ما احب كلمة ملابس مع اني احسها اذرب بس ما احبها !!

 

[نعومة عسل]

هههههههههههههههههه

والله ضحكتيني

ذكرتيني بخالتي تقوول لبنتها تعالي اكد شوشتج<<<<<ههههههههههههه :d

مت ضحك شنو شوشه ع الاقل قولي امشط شعرررج






:016:​

 

[Stylista_Q8]

إيي تذكرت جم كلمة ^^

مالي خلق - مآلي نفس

أحس خلق ثقيلة > عشتو

و بدآل فرآش - سرير

وهذآ إللي تذكرته الحين ..

 

[DooLy88]

صاجة والله

 

[blue diamond]

رد: رد : ألفاظج .. ألفاااظج !!!!

وييي يا حلات حجينااا بس

يعني في اشياء من اصل اللهجه الكويتيه

شهالعبوو..اشهاليوور (شهالعياره)... جوود نلقى شي(يمكن) يعني بصراحه اللي يقول هالكلمات تحسينه كويتي اصلي و زقرررت لووول

صااااااااااجه يا حلاه كلماتنا وازيدج من العشر بيت وازيد على كلمه جود
أحب كلمت زدتك او زدتج >> يعني بسرعه
اللهم يا كافي >> الحين ما تنقال نفس قبل
هو ليش يا حافظ >> هم ما تنقال نفس قبل

يعني هالكلام احنا نستخدمها دايلي وتعويدين عليها من واحنا صغار

في وايد ناس تستغربون لما اقولها بس ياربي هاذي لهجتنا مالنا غناه عنها يا حلوها والله ​

 

[barbya_q8]

رد : ألفاظج .. ألفاااظج !!!!

over love رفيجتج حدها مغبره بتكد شعرها لوووووووول قديمة هالكلمةةةةةةة

 

[barbya_q8]

رد : ألفاظج .. ألفاااظج !!!!

صاجة والله بلو هذا حجينه وياحلووة كيفهم عاد

 

[blue diamond]

^^
^^
اي حده باربيه اينن حجينا شكلي قلبت الموضوع عن لهجتنا الكويتيه القديمه
وفي بعد كلمه :
القمنده >> يعني ساس الموضوع او صلب الموضوع او الحبكة عاد ما ادري اشلون اشرح لكم

 

[So... What]

حسبي الله على شر هالرجاجيل .. يننكوكم و قعدوكم
قلبنا ظهورنا و بطنوا ... عسى نرضيهم ... واااي ...اقصد يااااااي
المهم فوق مزح بس خذوا عندكم
القنجة ... القدر
قفشة .. ملعقة
وحده من العضوات هنا تقول الموضوع يقوطر انوثة ... يقطر انوثه ... حاولي تطلعين الكلمة بلا شد وضم و تشديد ماله داعي

بنات ترى طريقة النطق و الهدوء في المخارج ... تتحكم ...