ألفاظج .. ألفاااظج !!!!

[كريستآله]

انا لما اطلب مه شغله واقوله بليز حياتي مسكين يدوخ من هالكلمه وقمت اتعمد اقولها بدلع بدال كلمة( تكفى)
:dddds:

 

[BiiShOoO]

صااجة

 

[نونه الزعفرانه]

انا كلامي كله بدليات يقول لي لحد يسمعج ترا يسحبون جنسيتج
هههههههههههههههههههههههه والله مادري شقصتي على البدليات مع اني مافيني عرج مني مناك

 

[Vouge]

رد : ألفاظج .. ألفاااظج !!!!

نحترم كل وجهات النظر .. و الموضوع للي ودة يغير

و كل وحدة تاخذ اللي يعجبها و تهد اللي ما يعجبها

منورين
و يا الله ناطرين مشاركات أكثر

 

[Vouge]

رد : ألفاظج .. ألفاااظج !!!!

ولا وحدة تقرب صوب كلمة "شنب" ولا "شوارب لما تبي تحف


إذا بتقولين حق ريلج قولي حفيت ويهي
و بالصالون قولي حف .. و أشري على المكان



اللي تعرف كلمة أحلى من شنب و شوارب يا ريت تنورنا

 

[modern]

رد : ألفاظج .. ألفاااظج !!!!

انا ما اقول نعسانة اقول حدي دايبة

 

[om-3wenat]

انا مو متزوجة بس مرة احم اخوي اذاني جان اقولة

لا تحنج على افاي لو سمحت
اهوا انصدم @@

قلت له ما ينفع معاك الا هالاسلوب يلا

 

[بيروتيه]

الموضوع واااااو لا يوقف

 

[G!RLooNa]

لوووول والله انا منزمان ماحب اقول براطم اقول شفايف

و عموما ماحب مثلا بالصالون شنو بتسوين احف شواربي ولا شنبي لوووول شالسالفه !!

upper lip ارقى شوي خخخخ و الاباط بعد armpit

 

[سمبتيك]

الموضوع ايينن ، بس بنات ترا في فرق بين انج تفضلين لفظ عن لفظ وبين انج تلفظين الكلمه بالانقلش بدل العربي
انج تقولين الكلمه بالانقلش وماتقولينها بالعربي ماتعني ذرابه الذرابه باسلوبج ونطقج لملافظج شي عن شي يفرق وصاحبه الموضوع قالت خوش مثل براطم وشفايف
ولي باك انشالله

 

[فروبتشينو]

امبيييييييييييييييييييييه سالفة الصراخ على اليهال ما اقدر اتحكم فيها حاولت بس للأسف اعصاااب ما اقدر نااااار وشرار

صج شكل الوحده واهي تصاارخ مافي تنوثه عسى الله يهديني ويخفف اعصابي اللهم ياكافي فلفل

وبالنسبه للكلمات :

ما اقوول كلش صبغ اظافرر \\ اقول نيل بولش

وو الملابس الداخليه \\اندر وير او بانتي \\وبراا

الفوطه \\ تاول وبدلع

ما اقول سويج سيارتي نفس وايد ناس اعرفهم \\ مفاتيحي

كللللللش ما اقول شحقه؟؟؟؟ حدها ابو الدفاشه \\ اقول لييييييش ا شاء الله ! ههه شالسبب

بس في كلمه ماني قادره اتخلص منها الا وهي >>> من امه<<< اذا مشتطه اوو سوري منفعله مع الموضوع اقول>> اي من امه احسها هذي بعدى

سوالف صبيان شنو من امه مادري ؟؟

بس شرايكم فيني وانا اتعلم من الدرس حتى بنفس الموضوووووع ؟؟ لا تقولون مشتطه هههه قولوو منفعله حدي او متفاعله

مع خالص حبي واحترامي للعضوه حبيبة قلبي مشتطه وبس على راسي النك نيم >> جني اشتطيت!

 

[وآحشنــي زمآنـك]

رد : ألفاظج .. ألفاااظج !!!!

لوووووووووووووووووووووووووووووووول ..


أنــاا عــآدي ماا عندي كلمــآت تستــآهل التغيير ..

 

[Dalal.al3tibi]

رد : ألفاظج .. ألفاااظج !!!!

كلامي ذرب بس ريلي يبيني اتحجى بدفاشة ويطنز لما اتحجى شسوي انا عكسكم

 

[غمزه وإبتسامه]

انا دايمن اقول شفاايف
لااااااااااااااااااااا يوقف
بلاعيمي = لوزي << دايمن اقولهاا

 

[رومــآ]

رد: رد : ألفاظج .. ألفاااظج !!!!

ارتقي بكلامج !

اذا انتوا مافي مثلكم شعندج داشه منتدى كويتي

يعني احنا في مثلنا ؟

استغفر الله في ناس مو صج ! :| :|

ارتقي في كلامي

ليه انا وش قايله

ما اقول الا ارجعي واقري مرة ثانيه

وافهمي بمنو اقصد بمافي مثلنا

 

[بسوين]

رد : ألفاظج .. ألفاااظج !!!!

هههههه
,,
حتى انا لاحظت
دايم ماقول شعري اقول<<شوشــتي
بغسل بمشط ..شوشتي
لاين لاحظت هو مايقول على شعري شعرك او كذا لا شوشتك

استغربت لانو شعري ناعم<< ياحظك >طبعا طلعت انا السببب
,,
جنيت على نفسي براقش

 

[الغفلة]

رد : ألفاظج .. ألفاااظج !!!!

موضوعج حلووووو وحبيت اسجل مروري

 

[shaikha44]

رد : ألفاظج .. ألفاااظج !!!!

بصراحه عجبني الموضوع وحسيت فيه تفاعل وبكل تقدير تعجبني اللهجه الكويتيه الآصيله واللي يعجبني آكثر اني اشوف الاجيال محافظه عليها بعفويه يعني ما آحس فيها تصنع وفيه نقطه هامه احسها عند المرآه الكويتيه وهي الثقه والطلاقه بس .....احيانا سرعة وطريقة الكلام تضيع زهوته ورونقه (وهذا لا يمنع بان يكون للزوج قاموس خاص منوع ) وآطيب تحية​

 

[أحلام بنت]

رد : ألفاظج .. ألفاااظج !!!!

واااي موضوعج حلو عن نفسي كلامي كله دفاشه والله عاد الوحده شتسوي كل هذا عشان سي سيد
لا يقول دفشه ( ذكرت كلمه عاد هذي مافي احد يقدر يغيرها لا تقولون قلبها انجليزي ما يصير نمحي اللهجة العربيه عيالنا يروحون فيها:eh_s(13):
( خشمج ) ؟؟؟ حتي كلمة دفاشه اهي بروحه ام الدفاشه
اللهجه الخليجيه هي شوي ثقيله وحلاتها في ثقلها شوفيها في حلوجنا تهبل وشوفيها ليقالوها اللي من شرق اسيا اتلوع الجبد يا حلونا ويا حلو كلامنا
متعصبه لللغه:jumpon:

:gathering:

:stars:

 

[قطرية أصل وفصل]

رد : ألفاظج .. ألفاااظج !!!!

هههههههههههههههه موضوع تحفة ..
من زمان وأنا قاعدة أبدل شوي شوي بألفاظي ومع غني ما احب ادخل الانجليزي وااايد لكن أحيانا غصب ولا إرادي تجي الكلمة أو إني استبدلها بكلمة عندنا اصلا هي مو عربية
مثل جوتي <<< شوز ..طبعا حذاء ما اقدر اقولها ولين قلت جوتي جني هنديةهههههههههه

طبعا شفايف وبنام بدل براطم وبرقد
خزانة بدل كبت
ستارة بدل بردة
صوفا بدل قنفة
مخدة بدل موسدة <<<< خخخخخخخخخ مغبرة كنت متاثرة فيها من يدتي
درج بدل مير
عطر بدل خخخخخخخ موقايلة ههههه حزروا فزروا ..
مناشف بدل فوط (بس للين اقولها عادي)
موبايل بدل جوال (وللحين اقولها بعد عادي)
عباية بدل دفة
سرير بدل كرفاية
لمبة بدل ليت
نيولوك بدل تغييير جذري
أسراااااااااااار وشغلات حريم بدل سويت وفعلت وحفيت وووووووالخ في الصالون هههههههههه
ههههههههههه بدل هع هع هع أو كركركر
ستايل او كشخة بدل تزقرت
السلام عليكم بدل ألووووووووووووووووو
نوت بدل من دفتر ملاحظات (شطولها ههههههههههه)


بالنسبة للتعبيرات :
تفضلي بدل قعدي او اقلطي خخخخخخخ
بلييييييييييز أو لو سمحتي
نو وي بدل مستحيييييييييييييييييييييييل
دقايق بدل بعد شوي



.. وبالنسبة لليهال علمتهم كلمات ذربة استحي اقولها للأعضاء الحساسة وقضاء الحاجة وانتوا بكرامة بس بنتي من دخلت المدرسة الله يحفظها وهي متعلمة الكلمات في البداية كانت تجيني متفاجأة بس اللحين تقولها وتعلمني إياها وأقولها ذيج اذرب بس ما تبي هههههههههههه

ودي اغير قفشة لملعقة بس احس بيكون شكلي غلط ههههههههههه
وودي اغير سؤال شنهو هذا ؟؟ بشي ثاني ذرب
وودي بكلمات بديلة لـ ( الخشم << دفشة في كل اللهجات العربية للأسف) و للحلج ..هههه هلب مي بليززززززززززززززززززززززز << قاعدة اطبق اللي قلته