أفــــــــكــارنـــــــــــا لخــــبرة بلــــــــدي الكــــــــــــويـــــــــــــــت

[أم شواقه]

مشكوووووووووووورة حبيييبتي

اعجبتني افكااارج بطبقها


عهووود ،،، تاوني سويت شي بالبوربوينت حق درسي باجر بدزلج اياه قوليلي رااايج بصراااحه واذا يحتااج تعديييل سويييييييييييلييييييييييي

يبييله اشياااء


وان شاء الله اذا اوكي احطه للبنات

 

[عهود الحب]

طيب
بقوم اصلي

 

[عهود الحب]

مومحتاج تعديل حلو ومرتب ويهبل
منو مسويه
ماشاء الله شطورة
بس انا اول مرة الاحظ الشعار
وما اتوقع الاطفال بيعرفونه صراحة

 

[بعزتي اسوى ملوك]

ضروري ابي منبه للكلمه ابراج ومعالم الكويت الحديثه

السلام عليكم ورحمه الله وبركاته

شلونكم يا ابلات وشخباركم ؟

ابي افكار لمعالم الكويت الحديثه ومنبه للكلمه ابراح لان احتمال كبير تجيني الموجهه ومحتاره عن جد ياريت تساعدوني:s141:





:e3::balo:

 

[أم شواقه]

صج حلووو ؟؟ انا امسويييته احم احم

وعلى اليهال اتوقع راح يغرفووونه ما شاء الله عليهم شطااار

مرة سويت درس شفافيه مركبه شعار الكويت يوووم حطيت البوم قالي طفل كأنه خرده !!! وصج البوم مرسوم بالخردات

 

[fofowa_q8]

ام شواقه تقدرين تسوين السلوكي على شكل مشهد تمثيلي بسيط انج تسوين لج رف جنه جمعية وفيه منتجات كويتيه

او جنج داشه سوق الخضره وتخلين طفل اهو اللي يبيع وتحطين منتجات كويتيه

وفوقها علم الكويت ومنتجات ثانية فوقها علم دولة ثانية وتسئلين اللي يبيع تقولين له ابي

الشي الفلاني وين احصله راح يقولج هناك عاد لما تروحين تحتارين شختار ياربي

هذول المنتجات اللي فوقهم علم الكويت معناته منتجات كويتية والمنتجات الثانيه من دول ثانيه

راح يقولون لج الاطفال اختاري الكويتية وتأكدين عاد على السلوكية والكويتي انفع

 

[fofowa_q8]

بنات منبه حق ابـــــراج الكويت

مجموعة من الاشكال مثلثات ودوائر شنو نقدر نسوي فيهم؟

مهرج لابس كبوس او آيس كريم او .... لين يتوصلون الى شكل ابراج الكويت

تقدرون تسوون بالشفافيه او بالبوربوينت او القص واللصق

وممكن تخلين الاطفال يشاركون بالمنبه واهم اللي يشكلون بالاشكال الهندسيه الاشكال المختلفه

 

[fofowa_q8]

المعالم السياحية حلووه يابنات وممكن تسوون مجسم شارع وعلى شكل قصه ان في عايله

راحت على شارع الخليج واهم يمشون ... وتبدين توصفين المعالم السياحيه اللي راح يشوفونها

على البحر على شكل الغاز ( الابراج - الاكوابارك - المركز العلمي ... )

مثلا شافو شي طويل وكبير مكون من 3 ابراج وفيه 3 كور لونه ازرق ..

مبنى كبير وممكن تورينهم شعار المركز العلمي وفيه احواض كبيره فيها اسماك وفي سينما ثلاثية الابعاد

وطبعا لما يعرفون المعلم اللي تكلمتي عنه على مجسم الشارع اللي مسويته تحطين

الابراج والمركز العلمي وتمشين السياره وكل شوي تمشي تروح معلم ثاني وطبعا تورينهم

صور شنو داخل هالمعالم وتناقشينهم فيها وبس

 

[fofowa_q8]

رد: ضروري ابي منبه للكلمه ابراج ومعالم الكويت الحديثه

الموضوع المثبت راح يفيدج في وااايد افكار البنات مو مقصرين

 

[أميره بلا قصور]

مرحبااا بنااات

ماقصرتوو ع الدروس والمنبهاات بميزان اعمالكم ياااااارب

ابي اغنيه المنتج الكووويتي منووو عندها ضروري اتذكر كنت سامعتها عند وحده اياام التربيه العمليه<<<متحسفه انها ماسجلتها عندها

دوورت بقوووقل لين دخت ماااكو شي

عفيه اللي عندهااا تسااعدني

 

[أميره بلا قصور]

ام شوااااااقه نزلي منبهج عن الصناعات بلييييز

 

[الزين 83]

بناااااااااااااات انا درسي يربط العدد 6 وبصنف ابراج الماء شنووووووووووووو اسوي منبه
الله يجزاها خير اللي تساعدني

 

[nero]

عندي درس يتعرف على المرافق العامه

بس دخت دخت وعصرت مخي

ماكو الا الحديقه العامه .. المكتبه العامه
بعد شنو عندنا مرافق عامه ؟؟ فكرووا معاي

 

[*أبلة*]

السلام عليكم
انا مره يبت صورة طيارة ونزلوا منها 6 هنديات وانهم يايين الكويت لانهم سمعوا عن جمالها
وطبعا يبون يسوون جولة بالكويت ومن ضمن الاشياء اللي مروا عليها اهي ابراج المياه
ولما عدوهم الاطفال عرفوا ان عدد الابراج 6
وبجذي تدخلين بالدرس وتربطين العدد
بس بغيت اعرف شلون طريقتكم
لان طريقتنا بالربط انها تصير على مسابقات يعني مو مثل التعرف على العدد وعملية تصنيف وجذي .. لا
الطريقه عندنا بالربط تختلف
وتوجيهنا منع الربط بالحلقة وخلاها تعزيز باللاصفي بس .
واتمنى اكون وصلت الصورة للمنبه .​

 

[*أبلة*]

عندي درس يتعرف على المرافق العامه

بس دخت دخت وعصرت مخي

ماكو الا الحديقه العامه .. المكتبه العامه
بعد شنو عندنا مرافق عامه ؟؟ فكرووا معاي

المرافق العامه : الواجهة البحرية والجزيرة الخضراء .. المجمعات .. المقاهي الشعبية .. هذا الى جانب الحدائق .. يوم البحار .. المركز العلمي .. أبراج الكويت ..الخ
انتي لا تاخذين كلمة عامة وبس .. المقصود فيها ان الارتياد يكون للناس جميعها بمعنى انه مو مخصصه لناس معينه وبعضويه مثلا مثل بعض الاماكن .. عرفتي عزيزتي .​

 

[غلا امي]

ابي منبه عن اثار الغزو امانه ساعدوني

 

[nero]

مشكوره يا ابله

يزاج الله خير

 

[عهود الحب]

بنات ليش تحطون اهداف صعبة عليكم
ترى صياغة الاهداف اختيارية للمعلمات

امانة بنات لاتحطون دروس صعبة لا الطفل يستفيد ولا انتوا بتعطونها حقها


الدروس الي تهبل شكثــــر اختاروا السهل دايمن
لأن الهين أحلى مهما كان



مشكورة ابلة يا مال العافية

 

[*أبلة*]

ابي منبه عن اثار الغزو امانه ساعدوني

انا سويت درس متميز في هالموضوع
استخدمت فيه الداتاشو والبور بوينت.. على فكره يا بنات الداتاشو مهم الحين وانا شريت لي واحد من سنتين ما استغني عنه .. لا استلف من الاداره ولا غيره.
المهم المنبه طال عمرج وعمر اللي يقرون كالآتي : حطيت لهم بالداتاشو صورة لخريطة دولة الكويت وسالت الأطفال وقالوا انها خريطة الكويت .. وفجاه سمعوا صوت قوي وشي يتحرك على الخريطه من فوق وشوي شوي يبين ان اللي قاعد يزحف على الخريطه عنكبوت كبير وشكله بشع .. وسالت الاطفال شنو اللي قاعد يصير .. وجاوبوني ان العنكبوته يت على الخريطه . وسالتهم تحبون العنكبوت ؟ جاوبوني لا العنكبوت يخرع .. جان اقولهم وشنو بعد مثل العنكبوت شي دخل علينا من فوق وخرعنا ؟؟ اذا جاوبوا زين على زين . واذا ما جاوبوا تطلع صور طائرات حربية حوالي الخريطة .. وصوت مدافع وصور دبابات .. واخر شي تعرضين صورة علم العراق مع صورة رئيسهم ..
وهني تدخلين بالغزو
واخر شي تلعبين معاهم لعبة مكعب الالوان .. هذي لعبه انا مسويتها عندي مكعب اسفنج على شكل نرد . انا لزقت عليه على كل جهة ورقة مغلفة حراري على لون معين .. يعني جهة احمر وجهة اخضر وهكذا ...الخ
وتكونين مجهزة ملفات عليهم اوراق ملونه او ورود او اي شي من ابتكارج بس يكون بنفس الالوان اللي على النرد .. يطلع طفل ويرمي النرد ويسحب الملف اللي بنفس اللون .. والصورة اللي تطلع له يعلق عليها .. انا حطيت صورة الرئيس العراقي والعلم .. وصورة الاطفال بالحضانات .. وصورة البحيرات النفطية والدخان .. وصورة بيت القرين .
واي شي تبينه طال عمرج انا بالشوفة .​

 

[غلا امي]

تسلمين يا ابله درسج حلو بس انا درسي عن الاثار والدمار ودي ابدا بقصه عن البحر قبل الغزو وبعد الغزو ومنها ادخل على الدمار بكل نواحيه شرايج