أفــــــــكــارنـــــــــــا لخــــبرة بلــــــــدي الكــــــــــــويـــــــــــــــت

[مظاليم]

شكلكم نايمات خلاص تصبحون على خير

 

[طيرشلوا]

بنااات عفيه لاصفي مبيكر غير الالعب الشعبيه

تعبت وانا افكر

اي شي سهل حطووووه

الاصفى ترا مو لازم يكون مرتبط بالخبرة سوى فكرة- برنامج الرابح الاكبر او برنامج مع الطلبة
انا احب اقدم الاصفى بالساحة او مكان ركن الرمل والماءالمهم برا الصف
-اوسوى قصة بالظل
-اوسوى العاب رياضية عن الخبرة بس لاحظى موحركية
-او مفاهيم رياضية
-او قطار الخبرة ...يعنى الخبرة الحين بلدى الكويت اوكى تسوين مثير بسيط وتكونين مقسمة الاطفال مجموعات من قبل
تناقشنهم بالمثير ويجيبونة اشياء مرتبطة عنة من الاركان وبرا الصف تكونين مسوية شكل قطار يا بالحبل او محددتة بالقلم
على حسب عدد المجموعات بعدين تبدين تلعبين وياهم لعبة القطار يعنى تطلبين ان كل مرة يطلع طفل واحد من المجموعة ويجيب الى تطلبونة منة (يكون مرتبط بالخبرة وتكونين مجهزتة من قبل )وتعدون لحد 5 اذا مارجع قبل لاتخلصون مايدخل القطار او اذا يبونة يخسرون نقطة الدرس حيل حيل حيل حلو وممتع وفية وناسة لج وللاطفال

 

[مظاليم]

مشكوووووووووووووره ياالكادي

 

[أميره بلا قصور]

مشكووووره طير شلووا

فكره القطااار روووووعه

ماقصرتي يامال العااافيه

 

[Miss Moma]

اخت عهود الحب يعطيييج ألف عافية والله يجعه في ميزان حسناتج يارب بس بغيت اسألج شنو اقدر اتكلم عن السور؟؟ يعني سير الدرس انا هدفي العقلي كلمة سور وعندي لها منبه لها بس بد المنبه شسوي؟ اتكلم عن قصة السور؟ وشن اهيا قصة السو اصلا؟؟؟؟ ماعرفها توني أول كورس ساعدوني بلييييييييييييييز

 

[عهود الحب]

بنات الي سألوا متأخر شوي
السموحة منكم
انا الساعه تسع ونص بالفراش نايمة
ابد مع الدجاج ننام
الحين شكلكم داومتم وخلاص
بس اليوم بعد الدوام باذن الله اجاوب على اسئلتكم

 

[عهود الحب]

قطار الاركان رووووووعة ياطيرشلوا
تبارك الرحمن عليج

 

[Miss Moma]

عهود انا ماداومت ناطره هههههه لا اقص عليج ماعندي لاصفي وقاعده درسي حق الخميس

 

[أم شواقه]

بنات باجر درسي الصتاعات الكويتيه

بسوي منبه شفافيه مركبه شعار المطاحن من جيس الخبز الضعيف اول شي الدائرة الزرقه بعدين الدائرة البرتقاليه وبعدين السنبلتين وان شاء الله يعرفووونهه

بسويها بمركز الطالب

وهدفي الوجداني يحرص على شراء المنتج الكويتي


اشلووووون احققه ؟؟؟ عطوني قصه سلووووكيه ابلااات


عهوووود اشلوووونج اشرااايج بمنبهي

 

[عهود الحب]

منبهج حلو بس شحقه الخساير
كلها اقلام شفافيات ولزاق وشفافيتين تحطينهم فوق بعض
شحقه مركز الطالب ؟

ياحبكم للخساير

 

[عهود الحب]

شوقرية حاضر بس خل اصحصح شوي

 

[أم شواقه]

شسوييييييي مااا عرف ا رسم والله

اشلووون احقق الوجداني عهوووود

وانا بتكلم بعدين عن منتجات كي دي دي

اشلون ادخل فيييهم ؟؟


اتصدقييين اليوووم اخر الدوام قاعده اقول منبهي حق وحده وشنو بسوي وجذي /// جااان اتقووولي مو خلصتي الموجهه اشخقه اتسوين درس !!!!!!!!!!!!!!!!


درسيييهم اي كلاااام

بدووووون تعلييييق

 

[عهود الحب]

لاترسمين حطي جيس الخبز تحت الشفافيه ورسمي فوقه يصير مثله
او ارسمي رسم مقارب بقاع الكوب سوي دوائر والسنبلة مايبيلها شدعوة عاد ..؟

 

[عهود الحب]

ام شواقة الي مثلها شكثرهم طنشي ولاكأنج تسمعين
تصدقين انا لما انصح ما احصل الا الكره والحقد
كلمة الحق مكروهه هاليومين الظاهر صارت موضة جذب نافق تعيش وان قلت الحق
مالك لزمة بينا خاصة عند الرياض اطفال مايبون تفتحين حلجج بقولة حق ابد

 

[عهود الحب]

ام شواقة تتصورين انا من الصبح ما اكلت وحامل وثقيلة
واخذت بندول من حر مافيني
احس راسي مصدع وودي اطق راسي بالطوفة
وبنفس الوقت ودي ابجي
بنتي ماكلت فحرمت الاكل معاها
والحين بفتح ريجي بتفاحة

 

[عهود الحب]

اخت عهود الحب يعطيييج ألف عافية والله يجعه في ميزان حسناتج يارب بس بغيت اسألج شنو اقدر اتكلم عن السور؟؟ يعني سير الدرس انا هدفي العقلي كلمة سور وعندي لها منبه لها بس بد المنبه شسوي؟ اتكلم عن قصة السور؟ وشن اهيا قصة السو اصلا؟؟؟؟ ماعرفها توني أول كورس ساعدوني بلييييييييييييييز

اول شي الله يعافيج ويجزاج خير
انا ما ابي الا الدعوة وقولة جزاج الله خير تسوى عندي مليون


السور انا مسوية عنه مثير بالبوربنوينت تلاقينه بموضوع منفصل بروحه انا كاتبته

اذا ماتعرفين للكمبيوتر ياقلبي انا اشرح لج مثير بسيط ومرتب عن السور بالخامات الفنية
اخذي كرتون جواتي عزج الله
كرتون كلينكس
علبة الوجبة الشفافة
اي شي
ووحطيها ولزقي عليها خام بني مقصصته على شكل السور العتيج تعرفين شلون
او بالكريشة او بالقص ولزق
او بالجلاد البني القديم

واذا ماتبين ممكن تسوينه من المكعبات انتي وابداعج
وممكن بشفافية تراكمية على قولة ام شواقة
والمثير على حسب الابلة وفنها وابداعها

بما انه انتي بتقدمين كلمة مولازم تقصين لهم قصة السور بس مطلوب منج انج تقولين انه السور بنوه اجدادنا لحماية الكويت من الاعداء
وهو من معالم الكويت القديمة
وله سبع بوابات حسب علمي ويسمونهم دروازات اشهرهم دروازة الجهراء والبريعصي والشامية والخ الخ نسيت الباقي


بس لاتطووووولين ترى بالعدد والكلمة مومطلوب الا شرح بسيط للمثير
على طول ادخلي بالكلمة الجديدة
اعرضيها بشكل مميز ايا كانت طريقتج
عندج عرايس صغار لابسين بخانق طلعيهم وخليهم شايلين كلمة سور على اغنية طلعنا من باب السور بيرقنا بيرق منصور

او دخلي بنوتات بالبخانق
انتي وكيفج


بعدها اقروا الكلمة فردي وجماعي
كتبيها بالوان مختلفة ومتنوعة



بس تخلصون دشي بمسابقات الكلمة
وانتي وابداعج كيفج عاد اهم شي مو اقل من لعبتين
ولاتنسين التعلم الذاتي والتغذية الراجعة

 

[عهود الحب]

شوقرية الساعه 11 ونص ردج شلون

غااااااااااااااااااااااايبه
امبيه مازين يابنتي الغياب ههههههههههههههههه
< نورية الصبيح هههههههههههههههههههههه
والله اكره الغيااااااااااااااااب

 

[عهود الحب]

http://variety.salmiya.net/songs/kuwait/rm/kuwait19.rm

طلعنا من باب السور

 

[أم شواقه]

بالعااافيه حبييبتي

شكلي بروح اليوم المكتبه وباخذ عدة الرسم وشفااافيه

انزييييين ما قلتيلي اشلووون عن الهدف الوجدااني واشلووون ادخل الكي دي دي

 

[عهود الحب]

سمعت اغنية وطنية وخنقتني العبرة حسبي عليك صدام والله يرحم جابر
الله يعافيج يا ام شواقة


شوفي يالغالية يحرص على شراء المنتج الكويتي سأليهم عقب ما تورينهم المنتجات اذا اهمه يحبون الكويت ولا لا
بيقولون اي قوليلهم اللي يحب الكويت ويبي يرفع اسمها فوق عالي
يشتري من منتجات الكويت عشان نشجع المنتج الوطني
ودايمن لما نروح الجمعية نشوف فيه كويتي ولا لا


دشي عالكي دي دي بعد نشيدة فاصل بينها وبين المخابز عرفتي
ممكن تدشين عليه من خلال بياع الحليب اذا عندج بلسوت ازرق دخلي ولد لابسه وحطي على صدره كلمة كي دي دي بالانجليزي بقص ولصق احمر واكتبيها عليه بكوركتر يطلع مثل الماركة
او قصيها من قوطي الحليب او من كرتون الكبير مال العصاير يكون حجمه روعة وواضح
وحطي رف فيه منتجات الكي دي دي




ترى في درس كامل يهبل للاخت روحي تحبك جنه
عن نفس الدرس
ودرسها حلو حيل صراحة