أغراض السفر.......

[نيبال الايمان]

ضى الايمان


ماشاء الله عليج يا ام مرام كل شى ماخته معاج يعنى الواحد لاززم ياخذ تقريبا بيت كامل وزاهب من كل شى 000 بس شلووون الوزن ياعمرى وما تعرفين شركات شحن وشلون طريقتهم انا قريت عنهم انهم يوصلون للبيت بس اذا احنا ما نعرف وين نسكن للحين شلووون والله مادرى حيل محتارة وشايلة هم 000

 

[بنت السلف]

وااااااااااااااااااااااااي شنو هذا


هذا صرف لا في البال ولا على الخاطر


لا وما يبون يصرفون لنا مخصصات


من صجج يا اسوله ( خلاطات ) الظاهر بفتح كوفي شوب :nbptr::082502bye_prv::eshrab مو رحلة علاج )

حسبي الله ونعم الوكيل:lkmnkl:

 

[ام_مرام]

ضى الايمان


ماشاء الله عليج يا ام مرام كل شى ماخته معاج يعنى الواحد لاززم ياخذ تقريبا بيت كامل وزاهب من كل شى 000 بس شلووون الوزن ياعمرى وما تعرفين شركات شحن وشلون طريقتهم انا قريت عنهم انهم يوصلون للبيت بس اذا احنا ما نعرف وين نسكن للحين شلووون والله مادرى حيل محتارة وشايلة هم 000

هلا حبيبتي
والله يا قلبي انا صج كثرت و ندمت اني كثرت لانه كل شي موجود هني
الاحسن كنت ادفع هني مو بالوزن
الوزن اخذ مني شي و أربعين دينار طبعا غير العيش و الزيت و باقي الاغراض اللي رديتها مع امي
والله مدري عن شركات الشحن .. بس اعتقد ام افنان قالت انها تتعامل معاهم الكيلو ب 750 فلس
و اسكني في فندق يومين ... في هاليومين اختاري الشقه اللي تناسبج
انا حجزت عن طريق النت من موقع بوكينج
و انا الحين بمنطقة كوينزواي
اخذتها من سمسار عراقي اسمه ضياء
اذا تبين رقمه اعطيج اياه و خلي زوجج يتفاهم معاه
و الله انا برأيي لا تسكنين ب شارع العرب : الاجورود
اسكنوا في كوينزواي او عند الرجنت بارك او كرومويل
و شوفي الشقه بعينج قبل تسكنينها

 

[RAIN FALL]

الله يكون بالعون الصراح الموضوع مسويلي شدة اعصاب
الاغراض اهني وايد ارخص بس الوزن
و المشكلة انك ما تعرفين كم شهر بتقعدين
الله يسهل علينا يا رب

 

[نيبال الايمان]

الـــظـــاهـــــر أنـــتــــم مــــهـــاجـــريـــن عـــلـــى الأغـــــراض هــــــذي

أنــــا بالـنــــســبــه لـــــي مـــتـــعـــامــــلـــه مـــع مــــكـــتــــب لــــشـــحـــن مـــن الـــــكــــويــــــت الــى لـــنـــدن

ســـــعـــــر الــــكـــيــلـــو 750فـــــلــــس مــــن الــــبـــاب ألـــي الـــبـــاب

ضى الايمان


يالغالية يا ام افنان اول شى عسى الله يجبر بخاطرج ويرزقج بالذرية لصالحه البارة اللهم امين يار

ياعمرى يا ريت تعطينى رقم ومكان نكتب لشحن اللى تعاملتى معاه من هنيه عشان الشحن من الكويت للندن

واذا ان شاء الله تعاملنا معاهم متى يوصلووون الاغراض يعنى بعد كم يوم من تقديم الطلب عندهم وكم ياخذون

وييييييييه ادرى دوختج باسئلتى بس والله محتارة صراحه مادية نشترى من هناك مافى يقولون كل شى غالى نااار قلنا ناخذ اقل شى ماجلتنا معانا

فيدينى ياعمرى والله يجزاج الخير


وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[WaChoCha]

حبيبتي ضي ...لندن غالية هالشي معروف لكن اخذي معاج الشي الضروري لان كل شي هناك موجود

 

[اشتاق الى الجنة]

يحليلج ضحكتيني اي والله يا بنت السلف عز الله انج صاجة

ام مرام يعطيج العافية ذكرتيني بأشياء مهمة بس شنو هذا شنو هالاغراض اللي قلتيها في اشياء فيها قزاز صعبة الا لا يمكن آخذها معاي طبيعي انها بتنكسر وتدمر الاغراض

بس انا برايي آخذ اغراضي من هني بس القزاز استبعدة
يا الله يا كثر الاغراض الله يعينا يعني لي رحت الجمعية بترس 3 عربانات الله يعين
هذا غير اغراض السوق بس بدون مبالغة واسراف

 

[أسيل]

وااااااااااااااااااااااااي شنو هذا


هذا صرف لا في البال ولا على الخاطر


لا وما يبون يصرفون لنا مخصصات


من صجج يا اسوله ( خلاطات ) الظاهر بفتح كوفي شوب :nbptr::082502bye_prv::eshrab مو رحلة علاج )

حسبي الله ونعم الوكيل:lkmnkl:

حياتي والله حاااسه فيج بالنسبه لبلجيكا غيييييييييييير مو نفس لندن يعني عمري ما افكر اخذ كثر اغراض بناتنا بلندن كلش لأن بلجيكا ارخص من لندن حيييل تقريبا نفس اسعارنا والخلاط يا طباخه حق الدقوس اوالشوربه اذا تبين تخلطينها وشي اختياري

 

[أسيل]

انا عن نفسي الاجهزه اخذتها من بلجيكا

 

[بنت السلف]

حياتي والله حاااسه فيج بالنسبه لبلجيكا غيييييييييييير مو نفس لندن يعني عمري ما افكر اخذ كثر اغراض بناتنا بلندن كلش لأن بلجيكا ارخص من لندن حيييل تقريبا نفس اسعارنا والخلاط يا طباخه حق الدقوس اوالشوربه اذا تبين تخلطينها وشي اختياري

الدقوس بسويه سوات قبل اهلنا ينطبخ الطماط لما يستوي بزياده


اقولج والله انج راعية بيت نمبر ون _03ba:

 

[اشتاق الى الجنة]

من فيه حيل يطبخ

المفروض العلاج بالخارج يحطون معانا مرافقة عشان تطبخ ما يصير نعتمد على المطاعم والا شندويتشات بس احنا نبي طبيخ وما فينا حيل نطبخ واذا قدرنا بس الايام الاولى اما بعديم ما فينا حيل

والا تدرون ماكو الا رياجيلنا تطبخلنا بس المشكلة من يطلع منه الا وحايسة حووووووووووووووس

 

[زوجة حبيبي]

الله يتمم عليج حبيبتي سفرتج

وحاليا ما اعرف شقولج لاني مو مركزة وان شاءالله لي رده للموضوع

واسال الرحمن الرحيم الكريم يسر امرونا ولا يردنا خايبين

 

[زوجة حبيبي]

حببيباتي لا تكثرون الاكل والمواد الغذائيه لان كل شي في بلجيكا موجود

بس الهيل مو موجود والقهوة العربيه والفرنسيه والتركيه اذا تحبون الوعفران والتمر

اما المعلبات اذا تحبون الفاصوليا مو موجودة في بلجيكا اما الفول موجود

والبهارات موجودة بس طبعا من نفس بهاراتنا

والمواعين انا افضل انكم تجيبونها معاكم

بنات لا ددودهون انفسكم وتعقدون الامور

ملابسج اخذيهم معاج في شحن المطار والمواعين خليهم بشحن اللي يوصل بعدج

وترا الامور مو صعبه بس لانكم محتارين فتحسون انكم محتارين وما تدرون شتسون

حبيباتي

عليكم بالدراريع وهذا الاهم للزوارات والجمعات

بدل اذا تحبين تلبسين بدل اخذي بدل وقمصان طوال للطلعات

ملافع بس مو تكثرين يعني ملافع ناعمة يعني بالكثير 4 بس

ولا تفكرون عزكم الله بالكعب لان الشوارع فبلجيكا كاشي مبلط يعني مو مستويه ما تسوى عليج كل مرة طاااااايحة عليج بالفلات او جواتي برنس الكل يستخدمهم

والمواعين جدرين او ثلاثه وقفاش وسكاكين وفناجيل لان ما كو فناجيل هني ومشخال للعيش وصحن تنجبين فيه العيش وبس

ومطارتين شاي وقهوة مع ان موجود في بلجيكا مطاطير الوحدة 10 يورو يعني 3,850

 

[بنت السلف]

مشكووووووووووورة يا حبيبة زوجها ويارب يرزقج

ريلي يحرني

يقول ماناخذ شي

الشباب اللي هناك يقولون لا تشترون

( ما اقول الا اي اشعليهم قاعدين وتييهم لقمتهم لما بطنهم وما يدرون الحوسة في الشقة اشلون صايرة )


ما لي شغل بييب علشان ما نصرف بالحيل


وجزاك الله خيرا

 

[اشتاق الى الجنة]

حاولي تقنعينه يا بنت السلف بس مو الحين

الحين اهو يبي كلمته اهي اللي تمشي عشانه رجال بس انا اقولج اسكتي الحين واشتري اغراضج وخليها ولا تكلمينه وحزتها صدقيني بيرضا

 

[بنت السلف]

حاولي تقنعينه يا بنت السلف بس مو الحين

الحين اهو يبي كلمته اهي اللي تمشي عشانه رجال بس انا اقولج اسكتي الحين واشتري اغراضج وخليها ولا تكلمينه وحزتها صدقيني بيرضا

بحاول ان شاء الله

الظاهر اني بروح السوق وبشتري وبحط الاغراض بالجنطة

والله يعين المستعين

 

[أسيل]

زوجه وبس

الفاصوليا البيضا والحمرا والفاصوليا المعلبه بالطماط كلها موجوده عندكم بالبقاله اللبنانيه زوجي كان اجيبها لي هناك

 

[أسيل]

الطبخ يا بنات على حسب طبيعتكم بالاكل انا مو كل يوم اطبخ زوجي اسوي رجيم ومريحني الحمدلله وانا عادي متى ماجعت

مو مشكله والطبخ

الثقيل حزة عزيمة الديوانيه اذا احد جا جديد من الكويتيين بس والحين ما اظن فيه هالسوالف لأنها تكلف والناس على حسابهم

وفترة العلاج

والسحب والترجيع كنا نطلب من برا وساعات البنات ما يقصرون يطرشون لي غدا او عشاء

 

[da7doo7y]

انا اقول اخذي الأغراض الي ما تحصلينها في بلد الغربة اما باقي الأشياء اشتريها من هناك عشان لا يتقل عليج الوزن

 

[أسيل]

كلالمج صح .............دحدوحي