أغراض السفر.......

[بنت السلف]

امس ريلي مكلم واحد في بلجيكا

ينطر زوجته لين تولد

الهم / يقول ترى صارت الاسعار نار وشرار


حاول تييب اغراضك بالشحن

صحيح في كل شي بس الحين صاير دبلات فوق اسعارها بالكويت

والله توهقنا صج


يارب يسر امرنا وسهل علينا روحتنا ووفقنا لما تحبه وترضاه

 

[اضوى]

جزاكم الله خير علي تذكير ولا تنسون كتاب الطبخ بيحوشنا هناك رمضان الله كريم

 

[أسيل]

قلبج على قلبي يا اضوى اول شي ينحط بالجنطه كتب الطبخ خخخخخخخخخ

 

[RAIN FALL]

الله يسهل علي الجميع
و الله احترت ان خذيت اغراض معاي وزن و هناك كل شي غالي
الله يكون بالعون

 

[بنت السلف]

والله على قولة الاخت الحلوة ( مس جاندوفلي )

ادفعي الوزن احسن مرة وحدة

بدل ما تشترين من هناك

وبالذات المصرف عليج

 

[اضوى]

اي والله

 

[بنت السلف]

انا عن نفسي ضايق خلقي لمن اشوف اغراضي اشكثرها وهي بالاكياس

بس ان شاء الله ما احتاج الشحن اذا رتبت الجنطة عدل مدل

والله يعين المستعين

 

[اشتاق الى الجنة]

طيعوني يا بنات ادفعوا بالوزن احسن من انكم تتوهقون هناك وراح تحتاجون الفلس وانتوا ما تدرون شيصير عليكم ببلد الغربة

وان دفعنا وزن مو اكثر من 100 هذا رايي وانتو اللي تشوفونه صح سووه

يا حلوين انتو يا امهات المستقبل

 

[بنت السلف]

تصفيق قوي للاخت مس جاندوفلي

فكرة جدا رائعة


ركزوا بنات على الفكرة ترى انتي اللي بتصرفين

صرف صرف صرف

 

[اشتاق الى الجنة]

شكرا شكرا يا حياتي يا بنت السلف والله

اشكرج جزيل الشكر

والله يا بنات فكروا فيها ودايما فكروا للبعيد خلوا نظرتكم بعيدة لا تساهلون الامور ولا تسترخصون الاشياء بره الاغراض عندنا غاليه ومو ملحقين فما بالكم بدولة اجنبية ورايحين لها بفترة سياحة

انزين بنات خل نذكر بعض بالاغراض المهمة

 

[بنت السلف]

بس وحدة تقول خذوا منهم لمن رجعوا من لندن تقريبا 1000 دينار حق شحن الطيارة يعني بالرجعة


صج وهقة !!!!!!!!!!!!

 

[اشتاق الى الجنة]

اشفيج يا بنت السلف

شتقولين اشماخذة معاها اكيد حاطة بجنطتها اثقال

وبعدين اللي بتاخذينه معاج وقت الردة بتعطينه غيرج اهم شي الروحة منتي برادة الديرة الا باغراضج المهمة وهذي طريقة الكويتيين اللي بيردون يعطون اغراضهم غيرهم

 

[أسيل]

بنت السلف...

الله يعين المستعين .......................عاجبتني صرت اقولها على طول

والله للحين حايسه كل ماخطر في بالي شي كتبته بتلفوني وتقريبا موناسيه شي ان شاءالله

 

[سحابة وردية]

بنات

سالفه العلاج بتطول؟

مش فحوصات بدايه ثم العلاج وبس

يعني ماتتعدى الشهرين

 

[اشتاق الى الجنة]

سحابة وردية انتي ما قريتي ام مرام في لندن شتقول علاجها الله يعينها راح يطول اشوي ليشن يوم بيبدون معاها العلاج طلع عندها هرمون حليب يعني انتي ما تدرين شراح يصير عليج هناك واذا بطولين والا لا

 

[بنت السلف]

بنت السلف...

الله يعين المستعين .......................عاجبتني صرت اقولها على طول

والله للحين حايسه كل ماخطر في بالي شي كتبته بتلفوني وتقريبا موناسيه شي ان شاءالله

هههههههه

عليج بالعافية يالغالية على جملتي ( الله يعين المستعين )

ليش حايسة انتي ما سكرتي الجنطة :d


واااااااي لي الحين تكتبين ؟؟؟ !!!! وبالتلفون ؟؟!!!!! والله لو تسوين فورمات جان ما يبقى شي


انا احسن منج حاطة سبورة بغرفتي وكل ما يطري شي في بالي اكتبه

لا وفوق هذا الاجياس مالية الغرفة

ولا حطيت شي بالجنطة لان باجي 20 يوم تقريبا



المهم ( الله يعين المستعين )


والله يوفقنا

 

[RAIN FALL]

عجبتني فكرة السبورة خوش فكرة عشان الواحد ما ينسى
و الله يعين المستعين
:eh_s(6):

 

[هداوي المطيري]

نصيحه لبنات لندن لا تكثرون اغراض كل شي يطري ع بالكم موجود ......

 

[أسيل]

بنات بلجيكا شنو احسن نوع من الطحين هناك واذا ممكن صوره ومن وين اخذه ؟؟؟

وهل ينفع لأكلاتنا الكويتيه ؟؟

 

[بنت السلف]

وراج وراج يا أسولة افندي

بسوي مثلج بسأل عن الطحين بعد

ههههههه