أسهل..أسهل .. أسهل طريقة عجينة في العالم .. بتنبهرين

[هند]

مرحبا خواتي ... عندي اسهل طريقة عجينة في العالم كله ... ومن ألذ ما يمكن ..

المقادير ...

علبة قشطة (قيمر )
وكاسة وربع طحين رقم 1 (المعيار كاسة الجبن)
(يعني اذا بتزيدين المقدار احسبي كل علبة قيمر بكاسة وربع طحين)

الطريقة ...

اعجني المقدارين عادي واذا حسيتي العجينة تلزق في ايدج ممكن ترشين شوية طحين
عليها لين ما تشوفين عندج عجينة حلوة مثل المارشميلو (حلاوة القطن )
وريحيها 10 دقايق .. وبعدين افرديها بالنشابة وقطعيها دوائر واحشيها ..
خضرة .. جبن .. جبن كيري .. لحم مفروم ... اي حشوة تحبينها
وقليها في الزيت لين ما تستوي ذهبية .. وبالهنا والشفا ...
و اختي سوتها بطريقة ثانية ... قطعتها دوائر صغيرة بالكاس وقلتها من غير حشو
واستوت نفس خبز البوري الهندي .. وقدمته مع الجبن والجام والعسل ..

ملحوظة ... طريقة العجينة هاذي وايد مفيدة وسهلة .. اذا بغيتيها للتوزيع .. او حد دخل عليج فجأة

وكل عـــام وانتـــوا بالف خيــــــــــــــر .... :eh_s(7):

 

[brbecan]

يعطيج الف عافيه ما قصرتي انشاءالله بجربها
عاد صج اخس شي بالمعجنات انها تطول على ما تختمر
ما قصرتي عالطريقه

 

[جارة القمر]

تسلم ايدج

ومشكوووووووووووووووووووره

 

[ضحـاوي]

مشكوره

 

[ام العيون السود]

حبيبتى 00قيمر وطحين بس الموضوع ما فيه خميره

 

[q8_hala]

مشكوره صج أسهل طريقة عجينه

 

[& ياملحي كيوووت &]

مشكووووووووووره

 

[هند]

مافيه اي شي ... بس قيمر وطحين فقط ... سويها وادعي لي ...

 

[أحلى الجياكر]

مشكورة إختى على الطريقة ..بس ما تنفع حق الفرن ؟؟؟يعنى الموضوع لازم فيه قلى ؟؟

 

[أم الطيب]

مشكوووووووووره حبيبتي

بس ماقلتي تصلح حق الفرن ولا لآ ؟؟؟
عفيه قولي لنا

 

[rettah]

مشكوووره .... يبيله نجربها

 

[ضحكة الدنيا]

مشكوووووووووره حبيبتى على هالطريقه
ويعطيج العافيه

 

[محبه للصالحيين]

شكرا وتسلم الأياادي

 

[dalprincess]

مشكووووووره حبيبتي
بس شلون طريقتها قلي وله فرن ؟؟ ومافي شي غير القيمر والطحين!!

 

[الحالمه]

العجينه هذي أنا مجربتها رووعه وسهله
وأنا أسوي منها البيتزا وبالفرن تطلع رووعه وطريه
وأنا ما خذتها من كتاب طبخ بس ناسيه لمنوو

جربووها ومابتخسروا شيء
وشكرا لصاحبة الموضوع

 

[*سكون*]

أسهل واغرب عجينه

منو جربها ؟؟

 

[مخروووشة]

مشكورة والله يعطيج العاافية والله خووش طريقة

ان شاء الله بجربها

 

[خفايا الروح]

مشكووووووووورة يا قلبي

بجربها

,,,,,,,

 

[شاربه بيبسي ومونسه نفسي]

تسلم ايدج ومشكوررررررررررررررره

 

[سبائك]

صج سهله مشكوووووووره