أسألي دبدوووبه~-~ مـشـاكـلـكم وأسـفـسـاراتـكـم الـطـبـيـه ~-~دبدوووبه تجاوبكم

[bent^al`3ale]

دبدوبه ياقلبي ممكن تدليني بالضبط وين صاير الشعب التخصصي اللي على الخط السريع؟
والسونار على طول النتيجه؟؟
والاشعه المقطعيه هم على طول تطلع النتيجه ولازم صايمه ولا ماله شغل؟؟

وبسألج الدكتور محمد الهيفي وين عيادته؟؟
واذا لاسمح الله جيس دهن او ورم شنو لازم اسوي؟

 

[وديان@@@]

دكتورتنا
انا بقولج مشكلتي
الله يسلمج انا من شهر 6 وانا فيني فطريات في الفم احط الدهان وبعد اسبوع اطيب والاسبوع الثاني تجي مره ثانية قلت هاذي يبيل لها دكتور خاص رحت حق المستشفى الخاص قالي سوي تحاليل سويت وعطاني نفس الادويه مالت المستوصف يوم بعد اسبوعين خفو من الفم قال ابيج تروحين حق دكتور اسنان رحت حق دكتور اسنان قالي هذي حالة نفسية راح تطيبين عطاني دواء قال بس تلقينا في الصيدليات قمت اطر اخر شي لقيته في المستوصف اليمي وقال مراح ترجع بس اذا ارجعت راجعيني لاتروحين اي طبيب ثاني جيتة بعد اسبوعين يوم شافني قال ليش يايه قلت دكتور انت قلت اذا يت مره ثانية قال يعني بعد سنة مو اللحين شفت مستانس على العشرين قلت بدام يعالجة هل الكريم خليني اعالجة وتحاليلي زينة
طبت بعد 3ايام جت الفطريات في الفم بس حسيت قوية رحت سويت مسحة زراعة وطلعت لقو فيها فطريات الكنديدا رحت مستشفى خاص عند استشاري باطنية عطاني مضاد الفطريات وبعد اسبوع طبت بعد 3اسابيع شفت في البلاعيم فطريات صغيرة قلت خل اشتري مضاد الفطريات والحين انا صارلي 6ايام اكل المضاد وراحو الي في اللوز ولقيت وحدة اصغيره في اللثة كلمت الصيدلي قالي لاتحاتين لانة الكورس اسبوعين خل انشوف بس مايطلع كبار وانا اللحين خايفة شوفي اي دكتور عنده علاجي
ومشكوره
وانشالله اذا راح مني لا ادعيليج دعوه من القلب
واسفة صارت سالفتي قصة

 

[*دبدوووبه*]

دبدوبه ياقلبي ممكن تدليني بالضبط وين صاير الشعب التخصصي اللي على الخط السريع؟
والسونار على طول النتيجه؟؟
والاشعه المقطعيه هم على طول تطلع النتيجه ولازم صايمه ولا ماله شغل؟؟

وبسألج الدكتور محمد الهيفي وين عيادته؟؟
واذا لاسمح الله جيس دهن او ورم شنو لازم اسوي؟

هلا والله حبيبتي

شوفي انا بالشرح حدي فاشله
ودي اوصفلج بس لو الطريج سهل بسويه معقد

انا بعطيج الارقام والعناوين لان والله صج ماعرف ادلي


مكان محمد الهيفي حيل حيل قريب من الشعب التخصصي
على نفس الشارع
محمد الهيفي اول شي وعقبه على طول الشعب التخصصي

د: محمد الهيفي
الشعب البحري \ شارع بن خطيب متفرع من شارع الاستقلال بجانب مجمع فاطمه
ق8 \ قسيمه 28 الدور الاول عياده رقم 2
في مونتانا كلينك
تلفون : 2665058

مركز الشعب التخخصي
شعب البحري قطعه 8 شرع الاستقلال
تلفون : 2629091


وحبيبتي بالسونار تطلع النتيجه
يعني واهما يسون لج السونار
يقولون لج شنو يشوفون
ويكتبون لج ورقه علشان مثل تقرير علشان تعطينها لدكتور
والاشعه المقطعيه بنفس الوقت تطلع النتيجه
بس تستلمين التقرير والصور بعد يومين او يوم
علشان يمديهم يطبعونها
لا ماله شغل صايمه ولا شي
بس اذا طلب منج اشعه ملونه اهني يختلف الامر

وحبيبتي اذا كان جيس دهن
يجيسه الدكتور ويقيس مكانه بيده يعرف حجمه
وعلى حسب
اذا يقولج تشيليه ولا لآ
وصدقيني الجراحه ماتأثر
لان شقه صغيره
بس ياقلبي الدكتور اهوا يحدد كل شي
وجيكي على الخاص

 

[*دبدوووبه*]

مشكووورة دبدوبة وبانتظار الاجابة

هلا والله عمري
والله مو ناسيتج
بس دقيت على الدكتور مارد علي
ودزيت له مسج وناطره رده
وانا اسفه على التأخير
بس والله مو مني
اول ما احصل على الجواب بقولج اياه ياقلبي
وانا اسفه على التأخير :tek:

 

[*دبدوووبه*]

قوه دبدوبه .. عندي سؤال وابي اجابته الله لا يهينج ..

الله يسلمج انا صدري صغير .. فا قالتلي بنت خالتي على طريقه اللي اهيا اول شي اسبح بدوش حار بعدين ادلك صدري بــ بيبي اويل .. والحمدلله ياب نتيجه

بس مادري ليش خايفه .. انشالله ماله ضرر او اعراض ؟؟؟ شرايج بدال البيبي اويل استخدم زيت زيتون عالاقل طبيعي والا اقطع كلش ملش؟؟

يليت تريحيني

قوتين ياقلبي
هلا والله
حبيبتي عادي مافيها شي
بس ديري بالج من الكريمات وخصوصا البخاخ او الي يقولج مثل ثلجه تحطينها على الصدر وعقب حطي هالبخاخ
بس لاتخلين الماي حار حار وايد
لان على الجسم كله الماي حار وايد او بارد وايد مو زين
والله يحفظج من كل شر ياااارب
:tek:

 

[*دبدوووبه*]

يعطيج العافية دبدوبة على هالجهد الحلو
شوفي سرحلج حالتي كلها
وابيج اطمنيني
وانا مادري يا نفسية ولا شي يخوف
انا صايرلي فترة طويلة يصير عندي ضيق تنفس ووايد يصير
واحيانا عوار خفيف بقلبي بس احيانا اوصلا بدرجة اني مو قادرة اتنفس من العوار

واحيانا احس بخدر بايدي اليسرى مادري يا ان شي في شي او ان تكون وضعيتها غلط

وللعلم انا صغيرة يعني تحت العشرين بوايد <<< مراقة

وقبل فترة شفت فحوصات الثدي وجربتا
وواحد من الفحوصات انج تضغطين على صدرج وتشوفين اذا في اي افرازات انا جربت
وطلع افرازات بيضة

مع ان عمتي توفت من سرطان الثدي وعطو كل بنات العايلة ابر الا احنا

فياريت تردين عليي بسرعة

هلا والله حبيبتي
حبيبتي ان الحاله النفسيه او الكدر والحزن
يقمتون النفس معروف هالشي
لان تكونين متضايقه حيل
فتحسين ماتقدرين تتنفسين ودج تبجين
تحسين مثل ضغط كامتج
وحياتي انتي صغيره على الهم والكدر والله
ولاتسوين بنفسج جذي لان موزين حتى على الاعصاب
وبالنسبه للصدر
مافهمت
يعني يطلع افراز ابيض من الصدر ؟ من الحلمه ؟
وخليني اسألج دكتور متخصص في هالشي
واعطيج الخبر الاكيد ياقلبي
وماتشوفين شر يارب
والله يحفظج لشبابج

 

[bent^al`3ale]

بعد عمري دبدووووبه ماتقصرين جزاج الله ألف خير يارب وسوري تعبتج وياي بس استفسر عن شغله يعني ممكن يكون جيس دهن او جيس شعر وماينشال؟؟ يعني يقول ماله داعلي ينشاال؟

 

[* حلوه وماكو احلى مني *]

مشكووووووووووووووورة يا عسل الله يوفقج ياربي

 

[joOory]

مشكورة دبدوبة
والله يوفقج

بس بالنسبة حق قلبي
ما يكون بسبب الكدر
احيانا اكون قاعدة بس الجو حار احس بهالاعراض
او امشي شوي وانا مو متينة وزني مثالي
يعني اي جهد بسيط حتى احيانا بدون جهد

وبالنسبة حق الصدر
اي من الحلمة
بس على فكرة انا صدري وايد صغير

 

[*دبدوووبه*]

بعد عمري دبدووووبه ماتقصرين جزاج الله ألف خير يارب وسوري تعبتج وياي بس استفسر عن شغله يعني ممكن يكون جيس دهن او جيس شعر وماينشال؟؟ يعني يقول ماله داعلي ينشاال؟

حياتي والله تسلمين ياقلبي

اي حبيبتي
اهوا على حسب الي يشوفه
يعني يقولج ان ما شلتيه مايسبب شيئ
وان شلتيه عادي

بس ويمكن يقولج
لازم نشيله لان موزين يمكن يأثر بعدين
ويمكن يقولج ان لو تشيلينه احسن لج

وكل هالشي الدكتور يحدده ياقلبي

 

[*دبدوووبه*]

مشكووووووووووووووورة يا عسل الله يوفقج ياربي

العفو يااااعمري
والله يحفظج من كل شر يارب

 

[قطاوي]

هاي دبدوبه اشلونج ياقلبي وشخبارج صراحه تسلمين على هالمبادره وانا بعد عندي مشلكه شوفي هالرابط واشكرج ياقلبي

http://q8yat.net/showthread.php?p=2297445&posted=1#post2297445

 

[*دبدوووبه*]

دكتورتنا
انا بقولج مشكلتي
الله يسلمج انا من شهر 6 وانا فيني فطريات في الفم احط الدهان وبعد اسبوع اطيب والاسبوع الثاني تجي مره ثانية قلت هاذي يبيل لها دكتور خاص رحت حق المستشفى الخاص قالي سوي تحاليل سويت وعطاني نفس الادويه مالت المستوصف يوم بعد اسبوعين خفو من الفم قال ابيج تروحين حق دكتور اسنان رحت حق دكتور اسنان قالي هذي حالة نفسية راح تطيبين عطاني دواء قال بس تلقينا في الصيدليات قمت اطر اخر شي لقيته في المستوصف اليمي وقال مراح ترجع بس اذا ارجعت راجعيني لاتروحين اي طبيب ثاني جيتة بعد اسبوعين يوم شافني قال ليش يايه قلت دكتور انت قلت اذا يت مره ثانية قال يعني بعد سنة مو اللحين شفت مستانس على العشرين قلت بدام يعالجة هل الكريم خليني اعالجة وتحاليلي زينة
طبت بعد 3ايام جت الفطريات في الفم بس حسيت قوية رحت سويت مسحة زراعة وطلعت لقو فيها فطريات الكنديدا رحت مستشفى خاص عند استشاري باطنية عطاني مضاد الفطريات وبعد اسبوع طبت بعد 3اسابيع شفت في البلاعيم فطريات صغيرة قلت خل اشتري مضاد الفطريات والحين انا صارلي 6ايام اكل المضاد وراحو الي في اللوز ولقيت وحدة اصغيره في اللثة كلمت الصيدلي قالي لاتحاتين لانة الكورس اسبوعين خل انشوف بس مايطلع كبار وانا اللحين خايفة شوفي اي دكتور عنده علاجي
ومشكوره
وانشالله اذا راح مني لا ادعيليج دعوه من القلب
واسفة صارت سالفتي قصة

هلا حبيبتي
انا اسفه على اني تأخرت في الرد
نقلت كلامج لاستشاري عام
وقالي لازم تبتعدين عن الحليب واللبن ومشقاته و الاجبان
واي شي يسبب فطريات
يعني العلاج مو بس ادويه
حتى بالاكل
ولازم تتابعين دكتور كل اربع ايام

 

[*دبدوووبه*]

هاي دبدوبه اشلونج ياقلبي وشخبارج صراحه تسلمين على هالمبادره وانا بعد عندي مشلكه شوفي هالرابط واشكرج ياقلبي

http://q8yat.net/showthread.php?p=2297445&posted=1#post2297445

هلا والله حبيبتي قطوتناا
ماتشوفين شر يااااااقلبي
حياتي انتي قبل فتره كنتي تشتكين من الهرمون مادري الغده

انا انصحج ان تسوين تحليل دم شامل
للقوة الدم والهرمونات والغدد

لان الغده او الهرمون ان صار فيه خلل واحد
سواء كان نشاط او خمول
يغير من حياة الانسان ونمط حياته
وخصوصا ان حديدج نازل
هذا يساعد على النوم والخمول
لان مافي نشاط وقوه بالجسم
وماتشوفين شر يااااااااااعسوووووووووول:ggdw:تناااااااااااا

 

[raw]

مشكورة حبيبتي على الموضوع الحلو
انا عندي استفسار
ولدي عمره 7 سنوات طلعت له حبه صغيييييييييييره كلش بايده صوب الصفطه ملت الكوع ثنية الايد اعتقد يسمونها
المهم انا حدي تخرعت وديته عيادة الدكتور المشاري استشاري امراض جلدية جان يقول هذا اسمه المليساء المعدية وكتب له مضادات وشلعوا الحبه هالحجي شهر 7 المهم قبل شهر ردوا طلعت مرة ثانية بس طلعوا ثمانية بايدة والباقي منتشرين بجسمه وديته مرة ثانية ونفس الحجي مضادات والدكتورة جابت مثل المكرافه الصغيرة وكرفتهم وواعدوني بعد اسبوع

انا دورت بالانترنت عن هالشغلة وخلاصة الكلام ان اذا خلينا الحبوب عادي اهيا تروح بروحها بس ممكن تطول الى 5 سنوات وانا صراحه ما أدري شسوي لأن العيادات الخاصة قصدهم الكسب التجاري فقط وما قالولي ان اذا خليناهم عادي قالولي كل ما طلعوا جيبيه نشيلهم والحكومة مواعيد وطلايب ويمكن يعرفونه ويمكن لأ ....

شسوي ؟
ابي استشارة موضوعيه عقلانيه تنصب في مصلحة وليدي ...
اخليهم يروحون بروحهم ؟
والا أودية يشيلونهم ؟ ( والله عور قلبي من الألم مع انه حاطين له مخدر موضعي بس لا زال يحس بالمكرافه تشيل الحبة )

انصحوني جزاكم الله كل خير

 

[*دبدوووبه*]

مشكووورة دبدوبةويعطيج العافية على الموضوع

سؤالي لدكتور الاسنان تقدر اللي عدت الثلاثين تسوي تقويم والا له سن معين؟ ومشكوورة

هلا والله حبيبتي
اسفه على التأخير
بس اليوم كلمت دكتوره اسنان وجاوبتني على سؤالج
تقول عادي مافيه اي مشكله
بس على حسب الاسنان
وحسب حاجة التقويم

يعني العمر ماله دخل عادي

بس لم يشوفون الاسنان الدكتور يحدد

 

[وديان@@@]

مشكوره دبدوبة انا كلة اكل جبن بس بشوف بتركة
بس اذا براجع دكتور اروح جهاز هضمي ولا باطنية
مشكوره حبيبتي

 

[*دبدوووبه*]

اي حبيبتي اتركي الجبن
لان بقايا الي تتم في اللسان اثناء الهضم ومضغ الطعام
تخلي الفطريات تزيد

قطعي الاجبان والحليب وهالسوالف
والله خليني باجر اسأله مره ثانيه
عند اي تخصص تراجعين لان نسيت اسأل هالسؤال

 

[جونا]

السلام عليكم

يعطيج العافية اختي على هالمجهود والصراحه ماقصرتي

عندي سؤال بخصوص منظار المعده

انا صارلي فترة احس بلوعه وعوار بالبطن من فوق واذا ماكليت احس اني برجع ولما اكل يخف شوي بعدين يرجع العوار

وبعدين صرت ماقدر اكل كله تلوع جبدي وارجع وبمرة شفت دم وخفت وايد

لما رحت الطبيب قاللي لازم نسويلج منظار للمعده لان احتمال تكون قرحه ولاتخافين العمليه بسيطة وانتي توج صغيرة

الحين انا خايفة الصراحة لاني اصلا اكره الطبيب وكلمة عملية بروحها تخوف وبعد احاتي لانه قاللي توج صغيرة مادري شنو قصده

فياليت اذا عندج معلومات عن المنظار تفيديني ماعليج امر

ومشكورة حبيبتي

 

[*دبدوووبه*]

السلام عليكم

يعطيج العافية اختي على هالمجهود والصراحه ماقصرتي

عندي سؤال بخصوص منظار المعده

انا صارلي فترة احس بلوعه وعوار بالبطن من فوق واذا ماكليت احس اني برجع ولما اكل يخف شوي بعدين يرجع العوار

وبعدين صرت ماقدر اكل كله تلوع جبدي وارجع وبمرة شفت دم وخفت وايد

لما رحت الطبيب قاللي لازم نسويلج منظار للمعده لان احتمال تكون قرحه ولاتخافين العمليه بسيطة وانتي توج صغيرة

الحين انا خايفة الصراحة لاني اصلا اكره الطبيب وكلمة عملية بروحها تخوف وبعد احاتي لانه قاللي توج صغيرة مادري شنو قصده

فياليت اذا عندج معلومات عن المنظار تفيديني ماعليج امر

ومشكورة حبيبتي

هلا والله
حياج الله ياقلبي
وبخصوص منظار المعده
اصلا مو عمليه ولا شي ؟
هالدكتور وايد مخوفج
شالكلام
المنظار اسمه منظار
مو عمليه


حبيبتي منظار المعده جدا جدا بسيط
بس لازم ايد الدكتور تكون خفيفه ويكون شاطر ان مايتعبج بالمنظار
لان منظار المعده يصير عن طريق الفم
وفي حالتين
في بنج او بدون بنج
وانا بقولج
ان احتمال في التهاب او تقرحات بالمعده او جرثومه
وغالبا مع الدم
يكون تقرح او التهاب
او اثنين ويا بعض
او الثلاثه ويا بعض
بس بكل هالحالات
العلاج وااايد بسيط


منظار المعده
تنامين على جنب وتخلين ريلج وايدج بوضع محدد
ويحطون مثل حلقه بيضه يخلونج تعضينها علشان اسنانج ماتتصكر على بعضهم
وبخون بخاخ مخدر بالحج
ويدخلون المنظار عباره عن مثل انبوب لونه اسود وبراسه في كامره
علشان يصور المعده من داخل
والدكتور يدخل المنظار ويشوف الشاشه
وان شاف مكان محدد او شي
يقدر ياخذ عينه بسيطه علشان يشووفون في جرثومه او لا
وبعدين على حسب الي يشوفه
يسوي الي يبيه
يعني مثلا يقدر يضخ دوا
او يسحب شي


بس حبيبتي لاتخافين
بس مثل ماااقلت لج
لازم يكون دكتور شاطر وايده خفيفه
وانا انصحج لاتسوينه عند الي رحتيله
لان المفروض مايقولج هالكلام