اول سؤال الفحص الشامل وين احسن مكان اسويه؟؟ وجم يكلفني وشكثر تطلع النتيجه؟؟
هلا حبيبتي
شوفي انا الي اتعامل وياهم المختبر الالماني
بس وايد غالي يعني تدفعين 100 ولي فوق ال 200
لان اغلب التحاليل اطرشها المانيا
والتحاليل تاخذ من يومين الى ثلاث ايام وتطلع نتيجتها
بس تحاليل مختبر السالميه اقوى التحاليل واحسنها
لانهم اقدم مختبر بالكويت وخليني اسألج عن اسعارهم
الثاني فح€ص سرطان الثدي وين اسويه؟؟ مادري شفيني اوس وس واحس في صدري شي مدور وغريب سويت الفحص الذاتي واحاتي امي تقول مافيج الا العافيه وريلي رياضي يقول الصدر فيها كور دهنيه شي جذي مادري غدد وماله داعي ومافيج الا العافيه بس انا ابي اتأكد؟؟ مادري وين يسونه وجم يكلف؟؟ وشكثر تطلع النتيجه؟؟ وشنو الاجراء المتخذ؟ووين اسويه؟
حبيبتي بعيد الشر عنج
اعراض السرطان ماتيي جذي
ويمكن يكون فيج جيس دهن بالصدر او جيس شعر
مو شرط سرطان اسمالله عليج
وشيلي الوسواس من بالج
روحي لدكتور جراح متخصص في جراحة الجيس دهن والورمات
مثل الدكتور : محمد الهيفي
وبالفحص يبين شنو
وعلشان نكتشف شنو هالاشي
اول شي يسون سونار اذا مابين بالسونار اشعه مقطعيه
وان شاءالله ماكو الا كل الخير
وسعر اسونار بالمستشفيات الخاصه 30 او العيادات
والاشعه المقطعيه ب 90 او 110
واذا بالحكومه طبعا ابلاش
واسمالله عليج لاتوسوسين
السؤال الرابع
انا وزني حاليا 78 وطولي 158 وودي وزني يوصل ال60 بس عندي مشكله اهيا الصدر والترهل واحس شوي كبير على جسمي؟؟
ودي اسوي تصغير ورفع وشد الصدر؟؟؟ هل اسويه الحين؟؟ ولا لمه اوصل حق وزن 60؟؟
واذا سويت يأثر على الحلمه قالولي تفقدين الاحساس ومادري شنو؟؟ وانا توني متزوجه ماصارلي شهرين
فمادري شسوي؟؟
والعمليه تخدير كامل؟ وشكثر تاخذ وشنو بعد العمليه؟؟؟ والنتيجه مضمونه او لا؟؟؟
واهم شي منها خوف او لا؟؟؟؟؟؟ لاني اخوف من الخوف نفسه بس ابي شكل جسمي يتعدل؟؟ وشكثر انام بالطبيب؟؟ وشكثر مدته العمليه ؟؟ ومنو احسن دكتور ؟؟
ويأثر على الرضاعه بالمستقبل؟؟
وبالنسبه حق عمليه الصدر
مانصحج الحين كلش
لان اول شي انتي توج متزوجه
ولي سويتيها او لي نزلتي من الوزن
بيزيد الترهل ميخالف
استحملي فتره
ان شاءالله لم تحملين وتولدين وتخلصين رضاعه سوي العمليه
لان لي سويتيها الحين وحملتي بتتعبين من ناحية الصدر
وفي ناس من بد عشر عمليات
وحده تقدر ترضع والباجي لآ
يعني سالفة حظ
واذا على الحلمه
فتره اشهر تفقدين الاحساس فيها
وعقب ترجع بس ماترجع مثل الاحساس الطبيعي
واذا على البنج
انتي تختارين بنج كامل او موضعي
اذا كنتي تستحملين الموضعي وماتخافين
بس اتوقع بيعطون كامل لان حيل قريب من الوجه
والله يوفقج يارب
واي شي انا حاضره ياقلبي
