حبيبتي انا يمكن مشكلتي سبق ونزلتها بالمنتدى من 5 شهور ومن يومها وانا من طبيب لي طبيب وليلحين ما ادري شالسالفه
من 5 شهور صابني تنميل بجسمي كله وانا ربطت الموضوع باني كنت اخذ الردكتيل فوقفته وعقب اسبوعين تقريبا خف التنميل واختفى من جسمي ما عدى ايدي
واقصد بيدي الاصابع وراحة اليد احيانا يوصل لي الكوع وخصوصا مع التعب
ما بقى دكتور مارحت كلهم يوصفون لي فيتامينات وماكو فايده
رحت دكتور مدحت ميخائيل بمبارك ودكتور عادل العوضي بعيادته الخاصه واستشرت بعد د-حسام بشير بالرازي
سويت تخطيط عصب مرتين ويطلع سليم الحمدلله
سويت تحاليل دم شامله سليمه الحمدلله
باقيلي اخر فحص وهو اشعة الرنين موعدي ماخذته من 5 شهور وتوه يوصلني الدور وموعدي بيكون الاسبوع الياي انشالله واخيرا
المهم انا من شهر تقريبا استوعبت وربطت ان الخدور الي بيدي مرتبط مع حركة رقبتي يعني لما انزل رقبتي احس بمثل الكهربا تمر بيدي
واذا كنت اسوي شي يحتاج انزل رقبتي مثل الدراسه او اي شغله تحتاج تركيز يزيد الخدور ويوصل لي كوعي
وبين فتره وفتره يحوشني الم شديد باسفل الظهر ويتم معاي يومين ثلاثه وما يروح الا مع الدهان والراحه والمسكنات
ما ادري اذا له علاقه بالموضوع او لا
+ملاحظه ثانيه
ساعات وانا اتكلم احس بصوت طقطقه باذني وخشمي جنه شي مسكر وقاعد يتبطل ان شالله فهمتي علي
اتمنى تساعديني وتفيديني وين لازم اروح لاي دكتور واختصاصي شنو
وانا شنو الي قاعده اعاني منه
وجزاج الله خير
وسامحينا على كثرة القرقه
