أخوي وزوجته الخبيره تدخل

[ام معدي]

الله يعطيكم العافيه
والله مقصرتو
بس حنا عندنا طبع مايشوف البنت اللي لليلة
الدخله وهذا طبعنا حتي البنت ترفض تكلم خطيبه
وتجوفه اللي يوم الدخله

 

[غآب نورك ~]

صج البنت مآلها ذنننب .!

بس شي غرريب صرآحه وآيد ناس تزوجو بدون نظره وكملو حياتهم

الا اذا اخوج كان حاط فباله شي ثاني هذا والله اعلمم

وانصدم ونفسه عافت البنت

بعدين البنت نظيفه ولما تزوجت حبت زوجها يعني هاي يزاتها يوم تقولين في يوم وليله حبته

في بنات مندفعات وايد بمشاعرهم


حرام كاسره خاطري مفروض ما تفكر فاخووج مايستاهلها

 

[bride2011]

الله يكتب للبنت كل خير
وخير بنات الناس مو لعبه ترضينها لاختج
ومتعلقه فيه من طيبها وحسن تربيتها وماراح يلقى جذي بنات هالوقت يبيعون الريال وماهمهم وهي شاريته
الله يعوضها بكل خير وطلاق بنات الناس مو لعبه شنو مابيها ومو متعلق فيها توهم خل يعطيها فرصه

 

[bride2011]

حبته لانها شريفه عفيفه واحسبها كذلك
لو راعيه خرابيط قبل جان لاقام ولاقعد عندها
ولا وش شافت منه عشان تحبه عروس ويتنحش منها ويقول مابيها مابيها خير
زنتم ليه تتعاطفون معاه وقفوا معاه وقفه قويه وقولوا بنات الناس مو لعبه مو تتطبطون عليه جنه ياهل لايختي هذا زواج
واذا انتم سهر عندكم موضوع الطلاق ترى مو سهل عند باقي الناس وبنات الناس مو لعبه
واذا هو خسر مهر هي خسرت عذريتها
الله يعوضها خير يارب
بس نصيحه لاتدورين اعذار لاخوج ووقفي بوجهه وقفه جاده وذكره لالظلم وخلوه يضغط على نفسه ويستمر بالرقيه يمكن مسحور ولا معيون
ووايد تعالجو من *** او عين

 

[طريق السعاده]

مدري شقول رجعت للموضوع بشوف شصار

خلاص هو مافي مبرر للولد عشان يطلق بس خلوه يريح البنت ويطلقها ربي بيسخر لها واحد يحطها ع راسه ويفتخر فيها وبجمالها مو يهينها كنها حشره !! شنو كرهت عطرها وريحتها شهالاسباب !!

عموما الله يعوضها باللي افضل منه جدا تعاطفت معها صراحه وخساره المهر ولا شيء جنب خساره كرامتها باالطريقه ذي وجنب اللقب الي اهداها اياه اخوك بدايت حياتها !!

عادات غريبه تحرمون الي يحله ربي عشانها واخر شيء تهينون المرا وتدورون سبب عشان يشفع لكم

ترا حوبتها ف اهله البنت مظلومه كل ذنبها انها وافقت عليه !

وصدقيني ربي بيعطيها حقها من اخوك ورح يشوف هالظلم ف اهله ي اخواته او بنته المهم التجربه بتتكرر ويشرب من نفس الكاس

ونصيحه لعد تخطبون له خل هو يختار عشان مو بكرا يحرجكم مع الناس صدقيني في حساسيات بتصير بسبت هالسالفه ومدام مهب قد الزواج لايتزوج بنات الناس مب لعبه

البنت مسكينه حافظت ع عمرها كل هالسنين واخر شيء دخل عليها وبيومين بيطلق مب خويته هي زوجه !! وليتها قصرت بشيء بس كذا بدون سبب صار يشوفها وع و كنها جني !!

والله لو يسويها احد فيكم ي خواته مايرضى بس باختصار هو مايستاهلها وخل يطلق ويريحها

وسلامتكم

 

[hend6363]

والله الشرهة كلها عليكم
خلاص طلقو البنت
انتي بس قاعدة تدورين اعذار لاخوج و اخرة في بنت تحب بسرعة احنا نقعد انا و اختي شهوور لوول ضحكتيني
يا عم طييير
يا رب هالبنت تعوفه و تكرهه و يجيها خير ما ادري من وين

عصبت
طلقوها طلقوها راح تبكي يوم يومين بعدين تنسي

 

[كيـف أسيـبكـ]

اخاف البنت منفوسه
وهي اللي يبيلها قرايه ومطوع مو اخوج
في وحده حصل لها نفس الشي بالاخير تطلقت وتزوجت الرجال اللي ارفضته 3 مرات وماتبيه
طلع نفس الرجال فيها
وكذا حاله نفسها
الله يصلح بينهم ويصبرهم
خلووها ترقي نفسها الله يجملها بعين زوجها

 

[senioreta n7oola]

انا بفهم ليش منزله الموضوع
هههههههههه مادري بشنو
تستفيدين !!
وبعدين انا حبيت زوجي
من يوم الخطبه وعشت
بأحلام يقظه هههههه لين
تزوجته يعني عاااادي الوحده
تحب زوجها قبل حتى يدخل عليها
هاي الحب حجيه مايعرف بعد
شهر ولا شهرين ولا بعدين

 

[نونه المنكوشه]

انا استغرب من البنات اللي يقولون حاولوا فيه ولايطلق تري الزم ماعلي الانسان كرامته لووحده ثانيه قالت اللي مايبيني مابيك وانا اللي اروح اخلعه تري موغصب صح اهوه غلط بس ي بنات يمكن كان بالبدايه داش ع البنت نيته صافيه بس بعدين ماقدر ياما صارت وايد مومعناته اهيا فيها عيب وله اهو يمكن محطوط لهم *** وله عين ووووووو اي كان السبب مافي شي غصب واذا اهوه تعبان نفسيا خلاص يطلق علشان لايطلمها اكثر ويمكن ربي يعوضها باللي احسن ليش اتضيع حياتها مع واحد بايع وانا اقول اكبر غلط انهم مايشوفون بعض اله بالعرس اصلا شلون بتقبله بسم الله فجاأه هذا ريلج موجذي طبيعي ماراح يتقبلون بعض لازم اشوفه واكلمه حتي قبل الملچه اشوف كلامه منطقه اسلوبه الموضوع موخذوه فغلوه وهذي النتيجه الحين شنو ذنب البنت وشنو ذنبه اهوه انا كاسرين خاطري اهمه الاثنين علشان جذي رديت للموضوع

 

[بحور العنا]

اختي عفوآ انتي اتكلمين عن لعبه اخوك ماحبهاا ومابلعهاا؟!

هذي ادمييييييييه بشررررر والله حرام تسون فيهاا كذا


دام ماله خاطر في الزواج ليش استعجلتوا عليها بنات الناس مو لعبه ياختي


الله يصلحه ويشفيه ويعينه على نفسه


ويكتب اللي فيه الخير للجميع

 

[Red Al Rainbow]

ياختي يقول عطره كرهتهاا

يآ حبيبتي آنزين آذآ عطرهآ مب حلوو

عآدي خل يقولهآ تغيرررره !!

و لأآ يرووح يآخذلهآ هو عطوور ع مزآآجه !!!

و آونه هديية حقهآآآ :eh_s(7):

ترى آلريآآيل كل وآحد و ذوققه غيييير

آنآ تعطرت مرة من عطر قآلي ريلي لآ تتعطرين من هألعطر مرة ثآنية مآ حبيت ريحته آبدآآ

في شي آسمه تفآآآهم

خليييه يتفآهم ويآهآآ و يشوف آيجآبيآتهآآآآ :eh_s(10):​

 

[smo0o]

الله يعينها

أعرف واحد ماكان يبي زوجته ببداية الزواج ماعجبته

يقول قصيره و ما توقعتها كذا ومن هالكلام

واللحين هي أم عياله و يمووووت فيها


خليه يصبر و يدعي و الله يسخرهم لبعض

 

[smo0o]

لانها سنعه حبت ريلها على طول
ماعندها خرابيط وربع وتفكر بحبيبها واهي بحضن ريلها عشان جذي حبت ريلها
لو انها راعيه خرابيط جان اكيد ماحبته على طول وخذت وقت
بس لما وحده تحافظ على روحها وسمعتها اكيد بتحب ريلها على طول
ولاتحكمين على روحج بغيرج
اهي شخصيتها وقلبها غير عن شخصيتج وقلبج
وهاذا ريلها مو عيب لو حبته ولا حجه تبروون فيها عيب اخوكم
العيب منه عقب مادخل عليها وخلص يقول ريحتها معقوله مانام معاها الا يوم الدخله بس وبعدين كرهها ؟؟
مره وحده بس ؟؟
اقص ايدي ..!!

:rerrerek:

 

[امـ خــزامـى]

رجعت للموضووع بعللللللللق على نقطه الحب


انا مااحبيت زوجي بسرررعه وخوااتي نفس طريقتي مو لاننا لعااابات وعندنا سواابق

بس طبيعتنا رااكدين وثقيلين نحب بس اذا شفنا اخلاقه واسلوبه والتزامه

الناس اطباااع فيه اللي مجرد ماقالوا لها فلان بيخطبك صارت تحبه وتفكر فيه وان هووون وماخطب اكتئبت وصاااحت

عااادي يعني لاتستغربووون ولا تقولون السنعه هي اللي تحب زوجها من اولل ليله وماعندها خرابيط


وام معدي
الاستخاااااااااااااااره والدعاء ان ربي كاتبلهم يكملووون بيكملون زواجهم

وان كتب الطلااق خيررره لهم ان شاءالله

 

[هدوووشه]

غريبة !!

ترا المحبة ماتنقاس بالشهور والايام وش فيها لو حبت اخوك بسرعة !!؟

كل انسان واسلوبه مو لازم تحبه بعدين

مااقول غير الله يهوون عليها

وقوولي لأخووك

ترا الحووبة تبطي ماتخطي

 

[اكسبلانكا]

الله يهديه ان شاء الله

 

[ناتشوو]

اشدعوة
بنات ليش حوبة
ماحوبة
يعني اذا جبر نفسه يكمل
بتكون سعيدة ؟
هذا نصيب
وكثير مايتفاهمون ويتطلقون
بس الغلط
انها بتركب البنت الغلط
اشلون حبت اخوي بسرعة؟
هذا اللي استغربته

 

[فوولي]

زين الله يهداكم يمكن حاطه اباله موصفات



الطلاق صار لعبه الله يهديناااااااااااااااااااااااا

 

[Laidy n3ooma]

هذا عيب الزواج السرييع اكيد مافي فتره خطبه طويله

 

[كارلوفي فاري]

انا ملاحضه عيال هالوقت ردة فعلهم من الزواج جذي