أخوي وزوجته الخبيره تدخل

[امـ خــزامـى]

ماشاافها الا يوم الزواااج !!!!!!!!!!


خلوها تنفعكم عاداتكم وتقاليدكم اللي ماضيعكم غيرها

جد عاد ماشافها الا يوم الزواااج ؟؟؟؟؟

ليش طيب ؟

مقتنعين بعاداتكم المتزمته ومااقتنعتوا بدين اليسر ؟؟؟؟؟؟


الله يعييينكم

 

[shak!shoka]

استغفر الله


والله حرام



ماكان في نظره شرعيه ؟!

يوم ملج ما شافها!!


ليش مو متقبلها ؟
مو معقوله بس ما يبيها و خلاص




اخوج الظاهر والله اعلم كانت متخيلها بمستوى و طلعت بمستوى جمال اقل

بكل الاحوال مافي شي غصب

لا تأذون البنت معاه
دزم مو متقبلها راح تتعذب

كلمو اخوج مره اخيره
خلو يطلع معاها و يصارحها
يمكن الله يفتح ع قلبه و يتغير رايه
عطوها فرصه تكلمه



ما تدرون




الله يسهل امرهم و يكتب لهم الصالح

 

[Perfume]

مع ام خزامى
شهالعادات والتقاليد اللي مقدسينها اكثر من الدين

 

[Patcholli]

والله قطعت قلبي البنت ..!!
انزين مدام مابلعها من اول يوم ليش دخل عليها ؟ جان طلقها او جان مسك نفسه لين يبلعها بعدين يقرب منها
مو الحين عقب ماشبع ياي يبي يطلقها والله حرام ..!!

 

[Mrs.H]

علشان جذي في نظرة شرعية في الاسلام وفي استخارة ومن السنة انه ينطر 3 ايام قبل لايدخل عليها.. ليش ما التزمتوا بالشرع وخليتوهم يشوفون بعض بالخطبة؟ الحين البنت بتتطلق وانتوا السبب اللي ظلمتوهم.. المشكلة ان الاهل يختارون للريال من غير لايشركونه ويختارون للبنت من غير لايعطونها حقوقها وتالي يقطونهم على بعض ويبلشونهم واهما مالهم ذنب

مرة ثانية اذا بتخطبون حق اخوكم خلوه يختار وخلوه يشوف البنت وياخذ ويعطي معاها بالكلام بوجود ولي.. ولو اهلها مايرضون لاتاخذون بنتهم وروحوا لناس ثانيين

بنات الناس مو لعبة

واذا ماتقبلها واهيا مو حامل خلاص يطلقها قبل لايخليها تحمل ويروح للحرام بما انه مو متقبل زوجته.. وانتوا مدحوا البنت عند الناس ولاتنشرون انها متعلقة فيه جذي محد بياخذها

 

[sh_mashael]

شنو يعني ما شافها الا بيوم الزواج

شـ هالعياره

شلون سوآ الفحص مال قبل الزواج و بالملچه ماشاف صورتها اللي بالبطاقه !!!!!

البنات مو لعبه عندكم

يتسنع و يتقبلها و اذا في شي مو عاجبه فيها يقول لها تسنعي او اخب چذي و سويّ چذي

لا حول و لا قوة إلا بالله

استغفر الله و اتوب اليه



و إذا طلقها

خلوه اهو اللي يختار لا تبلون بنات الناس ينخاف منه اخوچ

 

[عز الخويه]

علشان جمالها مو ذاك الزود وسط مابلعها شهلعياره طيب اذا ماعجبتها ليش دخل عليها ليش مانطر مو تقولين مابلعها شلون مابلعها وهو اول يوم دخل عليها في فرق بين مابلعها ومل منها وماجبته ما اقول الا الله يقسم لها اللي اخير منه واحسن منه
ماقال هذي تصيرلي من لحمي ودمي خل استر عليها واحتويها الله يوفقها مع رجال يستاهلها

 

[fatma A]

والله حرام ليش تزوجها من الاول مدامه مو متقبلها شذنبها البنت تبقى مطلقه واهو يقدر يتزوج الف غيرها واهي المسكينه منو بيتزوجها خصوصا اهني نظره المطلقه غير لها سامحيني شكله اخوج يلعب عيب ترا مثل ما يسوي في بنات الناس باجر يصير في عرضه وشرفه حرام الي قاعد يصير

 

[توتة UAE]

حسبي الله ونعم الوكيل الحين الله العالم الحالة النفسية
اللي فيها البنت حرام والله . . هذا شي مب هين . .

 

[في قلب البحرين]

حتى لو زواج تقليدي

ليش ماجافها قبل .؟؟؟
ماكلمها قبل الملجه بفتره بسيطه للتعارف وعلشان يجوفون اذا متناسبين او لا..

اللحين عقب ماتزوجها بيطلقها بهل سهوله
الله يعينها ويسر امرها ...
​

 

[اذوب بكلامه]

انتي تقولين توهم كم شهر يعني حتى ما كملو السنه
خليه يصبر ولا يستعجل ويتذكر حديث الرسول
عليه الف صلاه وسلام بما معناه اذا كره منها
خلق رضي اخر وطبعا ياخذ احتياطه بالنسبه للحمل
ويحط اخواته مكان زوجته المسكينه هل يرضى
لأخواته يسير فيهم نفس مو جالس يسوي ببنت
الناس ويحط زوجته بالصوره يعني يجلس
معاها جلسة صراحه ويقولها الي بقلبه لازم تعرف
عشان لا سمح الله تطلقو ما تنصدم

 

[شــــــــــــــوقــــه]

انا ما اتوقع دخل عليها لان على كلامها يحس بضيقة و هالشي يبيله راحه نفسية

خل يسرحها باحسان اهيا بتزعل فترة و بتنسى الله راح يعوضها

 

[طيبة83]

اهو شافها نظره شرعيه؟؟

 

[طريق السعاده]

حررام هي شغله ممن ثنتين ي انه يحب غيرها من قبل وتزوج ذي عشان يرضيكم !!

اووو عين او حسد او شيء زي كذا

ليش يعني هو ماتزوجها بيومين طول فتره الملكه ماتقبلها ولا حبها !!

شلون حبته وهو لا الا لو كان طول فتره الملكه يجامل هذا عرس وترا خرب حياتها كذا يعني الزواج مب مجاملات

الله يصلح مابينهم ويريحه قلبهم بس لو صااار وماقدر يستمر معها خلوه هو يخطب بنفسه ويختار البنت الي يبي

مب يكرر السالفه حرام بنات الناس مب لعبه وانتم بين حبوبين وعشان كذا تحاولون مايتطلقون

القبول من الله بس مفروض وقت الملكه ينهي السالفه مب بعد ماتزوجهاا !

 

[عسل حدي]

ليش جذي تلعبون ببنات الناس ليش وافق من الاول اذا مو بالعها

 

[ليدي بجد]

يمكن صاير شي بينهم كلام مثلا.عن شي او موقف وكرهها بسبته. عشان كذا البنت عارفه ومتحسفه والا لو تحس انه يكرهها من الاول ما قالت لا تطلقني وبينت زعلها.او ان له وده بغيرها وفكر بينساها بخطيبته الحاليه وما قدر هذا اذا ما كانت معاه على الخط حاليا !!
المهم الله يكتب الي فيه الصالح والخير له وانا مع البنات خلوه يتريث ولا يستعجل ولا يرجع الا هو راضي مؤ بالغصب عشان ما تسوون زي الي جا يكحلها عماها

 

[granted]

انا اقول خل يطلقهااذا موحابها ومو متقبلها لا يهينها ويجرحها خل تتطلق بكرامتها
السؤال اهو دش عليها وعقب اكتشف انه مايحبها؟
والله يعوضها باللي احسن منه ويجبر خاطرها يارب

 

[granted]

والله قطعت قلبي البنت ..!!
انزين مدام مابلعها من اول يوم ليش دخل عليها ؟ جان طلقها او جان مسك نفسه لين يبلعها بعدين يقرب منها
مو الحين عقب ماشبع ياي يبي يطلقها والله حرام ..!!

بالضبط هذا الييدور براسي:eh_s(10):

 

[زيووونتييي]

اثنينهم مساكين الله يعينهم بس البنت اكثر اهي اللي بتاكلها

 

[قَلبڪْ صًخرْ]

الله يكون في عونهم