أحب واحد وانخطبت حق غيرة شسووووووووووي ساعدونيييييييييي مالي غيركم

[بدرووووووووووه]

حبيبتي لا تستعيلين هذا زواج مو لعبه حتى لو كنتي كبيره لان هذا يعتبر من القرارات المهمه اللي لازم تفكرين فيها مليون مره قبل لا تقدمين عليها

انا اقول خليي ايي يخطبج مو حبيبج قصدي عن الثاني وقعدي معاه وسولفي يمكن ترتاحيله ..؟؟ يمكن يعجبج اكثر ..

واستخيري اكثر من مره .. وحطي ابالج اي شي ايي من الله حياه الله لو شنو كان لان هذا شي مكتوب عند الله قبل لا تنولدين سواء تزوجتي ولا لأ ..

وقولي حق حبيبج خل يخطبج على الاقل بس خطبه ...؟ اذا ما يبي ويتعذر ..انا اقول شوفي نصيبج وادعي من الله ان يمسح على قلبج وتنسين الماضي

والله يوفقج

اقري الكلام اللي فوق توكلي على الله و تزوجي

 

[lojeeen]

هاذا شكله لا بنيته زواج و لا شي شوفي من الريال يقول انا ما اوقف بطريجج يعنيييييييييييييييييي مو معزم و لا حاط بباله فكره الزواج
و لا كان ترجاج و باس ترابج

و همن اللي تقدم لج لا تستعجلين و تقطين نفسج قط عليه خلي فتره الخطبه طويله و تعرفي عليه اكثر و على اهله لمن خلاص تقتنعين انه هاذا بختج الحلو

 

[viva la glam]

حبوبه اذا الي متقدملج زين تزوجيه
لانج تقولين في اشياء مو عاجبتج ويطلب منج اشياء ماتبين اتسوينها يبا هذا مطول
صلي استخاره وتوكلي على الله عشان ماتندمين طول عمرج

 

[MaZyOoOoNa]

نصيحه اذا الي متقدملج خوووش ريال توكلي على الله ترا 29 منتي صغيره الصراحه وبسن زواج بس قبلها استخييري ومثل ماحبيتي الاول بتحبين الثاني والعشره بتسهل عليج هالعمليه ولله يسهل عليج يارب

 

[كرزة كويتية]

الحب ايي ويروح وعلى فكره كثريانا مافي وحده ما حبت وانصدمت بالرياييل فانا اقول المره تقدر تحب مره ومرتين وثلاث بس انصحج بالاستخاره
وعلى فكره انتي حابته يمكن لانه بعيد عنج واذا بيجبرج على شي ثاني ما ادري راح تكرهين عيشتج
وعلى فكره دام مو واقف بطريجج قولليله مشكور وما قصرت بعد جنه يبي الشاره مالج شغل قعدي مع الريال وشوفيه والمره مي خالف لازم تخاف هاذي حياه يديده والفرصه ما تتعوض يا خيتي عيشي متى بتشوفين عيالج بعد

 

[*مارلين_مونرو*]

حبيبتي الشخص اللي تحبينه لو كان فعلا يحبج و يبيج جان على طول خطبج عالاقل يصير كلام بينه و بين اهلج !!

او على الاقل مايرضى انج تتزوجين واحد ثاني !! مو بسهالة يقولج ماراح اوقف بطريجج شالحب !!

انا اقولج استخيري ربج و ان شاء الله ربي يكتب لج اللي فيه الخير و يوفقج ..

 

[حنين الوطن]

اختي استخيرى واذا للك نصيب راح تاخذينه
بس نصيحه لا تاخذين اللي تحبينها واخذي اللي يحبك ويقدرك
والله يوفقج

 

[angel^wings]

البنات وفو وكفو ...اهم شي الاستخاره وشيلي من بالج الموضوع والله بيوريج ان شاء الله ...وحبيبتي حاولي هل فتره تقطعين علاقتج فيه وصدقيني كل شي بيبين ،،،،وخليج دايما استغفار ...ولا تفكرين بشي عشان تفكيرج ما يأثر علي استخارتج..والله يوفقج يا رب

 

[كلي رومانسية]

شوفي حبيبتي ،، أنا وايد يحز بخاطري اذا سمعت سالفة من سالفتج لانه صج حرام اللي قاعده تسوينه بعمرج ،، اتمنى يكون تفكيرج مو محدود ( يعني حبيبي وما أدري شنو ) لأ والف لأ لانه انتي قاعده تعذبين عمرج وتضيعينه مع واحد انتي قاعده تقولينها بعظمة اللسانج واحد مو مضمون يعني عارفه اهوه شنو وانتي شنو ف ليش وايد مصعبه السالفة ،، ترى ما راح يفيييييييييييييدج اذا هذا اسلوبه ورده عليج ، انتي مو صغيره يعني اللي تقولين عنه خاطبج الحين ترى باجر تتحسفين وتبجين ندم ليش ما رضيتي فيه ،، لانه حتى لو تزوجتي اللي تحبينه ،، السؤال اللي بسالج اياه ( هل انتي ضامنه تتحملينه وتعيشين معاه كزوجة ) لانه انتي الحين عايشه حياة حبني وأحبك بس بعدين معه العشره والزواج شي ثاني وراح تنصدمين بشغلات أكثر من اللي انتي الحين تقولين فيه وايد شغلات شينه بس متحملته لاني احبه ،، وبعدين شنو تفيدج هالكلمة والله حبيبتي فكري عدل والزواج نصيب ومو شرط اساسي اذا تزوجتي اللي تحبينه راح ترتاحين معاه عندي وايد حجي بس ما ابي ازود اكثر ،، شوفي حياتج وتعوذي من ابليس واستخيري والله انشالله يعطيج على قد نيتج ،، لا تنطريييييييييييييينه نصيحة لانه انا مريت بنفس حالتج بس صحصحت بعدها ،، من جذي موضوعج وايد اثر فيني ودي اتكلم اكثر بس انشالله اللي قلته يوصلج اللي ابي اوصله ، وربي يوفقج حبيبتي ويسر أمرج . ​

 

[هدوء]

استخيري ربج

واللي الله كاتبه يصير ..

الله يعينج ويهدي قلبج

طمنينا شنو يصير معاج

 

[حنطاااويه]

ااذا هالشخص زيييييييين
توكلي عالله
واخذيه
والله يوفقج ....

 

[EnG.SaMoRa]

حبوبه
الزواج هالايام بالتفق
وخصوصا البنت لي تقدمت بالعمر تقل فرص زواجها
انا اشوف هالشي فرصه حلوة اذا حابه انج تكونين بيت واسره واستقرار
امن اذا شايفه ان حياتج بالوهم القديم والحب المزيف مع حبيبج الي موناوي يتزوج احلى من الاستقرار
فخلج مثل ما انتي
وتحياتي

 

[رومانسية حالمه]

انا رايي قبل لا تاخذين قرار الزواج قولي حق حبيبج تعال املج علي وروح كمل دراسه وكون نفسك على راحتك
لآني بصراحه أأيد الزواج عن حب وانا متزوجه واحد احبه وعلى فكره ترى انا كبرج علشان جذي تعاطفت معاج وايد
جربي قوليله واذا قالج لا ما اقدر شوفي حياتج وطلبي من اهلج انج تشوفين المعرس وتكلمينه عالآقل تعرفين شخصيته
وألله يوفقج ويكون بعونج حبيبتي

 

[north star]

السلام عليكم
اتوقع هذي الضيجه من الوقت الي ضيعتيه على "حبيبج" و انانيته بصراحه الي علقج فيييه و مع هذا لا تقدم لج و لا شي
صراحه ظلمتي نفسج بعلاقتج معاه
نصيحه قبلي بالي تقدم لج على الاقل هذا يقدم لج بالحلال و لا تقررين الا لما تشوفينه و تتحاورين معاه
بعدها استخيري اكثر من مره و الله يكتب الي فيه الخير

 

[قلب راشد]

حبيبتي هذا يالج بالحلال وطق البااب

استخيري وعسى الله يوفقك لما يحب ويرضاه

 

[جوجو.]

مو نصيبج اللي تحبينه واذا انخطبتي حق واحد زين انسي الماضي وعيشي حياتج الزوجيه
مبروك

 

[فجر الغلا]

حبيبتي انتي قلتيها انتي بعمر فرص الزواج اتكون فيه قليله وهذا على قولتج مشواره طويل لا تنطرينه حبيبتي لأن العمر ماشي
واذا خايفه من الزواج الكل يخاف من الزواج ويبي الزواج بنفس الوقت لأنه انتي بنت انتي الحين صغيره وتقولين انا عند اهلي مرتاحه
بس حبيبتي الله يخليلج اهلج مو دايميلج فلازم ايكون بحياتج سند بعد اهلج انتي استخيري حبيبتي ماخاب عبد استشار الخالق
والله يكتب إلي فيه الخير ويوفقج حبوبه بس نصيحتي لج لاتنطرين احد لو انتي بكانه مانطرج

 

[بساط الريح الاحمر]

http://q8yat.net/showthread.php?t=325191

شوفي موضوعي

ولا تعليق

 

[إنسانه بكل حالاتي]

حبيبتي اللي يحبج لو يبيج يتقدم لج الحين ويملج عليج وتسوون العرس بعد ماتتحسن ظروفه بس السالفه باينه انه مو مهتم توكلي على الله مادامه ارزقج واستخيري وعسى الله يكتبلج اللي فيه الخير وتتزوجين اللي يسعدج

 

[غزلان]

اخذيه لا تعلقين بوهم احتمال ايه واحتمال لا
توكلي على الله