أحب واحد وانخطبت حق غيرة شسووووووووووي ساعدونيييييييييي مالي غيركم

[بطوطه خانم]

لا تزعلين مني انتي مو صغيره وفرص الزواج تقل

اللي مثلج عندهم عيال الحين

اذا اللي اخطبج زين واخلاقه زينه توكلي على الله وتزوجيه وصدقيني بتحبينه الحب بعد الزواج مو قبل

دام اللي تحبينه تقولين فيه اشيا ما تحبينها فيه بس تعودتي عليها ترا الزواج مو لعبه ومشاعر بس مسؤليه وانا اختج

فكري بعقلج خلي عنج القلب ما ينفع ترا ما يوكل خبز على قولتهم

موفقه استخيري وتزوجي

 

[بنت الارسنال]

انا اقول توكلي على الله وتزوجي خصوصا تقولين وايد زين واذا خايفة طولي فترة الخطبة

 

[زبــــــــدة]

يمااااااا طاري الزواج يخرررررع لووووووول

لالا تخترعين <<انا اكثر منج اخاف...

المهم
اذا تقولين حبيبج طريجه طوييل..وماتدرين بيفلح ولا لا...تزوجي ...واهم شي تكونيني مرتاحتله
شوفي قعدي معاه يمكن ترتاحينله...وصلي استخاره

 

[( درّه )]

حبوبة ...

آنا أقول تتوكلين على الله

وترضين بالريّال اللي خطبج ..

أنتي مو صغرة 29 .. والأخ اللي يدرس بعد مو مضمون .. لو ميت عليج ويبيج قالج لاء ما تتزوجين .. ما قال أوقف بدربج ..

أنتي ضايق خلقج لأنج مو متخيلة تعيشين مع شخص ثاني ..

بس أنتي عطي نفسج فرصة ..

وفكري بعقلج .. مو بقلبج ..

وعسى ربي ييسر عليج

ويسهل عليج

:eh_s(17):

 

[دندنه23]

استخيرررررررررررررررررررري وكل شي على الرحمن ويعطيج على قد نيتج ونصيحتي لاتنطرين حبيب القلب ترى عمرج موصغير فكري فيهاااا لحقي على نفسج قبل لاحبيب القلب ياخذ غيرج وتوهقين
الله يوفقج

 

[بنت العديليه الشقرديه]

لنفرض نزوجتي حبيبج وانتي تقولين ان طبعه محد يتحمله .... بس حبج له مصبرج...ترى اكيد بعد الزواااج رااح يتغير كل شي ...يعني راح اتعانين معاااه ...انا اقولج صلي استخاااره والله يكتبلج الي فيه الخير ان شاء الله

 

[سنا الفضه]

اكبر جذبه اخترعوها عالم الاعلام الهابط الحب قبل الزواج

الاخ مشواره طووويل وانتي منتي صغيره واذا طريج الحلال مفتوح لج بيعي الاخ الموفالح لله ومن ترك شيئ لله عوضه الله خيرا منه الحب قبل الزواج بحد ذاته معصيه لربج فابني حياتج اليديده على البر والطاعه واخذي هالخاطب احسن لج يمديج اتيبين عيال واتربينهم احسن لج من النظره الي يمكن واحتمال تصير اكيد على غير سنع وعالفاضي

الله يوفقج ويسعدج بالدنيا والاخره

 

[Ibtisama]

قالوها الولين ( الحاضر احسن من الدين)

شوفي حبيبتي اذا اللي متقدم لج سمعته زينه و اخلاقه تمام استخيري و توكلي على الله و تنطرين احد

الله يوفقج

 

[روح الدنيا]

استخيري والله يكتب لج اللي فيه الخير

 

[موت الحمر]

عصفور باليد و لا عشرة على الشير

لا تضيعين سنين عمرج على امل او بالاخص وهم و تالي بتحسفين

 

[honey lust]

سألو عنه و استخيري
ولا تعلقين نفسج بواحد اهوه نفسه ما يدري متى بيتقدملج و قالج روحي بطريجج
و عسى ان تكرهوا شيئا و هو خيرا لكم

 

[روتيل]

انا اقول استخيري ووافقي اذا الي يايلج زين

 

[وصلتج بكيفي]

دام قال ما اوقف بطريجج ..انسان بايع
وتوكلي على الله
لان اذا يبيج بيذبحج لو فكرتي تروحين لغيره
لاتقولين اي يبيني اي يحبني ..ترى عادي الريال له مليون قلب ..حتى لو قططططططططع عمره عشانج بالبداية بس دام صرتي بإيده خلاص صرتي شي عادي ..لاتتضايقين من كلامي حبيبتي بس اغلبهم جذي..انتي ماودج تشوفين عيالج ؟؟
ودج تربينهم وانتي بعدج صغيرة ومرتاحة وتاخذين راحتج بتربيتهم
واهو اذا يبيج يتقدم لج وتتزوجون ويروح يكمل دراسته ..او عالاقل دام بعده مادرس..يتوظف وياخذ اجازة طالب علم مادري شيسمونها وبعد الزواج يكمل دراسته ومعاشه يمشيله
شنو جذي يعلقج !!
ذكرتيني بوحده من رفيجاتي نفس السالفة نطرت نطرت وطلع هذاك جذاب..بس كان مايبي يجرحها ويقولها مابيج !!!!!!! اهم شي
بس الحمدالله الحين تزوجت ويابت ولد ونست طوايف طوايف اهله اللي يابوه
وترى عادي والله وايد بنات حبوا وماخذو اللي يحبونهم ..بس والله نسو اللي قبل !! شي غريب
بس انا قاريه دراسة جذي صج
المرا تقدر تنسى اللي حبته عادي
لاتخلين الشيطان يلعب بافكارج ..
وقلتلج وانتي كيفج
موفقه

 

[الجعده]

لا لالا لا لا لا ترى اذا شفتي وكلمتيه راح تقارنين مع حبيبج اللى عرفتيه من سنين فارجو التريث وعدم الاستعجال فى اتخاذ قرار الزواج وانا افضل تنطرين حبج الاولانىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى

 

[شندوخه]

حبيبتي لا تستعيلين هذا زواج مو لعبه حتى لو كنتي كبيره لان هذا يعتبر من القرارات المهمه اللي لازم تفكرين فيها مليون مره قبل لا تقدمين عليها

انا اقول خليي ايي يخطبج مو حبيبج قصدي عن الثاني وقعدي معاه وسولفي يمكن ترتاحيله ..؟؟ يمكن يعجبج اكثر ..

واستخيري اكثر من مره .. وحطي ابالج اي شي ايي من الله حياه الله لو شنو كان لان هذا شي مكتوب عند الله قبل لا تنولدين سواء تزوجتي ولا لأ ..

وقولي حق حبيبج خل يخطبج على الاقل بس خطبه ...؟ اذا ما يبي ويتعذر ..انا اقول شوفي نصيبج وادعي من الله ان يمسح على قلبج وتنسين الماضي

والله يوفقج

ردج وايد عجبني وانا أايدج

 

[maziona]

انتي لأنج تحبيه فقاعده تطوفين عيوبه اللي لاتحتمل بس لو تزوجتيه ماراح تتحملينه وراح تملين .. يعني لو اهو زين وخوش

ولد وذكرتي مميزاته جان قتلج نطريه بس مبين انه مافيه مميزات تخليج تنطرينه .. ودام اللي متقدملج زين قعدي معاه مره

ومرتين لين تقتنعين

بقرارج وماتتحسفين .. ولو رفضتي اللي متقدملج شنو يضمن لج راح اييج واحد احسن منه؟ .. صلي استخاره وان كان من

نصيبج الله راح يسهل عليج .. والله يوفقج

 

[Miss.6Mo7]

أنا ماكملت ولا قريت كلامج كله لان يكفي هالجمله

انا احب واحد صارلي مدة صج في اطباع ماحبها فيه بس تاقلمت معاه المهم انا عمري الحين 29 يعني بدت تقل عندي فرص الزواج والمشكله اهو طريجة طويل قاعد يكمل دراسته ومايقدر عالمسؤلية الحين معاشه مايسمح

هذا دليل إنج مو مقتنعه فيه واهو لو صج يحبج جان ماقال ماقدر اوقف بطريجج ! بالعكس جان سو المستحيل عشان يجي ويتقدم لج وفوق ما انتي كارهه طبايعه تقولين حبيبي وتأقلمت ! شلون باجر لا وافقتي وتزوجتي ان شاء الله بتظنين ماراح تتأقلمين مع ريلج وحبيبج بنفس الوقت ؟ أكيد بتتأقلمين فكري عدل.. وتوكلي ع الله ووافقي على اللي تقدم لج من بعد الاستخاره

 

[live your life]

انا بعطيج رايي والشي اللي انا اشوفه صح انتي على قولتج عمرج 29 واحنا وين عايشين بمجتمع خليجي يعني لو مهما تطورنا ومشت السنين في شي متمسكين واللي اهو العادات يعني لو برة وانتي بهل عمر ماراح يكون سد جدام الزواج بالعكس سن النضوج بس بمجتمعنا لا يشوفنه بنظرة غير, وهذا الشي يفتح لج مجال ان تفكرين بالمتقدمين لج واللي بالفعل يبون يكملون باجي حياتهم معاج وانتي كبيرة واعية مانتي صغيرة اكيد تعرفين تتصرفين مع الريل يعني اطباعه ممكن تتحملينها ممكن انج انتي تعودينه على اشياء انتي بالفعل تبينها وبالتالي اثنيناتكم مجبورين تتعودون لان يربطكم الزواج وبعدين بيصير عشرة واللي اهي بتعودج عليه وبتحبينه وحب الريل اعظم من اثنين يحبون بعض
اما حبيبج اهو ريال ولو ماتزوج ماراح يعيبه شي يعني بيروح بيكمل دراسته وماتدرين شنو الله كاتب ممكن تنطرين ومايصير نصيب وانتي الضحية اسم الله عليج اذا اللي ياج زين روحي بنصيبج والله يوفقج حياتي

 

[الكادي-83]

بقولج نصيحتي ومن قلب يشفق على حال البنت اللي مثلنا

مابقى في العمر كثر اللي راح

شنو يضمن لج ان حبيبج إذا استعد انه بياخذج يمكن تجبره الظروف على وحده غيرج شنو راح يكون موقفج وقتها وبعدها راح تبكين بدال الدمع دم

نصيحتي إذا اللي متقدم لج على دين وأخلاق لاترددين وتزوجيه وبدون تفكير

بقولج قصة وحده أعرفها أكثر من نفسي

كانت تحب واحد وتموت فيه ويبي يتزوجها وكان يتعذر بدراسته وانه مايقدر يتزوج لين يخلص وكل ماتقدم لها احد قالها كيفج تبينه اخذيه انا ابيج بس ما أقدر اللحين وبعد ما استعد تزوج غيرها وماتت من الحسره

لو صادق يبيها كان قالها اموت وماتاخذين غيري اللي يحب مايتنازل مهما كانت الأسباب

غلطانه إذا مانتهزتي هذي الفرصه

والله يوفقج ويرزقج الرزق الطيب اللي يفرح قلبج

 

[عيني عليه]

تخيلي تنطرييين حبيبببج ومايتزوجج

يماااااااااااااا

عاادي انجلط اموووت انصعق هههههههههه

تزوجي حبيبتي تزوجي بلا حب بلا خرااابييط