أحب حمولتي بس اكسروا قلبي شسوي ( فزعات وطموشات حياكم

[ام زهقانه]

اعرف وحده مثل حالت صديقتج اسكتت مرا مرتين بس الناس ما يعلمونها واهي غرفتها تحت الدور الاول شنو سوت علمت رجلها علي اهله ليش يرحون العرس والعزايم وانا لا وتعلم حريم حموانها واهي لا راح الرجال وكلم امه وعلمها ليش ماتعلمون امرتي حاقرينها الكل يسال عنها بالعزايم والمناسبات واهي تقول كنت معزومه عند عرس من اهلي بس الناس صارو يسئلون ححيل واهي ماتبي تطلعكم بشينه فطاعت امه الكلام

 

[كارلوفي فاري]

هذولا ناس مايبون احد يدخل معاهم هي خليها لاهيه بعمرها افضل وتخف عنهم ماله داعي بعد هو عطوها المختصر المفيد مانبي نقعد معاج ولا نبيج تتزهبين للضيوف
شتبي بعد الافضل تخف وتثقل عليهم بس لازم الاخترام والوصل موجود
والله يهديهم

 

[(*ام عهــــد *)]

ماقصرو البنات
الله يعينها صراحه بس لاتغير فعايلها الطيبه ماشاءالله عليها أحب البنات اللي فيهم الطبع هذا صج سنعات ومايطلع الردا منهم .. بي يبيلها تغير بإسلوب المعامله معاهم بس

 

[am faisal]

انا اعرف وحدة اهلها يعاملونها بهالطريقة تعطيهم طاف بعد مطرة تعامل وياهم الحين تروح تقعد شوى وتسوى الواجب تسلم وترجع بيتها والمشكلة هم اللى يتشرهون بس تزورهم فجاة والصالة مصتكة من الحريم والناس كاشخين لتكتشف انها لم تكن معزومة من ضمن المعازيم على قولة محمد عبدة والعذر جاهز كل شى صار يسرعة مافضينا نعزمك اووف تبين تحطيلك سالفة وبس عجبى

 

[على الطيب تربيت]

بسس ماقلتي راي زوجها بالموضوع!
ليش ما تقول لزوجها انها تحب تشارك اهله عزايمهم و زياراتهم

لاني اعرف وحده كانت تشتكي من نفسس السالفه
وبالاخير اكتشفت انه زوجها اللي مايحب تطلع من البيت من دوونه
وبعدد ما يفضل الزيارات الاجتماعيه والحفلااات

يعني بالاخير طلع زوجها اللي طالب من امه انه ماتاخذ زوجته معاها بالزيارات والعزايم!!!

خليها بالاول تتأكددد من السالفه احسن قبل لااا تظلم حد بالموضوع
خصوصا انها تقول انه اهل زوجها طيبين معاها

راي زوجها لو تدرين بتقولين مالت على رفيتج

زوجها اول شي حده حبوووووووووب وطيووووووب ويحب امه وخواته ومايحب يضايقهم

يخاف يضايقهم ان قال اخذوا زوجتي او اعزموها يخاف يسوي مشكله

بس هو قالها وعلمها اكثر من مره ان بغيتي شي انا اوديج لكل مكان مالج حاجه بأحد تبين خالاتي عماتي تبين توجبين انا اوديج لاتشكين وتتحلطمين شسوي هذول اهلي ...

بنات تدرون ان اخواني انا غير عن زوجها دوم يقولون لنا دقو ع حريمنا اعزموهم اخذوهم مع ان احنا حيل مع حريمهم ونعلمهم بس اخواني بزود ولا زعلنا بالعكس بس رفيجتي زوجها شخصيته طيوبه ويخاف ان تكلم سبب مشكله ..

 

[على الطيب تربيت]

شوفي .. هالنوعيه مآيفيد معهآ العتب والزعل لآن يمكن يزيد شرهم بالطريقه هذي ..
الحل .. تصير رسميه معآهم .. وتصير قويه لآتتأثر بحركآتهم لآنهم مآدرو عنهآ ..
اذا شآفتهم كآشخين يآتكشخ او تروح شقتهآ اذا تعبآنه مآتبي تكشخ .. يعني تصير آذكى منهم حبتين
بخصوص العزآيم .. تتوآصل شخصيآ مع جمآعتها .. يعني الوآتس اب ربط الكل الحين ..
تسولف معآهم فيه .. تسآل عن خآلات وعمآت زوجهآ بالتلفون وتبآرك لهم اذا درت بمنآسبه عشآن يتوآصلون معهآ ..
فهمتي علي .. والله يعينهآ

مضبووووط كلامج ميه بالميه وحلو

 

[على الطيب تربيت]

,،


الصراحه مآ يستحون ! شتنفع الطيبه دآم هاذي تصرفاتهم
وييييييييه و لا تعور قلبها و لا تحط في بالها و لا شي .، مآ يشوفون شر
لا اتييب حلو و لا تكلف على عمرها و لا تلبس و لا تكشخ لهم
دآم هاذي سواياهم ! :|

خل تروح و اتيي مع آمهآ و خوآتهآ و رفيجآتهآ و ريلها
و الزم مآ عليها ريلها صراحه

؛)

لاصاروا في بيت واحد حده صعبه ولاصارت عندها خاله وكبيره تحب تقدرها وقايمه برجلها ماتقصر وعسى الله يعينها

 

[على الطيب تربيت]

اهم شي زوجي وعيالي وهم حدي معاهم بالمناسبات وكثر الله خييييري

خخخخخخخخخخخخخخخخخخخخ

ياحلوج فديتج حتى بالمناسبات مايعلمووونها
مرات تكون راده من دوام عندها دوام العصر مو كاشخه تشوفهم لابسين تقول في احد بيجي يقولون باستغراب لا منو بيجي وعن الحلال والحرام مرات يقولون ماندري وتتفاجأ بدخول ضيوووف كاشخين ورزه وهي من بينهم البطه السوده والمسكينه موقفها تكمل اليوم مبتسمه وتصب قهوه وعادي ولاجا بليل تحلطمت عند زوجها يا اما يفشلها او يسكت

والله لو اخواني مايسكتون أقلها يجون عند امي وعندنا ويسمعونا كلام !!!

 

[على الطيب تربيت]

لالالالالالالالالالالالالالالالالالالالالالالالالالالالا
لاتطلع بيت بروحها
ولاتواجهم
ولاتعاتبهم
تعيش حياتها مع زوجها وجنه احد موجود معاهم بالبيت واذا عندها عيال اتضيع وقتها مع اعيالها طلعات وروحات وحدايق
صدقيني راح يجونها طيرااان

مافي امكانية عشان تطلع من البيت وبعدين شقتها حيل كبيره وحلوه
وليش تبعد وهم مو مأذينها بس الي قلناه مايقدرونها ولايعلمونها بالمناسبات

 

[على الطيب تربيت]

خليها تسوي الواجب وبس اكثر من كذا ماتسوي واذا الناس يسالون عنها تروح لهم بروحها

طيب اشلون تسوي الواجب ان كانت مسكينه مايقولون لها شي
تخيلي يجي عند عيال خوالهم او عمانهم عرس مايعلمونها
فلانه تحمل فلانه تطيح فلانه تتنوم مايعلمونها
ويجيها اللوم والعتب عقب وينج ماتجين مانشووووفج

 

[على الطيب تربيت]

امممم بصراحة اللي فهمته من كلامج شكلها وايد تقعد عندهم
ترى مو حلوة لازم ما تكثر قعدات وايد مع الحموله حتى لو يحبونها و تحبهم
شوفي انا وايد احب حمولتي الحمدلله و حمولتي يحبوني لكن ما أكثر قعدات وياهم
لأن مستانسه انهم يحبوني ابي احافظ على هالشي مابي اصير عليهم ثقيله
يشتاقولي احسن مما يملون مني!!
خل تخفف قعدات معاهم مع المحافظة على اسلوبها المحترم معاهم

قامت تخفف نزلات وتكثر طلعات برا وحاولت تشغل نفسها علبو احتمال يدقون يسألون ولكن عمك اصمخ مايسألون ولا يدقون ولا اي شي مستمره الحياة والحياة حلوه

 

[على الطيب تربيت]

شكلها وااااااااااااايد طيبة

أكثر مما تتصورين والكل يحبها ومعروفه باخلاقها الزينه وملتزمه والكل يتمنى قعدتها ولاعندها خرابيط ولاتتكلم عن تلفزيون ولا غيبه ولانميمه طيبه وان اسألوها حلوه بدلتج عطتهم شرح مفصل ودقيق عن سعرها ومكانها والمشغل ورقم صاحبة المشغل وتقولهم اوديكم لها خدمة اربع وعشرين ساعه

 

[على الطيب تربيت]

حددها على نياتها وحولتها حركاتهم تغثث اشكرة قاصدين يسوون فيها هالمغثة ويحرونها ويقطون النغزة جدامها ان رحنا وطلعنا مقصودة هذي امبين ليش يسوون جذي ؟ انا اقولج الناس اطباع,,, اوكي الحين دام اعرفت مايتهم ختصير رسمية معاهم واذا على الطلعات لا تقولهم خاطري اروح المكان الفلاني لاتبين روحها ميته على الروحة معاهم لأن اهم قاصدين يحرونها حتى لو بخاطرها المكان خلتسكت لا تقول شي جدامهم

على نياتها قلتيها ولعى فكره هي تطلع اكثر منهم وزوجها مايقصر معاها ابد لو تبي المريخ وداها وهي ماهي ميته عليهم بس ودها شوية تقدير ومايطلعون ويخلونها بين اربع اطوف ولو اصل وفصل وناس فاهمه مايطلع جذي منهم

 

[على الطيب تربيت]

الله يسخرهم لها


دام مافيه مشاكل وزينين وياها خلاص الباقي مش مهم

طيب مو مهم بس سؤال
بالله عليج تقولج مرت اخوووج انا اموت بشي اسمه بر وبنت خالتكم دقت واعزمتني بالله عليج تقدرين تقولين لا لا لا فشله عيب وين نروح وبعدها بسبوووووووووع تروحين وتخلينها والي يسألج عنها تقولين مدري ماشفناها عند اهلها ؟؟؟ تقدرين تسوين هالسواة

ولعلمج لمن درت انهم يروحون البر عبالج اسألت عاتبت شي لا والله راحت وارسلت مع خدامتها بالطوات كشخه جايتها هدايا من برا ارسلت بالطواتها عشان يتدفون من البرد ويكشخوووون هناك

تدرين المفروض شنو ؟؟؟ المفروض زوجها يتكلم ويحط لها حد وينزل لامه وخواته ويقولوهم ليش ماخذيتوا حرمتي المسكينه كم مره تقولكم تحب البر وخالاتنا يعزمونها ليش ماتاخذونها عالاقل انا اوديها ماهي نايمه هي بس بتجيب الدعوه وتقوم بالواجب بس للأسف زوجها سااااااكت شايل نفسه

 

[على الطيب تربيت]

هاذول اهل الزوج اذا قدرتيهم طنشوا فيج واذا طنشتي اهتموا فيج وهي ليش متعبه حالها شخباري الوحده تنزل قهوه شاي حلا موضه قديمه خليج رسميه احسن والقهوه والشاي خليها بالمناسبات احسن والظاهر اهم مايبونها ترا في ناس جذيه مايحبون مرت الولد تكون معاهم حتي لو انها حبوبه بس اهيه مو فاهمه العباره وبس

معقووووله عاد ؟؟؟ يصير السنع والطيب موضه قديمه ؟؟؟

معقوله في حموله تبي مرت الولد بعيده عنهمخ ورسميه

طيب كا انا وخواتي مغير ندقدق ع حريم اخوانا امشوا معانا ولا امي يابنات تخيلوا والله والله تاخذ حريم اخواني معاها للعزايم واقولها يما مريني تقول مالي شغل فيج هذول بناتي وبيتنا واحد انتي عندج رجلج وحمولتج

اي هذي الحموله السنعه خلاص بنتهم اطلعت عنهم تصير مرت الولد بنتهم اصلا لاصار عزايم وعروس الخاله تتباهى بجنتهااااا

 

[على الطيب تربيت]

عندها رب كريم





تشكي له ويساعدهاااا باذن الواحد احد

وهي ليه صابره وماتجازي عشان ربها كريم وتبي رضاه والجزا منه

 

[الأنيقـة]

شوفي حياتي دام ما يفرق معاهم اذا نزلت و لا ما نزلت خليها قاعده بشقتها اريح لها

و على الطلعات يمكن يحبون يستانسون بروحهم مو لازم تطلع معاهم و لا تبين لهم انها متحسره على الطلعة

اما العزايم و العروس خليها اذا تشرهوا عليها الناس تقول والله ما دريت و هذيله اهل زوجي اسألوهم والله ما قالوا لي و بعدها بيوم و لا يومين تروح تزور المرأة يعني تتسامح منها و تييب لها هديتها و توضح لها السبب

و على الضيوف خليها دااااايماً تنزل مرتبة يعني مو الا كااااشخة لا بس طبيعي مرتبة مثل اي وحدة قاعده فبيتها

و اذا حضروا الضيوف خليها تقول حياكم الله والله هذي المفاجأة الحلوة عاد من الملل توني سألت فلانة قلت بيزورنا احد ؟ قالت لا
سبحان الله و الا انتوا داخلين

( وتكون فلانة موجودة )


والله يعينها

 

[على الطيب تربيت]

والله اذا هم جذيه خلاص جت منهم خل توخر عنهم شوي مو تلزق بوجيهم 24وتقلل ملاقاتهم شوى شوى خل تعطيهم
خصوصيتهم ولها خصوصيتها وبعدين سووري هذى سذاجه يعني تصرفاتهم واضحه ما يبونها ومعرووفه كثر ما تبعدين تكونين غاليه وحبيبه وكثر ما تلزقين فيهم تكونين ممله وهذا طبعا عند البعض مو الكل

سبحان الله اثر الناس تجي بالعكس عسى الله يعين

 

[جنون الغيم]

الله يعينها عليهم

 

[يعنني أتغلى]

تعاملهم بالمثل والحق مايزعل

وان تشرهوا عليها خوالهم تقول محد عزمني وماعندي خبر

والكلمه اللي تستحي منها بدها

ودام اللي بقلبها على لسانها خل تقول اللي بقلبها ليش كاتمه

ترى محد يستاهل تحرق اعصابها وتقهر عمرها

واللي يزعل مايشوف شر