أحب حمولتي بس اكسروا قلبي شسوي ( فزعات وطموشات حياكم

[على الطيب تربيت]

من زمان نقول
الحموله ما ينفع معاهم
الا الرسميه

صااجه وين الي يسمع

 

[على الطيب تربيت]

شوفي قولي لها تسوي نفس الحركه

تأخذ من الحلا الي مسوينه وتروح ولا فجأه جذيه تروح لزواج ولا فجأه تعزم ناس


او



تعطيهم كاش بالفيس ليش م قلتو لي قدام الناس الي جوهم و اذا راحو مكان تقول شدعوا م تعزموني اذا هم جليلين حيا هي تسوي نفس الشيء تخلي زوجها يوصلها نفس المكان الي بيروحون له اذا هم جاملوها وقالو حياج

قويه تسوي نفس حركتهم لا حرام

وبالكاش احسن مشكووووره

 

[على الطيب تربيت]

ياعمري عليها تخلي علاقتها رسميه معهم
ولاتعطيهم فييييييييس
وتثقل شوي

ان شاء الله

 

[على الطيب تربيت]

احلي طاااااف و الله يسامحهم

صااااااجه

 

[على الطيب تربيت]

الله يعينها ويسخر لها اهل زوجها ياااارب

امين يارب

 

[على الطيب تربيت]

انا كنت مثلها وزود بعد طوال الوقت عندي بالبيت وحده رايحه ووحد راده وتطفل وتفتيش بالاغراض واللي يعجبهم ياخذونه واذا شافوا فكرة للبيت او لبس عندي سووها ولبسوها بدون مادري ويوم احضر عند الناس على بالهم اني ماخذه ملابسهم .......... وانا كنت خبله وعلى نياتي ولاجات مواجيب ولاعزيم مايعلموني واذا عرفت قالوا ماحنا رايحين وعقب ادري انهم راحوا ولا يجلسوان عند زوجي وهاتك حش في الحريم فلانه فيها وفلانه اخلاقها مو زينه وهو يصدر التوجهات الساميه مدام موزينيين لا تروحين لهم واذا في عزيمه عندهم مايعلموني غير باخر لحظة عشان ماالحق اظبط نفسي عدل والله سووا فيني شي وشويات خليها على الله تو ماارتحت عطيتهم طااااااااااااف وريحت راسي واسقليت بنفسي اذا احد يبيني يتصل على وصرت احضر لحلي ما ارتبط معهم ولاعاد يدرون عني غير بالجمعات والعلاقه اكثر من رسميه ولا احلى

يااااو الله يعينج ذووول وحوووش يكافينا الشر

يبيلهم ترويييض قوي قلبج وعسى ربي يعينج

 

[نحوله عسوله]

خليهااا تخلي علاقتهم سطحيه ولا تعلمهم عن اخبارهااا مثل مايسووون فيها تسوي فيهم

وتعطيهم طااااف
احسن لهاا

 

[رواضي قطر]

تقلل روحات لهم ولا تقصر ويااهم

 

[خشف العذارى]

وييييييييييع ما احب هالحركات الماصخة
صج الله يعينها

 

[butterfly-m]

يختج هالزمن الطيبه ماتنفع معاه والناس ماتستاهل اكثر من قدرها خل تخفف الاهتماما الزايد اريحليها​

 

[زوغه]

صراحه انتي غلطانه خليتيهم يتمادون وياج حبيبتي اهل الريل لازم تعاملينهم معامله خاصه وبحدود وخففي الروحه عندهم تسيرين غاليه وبعدين مو كل شي بنقالهم لان لو شنو تسوييين مراح ابين بعينهم خلج رسميه وياهم والله يوفقج

 

[بخـــارى]

حبيبتي فلوس الحلو والمواجيب تخشهم لها وتسافر سفره حلوه مع الحبيب
ويقولج
مادام معايا القمر مالي ومال النجوم
يعني زوجها زين معاها مالها شغل فيهم

والي مايعدني راس مال ما اعده فايده
وسلامتج

 

[صمت المرافئ]

وليش رفيجتج معورة قلبها وقاطة نفسها عليهم
كل يوم رازة نفسها عندهم
عندها شقة طويلة عريضة تقعد فيها
تريح وتستريح
الناس اللي هالشكل ما تنزلهم إلا مرة بالأسبوع ( زيارة يعني )
وما تطول وقالوا الأولين :
" لا تكثر الدوس يا خلي تراهم يملونك "
وأي أحد يتشره عليها تعطيه رقم نقالها
إذا انعزمت تروح بروحها بلا منة أحد
لا توقف حياتها وطلعاتها على حمولتها
يا كثر ما بتندقر
الظاهر خوال ريلها على شاكلة خالتها
يتشرهون وما يعزمون
والمفروض من أول مرة ما لقوها
ما يوصون أحد ... يتصلون عليها بنفسهم
مريت بنفس ظروف رفيجتج
عطيتهم طاف ... والباب اللي يجيك منه الريح سده واستريح
واللي ما يبيني ما أبيه
​

 

[على الطيب تربيت]

شكرا جميعا حبايب قليبي ماقصرتوا ابد ومنكم نستفيد ونتعلم

 

[ام _خلودي]

حبيبتي ليش القيل والقال وكل من يفسر علي مزاجه يمكن اهله ريلها نوعهم ماعندهم سنع او مايعرفون الاتكيت خليهاا تتشرهه عليهم بطريقه حلوه او تقط نغزات خوو هذيل راح اتعيش معاهم العمر كله فكلش مو حلوه اتعيش بمشاكل معاهم تفتح قلبها وتقولهم الا مضايقه ويادر مادخلج شر