أبوج بيحضر عرسج ..؟؟

[ام راما]

انا من السعوديه عندنا لازم يحضر العرس ويلبس البشت ويتصور مع بنته ويعزم على العرس زيه زي ابو المعرس انا بنته ومن حقي انه يفرح بعرسي مثل العيال

 

[Judy abbott]

ابووي لآزم يدخل الصاله ويصور ويااي

احنا لاحضر عندنـآآ عـآدىى

كل ناس ولها عاداتها وتقاليدهـآ

 

[حناينq8]

المعرس عندنا يدخل صاله العرس على يمينه ابوه وعلى يساره ابوي ( او ابو العروس)


اذا ابوي ما يحضر عرسي عيل منو؟؟


اكيد اذا ما يا ابوي الناس بيقولون ابوها مو موافق او زعلان

 

[ريميــه]

وليــــــى على أمتى شو هالحكى انا شكلين ما بحكى :050103nbh_prv:
يا عزيزتى حنا عندنا عيـــب الابو يدش
يعنى العروس يا تدش مع اخوانها كلهم يا واحد منهم او تدخل بروحها او ما تدخل الصاله تدش بغرفه وانا انشالله يمكن اخلى اخوى يدش معاى بس للحين ما قررت اى واحد
والله يا خـــــــواتى اللى اهــــــــــــــــــم من هذا كـــــــــــله التوفيق وانالله يتمملها على خير ويكافيها شر العين
لاتقولون لى من يدش او منو ما يدش هذاااااااا اللى اهم :yaaaaaarb:
والاااااا شراااااايكم (حكى فى شى غلط متاثره للحين من باب الحاره ههههههههه):wqedqw:

 

[وافية*]

واللة انا اقول ترجع لشخصية الواحد يمكن فية ناس يشوفونها عيب وفي ناس عادي مثل ماقلتي عمج عادي عندة بس ابوج لا يحس انه عيب...
انا واللة ابوي واخواني وصلوني لباب الصالة وصوروا معاي وباركولي بس مادشو عند الحريم طلعوا وراحو للرجال سلمو وباركولة وحضر ابوي عرس الرياجيل كلة بس اخواني سلمو وانحاشو....ههههههههه.....وانا بنت عمج ترى يعني العادات هيا هيا بس انا اتوقع كل واحد ونظرتة

 

[جوزائيه مغروره]

باك لكم بعد العرس

انا دخلت مع اخووي الكبير

ولما دخل زوجي دخل مع ابوه ولما وصل الكوشه اخووي الكبير واخواني الصغار وابووي دخلوا وسلموا واطلعوا

 

[grumpy22]

بنات انا ليييييش عيب ان الابو يدخل الصاله مع المعرس ولييييش عيب يلبس بشت ولييييش عيب انيحضر عرس بنته ابي رد مقنع لان وااااايد اسمع بهالسالفة بس ما اعرف لييييييييييييييييش

 

[غزل بنات]

احنا بعد عيب الابو يدش الصاله مع بنته وماايد الاخوان يدشون مع خواتهم شخباري حلات العروس ادش بروحها

 

[برونزية الكويت]

والله انا قبلية بس عندنا عادي ابوي واخواني يروحون عرس الرياييل لا وبعد ببشت ويم المعرس يستقبل المعازيم وهم يدخل اهو واخواني مع المعرس حده عادي...لووووول بس حبيبتي حرام عليج توج تتذكرين عقب اليهال الله يخليهم لج ان شاء الله وتقبلي مروري

 

[عادي من قلبي أشيلك]

انا بدويه وماايد انه ابوي يدخلني احس فشله _ البعض بعايلتنا ابو العروس يدخل مع المعرس _
واكيييييييييييييييد يحضر صالة الرياجيل

 

[kookiss]

بصراحه حده عيييب انا بدويه
بنات خالي يوم دش ابوهم وااااااااااااي
افتشلنا والكل نقد عليهم
حتى امي واهي عمتهم عصبت
بس يروحون
عرس الرياييل ويباركون ويطلعون وزينه على البيت
عادي

 

[حبيبة دودي]

عااااااااااااادي

 

[ام علوشه]

انا ابوي ما حضر عرسي


للأسف لانه متوفي من زمان حسبي الله على بليسك يا خشف المطران هيضتيني

خلاص بطلع من المنتدى الحين

 

[ktkota_we9we9]

مااشوف فيها عيب ؟؟
الابو مثل مايفرح في ولده يفرح في بنته
احنا عندنا
يلبس البشت ويروح صاله الرياييل ويوقف مع المعرس وابوه ويصورون واخواني وعمامي وخوالي ، لازم من الطرفين اهل المعرس العروس موجودين يباركون لهم المعازيم

وبعدين يزفون المعرس حق عروسته يوصلونه صالة الحريم يطلعون الرياييل يظلون المحارم ( المعرس وابوه وابو العروسه واخوانها وعمامها وخوالها ) يصورون ويبازركون للمعاريس ياخذون صوره صورتين ويطلعون يخلون المرس والعروس يقصون الكيكه يلبسون الدبل ويصورون ترقص العروس .... الخ ويروحون غرفتهم اذا بالفندق ولا يطلعون يتعشون

 

[JaDeL]

احنا عيب يدخل الابو مع بنته الصالة بس اوكي يحضر عرس الرياجيل ويسلم ويطلع


اما سالفة الزينه بس الرجال يحط ببيته زينه

ماكو شغل بنت تحط ببيتها زينه تقول ماصدقت انها تزوجت لوووووووووووووووووووووول

 

[منوة الروح]

مستحيل يدخل معاي ابوي الصاله اول شي فشله وثاني شي عيب

اوكي يمكن يدخل صالة الرياجيل لانه زوجي ابوي يصير خاله بس يدخل معاي لاأ

وكل ناس لهم نظره بسالفت دخلت الابوو والاخواان

 

[candle-tears]

الرسول (ص) لمن زوج ابنته السيدة فاطمة الزهراء من الامام علي هو وصلها بنفسه لزوجها وسلمها له واعتقد في الروايات اذا ادور لكم كانه الرسول وصى الامام علي على ابنته
اشلون عيب؟؟؟؟؟

انا عن نفسي اخوي دخلني الصالة وابوي سلمني بايد ريلي
بالعكس تحسين انج صج غالية عند اهلج لمن اخوانج وابوج يسلمونج بايد ريلج يعرف ان لج ظهر ويوصونه عليج لانج بنتهم اغلى ما يملكون بالكون بيسلمونج لللزوج امانه يحافظ عليج
ما تدرون شكثر حسيت بالفخر والله الدمعة كانت بعيني لمن اخوي كان ماسكني ويدخلني الصالو ةبعدين ابوي خذاني منه وصعدني الكوشة وسلمني لزوجي وقاله هذي امانتي عندك

 

[shai5at al3arab]

ليش الابو يفتشل ولا البنت تفتشل ..

البنت ما سوت شي حرام عشان الاهل يفتشلون منها

شعور الفشلة هذا اللي يسمعه يقول البنت متزوجة سري ولا حرام وفشلت اهلها .

بالعكس راحت بيت ريلها معززة مكرمة ..

ولازم الابو يشارك البنت فرحتها ويفرح فيها ..

 

[العنود العصيمي]

مشكووره اختي عالموضوع ما ان احسه موضوع عادي من وجهة نظري :eh_s(6):

لا تزعلين ياختي بس هذي وجهة نظري :eh_s(6):

شلوووووووووووووووون ابوي ما يحضر العرس؟؟؟ وين قاعدين؟!!!

حدي انصدمت من سؤالج؟ بالعكس ابو البنت يحضر عرس البنت و يبارك لهم و يعينهم بعد

هذي فرحة. هذي بنته !!!!!!!!

اذا في صج ناس ما يحضرون عرس البنت جد صدمة و ليش ما يحضر؟؟؟ لا تقوليلي على اساس فشلة و عيب؟؟

أول مره اسمع .

:eh_s(12)::eh_s(12)::eh_s(12)::eh_s(12):​

 

[غـــــلاM]

يحضر صالة الرياجيل
يسلم ويبارك
بعدين يطلع ويجي ياخذني من الصالون "عاد انا ابيه يصور معاي شلون؟ "
بس مايدخلني الصالة عيب
ومايلبس بشت
وبس