أبوج بيحضر عرسج ..؟؟

[..may..]

تذكرت عباس النوري ( أبو عصام) اللي فباب الحارة.. يوم سوو معاه لقاء فالـMBC قال إن من عادات الشام القديمه الأبو ما يحضر عرس بنته !!

احم .. مادري عادي أشارك .. و لا تعتبر رزه ويه

انا من الامارات .. و عندنا عاااااااااادي .. أبو العروس و المعرس يدشون مع المعرس القاعه .. هذا إذا ما كان الخوال و العمام و نص العايلة وياهم .. و لا أكيــد مب راضي عالزواج .. و بياكلون ويههم الناس ..

احترمت اسبابكم .. بس بصراحه ما اقنعتني ..
يعني عشان عارف اللي بين بنته و ريلها ليلتها .. مستحي و متفشل !!
عيل لا تزوجها من الأساس .. و حافظ على شرف القبيله !!!! لوووووول
هذي سنه الحياة .. و المفروض يستانس إن ستر بنته .. و سلمها لريلها .. و يوصيه عليها .. عشان يعرف إن هالبنت لها أهل و سند ..
مب حذفها عالريال و شرد !!!

و كلن أدرى بمصلحته

 

[جوري الغلا]

ههههههههههههههههههههههههههههههههههههههههههههههههههههههههههههههههههههه
لاتعليق,,,,,,,,,,,,,,,,,,,,,,,,,,,,:dddds::dddds::dddds::dddds:

 

[British Girl]

من صجكوووووووووووووم !!!!!

من امه بيحضر عرس الرياييييل ويستقبل الناس ويوقف يم حبيبي زوجي ويسلمون عليه ويباركوله
ويلبس احلى بشت فديته انااااا
اهوا اكثر واحد مستانس عسى الله لا يغير عليه انشالله مشالله علينا الله يحفظهم من كل حاسد

وبدش مع زفة الريايل ويكون اول واحد مع المعرس
وابوسه ويصور معاي واخواني بعد معاي ونصور وبعدها يطلعون

فديتهم والله انا

اذا العرس مافيه اهلج وعزوتج هذا ما يطلع عرس ولا تكون فيه وناسة حق العروسه

وماكو احراج

بسأل ليش تقولون احراج حق الابو او ليش اهوا يدش عرس الريايييل يسلم ويطلع جنه من المعازيم ؟؟؟؟؟؟؟؟؟؟؟؟

 

[زيـنـه]

لا فشله و لا شي

من فرحته بزواج بنته يحضر عرس الرياييل و عرس الحريم يدش و يصور .. و على لبسة البشت براحته .. اذا يبي او لا.

و عسى الله يخلي لكم ابائكم .. و يرحم من توفوا من الاباء .

 

[contessa]

ana b9ara7aaa bedon oboi o o5oy waala ma adsh
ogaf 3nd el bab
hatha oboooooooooooooooooooy 9al 3la el nebi ;p
7bebi fedeta oboi o o5oy
la dasho el9ala
wna wagfa m3a rayli
a7es elarth mra7 etshlni mn elfar7a
o b3den m3a e7terami 7g el kel bas ana b9ar7a m3a MAY
ma8ten3t b salft el obo maydsh
wla edesh o chena el 3eed
weshof bnta labsa nafnoof el 3ers
b3ad hatha mara bl 3omr
o tslmen 3l mawtho3 ela 9arat feh ma3aaarek o hwaash

 

[mnoo33]

حنا عندنا عيب لا الابو والا اخوان العروس يروحون ..
لا و الاكبر

ام العروس حالها حال المعازيم ما تنزل عبايتها .. و ماترزز .. تقعد بمكانها اللي يبيها يجيها ..

و اهل العروس ما يقعدون يطامرون من اول العرس يقعدون بالكراسي لما تجي بنتهم

احس اهل العروس عندنا نفس اهل البنت اللي تنخطف متفشلين

الزينه .. هذي من سابع المستحيلات ..


بس و الله انها عادة حلوة عساها ما تنقطع

 

[الهما]

صح اغلب البدو جذيه
بس انا يمكن ماخذه من اهلي فابوي دخل معاي و صورو حتى بالتحوال صور معاي في بيت اهلي
و انا كنت مييييييته من الفشلة
بس ان الريال يعزم على عرس بنته قوييه

 

[Qute-engineer]

حبوبة لكل ناس طبعهم الخاص وعاداتهم البدو عاداتهم غير الحضر والحضر غير البدو فليش النقاش على قولتج بصوت احنا الحضر مثلا ابو البنت له معارفه واهله اللي يبون اييون يباركون له بزواج بنته او ولده مافي فرق وبالعكس انا اهم شي عندي انه ابوي وامي يصورون معاي وهم بصالة الرياييل لازم عندنا ابو المعرس وابو العروس يكونون موجودين واذا عندكم عادات مختلفة فهذا شي عادي كل ناس وطبعهم وتقاليدهم ومافيها زعل ولا نقاش

 

[@@ Strawberry @@]

الاختلاف بالرأي لايفسد للود قضيه

 

[خشف المطران]

حبوبة لكل ناس طبعهم الخاص وعاداتهم البدو عاداتهم غير الحضر والحضر غير البدو فليش النقاش على قولتج بصوت احنا الحضر مثلا ابو البنت له معارفه واهله اللي يبون اييون يباركون له بزواج بنته او ولده مافي فرق وبالعكس انا اهم شي عندي انه ابوي وامي يصورون معاي وهم بصالة الرياييل لازم عندنا ابو المعرس وابو العروس يكونون موجودين واذا عندكم عادات مختلفة فهذا شي عادي كل ناس وطبعهم وتقاليدهم ومافيها زعل ولا نقاش

لا ياحبوبه ..


شيكي عالموضوع .. بتلقين بدويات عرايس دخلو معاهم أهاليهم ..عرسهم . وفي لا ..

وحتى اللي دخلو . . في حدود .. في بعضهم عرس الرياجيل فقط .. وفي بعضهم ..دخلها أخوها لأن دخلة أبوها عيبه .. أما الأخو عادي ..


وفي بعض .. لا أخو و لا أبو .. الخال .. عادي أو العم ..


وفي بعضهم .. قالو لا خالا ولا عم . ولا أحد ..وأهل العروسه يدشون محزنين .. لا لبس ولا كشخه ..

وأنا أقول .. يدشون .. ويكشخون بس مو يرقصون حيل .. و أم العروس ما تستقبل .. تقعد ...وهي متكشخه بس.. ومستانسه .. بدون بدون مبالغه ..



شفتي شلون .. ردين مثل بعض مافي ..؟؟


كل وحده لها جوها .. وجو أهلها ..


وفي بدو دخلو بنتاهم .. وفي حضر.. ما رضو يدخلونها .... <<< هم رجعي عالموضوع وبتشوفين..


صراحه .. ردج في تقليل من شأن موضوعي .. .. عموما شكرا... أختي الغاليه.. زعلتيني منج .. والله .:0bee2e8d89:. .

 

[ام الفهد712]

كلااامج عدل خشوووفه يااقلبي

احنااا عيم وعرس بنت الاخوي الاسبووع الياي واخوووي مو راضي لا يرووح عرس الرياييل ولا الحريم عنده عيييييييب بس اخوها بدششهاا الصااله

اما بالنسبه حق باقي اهلي لاوالله عادي عندهم يروحون عرس بناتهم ويدخلوون الصااااله

 

[خشف المطران]

كلااامج عدل خشوووفه يااقلبي

احنااا عيم وعرس بنت الاخوي الاسبووع الياي واخوووي مو راضي لا يرووح عرس الرياييل ولا الحريم عنده عيييييييب بس اخوها بدششهاا الصااله

اما بالنسبه حق باقي اهلي لاوالله عادي عندهم يروحون عرس بناتهم ويدخلوون الصااااله

حياتي إنتي أم فهودي .. محد مبرد جبدي إلى إنتي ... :tek:

 

[ام الفهد712]

تسلمين ياااقلبي افا عليج وانا صاااجه كل وااحده وعااادااته وتقااليده يعني موو بس البدو اللي عندهم عيب لا حتى الحضر والعيم وفي العكس بس حبيت اوضح هالشغله يااااقلبووو انتي

 

[SweET^LiKe^chocolate]

شنو العيب بالموضوع انه الابو بعرس بنت يحضر مع المعرس ويبارك لها يعني الصبي عادي يفرح فيه والبنت عيب؟؟
كلنا سوايا سيا وكلنا عياله سواء بنات ولا صبيان مثل ممايفرح ابولده بيوم عرسه يفرح ابنته بيوم عرسها لانه مو شي يب انه بنته اتزوجت بالعكس
وانا الحمدالله ابوي حضر عرسي ودخل مع المعرس وشحلاته بهالبشت وحسيت بفخر وانه وراي عزوه ووصلني انا الامانه لوول حق ريلي وحسيت صج اني غاليه عنده لانه بهاليوم بودع بنته بسلمها حق واحد ثاني فلازم يكون موجود شلون يصير كل هذا بغيابه؟؟؟



( كلامي مو موجه حق فئه معينه كلامي عام سواء على البدو ولا الحضر فاتمنى تتقببلون راي بسعة رحب واختلاف بالراي لا يفسد بالورد قضيه )

 

[عهودة]

فعلااا اختلافاااات حتى بالقبايل نفسها
انا بدويه وعندنا صح يروح بس يسلم ويرد بيته بس عااااااااااااااااااااادي يدخلها للصاله ويصور معاها ويقعدها عالكوشه ويرقصون له بناته وكل من يعز عليه وبالعكس تستانس لمى يدخلها الصاله
يعني عادي مع بنته ومو عادي بعرس الرياجيل لانه ضيف
شفتوا الاختلافات
بس اختي خشف كلامج غلط عن السعوديه حددده غلط مايصير تحكمين على ناس وانتي ماتعرفينهم
مثل ماردت عليج جوري بنت خالتي عندهم عاااادي وابوهم دخلهم ويرتز بالصاله مع الرياجيل ويلبس البشت يصور ويعزم وله بطااقات يعزم كل اللي يبيه
مو عشان بدو خلاص البدو انواااااااااااااااااااااااااااااااع والعادات تختلف من ديره لديره ومن قبيله لقبيله وحتى بالقبيله الوحده يختلفووون
نص كلامج صح لمى قلتي الناس تختلف ونص كلامج غلط لمى تحجيتي عن السعوديه وان القبايل هناك مناطق معينه حدها معلومه خاطئه
وحلو الوحده لمى تكتب موضوع تثمن كلامها اكثر عشان محد يزعل ويجيب شي مضمون اكثر من صاحب الموضوع عفيه بنات انتبهو لهالنقطه وسوووري بس لاني تضايقت لمى بنت خالتي سعوديهوقرت الموضوع وجتني تسئلني تقول انتوا الكويتيات ماخذين عنا فكره ان السعوديه جذي؟؟؟؟؟ قلتلها لا حبيبتي بس يمكن صاحبه الموضوع فاهمه غلط ولا عندها معلومه فيها لبس لووووووووووووول
وسووووووووووري على الاطاله

 

[أم الحلوة جمان]

هلا حبيبتي .....
نفس الموضوع و النقاااش صار بيني و بين وحدة ... لاهي اقتنعت بكلامي .. و لا انا اقتنعت بكلامها ....
يعني أمووت و أعرف ليش فشله ان يستانس بعرس بنته ..؟؟؟؟؟؟؟؟؟ أكو ابو مايحب لبنته الستر و السعاده ؟؟؟؟ أصلا لو مطنشني بهالليييلة و مو مستانس لسعادتي جان ماقلت عنه ابوووي ....
و سكرنا الموضوووع ...

و الله انا ابوي كان واقف بعرس الرياييل و لابس البشت و يستقبل المهنئين مع زوجي و عمي (ابو زوجي ) ...
و انا ما سويت عرس .. يادوب بيوم عرس الرياييل مسوية عشااااا محفوف للعايلة ببيت أهلي ... فدش مع ريلي و عمي و خالي .....الخ بس ثواني بارك لي و صور صورتين و طاار لأنه ينحرج من الموجودين

بس احنا عندنا العروس مايدششها أبوها أو أخووها .... لاااااا اددش برووووووحها .. و إختها و لا وحدة من أهلها تساعدها من فترة لفترة على تعديل نفنووفها اذا توهقت ....

 

[نشميه]

امبيه اول مره اعرف هالموضوع انا لو ابوي عايش كان راح يكون اول واحد بالصاله طبعا دخل بعروس خواتي كلهم وبعدين شنو سالفه الام اللي تقعد حالها حال المعازيم واهل العروس ما يستانسون ليش مالهم رب عيل ليش يتعبون نفسهوم ويجهزون للعرس ويفصلون ملابس ولا يشترون ويحطون مييك اب اذا السالفه جذي يقعدون بالبيت ابركلهم شنو اهو عقاب اذا اهلي ما استانسوا وافروحوا فيني منو بيفرح هذي ليله العمر وحلات اهلج يفرحون فيج عسى الله يبلغنا هالليله ويرزق كل وحده مو متزوجه قولوا امين

 

[مطيريه ماركه]

السلام عليكم

ليش عيب يحضر عرس بنته

ابوي دش بعرس خواتي وحدة فيهم دش مع المعرس والثانية ماخذة ولد عمي دش مع المعرس بعد وزواجات خواتي الثلاث مرتز بالبشت فديته اصلا ابوي مايروح عرس الا وياخذ بشته معاه مافيش مشاكل

يمكن لأن رياجيل خواتي من الاهل مع ان فيهم اللي مو من اهلنا حيل بس ليش النقدة حتى اخواني يدخلون خواتي

والله لو مايحضر عرسي لأبطها بجية انا احرص على هالامور البسيطة لانها تعني لي حيييييييييل

ودااااامت الافراح في دياركم العامرة

 

[miss_lymoona]

انا ابوي حضر عرسي بالبدايه رفض جان اقوله لا يبا مستحيل اكنسل العرس زوجي بغى يكلمه جان ايي

وحدي استانست قلت له هذا اللي ناقص ابوي ماايي عرس بنته اي شي

الحمدالله افتخرت وابوي وامي واهلي حوالييني بس اخواني ماحضروا

 

["مغروره بس معذوره"]

أبوي مادخلنى ولا دخل ولا وحده من خواتي الصاله



إلا وحده لانها ماخذه ولد عمـي وأبوي حـيل يموت بولد عمى




اما صاله الرجــال



لا يمكن ابوي يحظر




يعني أذا عيال عمه يسلم ويطلع



تحياتي لج