آنـا عاقلـة و إلا بخيلـة ؟

[وافرر]

لقيت احد نفسي

 

[هذا مزاجي]

اسم الله عليج قمة العقل ماشاءالله

 

[SOKAR MALE7♥]

:rerrerek::rerrerek::rerrerek::rerrerek::rerrerek::rerrerek:

 

[من يشابه ديرتي]

مااشاءالله عليج
الي قلتيه صح وقمة العقل

 

[عزتي مالها حد]

بالعكس انتي مُدبره

بس ممكن تعلميني على اسم ومكان الخياط الشاطر اكون شاكرتلج

 

[~.ąvȍƈaȚ.~]

بالعكس تفكيرج وايد حلوو ماشالله عليج

و صاجه انا معاج بنقاط وايد

هني بهتمون بنظرة الناس أكثر من راحتهم و اللي يبونه

حسيت نظامج مثل الأجانب

لما يشترون الشي يقدرونه و يقدرونه قيمته و يعرفون وين يقطون فلوسهم اهما يتمون 10 سنين يشتغلون ياخذون بيت ملك و احنا معاشنا احسن و الدولة تعطينا بالهبل عقب 10 سنين الكل أقساط و ديون هههههههه

طبعا كلة بسبة النظرة القاصرة و الصرف على الاكسسوارات و الكماليات اللي مالها أهمية

لو نرتب أولوياتنا و نصرف بعقل جان محد قاصره شي

 

[ع ـهود]

واما بنعمه ربك فحدث ..

حلو تفكيرك بس لاتزيدي فيه لاتصيري صج بخيله ..

ربي لما يعطيك خير يبي يشووفه عليك ..

وبالتووفييق ..

 

[مقمش لولو]

كلامج معقول
وريلج عاجبته تصرفاتج
وانتى مستمره فى هالطريقه ؟؟؟شفيج عيل مومقتنعه؟ طالما انج قاعده تصرفين بالمعقول ومرتاحه شلج بالناس
بمعنى انج راضيه ماعليج بغيرج

فلانه او علانه سوو او حطوا انتى ماعليج منهم كيفهم كل واحد وقناعته
فى ناس يحبون يقطون على روحهم وفى ناس بخله وفى ناس بالمعقول بالنسبه لى الحين اقول ان شغلج عين العقل

حلو انج تصرفين وانتى عارفه وين راح تقطين كل فلس وكل دينار بمكانه لا وموحارمه روحج وهالشي حلو تدرين ليش علشان مستقبل عيالج لازم توفرين لهم وتضمنين مستقبلهم

الله يوفقج

 

[Beyoncee]

أنا معاج بكل اللي ذكرتيه
انتي صح

 

[دلع الدواسر]

انا نفسج ما احب اقط فلووس عالبدل

 

[مشتاقة الى الله]

قمة العقل ما شاء الله عليج
وانا مثلج الحمدلله
مو بخل بل ذكاء وتحكم بالذات

الله يتمملج حبيبتي

 

[بوغاتي88]

عين العقل بالعكس انتي من الناس اللي يحسب الف حساب قبل لايقدم على شي وبالعكس هالشي وايد زين لج ولزوجج بالمستقبل والاهم لمستقبل عيالكم ماتهمج نظرة الناس المهم انج تسوين اللي يمليه عليج عقلج الباطن منتي مثل باجي الحريم اللهم ياكافي اللي الدينار مايقعد بإيدها تفكيرج وايد عجبني /

 

[خل وملح]

انتي موبخيله وطريقتج جداً حلوه مافيها عيب ،، وانتي نفس طبعي ماحب اشتري مشاغل الكويتيات لان حيل يهبون بالسعر احسه غالي علي غير سنع كل شي يدبلون سعره ثلاث مرات دام تصرفج معجب زوجج شي حلو شعليج من الناس
والبخل مو بخل اشتري من فلانه وعلانه بالسعر الغالي لا والله ،، وبعدين ربج مايحب المسرفين والمبذرين
اخذي والبسي اللي يعجبج

 

[رقي]

زينه بس بحبحيها شويه الحياه حلوة

 

[ديمة بنت غنيمة]

واما بنعمه ربك فحدث ..

حلو تفكيرك بس لاتزيدي فيه لاتصيري صج بخيله ..

ربي لما يعطيك خير يبي يشووفه عليك ..

وبالتووفييق ..

اي أوكي انا مؤمنه ان عندي خير وكله من فضل ربي

والحمدلله كل من شافني يبصم اني بنت خير ونعمه لأنه مبيّن علي و واضح من طريقة حياتي ولبسي

الحمدلله ماركات ولبست وسااعه غاليه ولبست وذهب والماس ولبست

بس سالفة ان عندي 1000 واشتريلي بدلة أظن ربي أبدآ مايرضاها



آنـا قلت لج ألبس واستانس بس بتفكير مو بالهبل

 

[ديمة بنت غنيمة]

زينه بس بحبحيها شويه الحياه حلوة

اي اكيد بحبحتها على قولتج

ولو في شي حيييييييييييييل دش بخاطري وماكو منه الا هالمكان وشي ما يسوى سعره من قالج بخليه

جنه العيد اشتريه وانا مغمضه يكفي نفسي فيه

 

[ديمة بنت غنيمة]

وشكرآ لكل من مرت عالموضوع وعلقت ودعتلي

جد جد نورتوني


عساكم للجنه

 

[ديمة بنت غنيمة]

وبنات انا واثقه من تصرفي وكل اللس اسويه


بس مرات ما اتكلم عند اقرب المقربات لي عشان لا تفهمني غلط

يمكن الفرق بينكم وبين الناس اني فضفضت لكم تفكيري وطريقتي


بس رفيجاتي ما سمعو الكلام اللي كتبته لهم ولا قلت لهم ياه


so

مرات اخاف يفهموني غلط

 

[Ray.Bana =$]

بالعكس هاذي عقلانيه

بس مرات الوحده ماتحب تجازف بالخياييط تخاف مايضبطلها الشغل وخصوصاً اذا كانت مجربه اكثر من مره وخربولها الشغل فا تضظر تشتري الغالي وهاذي وايد تصير

 

[james546613]

انا مع الراي الي يقول كل من بعقلة وتفكيرة راضي -وبما انج تحسين انج على صواب فالله يوفقج وماراح احد يثنيج عن تخطيطج -والدنيا كلها قناعات وان اختلف البعض معاج في الراي فهذي انتي وهذي قناعات والله يدوم عليج نعمة العقل