آنـا عاقلـة و إلا بخيلـة ؟

[اجمل 1981]

بعدين انا في كلمه بوجهها للبنات ...بنتهز الفرصه بهالموضوع بنات والله والله المظاهر والفشخره انها ماتزيد فيج ولاتنقصج بشي اوكي شغل ذرب ومرتب لكن العقليه والكلام الحلو والابتسامه والمنطق الحلو الذكاء بالتصرفات وتطوير النفس باي مجال انتي تحبينه ودحر الشي اللي مو زين فيج اهوا اللي باقي لج اما المظاهر والفخامه والله ماتزيد بالشخص شعره وطبعا دينج قبل كل شي ...والسموحه على عالكلمه

 

[عزتي مالها حد]

ممكن تدلينا على الخياط وشنو اسمه ووين مكانه

ومشكوووورة

 

[ToOoTi]

أهنيج على تفكيرج النادر
ماشاء الله اهم شي تسوين اللي مقتنعه فيه
وعسى ربي يهدي بناتنا ويخلون من الفشخره الزايدة

 

[*ريما*]

انتي عاقلة
والله يكملك باعقلك يارب

 

[بكره أحلى وأحلى]

وعليكم السلام ورحمه الله

لا اختي انتي مو بخليه بالعكس عاقله

وسوي اللي انتي مقتنعه فيه ويرضي ربج عليج وما عليج من احد

تدرين اختي وانتي تتكلمين طرى على بالي شي

مثلا البدله لو كنتي بتسوينها مثلا 60 واني تحسين انها تكلف اكثر في المشاغل ليش ما تاخذين مثلا 10 ولا 20 وتتصدقين فيها منها تكسبين اجر ومنها ما تحسين في هالشعور انج بخيله

وتذكري بيجي اليوم اللي بيسألج ربج على فلوسج وين صرفتيها لذلك خليج على ما انتي عليه

الله يوفقج

 

[ديمة بنت غنيمة]

بعد عمري على هالردود الطيبه تسلمون

والله العظيم ريحتوني حسيت الدنيا بخير

واتمنى الكل يفهم

 

[فواصل]

ماشء الله تبارك الرحمن

انتي بقمة العقل

لا بخيلة ولا شيء


الله يوفقج

 

[bobo lover]

والله صاجة
أهم شي تسوين اللي يعجبج ومو كل غالي حلون في شغلات أسعارها معقولة بس تهبل!

 

[آتعــبني غـلآآك]

ماشاء الله عليج تفكيرج عين العقل
وبالعكس ماتعتبرني بخييله كلش

 

[ديمة بنت غنيمة]

تسلمـون هذا من أصلكم الطيـب


شكرآ لكم بنـات عالردود

 

[am_kshaa]

انا ماشوفه بخل لان تقريبا نفسي انا اسميه حرص وذكاء
لان ماحب احد يستغفلني بالاسعار خاصه المشاغل وانا عارفه انى قادره اسويه بره بربع السعر او شغله معينه مكان يبيعها غالى ومكان رخيص واهيا نفس الشغله
واقط فلوسي على وناستى وراحتى ومايهمنى كلام الناس لان بتكلمون يوم يومين وبينسون
الزم ماعليج نفسج وراحتج انتى وريلج

 

[ديمة بنت غنيمة]

اي الله صاجه حتى انا اعتبر نفسي ذكية
بس مجتمعنا أغلبع يفكر كبخل

عمومآ ماهموني

الحين تطمنت ان في ناس تنظر لهالشي مثلي مو بروحي

 

[y7lok_7loho]

انتى تعرفين تدبرين وحكيمة بس والله يوفقج انتى وزوجج

 

[! Miss.Q8 !]

بالعكس انتي عاقله ياليت نقدر نسوي مثلج

وخصوصا المشاغل صح كلامج انا بتجهيزي اكتشفت هالشي اسعار المشاغل اوفر ومرات يطلع شي يلوع الجبد

وحرام قاطه فلوس فيه شكثر مع انه الخياييط ما يقصرون خصوصا بالبلوكاات اي موديل يسوون لج نفسه

واللحين صج هابين بالكفرات ام 500 و600 وتلقينها تتفاخر فيه مع انه موديله اي شي ومو مرتب كلش

انا صراحه يهمني الستايل والشكل والترتيب واذا الشي يستاهل سعره اخذه ليش لا لاني مرات ما احب افر وادور وايد

 

[NEW WOMEN]

الله يبآرك فيجْ

 

[Mademoiselle A]

نفس السؤال كنت اطرحه على نفسي

وانا أشوف إن بالعكس هذا ذكاء اقتصادي

ومن خلال تفكيري اللي يشبه تفكيرج

وبالتوفير قدرت ايمع عشان اشتريلي سيارة كاش بفلوسي

ما أشوف ان بخل اذا قاعدين نشبع حاجاتنا والجودة مالت الشي اللي نشترية ممتازة
الحمدلله على كل حال

 

[ديمة بنت غنيمة]

شكرأ لكم عزيزاتي

وبالنسبة للاخت مس كويت مو محد ذابح الكويتيات الا كلمة مالي خلق
تقول خل اقط فلوسي وانا ب بيتي حتى لو ما يسوى

شكرآ لكم

 

[ДlИООЯУ]

اسم الله عليج تفكيرج وايد حلو

وفعلا اشوف الناس تقط فلوسهم على أشياء غير ضرورية للكشخة فقط

مع أن تقدر بهالفلوس توفرها وتشتري لها بيت او شقة

او تكمل دراستها برا او داخل الكويت وبجامعة خاصة بعد

تقدر تدخل عيالها ارقى المدارس

في شغلات ثانية في الحياة تستاهل الواحد يقط فلوسه عليها

اللبس والمظاهر مو كل شي

وفعلا أحس اللي يهتمون بهالشغلات ((بشكل مبالغ فيه)) أحس عقولهم فاضية

مع بعض الاستثناءات طبعا

 

[قــل مـا تـشـاء]

لا حبيبتي مانتي بخيلة ,,
بس تدورين راحتج ورضاج على الناس وهذا هو الصح ..
والأشياء اللي تسوينها مو رخيصة عشان نقول انج بخيلة
بس الظاهر انتي عايشة وسط مجتمع يعيش في بذخ ومصاريف زايدة بدون داعي

 

[الـــغـــلآ]

كلآم النآس مآرآح يخلس
و النآس مآ يسكر عيونهم إلآ الترآب