آنـا عاقلـة و إلا بخيلـة ؟

[ديمة بنت غنيمة]

السلام عليكم



موضوعي شوي غريب

بس بنات انا بشرح لكم تفكيري و وضعي وكل شي وابيكم تجاوبوني

هل آنـا عاقلة و إلا بخيلـة ؟



آنـا زوجي يقولي انج قمة العقل وكبرت بعينه حيل


بس أدري ان الحريم بيشوفوني بخيله ؟


قولولي بكـل صدق وصراحه شنو آنـا


خل اشرح وضعي بالأول

انا طالبه متزوجه زوجي يصرف علي معاشه ممتاز ماشاءالله الحمدلله


ماعندنا اقساط او التزامات تكسر الظهر عايشين ب خير ونعمه

وماعندنا عيال
يعني بس آنـا وياه معاشه لنـا


بنات انا تفكيري أحسه مرات حيل ناضج عن البنات اللي بعمري ( 22 سنـه )

انا ما أحب أقط مبااااااالغ فظيعه على شي ما يسوى


متى إكتشفت هالطبع فيني لما بديت أجهز

كان مهري 4 ونص وأمي عسى ربي يخليها لي ويحفظها ويرزقها عطتني 2000

اول ما بديت أجهز شريت شبكة ألماس من الاربش ب 1680 دينار كانت ب3200 بس شهر 3 شريتها بالتنزيلات وفحصتها طبعآ وقالولي من اجوود أنواع الالماس وجذي مالنا شغل بهالسالفه

المهم و


شريت الذهب ب 700 والدبلتين الماس والثانية ذهب ب 280 زين

طار المهر

ف صرت احسب حيل لكل شي أشتريه

كنت اكره المشاغل

واكره شغل الكويتيات بكل المجالات لأنهم قمة النصب والخداع والمبالغه بالاسعار 99% كانو مثل ما قلت

شي فظيع

إكتأبت لان بدلة الاستقبال ب250 وفوق

شدعوه يا حافظ

هذ1 وانا ابي 5 اقل شي

إتجهت للبلوكات شريت خاماتي وتعاملت مع خياط شاطر الحمدلله البدلة ما كلفتني اكثر من 60

كانو شي ذرب وراقي

وإنسألت عن كذا بدلة من اللي سويتهم الحمدلله


ولي يومكم ريلي معاشه راهي الحمدلله ماشاءالله

الا اني لو أموت ما اطب مشغل كويتيه

اعتبر هالشي استخفاف بعقلي وأحس انا اذكى من اني اتعامل مع كويتيه !


والله يا بنات اخذت لي صورة من مشغل السعفه وخيطتها مع الخام ب 65 دينار طلعت احلى من الصورة نفسها تهبببببببببل

يعني افكر وايد قبل ما اسوي الشي


انا اعرف وحده الله يستر عليها قطت عالبدلة 260 يا حافظ يا حافظ وتلوع الجبد البدلة
والله العظيم لو اخيطها ماراح تكلفني أكثر من 70 دينار هذ1 اذا الخامات وايد زينه وراقيه


وبدل العرايس اللي ب 1500 الاجار ماحبيييييييييييت هالشي كلش

حسيته غباء وتخلف

أأجر بدلة من 1500 وطالع والله حرام

بنات كنت اقدر اسوي هالشي بس قلت ساعه بقعد بالصاله اقط هالمبلغ ليش !!


فـ فكرت وشريت لي بدلة ب 900 وبعتها ب 700 ماشاءالله


انا اشوف ان المسأله مسألة ذوق


بنات انا لما وفرت هالفلوس مو معناته اني الي سويته خمام او شي مو راقي او بخل



لاااااااااا ابدآ ماصارت وياي

الي صار وياي ادور شي ثاني نفس المستوى بالضبط مو اقل

وفعلآ كل اللي سويته كان نفس مستوى الغالي بس بأقل من 3 ارباع السعر

الحمدلله توفيق من ربي



هذ1 بالنسبة للتجهيز


حاليآ آنـا حامل وموعد ولادتي قريب

اسمع البنات كل وحده تبي تولد بالجناح الفلاني والليله ب 1000 دينار


ليش ؟

عشان يقولون فلانه ولدت بالجناح الفلاني


آنـا اشوف ان ماتسوى كلش وان عقلي أكبر من جذي


مو معناته اني أولد بغرفه تلوع الجبد


بس اولد بغرفه يكوون مستوااها زين

يعني نفس جناح صغير في غرفتين مفتوحين على بعض وجذي


واحنا نظامنا الاستقبال بالبيت وبس الاهل اييوني المستشفى والمقربين

وصدقوني لو براسي الجناح الفخم لأحطه وأقدر والله


بس كل ما افكر اني بحطه عشان الناس ا
قول اقط 2000 دينار غير سعر الولاده والتناتيف عشان أرضي الناس

لا والله ماني بملزومـه


وبعد الهبه اليديده

كفر الولاده

الي طالعين فيه طلعه لازم بالسعر الفلاني ؟؟؟؟؟


على شنووووووووووووووووووووووووو ؟

500 و600

ليش بنات

أمبي مرات احس اني معقده ومرات احس قمة العقل

بنات انا شايفه بنات الطبقة الراقيه والله كفراتهم ساده


اما اللي تهلق بالكفر هذي مو شايفه خير


انا مستعده أدفع مبالغ هائله على شي يسوى


مثال:


عندي 5 الاف دينار
وعندي عملية لا سمح الله

في خيارين مستشفى خاص ومسشفى حكومي

راح اقط عالمستشفى الخاص

لان الدكتور يكون ثقه وبروفيسور والرعايه بتكون أكثر والمكان مريح


مثال ثاني السفر أقط وبالهبل عشان وناستي ولانه يسوى وما في حل ثاني أحسن منه



مثال

طيران الفلاني بوطقة ورخيص
وطيران العلاني غالي بس ثقه وفخامه


اختار الثقه والفخامه لان راحتي
الناس مالهم شغل فيني


فهمتو علي؟


ناطره ردودكم


يمكن انا ما قدرت اعبر عن اللي بداخلي بس عالاقل قلت جم شغله

وأبيكم تحكمون

 

[f اميره قلبهf]

بالعكس انتي موبخيله ولاشي! ماشاءلله عليج عاقله وربي يكملج بعقلج وخلج مثل مانتي

وانا معاج ف كل كلمه قلتيها جد يبالغون بعض البنات حييييييل بالاسعار ويهبون باشياء سخيفه بس علشان كلام الناس

لله سبحانه اصلا حرم هالشي وحرم الاسراف!

 

[نووونتها]

بالعكس حلوو تفكيرج والله :eh_s(15):
أتمنى أصير نفسج ماشاءالله بس آنا أكبر مغفله ع قولتهم
و الاعتراف بالحق فضيله

 

[ابـيـض واسـود]

ماشاااء الله تفكيرج عقلاااني والله وبلعكس ماانتي بخيله والله

 

[وردة-الكويت]

عشان شفتي بنات الطبقه الراقيه كفراتهم ساده قلتي عن الباجي قمه الهلاقه

ياليت تنتقين اسلوب ارقى من جذي بطرحج للموضوع مع ان موضوعج عاجبني تنورين البنات انهم يدورون الشي الزين

والحلو بسعر مناسب اما انج طبين وتقولين قمه بلهلاقه مايحقلج لان الناس اذواق وكلن يسوي الي يعجبه

ويختار الي يبيه

 

[ديمة بنت غنيمة]

حبيبتي تسلمين


صح انا ماشية على ان الاسراف حرام والله مايحب هالشي والوحده مو ملزومه ترضي الناس وتغضب ربها

بس للأسف المجتمع الي احنا عايشين فيه ينظر لي ك بخيله أتوقع جذي

بس آنـا ما ابين لاحد تصرفاتي محد يدري عن شغلي بجم

مرات اظطر اني أجذب بالسعر بس لأن نظرتهم ان كل غالي حلو

 

[ديمة بنت غنيمة]

نونتها يمكن تتغيرين ماتدرين شكرآ على ردج حبوبه

أبيض واسود : تسلمين ياقلبي شرفتيني بمرورج

 

[ديمة بنت غنيمة]

وردة الكويت

آنـا اللي شفتهم بعيني كانو قمة الهلاقه تلبخ وشغل اوفر ومو مرتب

ماتكلمت عنج او عن البنات الباجي

تكلمت عن اللي اسعارهم 500 و 600 وشفتهم بعيني فعلآ كانو قمة الهلاقه لا جوده ولا اناقه
كان كله شغل على شنو مادري كله كفر تتلحفين فيه ومنظر شحقة القش اللي عليه
ما بقى كرستاله ولا بقى دانيتل وتور وكشكش ما حطته فيه بذمتج هذ1 مو هلاقه ؟

 

[هنودة 26]

انتي صح ونفسي بالظبط
عندنا بعايلتنا تقطيييين فلوسج على فستان سهرة ب 600 دينار عادي
واذا شريتي بدله او فصلتي بدلة سهرة ب 150 وشريتي طقم ذهب ب 600دينار هذا شي مو عادي بخيلة يمة منها قلبها صاحي وصدقيني عقبها ما قمت البس ذهب ولا الماس بعروس اهلي لان احنا بدو وماشاء الله تلاقين الوحدة نفنوفها ومكياجها يتعدى 500 دينار واكسسوارها ما يتعدى 20 دينار
وحياتج من بعدها ما قمت البس لا ذهب ولا الماس ولا حتى فضة انتي ما شفتي اشصار فيني لمن لبست طقم فضة تخيلي طقم فضة اشصار فيني من عيون (((( بنات عمي )))) وصدقيني يحسدوني على ذكائي even my hasbend

 

[مُخملْ]

قمة العقلْ والله ، الله يبآرك فيجْ
.
والله مرات اشوف اشيا بالف والفين ماتسسوى ربع قيمتها
بس الناس تركض ورا الغالي حتى لو شو كآنْ!
مثله مثل الماركاتْ ، آو آلموضه ، حتى لو شي باايخ تلقين المبيعات
تووبْ ، بس لانه غالي او موضه السنة !!

الماركات والموضهْ، كلنآ مانستغني عنهمْ ، لكنْ بعدْ في شي يحكمنا
قبلهم ، في ذووق لكل شخص يحكم اختياراتهْ ،انا عايبني شي مب شرط
يكون ماركه او غالي ، آلآهم ذوقي ، آنا مختاره هالشي يعني عايبني وداش خاطري
ولاماراح اشتريه منه والطريج ، حتى لو كان سعره 10 !!
وايد استغرب من اللي يفكرون فالناس واذواقهم قبل لايفكرون في نفسهم وذوقهم واختياراتهم ، حالياً احاول
قد ماقدر اني ارضي ذوقي انا !! ، ولآ افكر في فلان ولاعلان شو راح يقولْ عني ولا عن لبسي
سوي اللي في قرارة نفسج مقتنعه انه صح لانج مهما سويتي ماراح تسلمين من الانتقاد
ليش اصرف الآلآف على بدله او حفله ؟؟ ،
المهم يكون الشي فخم وراقي بغض النظر عن سعره
ساعات صدق تلاقين اللي ب الف والفين وايد احلى وارقى وافخم من اللي بعشره!!
.
تصرفاتجْ عين العقلْ ، آلله يكملج بعقلجْ ولايغير عليج

 

[كا د يا]

بالعكس ماانتي بخيله ابدا بس انتي كذا تفكيرك ومافيه شي
بس شوفي يعني انا مثلااحب المشاغل والملابس والمظاهر وعادي ادفع فيها
فهذا يعني على حسب تفكير البنت ماله دخل في العقل او البخل

 

[hend6363]

لا والله العظيم مو بخيلة والله و ربي يخلي لك زوجك و تكبريييين فعينه اكتر و اكتر
انتي عاقلة بس بعض البناات جهلاء مسرفووون وربي ما يحب جذي
مو معناته اني عندي معااش ممتاز خلاص اقطع و اصرف اصرف لا كل شي له حدود

 

[zoom]

ما شاء الله عليج قمة العقل

 

[Tom ♥ Jerry]

.


يا بخت ريلج فيج : )
آحب الناس الي تفكر بـ نفسها و مآ تفكر بـ فلانه و علانه
تسوي الاشياء حق نفسها و تستغل فلوسها
لـ صآلح نفسها و رآحتهآ مو عشان تعجب فلانه و تصير آحسن من علانه .،

الله يهنيج يارب و مآلج شغل بالناس سوي الي يريحج ،
و آنتي عاقله لا بخل و لا شي .!
الوحده البخيله حدها بدله بـ 5 دنانير حق العيد بعد مو حق اي شي
و تلقين عندها ملآيين بس مآ تبي تكشخ تخزن فلوووس .!
بس انتي ماشالله مو مخليه عليج قاصر يعني لا بخل و لا شي : ) !

 

[ديمة بنت غنيمة]

فديتكم بنات تسلـمون ماقصرتو على مروركم وردكم
إستمتعت بقراءة الردود والله


كادياآ حتى انا اموت بالموضة واللبس والفخفخه بس بحدود وبذكاء

الفرق بيني وبينج ان لي خلق ادور الاحسن وانتي مالج خلق تبين شغلج زاهب صح في ناس وايد جذي :$

 

[ديمة بنت غنيمة]

توم تسلمين بعد عمري على هالكلام

نورتي موضوعي وزدتيه شرف

 

[قاهره عذالي]

انا ماني شايفه انج بخيله بالعكس
عاقله ووازنه الامور
اعرف بنات ممكن تقصر بحق نفسها وهي ما عندها عشان والله بدله والا دراعه ب250
والا مهرها يطير على نفنوف مدري بكم وعند مصمم واخر شي لا يعجبها ولايعجب الناس وخسرت فلوسها هباء منثور

 

[ساره أمها كويتيه]

بالعكسسسسسسسسس انتي عاااااااقله مو بخيييييييله
بالتوفيييييييييييييق حبيبتي

 

[tt2tt]

اب اب

 

[شاي ونعناع]

بالعكس اهنيج علي افكارج الحلوه انتي موبخيله ذكيه مشاءالله عليج والله تقريبا مثل تفكيري ماتهمني المظاااااهر اقط علي اللي يستاهل واشوفه اهم واستغني عن الاشياء اللي موضروريه وماتسوي باجر راح نتحاسب ع كل فلس نقطه وفي ناس مولاقيه تاكل واحنا نقط علي خرابيط بالعكس مشاءالله انتي سح في سح 100 فالميه الله يتمم عليج ويثبت حمالج ويسهل عليج حملج وتقومين بالسلامه وياريت كل بنت مثل تفكيرج ومثل عقليتج الراقيه