"آمبي شفتهآ بآلآفنيوز بدون مكيآج ولآبسه آي شي".. شسآلفه؟؟

[ms mooka]

انـــــآ معاج بكل كلمه قلتيها وصح كلامججج

 

[ريماR]

اول شي اعتبرهم أنا مرضه والله يشفيهم
وفي منهم موجودين بالمنتدي
الي تروح سوق. وتكشخ كيفها بس انها طالع غيرها وتخزها وتقط حجي.
هذي مريضه
أنا اقول لج خليها تولي. واهي ماقالت جذي الا محتره منج
وواثق الخطاء يمشي ملكا

 

[القصيدة]

السلام عليكم و رحمة الله و بركاته

البنات اللي يستهزئون أعتبرهم مساكين و تفكيرهم محدود و سطحي ،، يعتقدون انو البنت اللي ما تكشخ في المولات ما عندها أو ما تعرف

1- مو قادرين يستوعبون انو الناس مبادئ ،، مثلاً أنا عندي مبدأ انو لما أطلع مكان عام و فيه رجال

أكون لابسه لبس محتشم و ساتر غالباً عباة أو كاب طويل و نقاب بدون آي لاينر أو ماسكارا لأن أعتبره تبرّج

و لمّا أكون في مجتمع نسائي أكشخ على ذوقي و براحتي

عاد اللي راح تعيّب علي أو تستهزأ ،، ما تهمني :eh_s(8): هذا مبدأي و ماشية علي و مقتنعة فيه


2- فاتتهم نقطة مهمة انو الانشغال بالنفس و عدم مراقبة الأخرين هي أساس الرقي و الفكر المتحضّر

بينما اللي يحسون بنقص هم اللي يراقبون العالم و ينتقصون منهم

حتى يعزّون أنفسهم انو مو بس هم الناقصين و لأنهم يعتقدون العالم ملاحظين نقصهم فيحاولون يشتتون الانتباه عن أنفسهم

مررررررة موضوعك مهم غلاتي و الله يعطيك العافية :eh_s(7):

​

 

[senioreta n7oola]

شعب فاضي فارغ
لاثقافة ولا مبادئ عايش عالمجاكر
والكشخة بسس !
جيل تعبان ( الا مارحم ربي )

 

[بسمة السلطان]

هذي نقطتي . . . اذا بقضي اغراضي لازم اكشخ على سنقه عشرة !!!
و المصيبه حتى بالسفر
انا اللحين بالمطار و بسافر لأمريكا لازم اطب بمطار لندن عشان ترانزيت
و تشوفين هذول البنات من الكويت طايحين تخزز فينا و "امبيييييه فشلتنااااا اكووا وحدة تييي جذي"
و عندي طيارة ثانيه
يعني عندي سفر 19 ساعه
اي مكياج اي كعب ابطيخ اللي بالبسه
و غلى فكرة كنت لابسه بلوزة و بنطلون عادي و فلات عشان التفتيش ما ياذوني

سالفه ثانيه

كنت راجعه من امريكا لي مطار لندن هذي 11 ساعه تقريبا
و تعبااانه من السفر
و هذول البنات اللي كاشخيين على سنقه عشرة
عشان المطاار
و لا لازم يخزوون و يعطون التعليقات اللي تهبل
من ضمنهم
"حسافه عليها كويتيه "
" امبييه ليش جي مهلقه و وويها املط ماكو حتر كحله"

ارد و اكرر انا كنت لابسه شيرت و بنطلون المريح
لا نهلق و لا يهم يحزنون

11 ساعه طيارة 7 ساعات نطرة
و توكم تييون و تتطنزون

عااد ما سكتت جليله الحياا
و يت تبي تسلم عبالها ما سمعتها و تبي تسوي نفسها اهي اللي فاهمه و احنا الاغبيا

سلام
و عليكم السلام

الاخت من الكويت
اي من الكويت

بتردين الكويت معانا بالطيارة الفلانبه

اي

شي جمييل و ابتسامه

جان تبدي و تقول عااد انا كله مطيحه بلندن و كل شي شغي من اهني . . . شكلج اول مرة تطبينها صح ؟

لاا هذي 10 مرة

جان يصير ويها حذي :eh_s(12):

اهاااا عااد رحت هالاماكن . . . . و قامت تسرد لي وين راحت و تسالني اذا اعرفهم
و كان جوابي اي على كل مكان
حسيتها انغثت :rgewrg:

جان اسألها عن اماكن سياحيه عاديه بلندن و قلت لها رحتي هالمكان جان تقول لأ
رحتي هالمكان
جان تقول لأ
يعني معظم الاسأله كان جوابها لأ

جان تقول يعني ممكن اكون صريحه معاج

قلت قولي مو قبل شوي كنتي شاقتني حش فيني
انصدمت البنت
جان تقول لا مو قصدي
هي هي هي
بس بسألج دامج تسافرين و تعرفين و هذا ممكن أعرف ليش هاللبس؟:eh_s(10):

قلت لها لأني كانت ياياه من سفرة 11 ساعه و صار لي اللحين 7 ساعات بالمطار
شوري علي
البس كعب و احط فل ميك اب حني رايحه عرس و لا لبس اللي يريحني و يلوق و فلات و يهي مملوط ماكو ميك اب !!! شراايج!!

جان تقوول هااا لا هي هي
وي امي تناديني

سلام

سلام و مشكورة على الحسنات


مشكوورة على الموضوع و شوي نسيت عمري و فضفضت عن تخلف بعض البنات


ســـــــــــــــــــــــــــــلام

ابيه ياحلوج والله زين تسوين صج ضحكتيني :krkrkr:

 

[بسمة السلطان]

حبوبه واثق الخطوه يمشي ملكا يكفي انج ماغضبتي ربج

 

[قَلبڪْ صًخرْ]

من صجج اوفر الحين
حتى مناكير اصابع ريل قامو يتفننون فيها
لطلعات سوووقه
وتحسين الوحده جنه الريال اول مايغتر
رقبته ميبسه

 

[لذه السكر]

هذا مجتمعنا وما تقدرين تغيرينه

لازم تغيرين قناعتج وتزيدين ثقتج بنفسج

بالمجتمع اللي انا عايشه فيه وايد اذوني عالعباة مع اني البس عباية جتف وفيها كلفه ناعمه مع هذا كانو يكرهوني فيها وبشكلي لين فعلا قطعتها ورديت للبس العادي عشان والله ما اسمع حجي

وحاليا بعد زواجي ودي التزم شوي اهد اللبس الملون (ولو ان في لبس ساتر بس افضل العبايه) ولبستها ولا تسمعين الحجي والتعليقات من ناس قراب لي.. شكلج عيوز تضيقين الخلق ريلج اكشخ منج.....

اقولج اياها للحين متردده فيها ولكن رضا ربي اللي مخليني متمسكه فيها لان باجر ماراح ينفعني حجيهم

يعني اذا بتردين على فلانه وعلانه ماراح تخلصين والناس من المنافسه تاخذ قروض تشتري هدوم @@

بالعقل والمنطق لو احد يسمع هالسالفه بقول ينووون وحده تاخذ قرض 8 الاف عشان خلاجين بتمل منهم عشان يقولون كشخه واستايل


والنوعيه اللي تخز هذي ناس فاضيه والله ومن راقب الناس مات هما .. لانها ما عندها ثقة بنفسها وتبي تصير الاحسن فتلقينها طول الوقت تفكر شتلبس وشلون اتمكيج

 

[خلني حضن لحنينك]

استغفرالله والكشخه يعني ماتطلع الا بالمجمعات والاماكن المختلطة يعني ماالوم اللي الناس اللي يشكون بنيه هالمناظر الملووونه بالشوارع وبالاماكن المكتضه بالشباب ..لان الناس تشوف الظاهر واللي بنت تطلع بكامل زينتها وعطرواصل لاخرالشارع ولبس ضيق يعني عشان مبدااها لازم اطلع مرتبه هي ماتدري ان هالشي محاسبه فيه عند رب العالمين

اللي تخاف الله تلتزم بكتاب الله وسنه نبيه ماتتجاوز الامر بالتبرج واللبس الضيق والخارج عن ديننا..

 

[STILL G L A M ~]

اهواا حرام اصلا تتزين حق الي برااا

بس والله كل وحده وتربيه اهلها :rerrerek:

 

[عاشقه رويشد]

والله الناس اتغث اتدخل بكل شي مالج شغل باحد دام انتي واثقه بنفسج وهشي عاجبج اسمه سووووق مو مال كشخه ولا مكياج ياحلات البساطه والطبيعه

 

[photoshopia]

فقط للعلم يعني مع احترامي لكل البنات الي يلبسون كعب شطوله وليقنز وفنيله ضيجه وحجال .. هذولي نكته الموسم !!
طبعا بدون زعل انا قلت ! بس شوفة عيني اروح الافنيوز القا بنات غصب لفت نظر خخخخخاي مسكينه ماتدري شيقولون الشباب ولا شيبون منها بالضبط ! اعتقد كلامي واضح ومايحتاج اوضح .. الرياييل الي يحبون صج مايغازلون ولا يلحقونها بدون ماتلاحظ لا حبيبتي هذولي ماعندهم رجوله .. الرياييل الصج هم الي اذا حبو سيده يقولون يما ابي بنت فلان .. اما البنات الي تلقونهم عمره تعدى الـ 14 ولي الحين ماتحجبو ولا لبسو لبس ساتر .. اسمحو لي الشباب يغازلونهم تقزيره !!
وكلن يرا الناس بعين طبعه
سلام

 

[photoshopia]

واثني على كلامي بعد ... البنات المتحجبات ونص شعرهم طالع وفل ميكب بذمتكم شتحسون فيه !! بذمتكم هذا الحجاب الصح !؟ .. وكلن يمشي على تربية اهله =) الحمدلله اهلي ماعلموني اني اتزيين للناس ..

 

[أبـنسـآكـم ♥]

امبببببببي هالشي يغثننننني ححححيل وخاصه انا موجريئه اذا سمعت اي شي تلقيني ماا عرف ارد او اسكت واروح يعني ماحب انزل مستواي لها ولكلامها بس مرات يجرحوووون حيييل بكلامهم
يعني مثلا انا مره توني قاعده من النوم وويت لي اختي يالله قومي قومي تاخرنا بنطلع ماهتميت لوين لان اساساً مالي مزاج قمت لبست بدله عادية وحطيت لي برونز وحمرة خفيفه طبيعيه ومسكرا وطلعت معاهم رحنا البحر عساس يبون يتعشون والله بنات وحده مني وفيني يايه لي طاولتنا تقول لي شهل لبس الفاشل احد يلبس جذي ويي هالمكان هذا خلي حق الاماكن الفاشله !! بهل اسلوب والله شنو قلت ابتسم وقلت يعني موحلو ماللبسه مره ثانيه جان تضحك وتقول نصيحتي لاتلبسينه تفشلين وانا عاجبني وعاجبي امي وخواتي يعني وقتها حزت بخاااااطري ححححححيل الله يشافي الناس الي جذي

 

[زهرة ووردة]

والله انا لي الحين ما كملت 20 ولبسي من ابسط ما يكون عادي عندي اروح افنيوز ببنطرون وتيشيرت بس اهم شي يكووووون مررررررررتب وناعم اكره شي اوفر
الله والافنيوز عاد

يعني حتى بالعروس واستقبالات وهالسوالف ماااااااااحب شي اوفر حلاته شي ناعم ويبرز الجمال

والميكب مسكرا وحمره بدون فونديشن ولا مونديشن

قبل هبيت بلاشر وايلاينر وشدو بس بصراااحه موووو حلو علي وتركتهم :eh_s(22):

وطبعا اكسسوارات تراجي وسوار وخواتم اموووووت عليهم وصبغ اظاااافر احبه وساعات لي طق بمزاجي البس عدسات

وشعري اخليه على جنب او المه بماشات

ههههههههه واللي تبي تعيب علي خلتعيب مني لي يطيح لسانها اهم شي راحتي

وبث

:rerrerek::rerrerek::rerrerek::rerrerek::rerrerek:

 

[أبـنسـآكـم ♥]

واثني على كلامي بعد ... البنات المتحجبات ونص شعرهم طالع وفل ميكب بذمتكم شتحسون فيه !! بذمتكم هذا الحجاب الصح !؟ .. وكلن يمشي على تربية اهله =) الحمدلله اهلي ماعلموني اني اتزيين للناس ..

شوفي معاج حق بالحجاب انا ماحب هالنظام انا احط ميك اب فل اي وبالعكس عادي بس ميك اب ناعم مايبين انج حاطه لطخه والوان مادري شلون صايره والي حوالين العيون !!!! بس كل وحده تقدر تخفي عيوب بشرتها بالميك اب بس بطريقه ذربة وتبين انها على طبيعتها ... اما الي يحطون مادري شنو ماايدهم والحجاب الي هابين فيه نص الشعر طالع بصراحه تفصخه احسن لها اصلان احس شكلي يفشل اذا سويتها !!! الله يهدي الكل و وهذي وجهة نظر بس

 

[Tom ♥ Jerry]

,


في مثل يقول اكل مآ يعجبك و آلبس مآ يعجب الناس
و انا اقول اكلمآ يعجبك و البس مآ يعجبك
وخل الناس تولي خل يتكلمون لمآ ينفج حنجهم !!!




ناس تافهه صدقيني يهمهآ القيل و القال ..

 

[Mrs_Efron]

umm 3ade laish hamch wayd y3ne rayha feech y'6l rayha


entay 3arfa nfsch

ma ashuf almw'6oo3 ystahl


la thtmain brai a7d

6aaaaF

 

[طالبة انجلش]

انا والله كلش ماكشخ عاديه حيل
بالجامعه والدوام ماحط ميكب الا على مزاجي
وعند اخت دايما تعلق على هالشي ان ليش ماحط ميكب للدوام
وووالي تعيب خل تعبب
لان مايعيب الا المعيوب

وسلامتج

 

[طالبة انجلش]

,


في مثل يقول اكل مآ يعجبك و آلبس مآ يعجب الناس
و انا اقول اكلمآ يعجبك و البس مآ يعجبك
وخل الناس تولي خل يتكلمون لمآ ينفج حنجهم !!!




ناس تافهه صدقيني يهمهآ القيل و القال ..

اي والله
:eh_s(7):