آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~

[قرة عيونه]

اي والله نبي قصص وينهم اللي ولدوا :/

 

[ms_5ajoola]

اب

اب

اب

 

[قرة عيونه]

اب

اب

 

[ms_5ajoola]

اب

اب

اب

 

[سـٌگر معـقـود]

الحمدلله على سلاامتكم الله يسهل علينا حمله وولادته


مسس خجووله متابعه ردوودج باكثر من موضوع دخلتي شهرج وناطره الولاده

عسى الله يسهل عليج وتكتبيين قصتج ويااهم

 

[قرة عيونه]

اب

اب

 

[قرة عيونه]

وينكم بناااات بليييززز نبي تجاربكم

 

[قرة عيونه]

اب

اب

 

[طيبة83]

تاريخ 1-5-2011

كان اجازة يوم العمال

طلعت مع ريلي رحنا نتغدا وتالي رحت السينما

واتنتمشى في المجمع

واذكر رحت المصلى ابي كرسي العيايز كلهم ماخذين الكراسي غصب وحده عطتني كرسي

وتالي رحنا مجمع ثاني صارت الساعه عشر باليل واحنا للحين فرارة وتمشي

رجعت في الليل وتميت اسولف مع ريلي اقوله متى اتيي بنتي ابيها قال ان شاء الله بتيي

انا كان باقي اسبوعين على ولادتي كنت بالاسبوع ال 38

وما كنت ادري ان الوحده يصير تولد قبل موعدها!!!!!

كنت افكر يصير قبل باسبوع او عقب باسبوع!!!

ما جهزت شنطه البيبي او اغراض الاستقبال!!!

المهم

لمن رجعنا في الليل ريلي نام وانا قعدت اتقلب ما فيني نوم

الساعه 12 والا احس بشي ينزل مني

رحت الحمام ولا طششششششششش ماااي وااايد نزل مني

اهني قمت ارجف

اتصلت باختي قالت لازم مستشفى

اتصلت بالمستشفى قالوا لازم اتيين الحين

قعدت ريلي مسكين وصكرت شناطي بسرعه ورحنا المستشفى

في المستشفى ما سوا لي شي بس حطوا علي التخطيط وقالوا ننطر الدكتوره باجر الصبح شتقول!!

طبعا انا مافيني نوم ولا فيني طلق وخايفه ما نمت الا الفجر

2-5-2011

الصبح يات اختي ولا تقول ما ولدتي؟؟ خواتي ولاداتهم كله قيصري ما يطولون

واختي قالت لريلي روح البيت ارتاح انا اقعد معاها

اختي قالت هل كلمه ما شفت الا غبار ريله حتى ما قال مع السلامه!!!!!

شوي ولا داخله امي، عاد امي مره كبيره وراعيه ضغط وانا وصيت خواتي ما يعلمونها بس علموها

اقعدوا عندي ثنتينهم اهم متوترين وانا متوتره اكثر

فحصتني الدكتوره ولا الرحم مسكر وطلقي خفيف

وخواتي يقولون لي خلاص اكيد قيصري احنا كنا مثلج

كان اصعب يوم بحياتي

تميت من الصبح لليل في توتر ما عرف اش بيصير فيني وريلي ماله حس نايم في البيت

المهم في اليل اهلي راحوا ووصيت امي تسوي لي شاي دارسين

يابوا لي في اليل وتميت بروحي اشرب ولبست دسوس وقعدت اقرى سورة البقرة واستدعي ربي ان يسهل ولادتي واني اولد ولاده طبيعيه وبعد قعدت امشي في الغرفه

في الليل بدت الطلوق شوي شوي

وكنت افرح اقول للنرسات فيني طلق


استمرت الطلوق

بس الم ممكن اني اتحمله

3-5-2011

الساعه 5 الفجر وصل زوجي

ويه دكتور انجليزي حط لي درب طلق صناعي

ودخلوني غرفه الولاده

وكنت مفتوحه 4 سانتي الحمدلله

شوي شوي بدا يزييييييد الالم

قعدت ابجي ابي ابره ظهر

بس النرس مارضت قالت لي ابره الظهر تبطئ الولاده واحنا نبيج تولدين بسرعه عشان ماي البيبي كله نزل

وعطتني كمام قالت شفطيه بحلجج

شفطت منه شفط

وااااااااااو

صج يونس

اشفط واشوف الدنيا تصير سودا وارجع انام

واقعد من الالم واشفط وانام

كانه احط قطني في بحر ولا محيط فيهه تسونامي!!

الساعه 8 قعدت اصارخ بس ماقدر بموت عطوني شي ثاني ابي ابره

النرس بعد رفضت وعطتني ابره في فخذي

وطبعا قلت لها مابي اي احد يدخل عندي وانا اولد حتى ريلي

وعقب سمع ريلي دخل وقالوا له ممنوع ههههههه

بعدين قعدت ارجع وارجع الظاهر من الكمام

الساعه 9 ونص

يات الدكتوره قالت يالله ما بقالج شي نبيج تسوين بوش

انا اسوي اسوي مافي فايده

شقتني

وسوويت بوش واصارخ

والنرسات 2 والدكتوره يهاوشوني لا تصاريخين! لا تصارخين!! مالت عليهم!

واصرخ صرخه قويه وتطلع بنتي فديتها

بس بعد الولاده صادني نزيف

وتالمت من الخياط وايد

بس الحمدلله اني ولدت طبيعي بفضل رب العالمين

اهلي كلهم بالغرفه ومادروا اني ولدت الا الساعه 10

 

[مــتــنــحــة]

الف الحمدالله على سلامتج

والله يسهل علينا وعلى كل الحوامل يارب

 

[لوولوو_88]

واي طيووووب اندمجت معاج الله يخليلج بنوتج يا رب .. والله ابره الظهر نعمه بس في حالات طارئة نفسج ما ينفع لها .. كله بأجره انشالله

 

[قرة عيونه]

الحمدلله ع سلامتج طيبه

والله يحفظلج البنوته يارب ويبلغج فيهاا

 

[~Rou7~]

الحمدلله ع سلامتكم

 

[قرة عيونه]

اب

اب

ان شاء الله مابقى شي وادخل اكتبلكم تجربتي

من اول ماحملت وانا متابعه هالموضوع اخيراً دخلت التاسع وجا الدور علي

 

[لوولوو_88]

يالله بنات عفيا كتبو ولادتكم حمسونااااا

آب آب آب

 

[قرة عيونه]

واخيراً جا الدووووور علي




قصة ولادتي بشيخ الشباب الله يحفظه يارب*

الحمدلله حمداً كثيراً طيباً مباركاً فيه*

موعد ولادتي كان 28/3/2014
وولدت تاريخ 15/3/2014*
الاسبوع 38 ويوم بالضبط*
المستشفى العرف د. منتهى السالم*

كتبتلكم قبل اني رحت يوم الخميس العرف عند دكتوره دعاء لان ماكان عندي موعد عند منتهئ عشان اجيك ع البيبي واسوي سونار يعني موعد عادي وقلتلها تفحصني عشان بولد بسرعه وطلعت 3 سم بس مافيني طلوق كلش فقالتلي ردي البيت وتعالي اذا حسيتي بطلق واسمحتلي اشرب خروع*

بعدها رديت بيت اهلي وماحس باي طلق قعدت احسب وانطر واي عوار يجيني عبالي طلق كلش ماكنت افرق هههههه اخر شي زهقت ونمت لان اكتشفت ان مافيني عوار صجي قلت اذا جاني اكيد بقوم*

بعدها الجمعه بالليل رديت بيتي وريلي كنت موصيته يجيبلي خروع وع 12 ونص شربته مع عصير جوافه*

لا تشوفون اشكالنا قاعدين وننطر الطلق انا وياه وطبعاً ماكو اي شي ههههه جان نزهق وننام بس انا ماقدر انام خلاص كان السبت اخر موعد لتسجيل الروضه تاريخ 15/3 وانا من حملت ادعي اولد قبل هالتاريخ عشان يدخل صغير لوووول الكل كان يضحك ع تفكيري بس ماعلي من احد سويت اللي براسي*
المهم بعد مانام ريلي قمت وشربت خروع مره ثانيه مع عصير سانكست وحسيت بدا مفعوله شوي وبعدين وقف قلت خل انام احسن ونمت الفجر قمت ع 9 ونص وريلي توه قعد جان اقوله ها اشرايك نروح المستشفئ اليوم اخر يوم مادري ليش طاوعني كل مره كان يقولي الصبر زين ههههه*

المهم رحنا الطوارئ قلنا بنقص عليهم اقولهم فيني ولاده عشان يحولوني عند منتهئ لان ماخذت موعد*
وتجيك علي الدكتوره الهنديه مالت الطوارئ ولا تصدمنا 5 سم!!*
انا ماصدقت قلت شنو ولاده ؟ قالت ايي دخووووول ع طول قلت بس انا مافي طلق اكيد دخول ؟ يعني ادق ع ماما اقولها ؟ خفت انهم يرجعوني نفس ماصارلي الخميس ههههه

جان تقولي اكيد ولاده شلون يرجع بيت بعدين يسوي ولاده بالبيت يلا روحي مبروك بعد شوي يصير ماما هههههه انا استانست وع طول سوينا اجراءات الدخول ودقيت ع امي ورحنا غرفة العمليات وودعت ريلي اخنقتني العبره كان بيدخل قالت لا خلاص هني ولاده مايصير وافترقنا: (*

بعدين دخلت وبدلت ملابسي ولبست لبس الولاده وقالت بعطيج ابره شرجيه تذكرت حماتي كانت تذمها تقول تغث اخذي خروع احسن فقلت للسستر لا مابي انا ماخذه خروع وقالت اوك ع مابدلت وحطولي المغذي ومادري شنو كانت الساعه 11 وعشر جان تقولي السستر ماما اخذي كمام عشان تنامين يمكن اطولين قلت يلا اخذه مع اني ماحس بالم الف حمد وشكر لك يارب العالمين بس قلت اخذه عشان يمر الوقت بسرعه*

وطبعاً من اخذته دخلت عالم ثاني صج وناسه بس اللي اذكره كنت اقول للسستر شنو عطيتوني طلق صناعي ؟ كل شوي اسالها ههههه لاني متعقده منه اختي تذمه وكله كتت ادعي اني اولد بطلق طبيعي وعبالي انهم عطوني طلق صناعي يوم سالت الدكتوره ثاني يوم قالت لا ماشاء الله عليج ولادتج طبيعيه وطلقج طبيعي وكل شي تمام*
المهم اكملكم اللي اذكره ان الدكتوره جت وفحصت 6 سم بس ماكنت مركزه معاها فجاه الا اسمها تقول يلا ياسماء وانا كنت اقول دكتوره يعور يعور عبالي قاعده تفحص تعقدت من الفحص ولا طلعت تولدني وانا مو حاسه

فجاه السستر تقعدني كانت الساعه 4 ونص ولا اقولها يلاا خلصوا بوووولد كنت دايخه طبعاً هههههه جان تمسك بطني وتضحك تقول ماما خلاص انتي جبتي بيبي وانا مو مصدقه اقول صج انتي شفتي بيبي انا ؟ امانه قوليلي بيبي انا حلو ؟؟ وهي تضحك ماترد لاني حيل كنت دايخه وكل سستر اشوفها اقولها نفس الشي وقعدوا يضحكون علي وطلعوني من العمليات كنت للحين دايخه مادري انا وين اصلا ولا اسمع صوت زوجي قلت انت مني واقعد ابجي شكوووو مادري ههههههه هو خاف قال شفيج تعبانه قلت لا بالعكس ماحسيت بشي الحمدلله بس ابي اشوفه وينه انت شفته جان يوريني صورته*

هذا اللي حسيت فيه واذكره اما اهلي وزوجي قالوا اني ولدت الساعه 2 ونص يعني تقريبا قعدت 3 ساعه ونص بس بالولاده الحمدلله وقالوا ان منتهئ كل شوي تدخل وتجيك واني طولت شوي وانا 8 سم بعدها فتح 10 وولدت الحمدلله*

اول يوم كان احلا يوووم كنت للحين مبنجه وماحس باي الم ثاني يوم قمت عبالي عادي اقدر اتحرك جان ادوووخ حيل جاني هبوط لاني ماكلت عدل وبديت احس بالم الخياط: (*

اليوم ثالث يوم توني وصلت بيت اهلي للحين الم الخياط يعور بس احس اخف من امس واحس راحت الدوخه شوي

ادعولي امانه يمر الاسبوع بسرعه وافتك من الخياط حيل مضايقني*

والله يسهل عليكم كلكم يارب ويرزقكم بولاده سهله نفسي ونصيحه ع طول ادعوا اللهم يسر ولا تعسر كله كنت اقول جذي وسبحان الله تيسرت ولادتي الف حمد وشكر لك يارب*

واحساسي للحين احس اني بحلم للحين مو مصدقه كل اللي مريت فيه ومو مستوعبه اني اخيراً صرت ام لاحلا ولد بالدنيا فديته الله لا يحرم اي انثئ من هالشعور يارب العالمين

وسوري طولت عليكم بس لاني احب اقرا قصص الولادات بالتفصيل وانا حامل كنت ادورها دواره فقلت اكتب تجربتي بالتفصيل يمكن في بنات نفسي يحبون التفاصيل لووول

 

[سكرررة]

الحمدالله على سلامتج قرة وعلى سلامة الجميع والله يحفظ لكم عياااالكم

اب اب
نبي بعد قصص المواليد اليدد

 

[لوولوو_88]

فديتج قرة فقدناج بعد ولادتج زايد .. ربي يخليلج وليدج و يحفظه ♡

يالله بنات وين قصصكم

 

[مــتــنــحــة]

حياتي قره تهبل قصتج

وفعلا البجر نادرا ماتحس بالولاده كامله يتوصون فيها عدل

انا كانت احلى ولاده عندي بنتي البجر

الباجي لاتعليق

يالله الفال لي ولباقي البنات نقول قصصنا ياااااااارب

 

[ككوته]

قره عيونه الف الف الف مبروووك وحمدالله على سلامتج ويتربى بعزكم ان شاءالله قصتج واايد حلوة الله يسهل على كل حامل يارب