آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~

[غرومه غنوجه]

متابعه .......

 

[جــوريــه]

ايه والله اهم شي ايجااابية

اااااب

 

[@ام يوسف@]

للرفع

 

[yoyo"s mam]

للرفع
يللا يامجربات
انا بكريه واتمنى اسمع قصصكم

 

[.. Ro3a ..]

موضوع حلو

اب اب

 

[Amlly Ent]

بجريه وللحين ماولدت
ادعولي أولد هالاسبوع

ومشكورة عالموضوع

 

[انهآر]

الله يسهل عليكم بنات دعو ل اختي تحمل تكفوووون
وربي يسهل عليكم ي رب

وانا بنت ترى مو طموشه بس ادور خبرات للعل وعسى افيد اختي
ودعو لي بزواج وذريه صالحه

 

[انهآر]

بقولكم قصة وحده من قاربي تووو من شهر والده
دخلت مستشفى ساعه 11 ب الليل حست انو في ولاده ف نومهها بقسم التنويم لما جت ساعه 1 ب الليل جابت بنوته تهبل

طبعااا تقول ماحسيت فيهاااا كنت خايفه متشنجه بس ماتوقعت تكون سهله كذا ههههههه

 

[بنت الثانوية]

تبون بالتفصيل ؟؟؟؟؟؟؟؟

 

[*kim*]

الله يسهل على كل حامل ولادتها

ماودي اكتب قصص ولاداتي لاني اقعد 3 ايام بالمستشفى طلقي بارد والم وعوار والرحم مايفتح بسرعن

الله يسهل علينا يارب

 

[~Rou7~]

الله يعطيكم العافيه
ردودكم تونس
الله يسهل على الحمل ان شاءالله ونسمع قصص حلوة
وياليت بالتفصيل

 

[~Rou7~]

كيم انتي نفسي بس انا ماجاني طلق رحت مافيني شي وحطولي طلق صناعي وكنت مطوفه اسبوعين
ان شاءالله هالمره طلق طبيعي

 

[بنت الثانوية]

احم احم



اول ولاده لي كنت مسويه ربط ..

كنت قاعده في بيت اهلي بعد الساعه 12 بالليل ضايق خلقي ,, قلت خالأروح اسوي تخطيط انا كنت بالسبوع ال36

دقيت على اخوي اقوله ها فيك طلعه ,, جان يقولي حدي دايخ بس وين ناويه تروحين بهالليل .. عاد انا انحرجت قلت لا بس حسيت بعوار خفيف

قلت اروح اسوي تخطيط وانا اصلا ما كنت حاسه بشي ..

اهو من الخرعه قالي قعدي امي انا ناطرج بالسياره ويبي بطاقتج ,,

المهم بعد السالفه صارت صجيه قلت يلا خالأروح .. طبعا كانوا بيفحصون وانا رفضت قلت سوولي بس تخطيط (مستشفى العدان)

سوولي تخطيط وطلع فيني طلق .. بس ماكان قوي ,,

وانا ناويه كنت افتح الربط اب بنج كامل ,, طبعا الحكومه انسى هالموضوع ,,

بعد ما تنرفت من نفسيتهم الواااو

وطلعت على طول ورحت مستشفى لندن على الساعه 3 ونص يمكن .. وقلتلهم ابي افتح الربط اب بنج كامل ,, وعلى ما خلصت التحاليل قالولي ان الدكتور يوصل الساعه 7 قلت اوك .. ونطرته بالغرفه والساعه سبع ونص انا بالغرفه وطقوني الابره وقعدت الساعه 8 ونص على ما اضن ,, وقالولي انتي مفتوحه 3 سانتي !!

طبعا انا كنت مصدومه نوعا ما ما توقت ان السالفه بتكون صجيه ,,انا ما كنت اصلن حاسه بشي يوم رحت الطبيب من الاول

وكل شوي السسترات ايون يقولون لي لازم ندخلج ولاده وانا اقولهم مو الحين وضليت لي الساعه 2 قلت خلاص خالأروح الحين ,,

طبعا طلعت حق لسسترات قرون كل شوي يبون يفحصون وانا من الخوف اقول مابي ,

بس طبعا حكم القوي على الضعيف وتييلج هالسوده وتفحصني هههههههههه ولا مادري جم مفتوحه نسيت وكانوا مركبين لي طلق صناعي وزادوا لي اياه .. وبعد مادري اشكثر يات الدكتوره الساعه 4 يمكن وبطت الماي وقالتلي اني الساعه 5 والده.. وراحت ..

والنكته السستر السوده يايتلي تقول بعدين يجي دكتوره يقول بوش انتي سوي وتسوي حركه وبويها تقول جذي نفس كاكا (انا اهني بطيتها ضحك ) ههههههه

وصج يات الدكتوره مع السسترات وريلي بعد كان يمي ..اقوله اقرالي سورة مريم يقولي مالي خلق تدرون شنو احتريت وانا اولد ..بعدها طلع ورد معاه القرآن وقعد يقرا يم راسي يقول على ثاني سطر وهو يقرا الا انا والده ..

وحطو عاد ولدي على صدري وانا و مستوعبه شكله احس جنه وصخ بس حسيته دافي شعور حلو لين اتذكر الموقف .. بس بوقتها بصراحه كان لايع جبدي .. مو مستوعبه ان ياهل

وبعدها انهرت وبس قعدت اقول الحمدالله والشكر ما اذكر قلت اي شي ثاني ودشت امي واختي باركولي وانا بس اقول الحمدالله والشكر ولا رديت عليهم .. وشفت اخوي عند الباب بس ريلي قاله لا تدش

وبعدها عطوني الابره السحريه ونمت ,, وانا كنت موصيه زوجي ان محد يدخل غرفة الولاده بس انا الغبيه اني ما وصيت الدكاتره لأني اكتشفت ان العايله كلها دشت غرفة الولاده حتى عمي ابو ريلي دخل .. الا اخوي يعني اوقفت عليه جان خليته يدخل بعد ههههههههه

والحمدالله السهاله من رب العالمين ,, ادعي ورا كل صلاة ان الله يسهل ولادتج ..وعليج بسورة مريم ,,

انا ولادتي الاولى الحمدالله كانت سهالات يقولون ولادة البجر اسهل ولاده ,,

والله يثبت حملكم ويسهل عليكم ويرزق الي تبي الحمال بالحمل الثابت والذريه الصالحه ان شاء الله ,,

اذا تبوني اكتبلكم ولادتي الثانيه قولولي ..

 

[بنت الثانوية]

وخالأقولكم شي ,, ريلي مو انا قلتله اقرالي سورة مريم ,, قالي مالي خلق ,,
وطلع بره حق امي يقولها ,, بنتج تقولي اقرالي سورة مريم انا مو حافظها شسوي ,, واني تقوله يعني منو عندنا حافظها المسك القرآن واقرا ,,

عاد عقب ما قعدت من البنج ولا اخوي مصور ريلي واهو يقول حق امي انه مو حافظها ..

قلتله شفت شلون لو اخوي مو مصورك جان بضل شايلتها بقلبي عليك بس دليل برائتك مصور..

.. بس عقب الولاده بصراحه تعب مع ان الولاده نفسها كانت سهالات والحمدالله والشكر لك ياربي

 

["*آآآنؤؤؤقهـ*"]

اب


اب


بنت الثانويه الحمدلله صج السهاله من الله


قولي ولادتج الثانيه شوقتينااا

 

[بنت الثانوية]

ولادتي الثانيه الله يسلمكم ويسهل ولادتي ويثيت حملكم ويسهل عليكم ولادتكم ويرزقكم

كانت تيني طلوق ,,وساكته على روحي ومتحمله يمكن يومين بس خفيفه مو العوار الي يبجي ,,

وكنت نايمه وقعدت الساعه ثلاث الفجر حسيت بعواار مادري شلون صاير قلت يمكن الياهل يرفس

وقعدت الساعه 6 كويت ملابس ريلي مالوت الدوام وراح الدوام وشبكت على كويتيات ,,وفيني عوار وساكته على روحي قلت لا عادي .. الساعه 8 حسيت بشي مادري شلون صاير مع ان ما نزل دم ولا ماي ,, وخفت ادق على امي واخرعها (وآخرتها درت واخترعت زياده لو قايلتلها انا احسن ) ومابي اقول حق خالتي لأنها على طول راح توديني الطبيب قلت خالأتحمل شوي ,,.وانا جباانه بشكل مو طبيعي حتى السونار العادي مو الداخلي العادي الي على البطن أخاف منه

يعني كنت ناويه اسويها واولد بروحي اظاهر ... مادري الكوره الي براسي بشنو كانت تفكر هههههههه

المهم وادق على زوجي اقوله ترى انا شكلي قاعده اولد ,, يقولي عن الاستهبال مو ناقصج من الصبح ترى حدي لايع جبي ..

قلتله والله انا قاعده اولد يقولي نزلي حق امي بسرعه اقوله مابي خايفه ,,يقولي زين يلا صكري التلفون

بو اقل من 5 دقايق ولا خالتي صاعدتي تقولي لبسي اقولها مابي اروح تقول ما يصير تبين تولدين بالبيت يعني ..

قلتلها زين الحين البس ..

وتوديني الطبييب الساعه 8 ونص دشيت عند الدكتوره بمستشى الامومه ,,

وتحاول فيني الدكتوره ابفحصج لا مابي .. تقول شلون اولدج اقولها مابي ابي قيصري ,, يا بنت الحلال بدلي فحص صغير ,,

لا السالفه طقت اب بالي ,, ويبلش موال الصريخ مابي فحححححححححححص وريلي يدقلي يخليهم يفحصونج ما راح يطولون

وأبلش تهستر

مابي ,, انت ما تحبني ,, يا رب خذني مابي الفحص .. وامي بعدها تدقلي وتسمع صوتي ولا تقعد تبجي ..وانا ابجي وخالتي والدكتوره توهقوا ههههههه وبجي ..

جنه ياهل يصارخ يقول مابي اروح المدرسه ابي اناااااااااااااام خخخخخخخخخخخخخخخخخخخ
ويحاولون وماكو فايده سولي تخطيط ولا مبين عندهم الطلق قوي .. شوي ما شوف الا هجوم الدكتوره وسسترتين هالكلام يمكن الساعه تسع ونص,,وثنينهم يمسكوني وتفحصني الدكتوره غصب ولا مفتوحه 7 سانتي

وصعدت الولاده ويبلش عوار الطلق ويصعدوني ويحطون لي الكمام واشم لحد مانمت ماطولت وايد بس بعدها حسيت بشي من الكمام كل شي صار كبير الصوت صار عالي السستر يمي كان في قرطاس قاعده تعفسه اسمعه جنه زلزال تضايقت من هالشعور ودنيت الكمام عني طبعا من غير لا احس لين رديت لوضعي الطبيعي ..

شوي ولا تيني الدكتوره وابلش مره ثانيه مابي مابي ..

بس الدكتوره هالمره عرفت صرفتها معاي من اول شي خلتهم يمسكوني .. وبطت الماي وطلعت الياهل بنفس الوقت ..

طبعا في شي مريت فيه بس مادري هم شلون صاير تصدقون شفت نفسي وانا اولد مو شفت روحي انا لا شفت داخل جسمي والله مادري شلون ولا يمكن اثر البنج شفت الماي وهو ينزل وشفت الياهل يطلع بس انا اساسا كنت مغمضه عيوني بس يوم شفت الياهل قام يطلع حسيت ارتحت ما قمت احس بالعوار اصلا ودعيت حق اختي وانا اولد ..

واللله مادري شلي صار وقتها ,,


والحين نرد حق محور حديثنا .. بطلت عيني ولا على بجي الياهل ,,ماشوف إلا في كانوا دكاتره انا عادتا لين اشوف دكتور اصرخ عليه ما حب دكتور بغرفة الولاده ما حب الريايل بس بذيك الحاله والله ولا قلتلهم شي

وكنت مسويه سونارات بس موصيه الدكاتره ما يقولون لي شنو فيج

فقلتهم شنو يبت ولا يقولون احنى بنضف البيبي طبعا بنفس الغرفه ولا اييبه يقولي انتي جبتي ولد مبروك ..اديله بوسه بسته ولا اقوله حيوان ليش مادري هههههههههههههههههههههه

وبعدها عطوني الابره السحريه ونمت

وظليت يمكن ساعه بغرفة الولاده انام واقعد سكرانه مادري شقول

اذكر مره من المرات خالتي وامي دشوا علي .. امي قالتي يبتي ولد قلتلها ,, شفته حيوان كلب عورني هههههههههههه

واذكر بعد اختي دشت بروحها باركتلي تقولي شحلوه يشبه اخووه

واذكر بعد دقيت على ريلي مادري شنو خرفت على راسه ,, يقول كان ودي لو اني مسجلج جنج مخمره خخخخخخخخخخخخخخخخخخ

والله اذكر اشكثر نمت وقعدت

ولدت الحمدالله على الساعه 11

والله ان شاء الله يسهلي ويسهلكم ولادتكم ويرزق كل من تبي الضنا بالذريه الصالحه وكل وحده فيكم تقول لنا قصة ولادتها

انتظرونها في الجزء الثالث ب شهر 9 ان شاء الله هههههههه

 

[Perfume]

انا كنت بالاسبوع ٣٨ توني باول يوم منه قمت الساعة ٧ الصبح بروح الحمام والا اشوف دم ينزل مني دقيت على ريلي قالي اذا صار شي او ياج عوار دقي علي بسرعة بعدها دقيت على امي قالت لي هذا بداية الطلق بس يبيله وقت على ما يزيد
ظليت للعصر بس ينزل مني دم خفيف بدون الم قلت بروح حق دكتورتي احسن
رحت العيادة حطوا لي تخطيط قالت في طلق خفيف وانا مو حاسة بشي ، يت الدكتورة وفحصتني قالت مو مفتوح ولا سانتي بس راس الياهل نازل وايد يعني باجر احتمال تولدين
قلت يالله خل اروح اسوي بدكير ومنكير عشان باجر لما اييني الطلق اكون زاهبة
خليت ريلي يوديني وانا هناك احس بمغص في بطني قلت اكيد محتاجة الحمام ، خلصت الساعة ٧ الا ربع وطول ما انا في السيارة اييني المغص
اشترينا عشا وردينا البيت عالثمان وانا آكل لقمة وانسدح عالقنفة واقوم آكل شوي وانسدح مرة ثانية
صارت الساعة ٨ ونص تقريبا وزاد العوار وخالتي خافت قالت حق ريلي خنوديها المستشفى احسن
وريلي يقولي هذا طلق ؟ اقوله مادري يقولي اوديج المستشفى قلت له لاااااا
قوموني غصب ووصلنا عالتسع فحصتني السستر الهندية قالت ٣ سانتي ، وانا بمووووت من الالم بس ما اصارخ بس اصيح
عقب نص ساعة يت سستر ثانية قالتلي شكلج وايد تتألمين خل يفحصونج مرة ثانية قلت لها لاااا توه فاحصيني ومابي هذي الهندية عورتني حيل
قالت خلاص انا افحصج ، فحصتني والا ٦ سانتي قالت فوق يالله ولادة
وانا اصيح واقول لامي تعالي معاي
بعدين قلت لهم ابي الحمام قالت نفحصج اول ، فحصتني والا ٨ سانتي قالت لا خلاص سوي هني عالسرير وعطتني ابرة pethidine الكل كان يقولي تخدر بس انا ماااحسيت بمفعولها كلش ولا اثرت فيني
على الساعة ١١ حسيت بالضغط وانه الياهل يدفع قمت اصارخ قلت لها بيطلع قالت دفعي مع دفع الياهل
سبحان الله لا ارادياً تدفعين ، وبعد كم دفعة طلع الياهل وحطته على صدري وانا خايفة اقول لها شيلييييه
شالته عشان تفحصه وتوزنه وشفت خط ازرق على رقبته قالت انه سحب الحبل السري والتف على رقبته بس الحمد لله بسرعة شالوه
بعدين دفعت جم مرة وطلعت المشيمة وخيطوني وخلصت
والحين ولدي عمره ٨ شهور الله يحفظه
الولادة مو سهلة طبعاً بس الحمد لله كانت سريعة يعني ولدت في ساعتين والطلق كان وايد حامي ومافي فجة بين طلقة والثانية
انا كنت انتظر مجال بين الطلقة والثانية عشان استريح بس ماكو ولدي مستعيل

 

[ام بروقه]

الحمدالله والشكر ,, الله يخلي لج ولدج ويحفظه لكم ان شاء الله

 

[yoyo"s mam]

ماشالله تجاربكم يابنات تشجع الحمدلله
ربي يجزاكم الف خير
عني وعن كل بكريه خايفه هههه
ياارب تشوفون اولادكم معاريس

 

[~Rou7~]

بنت الثانويه الله يخليلج عيالج ويفرحج فيهم
قريت ولادتج الاولى برد اقرا الباجي
اما زوجج بصراحه خخخخخخخخخ ياحليله ابتلش

ماشاءالله